Good Hunter
True Gamer
السلام عليكم .
فيه العاب كثيرة تلعبها وتعجبك وتكتشف ان مافيه احد يعرف عنها غيرك .
وهذا لا يخرج عن احد امرين اما ان اللعبة سيئة وذوقك خايس وتشوفها في عينك غزال لسبب ما , او ان اللعبة حلوة فعلاً لكن مالها حس وسط زحمة الالعاب الاخيرة .
انا جاي اليوم اتكلم عن لعبة اعتبرها في قائمة ال Top 10 بالنسبة لي في العاب البلاي ستيشن 1 لكن ما عمري شفت احد يتكلم عنها ومالها وجود في قائمة افضل العاب البلاي ستيشن ولا حتى في مواضيع ذكرى البلاي ستيشن ولا سبق تكلمت عنها مع احد وعرفها .
اللعبة اللي طحت عليها بالصدفة يوماً ما على جهاز البلاي ستيشن وكانت بمثابة الحب من اول نظرة هي :
سايلنت بومبر من نشر Bandia Studio 3 انذاك ومن تطوير Cyberconnect صدرت في الغرب عام 2000 وقبلها بسنة في اليابان . وتوفرت في عام 2006 في ستور البلاي ستيشن الياباني فقط .
لعبة Action رائعة جداً و Fast-Paced بشكل ما شفت مثله في ذلك الوقت , اقدر اقول ان اللعبة كانت فيها من ميتل جير نوعاً ما خصوصاً من ناحية المظهر وجو اللعبة العام .
هذا وصف من مراجعة جيم سبوت لها :-
What happens when you take Metal Gear Solid, Bomberman, Trap Gunner, and Soukyugurentai and lock them in a room with a bottle of wine and three loaves of bread? In about nine months you get Silent Bomber, an unnaturally kick-ass action game
فكرة اللعبة كانت رائعة وجديدة , كانت لعبة Shoot-em up واكشن في نفس الوقت لكن بفكرة جديدة وهي اعتماد الكومبات سستم فيها بشكل كل على القنابل اللي تقدر تحطها او تستخدم الLock-on بطريقة ذكية لرمي القنابل . اللعبة كانت سريعة وممتعة وتزداد حدة الاكشن فيها كلما زادوا خصومك وكلما استخدمت قنابلك بذكاء في قضاءك على اكبر عدد منهم .
القنابل كانت تلتصق باعداءك وانت تفجرها بالوقت المناسب . وكذلك فيه قدرات خاصة تقدر تستخدمها على حسب الخصم اللي تواجهه
اللعبة كانت متمسكة بروح الاركيد نوعاً ما . مع ذلك ما خلت من معارك الزعماء الملحمية وقتها .
الزعيم الاخير زعيم الشطرنج احد اصعب الزعماء اللي واجهتم في حياتي ومن افضل المعارك الملحمية في التاريخ . المعارك واضح فيها الاستلهام من ميتل جير وماخذها منها كثير .
هذي لعبة حلوة حبيت استرجع الذكريات واتكلم عنها خصوصا ان مالها صيت هنا ولا سمعت احد يتكلم عنها .
عندك لعبة قديمة كنت تلعبها وكانت حلوة وتحس ان ما حد لعبها غيرك , اذكرها هنا واظهرها للملأ &