تمت الإجابة قررت اشري ps3 بس فيه كم سؤال ؟؟

[wright]

السلام عليكم ...
وبعد ملحمة دامت بيني وبين اخوي ...قررت اني اتنازل واخذ بلايستيشن

المهم...
ايهم احسن السليم ولا الفات؟؟؟؟
لقيت سليم ب 250 جيجا مع يد ولعبة ب 1550 ريال <<<<هل هذا سعره ..؟؟

وفيه واحد عارض علي فات يقول سومه حتى لو اقل من الف ريال ومستعمله لمدة 14 ساعة بس<<<وش رايكم اشتريه ولا السليم احسن...؟

الموف لقيته ب 200 وشوي .....

يا ليت تعطوني الاسعار حتى لو تقريب ....:

 

[G7Ga7]

الفات ما تحصله الا مستعمل, لأن سوني وقفت تصنيعه وقامت تصنع السليم بشكل حصري. الضمان في رأيي شيء مهم عند شراء أي جهاز, لذلك راح أميل للسليم من هالناحية. برضو مساحة 250 جيجا ممتازة وراح تحتاجها مع انستولينج للألعاب وشراء الالعاب من الستور. وأنصحك تروح تشتريه من جرير أو من محلات سوني نفسها لأن اظن جرير يبيعون الجهاز + لعبتين بـ1500 ريال.

بالنسبة للألعاب, ترى محلات العاب الرياض مليانة ألعاب مستعملة ورخيييصة. كل الالعاب (خاصة العاب السينجل بلاير) المشهورة راح تحصلها مستعملة بأسعار أقل من 100 ريال.

قبل ما تشتري الموف, شيك لستة الألعاب الي عليه. إذا حسيت انها تسوى شرائك له توكل على الله, لكن نصيحتي لا تشتريه الآن, لأن ما فيه عليه العاب تسوى في رأيي. كل الموجود مجرد تقليد لألعاب الوي من دون كاريزما.

 

[wright]

^^
طيب كيف اعرف عن العاب الموف؟

 

[N2N2]

انت رحت للمحلات الي مسويه رسميه محلات الشمال

رح للبطحا السلم 1430 و الموف ب120 و نيد فور سبيد ب 180

 

[G7Ga7]

http://www.joystiq.com/2010/06/16/full-list-of-playstation-move-titles-surfaces/

عاد ابحث عن كل لعبة لحالها وشوف هل تجوز لك أو لا.

 

[Akilla]

انت رحت للمحلات الي مسويه رسميه محلات الشمال

رح للبطحا السلم 1430 و الموف ب120 و نيد فور سبيد ب 180

السلم اخر مره سئلت عنه قبل شهرين يمكن . لقيته بـ1350 تقريباً . ( البطحا ) .. بصراحة كنت ناوي عليه . بس شفت كمية الالعاب اللي عندي ماخلصتها فطنشت . بس باخذه في العطلة

 

[mohamed]

إذا معك 1550 فرأيي إنك تاخذ الفات المستعمل بثمانمئة , يبقى لك 750 تجيب لك تقريباً 5 إلى 7 ألعاب مستعملة ( فيه ألعاب كثيرة سعرها من 80 إلى 120 ريال ) , صفقة رابحة بكل المقاييس .

الألعاب ممكن تكون كالتالي :

انشارتد 2

كول أوف ديوتي 4 أو 5 أو 6

رزدنت ايفل5

راتشيت آند كلانك أكراك إنتايم

باد كومبني 2 ( لعبة راقية , هي وكول أوف ديوتي5 أفضل أونلاين شوتر ذا الجيل برأيي , لا زلت ألعب كود5 مع إنه صدر بعدها جزئين )

تشتري لك بطاقة فلوس بلاي ستيشن نتوورك وتلعب ألعاب كلاسيك أو - الفكرة الأفضل - تحمل باتلفيلد1943 وصدقني ما راح تندم , لعبة قمة .





كل اللي ذكرته تقدر تشتريهم بالمبلغ اللي ذكرته , ممكن تزيد 100 - 150 ريال بس !!

 

[wright]

شكرا شباب على الاجابات

إذا معك 1550 فرأيي إنك تاخذ الفات المستعمل بثمانمئة

بس سمعت ان الفات ما يشتغل لفترات طويلة ...وان مروحته تزعج وتطلع صوت ...
ترانا 3 اخوان وراح نستلمه دوريات في البيت ....:laugh::

 

[mohamed]

شكرا شباب على الاجابات


بس سمعت ان الفات ما يشتغل لفترات طويلة ...وان مروحته تزعج وتطلع صوت ...
ترانا 3 اخوان وراح نستلمه دوريات في البيت ....:laugh::

عندي فات 80 جيجا شغال يومياً 12 ساعة , أنا مثلك اخوان وخال كل واحد يستلمه بالساعات ( أنا أكثر واحد 5 ساعات وزيادة ) , استمرينا على هالحال لمدة سنتين وشوي , غيرت العدسة قبل شهر تقريباً .

باختصار , إذا كان الجهاز يقدر يكد وما يحتاج تغير العدسة إلى مرة واحدة كل سنتين فهذا شيء ممتاز جداً ( غيرت العدسة من محل بحي المروج ب320 , ما يحتاج تروح للوكالة) .



وعلى فكرة , أنت تعرف اللي بيبيع لك الجهاز زين ؟ إذا كان تقدر تثق فيه وهو انسان صادق , فأعتقد أن استخدام 14 ساعة فقط يعتبر جديد بالراحة ..

لا يكون الجهاز 60 جيجا , لأن 60 جيجا هو اللي يخرب خراب مثل خراب أجهزة ال360 من زمان (اللمبة الحمراء) .


تعديل : المروحة تطلع صوت خفيف ما راح تدري عنه إذا كنت تلعب .

 

[SAUD~F-16]

لا توفتك عرض مكتبة جرير صغير 1500 مع لعبتين وجهازين تحكم

اما اذا تبي كبير ترا انا عندي وصارله سنتين ونص وما خرب ولا مره وشغال كلش تمام ولا اكده 24\7 وانوع التحميل والبزارين بعد بس للحين صامد مشاءالله....قولو ماشاء الله:laugh::

 

[Mute City]

خذلك السليم افضل من الفات من ناحية المساحه

 

[Classic Player]

شطحة خارج الموضوع

السليم مايشتغل ألعاب البلايستشن 1 ولا أنا غلطان ؟

 

[Jonas]

^
لا ما يشغل لا 1 ولا 2

 

[Jonas]

سوني وسخه بذي الحركه بالغصب تبغى الناس يشترون ps2 -__-

 

[wright]

هههههههههه
ال 2 عندي الجهاز
وال 1 ....يمدحون ال psp

 

[AS-HI]

قبل لاتتهور وتشتري وتتندم زيي شوف هذا العرض احسنلك
http://sa-gameshop.com/shop/-ps3-1/--1/ps3-250gb-2-dualshock-3-kill-zone-2-uncharted2

 

[Mute City]

السليم يشغل Ps1 لكن ما يشغل 2 أنا عندي ميتل جير 1 و شغاله 100% ( اللعبه مو محمله اللعبه جبتها من امازون الكولكشن كامل )