The Heartless
True Gamer
السلام
شلون أعضاء تروجيمنج وشلون الصيف معاهم
ندخل في الموضوع , قبل شهر تقريباً وأنا مع أخوي في السيارة عند محطة البانزين أخوي طلب من هندي ( ولما أقول هندي قصدي أنه من شبه القاره الهنديه) هناك أنه يعبيلنا بانزين , والغريب أنه لما ناداه قاله " يامحمد" وأنا استغربت لأن المحطه هذي كان أول مره يروحله هو فقلتله أنت تعرفه ؟
فرد علي لا بس اي هندي تبي تناديه ناده يامحمد اسهلك ! العالم كلها تسوي هالشي !
وأستغربت بزياده لأنه أول مره أدري بهالشي يمكن علشان كنت حابس نفسي بالبيت علشان امتحانات الثانوية فما كنت ادري عن العالم الخارجي
لكن بالفعل مثل ماقال اخوي العالم كلها الحين لما تبي تنادي على أي هندي تناديه يامحمد , وهذي الظاهرة مدري شقول ... احس ان فيها ... يعني يمكن استخفاف بالهنود
طبعاً اسم محمد هو اشرف الأسامي وأفضلها لأنه على اسم نبينا الكريم عليه الصلاة والسلام , لكن كأنك بهالفعل تساوي بين الهنود يعني هذا نفس هذا مافرقت معاه .... طبعاً احنا شعب الخليج من زمان نعاني من هالشي لكن جت الظاهره الجديده هذي لتثبت هالشي
واختم موضوعي بذكر حادثه صارت جدامي في أحد محلات الرحاب في الكويت , زبون كان يبي يسأل عن لعبه, نادى الي يشتغل في المحل والي هو هندي "يا محمد"
الهندي رد عليه وقاله "أنا اسمي عبدالكريم مو محمد "
رد عليه الزبون " عبدالكريم! هذا اسم شياب , اسم محمد اسهل لك "
وابتسم الزبون وابتسم معاه راعي المحل لكن ابتسامته كان فيها عدم اعجاب بهالشي وغضب خفيف
شلون أعضاء تروجيمنج وشلون الصيف معاهم
ندخل في الموضوع , قبل شهر تقريباً وأنا مع أخوي في السيارة عند محطة البانزين أخوي طلب من هندي ( ولما أقول هندي قصدي أنه من شبه القاره الهنديه) هناك أنه يعبيلنا بانزين , والغريب أنه لما ناداه قاله " يامحمد" وأنا استغربت لأن المحطه هذي كان أول مره يروحله هو فقلتله أنت تعرفه ؟
فرد علي لا بس اي هندي تبي تناديه ناده يامحمد اسهلك ! العالم كلها تسوي هالشي !
وأستغربت بزياده لأنه أول مره أدري بهالشي يمكن علشان كنت حابس نفسي بالبيت علشان امتحانات الثانوية فما كنت ادري عن العالم الخارجي
لكن بالفعل مثل ماقال اخوي العالم كلها الحين لما تبي تنادي على أي هندي تناديه يامحمد , وهذي الظاهرة مدري شقول ... احس ان فيها ... يعني يمكن استخفاف بالهنود
طبعاً اسم محمد هو اشرف الأسامي وأفضلها لأنه على اسم نبينا الكريم عليه الصلاة والسلام , لكن كأنك بهالفعل تساوي بين الهنود يعني هذا نفس هذا مافرقت معاه .... طبعاً احنا شعب الخليج من زمان نعاني من هالشي لكن جت الظاهره الجديده هذي لتثبت هالشي
واختم موضوعي بذكر حادثه صارت جدامي في أحد محلات الرحاب في الكويت , زبون كان يبي يسأل عن لعبه, نادى الي يشتغل في المحل والي هو هندي "يا محمد"
الهندي رد عليه وقاله "أنا اسمي عبدالكريم مو محمد "
رد عليه الزبون " عبدالكريم! هذا اسم شياب , اسم محمد اسهل لك "
وابتسم الزبون وابتسم معاه راعي المحل لكن ابتسامته كان فيها عدم اعجاب بهالشي وغضب خفيف