فـــــــــــريـــــــــــــج !

[Tomb raider]

فـــــــــــريـــــــــــــج ! (أول كرتون اماراتي)

السلام عليكم ورحمة الله وبركاته ::

عنوان الموضوع غريب صح؟
ممم لكن ما اتوقع غريب على شعب الامارات الا ما ندر ^^

فريج ... اول مسلسل كرتوني اماراتي
قام به المبدع محمد سعيد بن حارب,
أحد طلبة كليات التقنيه العليا بدبي .

موضوع الكرتون يتحدث عن 4 عيايز(عجائز)
يعيشون في فريج واحد (حاره وحده) في دبي,
يحمل المسلسل الكرتوني مواقف مضحكه
ومثل ما تشوفون في الصوره كيف لبس العيايز
في واقع الامارات .

سيتم عرض المسلسل في رمضان من هذا العام
بعد صلاة المغرب في توقيت دبي , على قناة سما دبي
ومن ثم , سيعاد على قناة دبي الفضائيه في وقت لم يتم تحديده بعد.

كثرت اعلانات المسلسل الكرتوني في جرايد الامارات .

طبعا ما اقدر اخليكم تطلعون من الموضوع الا وتشوفون فيديو فيه مقتطفات
من المسلسل الكوميدي في هذا الرابط .

هذا العمل اعتبره فخر لأهل الامارات والخليج والعالم العربي :: .

 

[Golden_Sun]

لول ، شكل العيايز عجيب! hehe يضحكوووووون ،،
في انتظاره! ان شاء الله اتابعه!!

 

[Pichi]

والله شكله رهيب..
ان شاء الله راح اتابعه P:

 

[mario0o]

في انتظاره ان شا الله

(للاسف كانو بيعرضونه السنة اللي طافت بس استغربت انهم ما عرضوه . اتمنى طوروه وظافو عليه افكار كثيره :yuck: ):yuck:

 

[ZiZ]

حسبت العنوان "قريح"...

عموماً نتمنى يكون على مستوى...

 

[The Last Fantasy]

التصميم رهييب XD .. بحاول أشوفه .. باي باي قطعة 13

 

[Tomb raider]

حسبت العنوان "قريح"...

لووووووول بس ممكن تشرح لي شو معناة (قريح) ؟؟؟؟
-------------
شباب ترا محمد سعيد بن حارب كان يدرس في كليات التقينه العليا بدبي
وبعد ما تخرج راح يمكل دراسته في امريكا...

انتظره بأحر من الجمر

 

[Mario2]

لووووووول بس ممكن تشرح لي شو معناة (قريح) ؟؟؟

حاره اسمها بهالاسم ..عندنا طبعا p: ..

حلوه صراحه تشوف واحد من الكليه مشرف عليه .. وما شالله تحصل قناة دبي داعمتنه ..بحاول اشوفه ان شالله ..

 

[Lonely Heart]

والله شكل المسلسل حلو ..

واهنئ الاخ محمد سعيد بن حارب على هذا الابداع ..

 

[ZiZ]

قريح مكان...


...يتصف بالبعد... وكبير...

 

[Naif]

حلوه صراحه تشوف واحد من الكليه مشرف عليه .. وما شالله تحصل قناة دبي داعمتنه ..بحاول اشوفه ان شالله ..

اعتقد الدعم كان من مؤسسة محمد بن راشد لدعم مشاريع الشباب ..

مشروع روعة .. اخيرا بنستمتع بشي في رمضان غير الطراقات و الممثلين اللي يلبسون لبس حريم يحسبون انهم يضحكون و باقي الممثلين و المسلسلات اللي اعتدنا نشوفها كل رمضان ..

شفت هذي الصورة له من قبل كم يوم .. عجبتني واايد :

 

[BioMario]

والله شكلة يموت ضحك مستحيل افوتة ^^..
الرسوم 3D روعة ^_^ .. هذا احلى مافيه

والله الحمد لله عندنا مواهب خليجية كثيرة و إلى الأن مخفية لكن مافي احد يهتم -__-
عموماً لازم ما نفوته والله ^^..

 

[Gon freeces]

التصميم رهييب XD .. بحاول أشوفه .. باي باي قطعة 13

لا !!!!!!!!!!!!!!!!!!!!!!!!!!!!!!!!!!

 

[Mario2]

ما اتوقعت انه المقتطفات فيديو .. لوووول شفته .. بس المفروض في مثل هاي المسلسلات ييبون عيايز صدق احسن شي p:..

 

[Super Shadow]

أنا سامع عن ها المسلسل من زمان

لكن مستغرب أنهم ما حطوه للحين

.. باي باي قطعة 13

لوووول

والله كانت ذكريات حلوة

 

[Naif]

توها مخلصه الحلقة الاولى .. براافو محمد سعيد حارب .. الانميشن كان حلو و لكن يحتاج قصة رئيسية في رايي على شان يكون صدق رائع (نفس اللي كنت اتوقعها من التريلر).. بعض الاشياء كانت تضحك ..

و اهم شي شركة du .. لوول دعاياها رووعة و فعلا تجذب الناس لها .. اتمنى تكون افضل من اتصالات ..

 

[Tomb raider]

مم توني ياي ارفع الموضوع !!
الحلقه الاولى جيده...الانميشن ممتاز كبدايه ..التمثيل الصوتي ما عيبني وايد ..احس ان بعضها مب راكب ..بس بعد ممتاز !!

اتمنى تكون افضل من اتصالات

لوول غريبه اول واحد يتشكى من اتصالات

 

[Tomb raider]

أوكي شباب الي ما شافه يقدر يشوفه الساعه 1:30 في منتصف الليل بتوقيت دبي (12:30بتوقيت السعوديه) على قناة دبي ...
طبعا لا تخلونه يلهيكم عن القرآن ^^

 

[Khalid-S]

باذن الله بعد ما انقل للشقه بركب ساتلايت يجيب القنوات العربيه .. مع ان القنوات العربيه مخيسه لكن ما تقدر تتركها ابدا .. بالاخص في موسم المسلسلات ووالخ.

فريج اول واحد بشوفه .. تعجبني مسلسلات الانميشن الخليجيه ... تضحك من جد.

 

[Hwoarang]

حلوة جدا الحلقة الأولى ... خاصة وأن وقتها يجي بوقت مناسب جدا (الوقت الوحيد اللي أشوف فيه التلفزيون)

 

[mario0o]

لوووول على ام خمماس :laugh:

 

[Tomb raider]

لول عالحنا

 

[Mario2]

المسلسل على حسب كلام المخرج تكلف 4 مليون درهم وكم 100 الف بس مش متذكر الرقم بالظبط .. والمخرج درس بالخارج مش تقنيه ..

لولا الدعم ما كان قدر يطلع المسلسل لانه يبيع الحلقات بخساره بس بعد اللي صار الحمدالله حصل دعم من المؤسسه ..

 

[Uzumaki Naruto]

seems great ..

i see u all liked the animation .. wut about the casting who talks for them ?

they any good ?

 

[Gon freeces]

بانتظار الحلقة الثانية

 

[Tomb raider]

صور !!

لووول

هههههههه

:laugh:

 

[Gaara]

لولا الدعم ما كان قدر يطلع المسلسل

لولا الله ثم الدعم..................................^_^"

للأسف ما شفت الحلقة الاولى...لكن بإذن الله راح أتابعه.

 

[Mario2]

+_+ مشكور جارا على التصحيح .. هو دايما الله قبل كل شي بس تعرف الشيطان وبلاويه -_-

 

[mario0o]

لووووول على عرس الاعراس :yuck:

 

[BioMario]

والله حلق اليوم تضحك موت ..
ام خماس عندها فرقة ما شاء الله ههههههههههههههه ..

شباب على فكرة المشروع كلف 4 ملايين و مئة الف ..
و يتكون من 15 حلقة ..

هذي المعلومات من مجلة زهرة الخليج