قاموس اللهجات الخليجيه /العربيه !!

[RIZE]

:

كلها كلمات غريبه علي وانا اقول لي انته مب فاهم شي في فريج !!

-.- " .. شفت شلون .. لانى اكثر من مرة كل ما ابي اتابعه .. ما افهم شي واكسر فيه ><


اكسر فيه = سحبت عليه = طاف = غير مبالى به ^.^
ويل= سار على الدراجه الناريه بعجله واحده (( العجله الخلفيه ))
سيت أب = مثل ويل بس بدل العجله الخلفيه .. اهنى المقصود بها العجله الاماميه
بتويين = مناورة
زرق = فلت
دوانيه = مجلس
كشته = نزهه


+ يا معود = يا صاح أو يا صاحبي أو يا فتى

 

[Bounty]

شكو = يعني ما علاقة هذا بهذا ؟

ويع = يع = yucks

الرحى = الطاحونه مالت القمح

عيش = رز

ماصخ = بلا طعم

حامض على بوزك = يبقى قبلني لول

شيشه = ارجيله

ماي = ماء

شسوي = ماذا افعل

بباي = فلم كرتون\اينيمي

كوكس = تشقلب على رأسه



و القادم مذهل اكثر لول

 

[ahmed_cube]

اول شي شكرا بولارا على الموضوع ...

مرات ارحم اخواننا الي من الشام (الاردن سوريا فلسطين لبنان) .. حسين واحمد كيوب باقي الشباب .. كيف تفهمون علينا ؟؟ ردودنا عاميه واحس 40% من كلامنا صعب

افا وش تقول

اممم بصراحه خالد مع اني راح اطلع عن الموضوع شوي لكن لهجات منطقه الخليج بشكل عام يعود الفضل الاكبر في انتشارها عربيا للاعلام (( السعودي ))ممكن ؟ مثلا mbc استطاعت فرض الدراما الكوميديه الخليجيه او بمعنى اخر تقديم الاعمال الخليجيه على احسن وجه (( داوود حسين . ناصر القصبي , عبدالله السدحان )) في ( طاش ما طاش و غيرها من البرامج ) فساعد ذلك لنشر هذه اللهجه و جعلها اكثر سهوله على اذن السامع ... لذلك لا اجد صعوبه تذكر في تفسير اللهجه الخليجيه

 

[Koshiro]

- مب او موب = مو / مش / لن

مانقول ولاوحدة منها غالبا انّا نقول مهوب او موب على حسب سرعة الجملة بس الغالب مهوب او مهيب لازم نطق الباء في الاخير عشان تصير نجديةP:

2-توني ناش من الرقاد= توني قاعد/صاحي/من النوم

توني قايم هذي الي نقولها

3-بشكاره=خدامه

شغّالة

توني ظاهر= لسه طالع

توني طالع

بالنسبة للكلمات اتوقع محد يستخدم فيذا الا اهل نجد والا؟
من الي فيذا = من الي هنا وفيه بعض المناطق تسوي ادغام للجملة ويقولون مللي فيذن
حتى في المنطقة الوحدة تختلف الكلمات في نجد البعض يقول شفه=طالعه=عانه=ناظره
وفيه شلة الألف في اخرها خذيتا دريتا وما الى ذلك
هوّ= اداة استئناف
1- المثال الشقراوي (مثال من ديرتنا) هو ياخزياه مادرينا كانهم جايين المعنى واضح اعتقد يعني ياعيباه مادرينا انهم بيجون
2- المثال الحريقي (لهجة اهل الحريق) هو مللي فيذن مادرينا حريمن جايين يم محمد
طرش عندنا معناها شين::yuck:
وهذي مجموعة من التعابير او الكلمات لاهل شقراء
بنات ورقان معناها:
كناية عن الكذب
مْـغـَلـْدم= زعلان ومعصب ومايتكلم
شالوع= دعاء يدعونه الحريم على عيالهم او على اي شي مايعجبها يعني جعله الشالوع
صيدي= قصدي
هقيت = ظنيت او توقعت والقهوه هي الظن او التوقع
طس = انقلع = افرنقعP:
ماش=تقال عند اليأس من تحقيق المطلوب يعني تقول حاولت اوصل بس ماش
دنّق او طمّن = نزل او اخفض يعني دنق راسك او طمن راسك يعني نزل راسك
سخيفة= موب عريضة
هاك = خذ
انكس= ارجع

 

[SoulTaker]

زليب (أقرب كتابه لها...) = بئر...

أول حرف ينطق زاء لكن فيها شوية تاء ... حرف جديد >.>

سماط = سفره

رابص == مبتل

شاقص = يابس

محلي = مدري وشلون اشرحها لكنه شي قديم ... و محلي xD ... يعني تقدر تقول مغبر\فيه ريحة قدم ...

صفه = مخزن

حِقه = مصيدة للطيور ..اعتقد >.>

يقحن = يشرب كثير... و لها وقع أذا أستخدم في الوصف مدري كيف بشرحه >.>;

من أخوي: سكرة = تشبه فرشة الأسنان من خشب و تستخدم كمفتاح للأبواب

مضكشف = مودم xD ... من دكتور مادة التعريب ... مهيب عامية بس حبيت اقولها >.>
​

 

[Koshiro]

زليب (أقرب كتابه لها...) = بئر...

أول حرف ينطق زاء لكن فيها شوية تاء ... حرف جديد >.>

سماط = سفره

رابص == مبتل

شاقص = يابس

محلي = مدري وشلون اشرحها لكنه شي قديم ... و محلي xD ... يعني تقدر تقول مغبر\فيه ريحة قدم ...

صفه = مخزن

حِقه = مصيدة للطيور ..اعتقد >.>

يقحن = يشرب كثير... و لها وقع أذا أستخدم في الوصف مدري كيف بشرحه >.>;

من أخوي: سكرة = تشبه فرشة الأسنان من خشب و تستخدم كمفتاح للأبواب

مضكشف = مودم xD ... من دكتور مادة التعريب ... مهيب عامية بس حبيت اقولها >.>
​

فيه كلمات اول مرة اسمعها مثل شاقص ورابص وحقه
الصفه=صف
محلي = مصدّي
يقحن هذي مستخدمه كثير المثال: جالسن يقحن من هالماء وناسين اوخيته

 

[Lunar Poet]

و انا مالي رب ؟ = يقولها اللي ما يعطونه وجه P:

لول انا الحمد لله افهم جميع اللهجات الخليجية تقريباً :laugh:

 

[53]

زليب (أقرب كتابه لها...) = بئر...

أول حرف ينطق زاء لكن فيها شوية تاء ... حرف جديد >.>

​

لول شلون هاذي بالله زاء وفيها شوية تاء .. ترا عقدتني بقولها مو قادر لوول :slant:

 

[Lunar Poet]

زليب (أقرب كتابه لها...) = بئر...

أول حرف ينطق زاء لكن فيها شوية تاء ... حرف جديد >.>

جليب @___@ .. بلهجة أهل نجد تصير "زليب" مثل ما انت قلتها @@

لول شلون هاذي بالله زاء وفيها شوية تاء .. ترا عقدتني بقولها مو قادر لوول :slant:

خل الزاء أخف من التاء P:

 

[الــخــــارق]

بمعنى اصح الدال مع الزاء ..
يعني دزيليب لكن الدال والزاء قلها بسرعة كأنها حرف واحد ..
ما تقدر تنشرح زين لازم تسمعها على الطبيعة

 

[The Last Fantasy]

لوول ..
دْزِلِيب .. حاول تنطقها بالحركات P:
نفس الشي "كبد" => "تْسَبْد"

 

[Pichi]

ماهو تعريف مصطلح الهجولة P:?

 

[ASWD]

ماهو تعريف مصطلح الهجولة P:?

هجولة عندنا معناها

هياتة/هيامة/دوارة/طلعة

 

[Zero]

خخخخ ، جينا لسالفة اللهجات ! ، أنا من أهل الشرقية -القطيف- وكلهم يتكلموا اللهجة البحرينية يعني ابشروا بالكلمات الغريبة D: ، عموما أنا ما استخدم هذه اللهجة على النت مطلقا XD

يكربس = يتشقلب ، يعمل حركة بهلوانية
يتعفرت = ما لها مرادف لكن معناها "يطيح على الأرض ويتدحلب"
يتشابق = يتقاتل ، يتهاوش
مزير "الكلمة أصلها متزير ولكنها أدغمت P:" = غاضب غضب شديد
غضارة = طاسة
سطل = دلو
مخمة = مكنسة
يتكاجر ، يتقاوم = يتسابق
خرطوش = أنبوب
عرواية = مسكة الباب
غوري = إبريق
خبابة = كلمة تقال لتخويف الأطفال
سبيهة = تطلق على "الغبي"
طرام = موتوربايك ، دباب ، سيكل ( على قولة الكويتيين )
عتبة = درجة قصيرة
صفرية = طنجرة ، قدر للطبخ
عفر = يمكن
هداويش ! = كلمة تقال للتعجب
خداج = خديجة <<ويش دخل XD
ممم هذا كل ما لدي الآن .. ما في راسي شي زيادة ..
وراجع بعد فترة ..

 

[Pichi]

بتيرس=بطاطس P:
زيرو .. دامك من أهل القطيف .. سمعت ان فيه عدة لهجات بالقطيف ؟ زي القديح ؟ صج؟

 

[Zero]

بتيرس=بطاطس P:
زيرو .. دامك من أهل القطيف .. سمعت ان فيه عدة لهجات بالقطيف ؟ زي القديح ؟ صج؟

كل 10 بيوت لهجة مختلفة XD مثل البحرين "مبالغة" لكن اللهجة أخف بشكل عام
أما أهل القديح Dante ما قصر بالوصف فهم يتكلموا مثل سترى في البحرين
مثلا "كيف" , "كايفا" ههههههههههههه أنواع الضحك XD

 

[NSider]

يا معود = يا صاح أو يا صاحبي أو يا فتى

ما شفت آخر دعاية باربيكان؟ فيها ترجمة بالانجليزي كالعادة، ولما يقول "يا معود" كتبوا في الترجمة "Awesome!" لول.

 

[Naif]

بتيرس=بطاطس P:

في بعضهم عندنا يسمون البطاطس = عليولم !! (بشد الواو)

 

[ABUALI]

آلو=بطاطس

= على ولَّم "بشد اللام" .. القصة اللي سمعتها عن هالتسمية يقول لك كان المورد الرئيسي للـ آلو اسمه "علي" يتعامل وية واحد اجنبي اسمه "ويليام" البحارنه مايدرون أصلا شنو هذا اللي قاعدين ياكلونه،، سموه "على ولَّم" هههههههههههه

 

[Tomb raider]

تذكرت كم كلمه ..
-فرخ=ياهل/طفل/بزر
-موووووووول =ابدا .....مثلا "موول ما سرت السينمه" أو تقدر تقول "موووليه" !!
-في خاطري =ابغي الشي هذا من قلبي مثلا "في خاطري العب هاللعبه"

 

[The Sinner]

والله فيه كلمات فعلا عجيبة بس انا اكثر كلمة ما احبها عامية هي
عسكريم يعني ايس كريم اطرطع الف لاسمعت واحد يقولها لان هذي اعرف الاولاد الصغار يقولونها مو الكبار

 

[Lunar Poet]

-موووووووول =ابدا .....مثلا "موول ما سرت السينمه" أو تقدر تقول "موووليه" !!

= كلّش ::

 

[Tomb raider]

عسكريم

عسكريم عاد ؟؟؟؟

= كلّش ::

جبتها !!! :laugh:

 

[RIZE]

ما شفت آخر دعاية باربيكان؟ فيها ترجمة بالانجليزي كالعادة، ولما يقول "يا معود" كتبوا في الترجمة "Awesome!" لول.

أويلي بس على الGT Skyline ألى حطوها ... *.* <<< سيارة الاحلام P:




*

يسدح = يطرح مثال : (( هالمصارع تعارك مع المنافس وطرحه أرضاً ))

 

[Death match]

يهايط = يتكلم و ما ينفذ

 

[Death match]

الا في كلمات عربية كان ودي اعرف معناهم لو احد عنده خلفيه عنهم

مثل يصطفلوا , يعدمني ياك , أحه , غنوج

 

[Tomb raider]

انا بعد عندي سؤال للاخوان الكويتيين!!
شو يعني "تلايط" ؟؟؟؟

 

[Koshiro]

الا في كلمات عربية كان ودي اعرف معناهم لو احد عنده خلفيه عنهم

مثل يصطفلوا , يعدمني ياك , أحه , غنوج

يصطفلوا =بالطقاق الي يطقهم
يعدمني ياك =جعلك الماحي (اتوقع)
غنوج=دلوع

شو يعني "تلايط" ؟؟؟؟

يعني كل هوا واقلب وجهك يعني تسكيته او شي من هذا المعنى او تقليعه

 

[RIZE]

عيل= إذاً أو أجل