hits counter

الموضوع الرسمي ماراثون لعبة الأجيال Grand Theft Auto

#61
قبل فترة كنت اللعب GTA SA على الـ PS2 وجربت طور الملتي بلاير فيه ( تلعب مع خويك بشاشة وحدة فقط ) بس وناسة فعلا :grinning:

ابي العب لكن حاليا ماعندي ولا جزء :(

حمل من النت واللعب اغلبهم يحملون على اساس ان عندهم كل الاشرطة
:satisfied:


بالنسبة للجزء الرابع بما اني ختمته واسمتعت بطور الاونلاين فيه الا اني اشوفه تعيس مثل الثالث
 
التعديل الأخير:
#62
أفضل مهمه في السلسله !

[video=youtube;gHXWuF5YXZY]https://www.youtube.com/watch?v=gHXWuF5YXZY[/video]

ياخي الـ Voice Acting مجنون !!!!

الشوتنج مجنون خصوصا لمن يرمي الدوريه !!!! واقعيه من اروع مايكون الفيزكس :heart_eyes:

والاسمر في الدقيقه 4:10 هذا شخصيه The Ballad of Gay Tony
 
#63
^
يا اخي نظام الاوتو شوتنج , عقيم وضيع روح التحدي في هذا الجزء , قمه في الغباء , كاميرة كتف واوتو في نفس الوقت ؟ يا اخي في قرارات في الجزء الرابع تبط الكبد , انا ولا مره لعبت جي تي اي 4 بالاوتو , حتى مع الاضافات ما سويتها
 
#64
^
يا اخي نظام الاوتو شوتنج , عقيم وضيع روح التحدي في هذا الجزء , قمه في الغباء , كاميرة كتف واوتو في نفس الوقت ؟ يا اخي في قرارات في الجزء الرابع تبط الكبد , انا ولا مره لعبت جي تي اي 4 بالاوتو , حتى مع الاضافات ما سويتها
لا انا اتوقع فيه شيء غلط او Mod لان يوم لعبتها ماكان بهذي الطريقه الغربيه/المزعجه !!!

او يمكن Auto انا مادري عن موضوع الاوتو لاني العبها عادي وكان حلو وتمام :thumbsup:
 
#65
^
يا اخي نظام الاوتو شوتنج , عقيم وضيع روح التحدي في هذا الجزء , قمه في الغباء , كاميرة كتف واوتو في نفس الوقت ؟ يا اخي في قرارات في الجزء الرابع تبط الكبد , انا ولا مره لعبت جي تي اي 4 بالاوتو , حتى مع الاضافات ما سويتها
طفيه .. المووضوع جدا بسيط المطور عاطنك مجموعة خيارات للشوتنج وانت تختار اللي تحبه ويناسب طريقة لعبك
 
#66
الأوتو يصير إذا كبست على زر التصويب لأخره

طفيه .. المووضوع جدا بسيط المطور عاطنك مجموعة خيارات للشوتنج وانت تختار اللي تحبه ويناسب طريقة لعب
حتى القيادة اللي ينتقدوها بعض الناس تقدر تغيرها من الإعدادت، ناس كثيرين ما أصابو النقطة الصحيحة اللي خلت جتا4 مملة
 
#67
الأوتو يصير إذا كبست على زر التصويب لأخره



حتى القيادة اللي ينتقدوها بعض الناس تقدر تغيرها من الإعدادت، ناس كثيرين ما أصابو النقطة الصحيحة اللي خلت جتا4 مملة
كيف يعني تكبس عليه لأخره ؟ اول مره اسمع فيها ؟ انت تقصد في حالت لمن اطفي الاوتو ولا لا ؟

تغير في القياده ؟ ايش التغيير بضبط ؟
 
#68
^
لأ، لما تكبس على الـ L2 في كنترول البس 3 مثلاً في مجال تكبس عليه بأكمله أو على خفيف، إذا كبسته على خفيف برضو يعطيك المجال لقيادة هادئة :thumbsup:

ما أدري سمعت عنها ولقيتها في الإعدادت بس ما أهتميت بتجربتها لأن القيادة عاجبتني
 
#69
شريت جي تي اي ساندرياس على الPS3 من الاستور الامريكي , جالس يحمل حاليا , احد جرب اللعبه على البلاي3 من قبل ؟

أفكر اخلصها قبل لا ادخل في جي تي اي5 :heart_eyes:
 
#70
قياده GTA IV للفوز !!

والله استمتع فيها جدا واستانس إذا كان فيه مشوار طويل وادخل المنعطفات بسرعه واحتراف

أجدها مت اروع مايكون ومتميزه عن باقي الألعاب الاركيديه التبكال !

أتمنى الحزء 5 نفس الشيء وبتحسينات بسيطه مثل الإحساس في السرعه وردة فعل الدوسه من الصفر
 
#71
شريت جي تي اي ساندرياس على الPS3 من الاستور الامريكي , جالس يحمل حاليا , احد جرب اللعبه على البلاي3 من قبل ؟

أفكر اخلصها قبل لا ادخل في جي تي اي5 :heart_eyes:


عندي سان اندرياس على ال360
طالعه بوضوح وألوان حلوه
اللعبه فعلا playable على الجيل الحالي
 
#72
جي تي اي4 ثالث أفضل قياده شفتها في الفيديو جيمز مع درايفر وفورزا

يكفي تشوف فيديوهات لناس ايش تسوي في النت ولأي مدى اسطورية الفيزيائيه في اللعبه , شي مجنون قسم بالله

بس لو يسرعون القياده شوي يصير بيرفكت

عندي سان اندرياس على ال360
طالعه بوضوح وألوان حلوه
اللعبه فعلا playable على الجيل الحالي
جزء سان اندرياس تبع الاكس بوكس الأول كان ممتاز جرافكسيا

انا حاليا أحمله على البلاي3 الي اتوقع انه مجرد بورت غير محسن من البلاي2 >_>
 
التعديل الأخير:
#74
زمان عن الموضوع بس هايب الجزء الخامس متملكني ومو مخلني انسى اني للحين مرتكب جريمة اني ما انهيت الحلقات الاضافية
انهيت الاضافة الاولى لاست اند ديماند .. على عكس القصة الاساسية .. هذي مبنية حوالي عصابة حقيقية فاغلب افعالك فيها منطق
لما واحد يعطيك مهمة تحس انها فعلا ليها منطق .. مو بس كأنك جزار روح اقتل فلان وعلان وانت سمعا وطاعة مثل القصة الاساسية
فيها كم (( تويك )) عن اللعبة الاساسية من خلال بعض المهمات الجانبية .. بشكل عام كانت افضل خصوصا من ناحية قيادة الدراجات النارية
ما اتذكر الا مرات قليلة مشيت سيارة عادية من جودة قيادة الدراجات النارية

فيها شي جديد / قديم .. في المطاردات في القصة الاساسية انت دائما اللي تمشي السيارة .. هالمرة فيه كم مهمة انت الراكب
وانت اللي تقوم بدور القتل والتفجير والتدمير .. شي افتقدته بشدة في القصة الاساسية .. بشكل عام كاضافة كانت رائعة جدا
الشي اللي ما عجبني الظاهر انهم حاطين فيلتر او شي مخلي المدينة دائما مايلة للبني .. المهمات اكثر تنويع
واكثر دموية وتفجير .. لكن لا زال فيه شي روكستار ما صادوه .. الاستمتاع .. وحس الفكاهة وهذا يدخلني الى الاضافة الاخيرة

========

من خلال الاضافات تحس ان روكستار .. فعلا تحاول بقدر الامكان تستمع الى السلبيات .. وتحاول تتجاوزها وتحاول تصلحها
فرق كبير بين القصة الاساسية والاضافة الاولى من ناحية توزيع المهمات او حتى اضافة نقاط check point .. بدل ما تعيد القيادة من الى
اضافوا معنى حقيقي للمهمات لما خلوك عضو في عصابة .. وطبعا ما يحتاج اتكلم عن الابداع في عملية الدمج مع القصة الاساسية
بتشوف اغلب شخصيات القصة الاساسية بمراحل معينة باللعبة لكنهم مو بدور لا رئيسي ولا ثانوي بتحس انك في عالم ليبرتي سيتي

الااضافة الاخيرة .. عن الشاذ توني .. المفروض انها تزيل كل مخاوف اي واحد عن الخامس .. واو .. حبنا الى جراند ثيفت
راجع الى قدرة مبدعي روكستار على (( الهزل والاستهزاء )) من واقع الاجرام الامريكي .. بمسلسلاته او افلامه
جراند ثيفت ما كانت عن تقديم عالم الجريمة الواقعي بتفاصيله والمؤامرات اللي فيه وفساد الشرطة او ما شابه
كانت مثل الكوميديا السوداء الساخرة عن هالعالم .. وهذي الاضافة نجحت في هالشي

المهمات ممتعة متنوعة ساخرة .. شخصية البطل - لوبيز - وشخصية رئيس الشاذ توني .. واااو من افضل الشخصيات اللي شفت روكستار تقدمهم
المهمات الجانبية .. تخليك تستكشف ليبرتي سيتي .. وتستكشفهم بمتعة .. وتحصل وراهم مقابل .. في اللعبة الرئيسية مثلا
مطلوب منك تقتل اهم 25 مجرم - لما تهكر سيارة الشرطة - بلا جائزة حقيقية في اللعبة .. بينما في السابق مثلا هالمهمات تعطيك درع دائم
او تزيد قوة الدرع او تخليك مضاد للحريق مثلا - اذا انهيت مهمات سيارة الاطفاء - هالشي اختفى من جراند ثيفت 4
هالاضافة اعادته .. فصار عندك دافع الى انك تنهي المهمات .. لان بتحصل مقابل حقيقي ملموس مو مجرد تروفي

المهمات الجانبية - مثل مهمة المخدرات - كانت الشي المفقود في القصة الرئيسية .. مهمات تخليك تستكشف المدينة تروح لاماكن مجهولة
او اماكن المهمات الرئيسية ما تقدر تغطيها .. مع اني للحين في 15 % بس في هالاضافة لكن مطمئن جدا جدا للخامس بعد اللي شفته
التطور في السلسلة من الرابع لكل اضافة شي جميل جدا .. يحسسك ان المطور موجود يسمع انتقاداتك يتفهم نظرتك لمنتجه وليش انت تحبه
مع انهم في الرابع حصلوا على تقاييم استثنائية وعشرات يمين ويسار .. لكنهم ما توقفوا عندها كثير .. الاضافات كانت عبارة عن رسالة تقدير من المطورين للجمهور
عمل كبير جدا جدا من روكستار .. برافو .. والى مواصلة الرحلة مع لوبيز وتوني :relaxed:
 
#75
كلام جميل فيمتو :clap:

أنصحك تلعب Chinatown Wars إذا مالعبتها لحد الأن، هاللعبة خليط ممتاز بين GTA الكلاسيكية والحديثة; جمعت مميزات كثيرة من مختلف أجزاء السلسلة في لعبة واحدة وأضافت عليها ميزات جديدة، يمكن تشوفها GTA سطحية من الصور ولكنها GTA متجددة ومليانة حاجات تسويها ولعبة بالمجمل بتفاجئك بمستواها. ما أنكر إن هاللعبة وحدة من الأسباب اللي تخليني أثق ثقة عمياء في GTA V
 
#76
كلام جميل فيمتو :clap:

أنصحك تلعب Chinatown Wars إذا مالعبتها لحد الأن، هاللعبة خليط ممتاز بين GTA الكلاسيكية والحديثة; جمعت مميزات كثيرة من مختلف أجزاء السلسلة في لعبة واحدة وأضافت عليها ميزات جديدة، يمكن تشوفها GTA سطحية من الصور ولكنها GTA متجددة ومليانة حاجات تسويها ولعبة بالمجمل بتفاجئك بمستواها. ما أنكر إن هاللعبة وحدة من الأسباب اللي تخليني أثق ثقة عمياء في GTA V
لعبتها ووصلت نسبيا بعيد وحسيت بملل مو طبيعي بالبداية تحس انها متجددة بعد فترة بسيطة يتحول الاحساس الى ملل بس ما انكر كمستوى كتابي كانت مضحكة جدا جدا مستوى الكوميديا فيها محشش
 
#79
chinatown wars هو أفضل جزء عجبني !!! أحس الجيمبلي سريع وممتاز لايفوتك يا فيتو
لعبته ما استهواني مثل الرابع ومشتقاته وحاليا احس اي دقيقة العبها بالمحمول مضيعة لوقت الجيمنج اللي عندي ... قبل 3 سنواتي كانت وظيفتي مبنية حوالي السفر كان المحمول اكثر شي يناسبني حاليا وضعي اكثر استقرار ولهالسبب للحين ما اخذت الڤيتا
 
#80
@veeto

كلامك كافي ووافي عن الDLCs
حمستني للإضافات مع أني محللهم ٪100 وقضيت ساعات في التجول بين المهمات

بس ماقلت ، وش رايك في الvoice acting ??
 
#81
@veeto

كلامك كافي ووافي عن الDLCs
حمستني للإضافات مع أني محللهم ٪100 وقضيت ساعات في التجول بين المهمات

بس ماقلت ، وش رايك في الvoice acting ??
توني مذهل لوبيز ما عجبني احس نبرة صوته مو مميزة.. بشكل عام السلسلة رائعة جدا في هالجانب
 
#82
حاليا العب Vice City حملتها من الستور.
هي تعتبر الافضل بالسلسلة حتى الان و الثيم حقها يكفي. بحاول اكملها 100% قبل جتا 5 تنزل.