موضوع ما قبل الكشف لو أحد حاب يسترجع الذكريات (&):
الموضوع الرسمي - حفل سلسلة Kingdom Hearts
السلام عليكم ورحمة الله وبركاته تم الإعلان اليوم عن موعد حفل الخاص بذكرى مرور 20 عام على سلسلة Kingdom Hearts. والذي سيكون بتاريخ 10 أبريل من هذا العام. أي بعد 13 يوما من يوم الذكرى الفعلي للسلسلة. الحدث سيحتوي على حفل موسيقى صغير، ومحادثات مع فريق التطوير وفقرة الأسئلة والأجوبة معهم. لكن...
www.true-gaming.net
متى توقعون نشوف عرض ثاني لها ولأي درجة متحمسين حق الآرك الجديد؟
هل ريبيرث زادتكم حماس؟ عاد هالمرة بتكون لعبة نومورية عالآخر أكثر من ريبيرث فاستعدوا.
العجيب واللي شادني حيل للحين ان نومورا قلب توجها الفني من كرتوني وألوان فاقعة إلى شيء مختلف تماما أكثر جدية وواقعية حتى من ريبيرث بنظري! شلون هالشيء صار هني بس مو مع ريبيرث مادري (&).
من العرض فيها توزيع جدا جميل للألوان وتدرجاته وصارت تعطي فايب فلم Advent Children وكأنها التتمة الروحية حق ذيك الأجواء النومورية من 2004-2005. التوجه الفني بالعرض طالع حق شيء أكثر فاينل فانتسي وأقل ديزني بس أتمنى ما يكون علشان Marvel والأصدقاء. ستار وورز هو حدنا أفضل ولا شرايكم؟ (&).
فالغالب هالتوجه بس حق عالم Quadratum، اللي بيكون Hub Area اللعبة. يظل توجه شاطح غير متوقع للسلسلة وهذا اللي يشد ويخلينا نفكر بحماس شلون باقي العوالم بتكون وهل الرسومات على كلامهم فعلا بتتحدى أقوى ألعاب حزتها؟
أتموسفير خارق بس القوائم لونها غلط لول. أهم شيء لا ناكل مقلب نفس ما صار مع Kingdom Hearts 3. وقت الكشف شيء مع توجها الفني بس تغير علينا لشيء بلاستيكي وما كان بجمالية KH1 و KH2 (&).
نسخة 2013 كانت الأجمل وأشوفها المثالية حق التوجه القديم للسلسلة. بس لأنها تغيرت من محرك Luminous إلى Unreal Engine ومشاكل كل شيء صارله داونجريد.. مع IV والنقلة من UE4 إلى Unreal Engine 5 الأمور المفروض أسهل ان شاء الله. متخوف بس متفائل لأن الفريق اكتسب خبرات وكون عوالم KH بتكون كبيرة بس منفصلة فيعني الGame Design بيكون Friendly مع الرسومات.