لا يصلح لضعاف القلوب !!

[q8 spy]

السلام عليكم ورحمة الله وبركاته

أسعد الله صباحكم بكل خير

أتعلمون كيف يباع الدخان خارج الدول العربية؟



يضعون على كل علبه صورة لأحد المصابين بالأمراض الناتجة عن التدخين

وتوقفوا عن وضع التحذير الكتابي ، لأنه لم يعد ملفتا للإنتباه

وبالتأكيد هذا الأمر لم يكن برضى وموافقة شركات التبغ ، بل هي مجبرة عليه



( الصور لا تصلح لضعاف القلوب )

مكونات السيجارة

وهذه بعض الصور لتأثير التدخين على رئة الأنسان

نسأل الله العافية


منــقول ​

 

[Colorization]

أتعلمون كيف يباع الدخان خارج الدول العربية؟



يضعون على كل علبه صورة لأحد المصابين بالأمراض الناتجة عن التدخين

وتوقفوا عن وضع التحذير الكتابي ، لأنه لم يعد ملفتا للإنتباه

لول لا. واضح إنها تأليف.

الحمدلله تركت السجائر من مدة لا بأس فيها.

 

[SALAH]

ألف شكر لك على تذكيرك لنا بهالموضوع المهم اخي جاسوس الكويت
بس ياريت تراجع الصور مرة ثانية لانهم bmp , يعنوا بياخذوا 100 سنة عشان يفتحوا -__-

الحمدلله والشكر ماعمري ذقت طعم السيجارة ولا أخذت أي نفخ..والحمدلله انه ربي أكرمني وبلاني بنفس الوقت بمرض الربو عشان ما اتجرأ على تدخين اي سيجارة ..

انا بس نفسي أفهم شغلة واحدة ..مادام العالم كله ضد التدخين والحكومات تصرف الملايين في علاج المدخنين وحملات التوعية ضد التدخين , طيب ليش مايتم اغلاق مصانع السجائر كلها من الأساس وتحريم صناعته وبيعه على أساس انه منتج قاتل بيحتوي كل هالسموم ؟!

الله لا يبلانا ..ولا يجعلنا من المدخنين يارب..

 

[Colorization]

طيب ليش مايتم اغلاق مصانع السجائر كلها من الأساس وتحريم صناعته وبيعه على أساس انه منتج قاتل بيحتوي كل هالسموم ؟!

 

[q8 spy]

محمد

متوقعها منك من زماااان

عسى الله يثبتك




صلاح
ماأعرف بالفوتو ما أعرف إلا أصغر وأكبــر XD

إن شاء الله واحد من الشباب يغير الصيغة

 

[Justice]

حاولت اني اترك التدخين لكن للاسف >< مع ان ماصارلي سنتين من بديت التدخين ><

 

[Humam]

أعوذ بالله ... والله صور مدمية.. المشكلة أعرف اثنين عزيزين علي مدخنين بشراهة.. الموضوع هذا forward على الطاير لهم..

يعطيك الف عافية كويت سباي.

 

[q8 spy]

حاولت اني اترك التدخين لكن للاسف >< مع ان ماصارلي سنتين من بديت التدخين ><

مجــرد تعــود

فــي لجان صحية تقدر تساعدك


الله يعافيك همام

 

[Colorization]

حاولت اني اترك التدخين لكن للاسف >< مع ان ماصارلي سنتين من بديت التدخين ><

بكل صراحة اللي خلاني أقطع التدخين (ما كان إدمان من الأساس الحمدلله) هو هذي المواضيع. الإعلانات بكل مكان بالمستشفيات، وعندي أهل كبار مدخنين وللأسف يعانون من أمراض صحية كثيرة، لذلك ما كنت أحتاج شيء آخر يخليني أقتنع وأقطع التدخين. والله يعينك ويساعدك على ترك التدخين للأبد ::

 

[Monster]

ومع ذلك الناس لا تزال تدخن.....انا عندي طريقه احسن جيب اله حاسبه واقعد احسب الفلوس اللي تصرفها على الدخان وشوف كم تصير وشوف اذا تسوى انك تحط الفوس هذي وتذبح نفسك فيها والا لا.....

 

[Isaac]

لول لا. واضح إنها تأليف.

الحمدلله تركت السجائر من مدة لا بأس فيها.

الله يقويك .. ويصبرك ..


والجميع إن شاء الله .... قبل كم سنة أقنعت الوالد بترك الدخان وتركه فترة ولكن للأسف الآن رجع له وهالشيء جدا محزنني .... عندي أكبر اخواني 2 مدخنين للأسف .... وفعلا الواحد يحمد ربه إنه ما أبتلي بهذه الآفة الصحية والاجتماعية .... مضرة على المستوى الصحي ... ومنفرة جدا على المستوى الاجتماعي لدرجة إني صرت ما أحب أجالس اخواني أو أزورهم لفترات طويلة بمجرد ما يولعون السيجارة أحاول أبتعد عن المكان .

الله يجيرنا بس.

 

[SALAH]

لووول عالصورة ..جواب مسكت الصراحة خخخخ
الطريقة اللي قالها مونستر حلوة , لو الواحد يحسب الفلوس اللي ضايعة عليه كان بينصدم وبيحرم التدخين كله , لو مو عشان صحته عشان فلوسة !
اعرف واحد يشتري علبتين سجائر باليوم ..كل واحدة سعرها 7 دراهم
طيب ..يعني 14 درهم يوميا .. 14×30 = 420 درهم ..ضرب 12 يساوي 5040 درهم ...
علما ان راتب الرجال ما يوصل 1700 درهم ..ياخي والله مو حرام كل هالفلوس تروح للسجاير ؟ لا حول ولا قوة الا بالله بس ..

 

[pacino]

الحمد لله ما ادخن والله يثبتنا عالخير..
لكن الصراحه عندي نظره جدا جدا سلبيه للمدخن حتى ولو كان شخصية جيده غير فاسده وحتى لو كان اخوي.وهذا الشى صح يسبب لك حساسيه تجاه المدخنين لكن طريقة "ربط التدخين بالفئة السيئة " (التدخين = الانحراف)مجديه خصوصا في سن الطفوله والمراهقه ولها تأثير ممتد ..قد تكون تظلم فئة معنيه من المدخنين من ذوي الشخصية السويه ولكن في النهايه اهي طريقة ممتازه للتحذير عن التدخين وعد الاقتراب منه باي شكل من الاشكال

 

[Avenas]

بصراحة كبار السن او الشياب بشكل عام ما الومهم ما كان عندهم مثل هالتوعية ..
لكن اللي يجيك في الثانوية ولا الجامعة يكون "عارف" و "واعي" الأضرار الناجمة عن التدخين و مصمم انه يدخن ..
الله يهدي الجميع , و مشكور على الموضوع

 

[Tomb raider]

الحمد لله ولا مره جربت ادخن !
بس خلوني اتفلسف شوي وبما اني اتذكر شي من كورس الHealth & Society "ممتحن من كم يوم"
نشوف بعض هالنقاط اللي ممكن تساعد المدخنين !

the good news is that once a smoker quits the health effects are immediate and
dramatic.

1. After the first day, oxygen and carbon monoxide levels in the blood return to normal.

At two days, nerve endings begin to grow back and the senses of taste and smell revive.

Within two weeks to three months, circulation and breathing improve.
After one year of not smoking, the risk of heart disease is reduced by 50%.

After 15 years of quitting, the risks of health problems from smoking virtually vanish.

-----
1- اذا المدخن ترك التدخين يوم كامل ، كل من الاكسجين والكربون الاحادي يدجعون لمستواهم الطبيعي.
2-اذا كمل يومين الاعصاب الميته تنمو من جديد ، وحاسه الشم والذوق يرجعون طبيعيين.
3- اسبوعين ال 3 شهور التنفس يصبح افضل ،
4- بعد سنه كامله : مخاطر التدخين تقل بنسبة 50% مثل امراض القلب مثلا ...
5- بعد 15 سنه من الاقلاع ، المخاطر تختفي كامله !!!

إن شاء الله اكون افدتكم !! وشكرا كويت Spy !

 

[BioMario]

اشكرك على الصور ..
والحمد لله ما ادخن وما ارتاح يوم الواحد يدخن عندي

 

[Xeno]

أنا والدي عمره 46 سنة وترك التدخين من شهور قليلة, رغم أنه كان يدخن بشراهة, يمكن علبة كل يوم من يوم كان 18 سنة.

الحمدلل على الصحة.

خخخخ بيني وبينكم أنا أذكر قبل سنتين دخنت 3 سجائر ورى بعض أبي أشوف وش السالفة :yuck: بس that's it.

 

[Yuji Naka]

هو أنا صراحة ودي أقول كلام للي يدخنون (ماأقصد أحد ، ورجاءً لحد يزعل)

المدخن من اللي أشوفه صراحة ياخذ السيجارة ويحطها بفمه "مع العلم إنه أشرف مكان بالإنسان (مانيب متأكد من مسألة أشرف مكان ولا لا ، والأنف ممكن يكون أشرف مكان لأنك تحطه على الأرض لاسجدت ..الخ ، المهم إن الفم مكان شريف بالإنسان وبس" ، وبعد ماتدخل الريحة الخبيثة في فمه يروح ياخذ السيجارة ويرميها بالأرض ، وبعد مارماها يدوسها برجله ! :slant: منزلته تحت الأقدام للأسف (وهذا الواقع للأسف)

يعني معليش بس المدخن منزلته كذا!

المدخن منزلته تحت الأقدام ، يسويها بنفسه هو ! يدوس السيجارة برجله ! بعد ماحطاها بفمه !

وبالنسبة للإقلاع عن التدخين ، هو مب صعب الواحد يقلع عن التدخين (ممكن يكون صعب!) ، بس مع كل اللي يشوفه ومايبي يقلع عن التدخين حتى لو على حساب كرامته؟ يعني معليش الإنسان هذا ماأدري وش أقول عنه ! إنسان ماتهمه كرامته :roll:

وآسف لحد يزعل مني ، بس هذا الواقع ، الواقع اللي قاعد يسويه المدخن بنفسه ! الواقع اللي قاعدين يشوفونه الناس في المدخن :slant:

واللي يدخن ، يقرا كلامي ويشوف منزلته كيف (ماأقصد أحد بس أحب أخليه يعرف اللي قاعد يسويه بنفسه)

ومرة مرة آسف إذا جرحت أحد ! بس كلام وحبيت أقوله
​

 

[Mada Mada Dane]

^
انا غير مدخن, بس مع احترامي لك منطقك ماله إي دخل بالموضوع, ولا راح يقنع اي مدخن يوقف التدخين ..
وش دخل الكرامة بالتدخين الحين, الدخان ضرر على نفس الشخص سواء بنفسه او ماله, لكن ما ينزل من قدره
ولا يحط من رجولته, فقد يدل على لاوعي منه و إهمال لصحته, سواء كان مدمن ولا قدر يمتنع او ما يهتم ..

انت لما تشرب علبة الببسي/موية من فمك, ثم ترميها بالزبالة, هل يعني هذا ان منزلتك زبالة وانت بكرامة؟ :slant:
حتى اسلوبك ما يدري وش يبي, لو انا مدخن دبغتك " مع احترامي " و اصريت على الدخان ..

الله يكفينا شر الدخان, مهلك للنفس و المال ..

 

[squall leonhart]

صراحه اي شاب يدخن اعتبره غبي و متخلف و الي بيزعل يزعل .. الكبار بالسن يمكن سالفتهم اخف لانه على وقتهم محد كان داري عن اضرار التدخين ..

الي مو قادر يسب الدخان مع احترامي ما عنده اراده .. كل شي ممكن لو صمم و نوي نية صادقة و هذا شي شفته بنفسي شفت كذا شخص بطل الدخان نهائيا دفعه واحده .. انا احمد ربي ما عندنا مدخنين في البيت لكن هذا مو عذر ان الواحد يدخن لان ابوه مثلا مدخن .. الحمد لله كلنا عندنا عقول المفروض انها تعرف الصح من الغلط .. بس للاسف اصحابها احيانا يتركون عقولهم في سبات طويل

 

[Justice]

شباب اشوف ناس كثير هنا صارت تغلط لووووووول
ياحلو الدخان وياحلو الصور ههههه:yuck: عادي باخذها بروح رياضية :cooool:

 

[q8 spy]

ياجماعة

في واحد من الربع قالي كلمة والله مت ضحك عليييه


يقولي ياخي المدخنين يدخلون دخان ويطلعون دخان

تعال حط حلجك بقزوز السيارة وأنفخ فيك

 

[AM2]

الحمدلله اني اكره التدخين ...

 

[Black_X]

أنا عندي سؤال ؟؟؟

الي يدخنون يجاوبون عليه ...................... شنو تستفيدون من التدخين بس تدخل الدخان و تطلعه

 

[m7tram]

أنا عندي سؤال ؟؟؟

الي يدخنون يجاوبون عليه ...................... شنو تستفيدون من التدخين بس تدخل الدخان و تطلعه

" احرق الروح قبل لا تروح " :yuck:

لوووووووووول انا عن نفسي الحمدالله ما أدخن وعندي ربع الله يهديهم يدخنون واكثر شي احاول اسويه اني ما أخليهم يدخنون حوليني , مشكلتهم مايفهمون ان هالشي يأثر عليهم مهما تقول لهم يطنشون .

 

[mohamed]

أبغى أسأل المدخن سؤال واحد :
وش تستفيد؟ طعمه لذيذ؟ راحة نفسية؟

 

[Ginko]

, طيب ليش مايتم اغلاق مصانع السجائر كلها من الأساس وتحريم صناعته وبيعه على أساس انه منتج قاتل بيحتوي كل هالسموم ؟!