Good Hunter
True Gamer
اسمها فك حصرية برضو، شيء حصري صار مش حصري، تقول قرار شركات؟ ليش قررت الشركات تفك الحصرية للجهاز ذا ومش الجيمكيوب ولا الوي ولا الأويا؟ عشان الشغل اللي عملته مايكروسوفت ونجاحها، لو جهاز فاشل ما بتفك حصريته له، اذن اجتهاد مايكروسوفت جاب نتيجة هنا.
تقول مايكروسوفت ما فكت حصريات ايام ال360؟ هي قاعدة تسوي هالشيء بشكل واضح الحين مع الجيم باس، تسوي عقود واضحة مع الشركات بسبب هالخدمة ومنها في العاب كانت حصرية زمان -او موجودة بكل المنصات ما عدا الاكسبوكس- وصارت تجي للاكسبوكس الحين، يعني يكفي تسريب عقد شراء سيجا من فترة بسيطة اللي كان بند واضح فيها، العابها تظل ملتيبلاتفورم، بس الالعاب اللي كانت حصرية زمان تجي للاكسبوكس الحين....اسمها ايش؟ فك حصرية.
وأنا أشوف اسمها مش فك حصرية هذي احسها لغة حارة او منتديات يحسسني ان مايكروسوفت تقول كذا " يالله مشينا يا عيال نفك امممها"
ولكن السيناريو اللي يحصل كالتالي.
كل الشركات تدخل في محادثات مع المطورين والناشرين في جلب نسخ من العاب الطرف الثالث لجهازها.
اللي حصل انه في جيل ال PS3 سوني بكل بساطة ما كانت تهتم لأنها داخلة الجيل بخسارة مليارية ومشاكل تطوير، ناهيك عن اخلاقيات سوني ذيك الفترة وعجرفتهم الزايدة عن اللزوم؛ يتوقعون انه الالعاب بتكون حصرية على جهازهم باختيار من المطورين انفسهم بدون ادنى مجهود.
اللي حصل انه الاكس بوكس 360 كان صاعد في في السوق وخصوصا في السوق الامريكي؛ الجهاز كان موجود بيوت امريكية اكثر من جهاز ال PS3 الغالي اللي كان يعاني. " فف١٣" نزلت بالسوق الامريكي فقط ل ٣٦٠ مما يؤكد أن القرار استراتيجي بحت لأهمية هذا السوق مقارنة مع السوق الياباني.
ما كان فيه أي Incentives من سوني للشركات ولا أي عقود ل DMC4 او Tekken 6 او حتى FF13 او حتى الحصرية الى يومك MGS4.
احتكار الالعاب على منصة ال PS3 آنذاك كانت ضرب من الجنون والشركات حذت حذو التوسع والوصول لجمهور أكبر لسلاسلها في السوق الامريكي، حتى الالعاب صارت فيها تغريبية امريكية وبعضها تأمركت تمامًا. ما ادري كيف MGS4 صملت ذاك الوقت.
هل هذا يعني ان مايكروسوفت ما تطلب نسخ من الالعاب لجهازها؟ من يوم دخلت للسوق وهي تطلب لكن فرصة حصولها على نسخ من اي لعبة في ذلك الجيل كانت سهلة جدًا. كل المقومات في ذلك الوقت تخلي تعدد المنصات خيار سهل ومثالي ومنطقي.
هذاك كان نهاية زمن الحصريات. يعني حتى نينجا قايدن وبورتال ٢ نزلت على ال PS3. محد انتفض وسماها " فك حصرية"
الإصدار المتعدد في ذلك الوقت كان استراتيجية لجأت لها معظم الشركات، يعني حتى حصريات ال Xbox من الالعاب الغربية صرنا نشوفها على البلايستيشين من الالعاب الغربية والتصويب وخلافها.
بايوشوك وابليفيون وماس ايفكت والعاب أخرى ثانية كلها ما لبثت طويلا الا وصار لها بورت على الجهاز المنافس.
السالفة ما تختزل في فك حصرية ومشينا نفك ابوها.