فريق Genius Sonority بيطور بيكمن الجديده !!

[Nintendo]

اوكي يمكن لا و لكن موقع الفريق الرسمي ( طبعا الفريق تابع لننتندو ) تحدث اليوم بارت ورك لمشروعهم القادم واللي وصفوه بـ :

Genius Sonority says that it's a big project, on which its most talented developers are working. The project is a journey to a new world, a journey that will bring smiles to us.

الارتورك :

http://www.geniussonority.jp/

الفريق اخر اعكاله كانت لعبة دراجون كويست سوردز للوي ( بالتعاون مع ايثنق ) وانتج قبلها العاب بوكيمون للكونسول ( ولا وحده منهم تسوى ) .. اتمنى الفريق مايقرب لبيكمن ولكن الارتورك ؟ خصوصا الصوره الاولى ؟ عموما يقولوا المشروع ضخم وماعندنا غير ننتظر ونشوف ..

 

[Golden_Sun]

لااااااااااااااااااا، خل يروحون يقشرون بطاط احسن!!!!!
لأن اذا طلع صج يطورون بيكمين، راح اروح افجر مكتب مياموتو، برووووحه بالغصب طلع لنا خبر بيكمين وبالاخير يطلعون هذولا اللي يطورونها!!!!!

ان شاء الله لأ!! :w00t:
بوكيمون بكل اجزائها عالكونسول فاشله!!! ماعدا اجزاء الـN64!

 

[Nintendo]

لول اجزاء ال64 مالهم دخل فيها ( عشان كذا طلعت جيده ) ..

الله يستر .. الفريق يعتبر تقريبا الاسوء لدى شركة ننتندو واتمنى انهم يكوانوا طوروه بقوه عشان يمسك مشروع مثل بيكمن او تكون اللعبه شئ جديد ( الارتورك حلو ) ..

 

[BioMario]

الآرت وورك مب طالعين لي :crying: !

ليش يا ننتندو ليش -__- ..
عموماً أتمنى أنهم يشتغلون فيها بضمير اصلاً لازم .. واحد من أهم العاب الجهاز المنتظرة ..
شباب اللعبة تحت إشراف مايموتو ؟

 

[LiOn HeArT]

الله يستر من هالفريق :S
انشالله ياااااارب ما يطور بيكمن لا يخربونها /:

 

[Golden_Sun]

بعد تأمل شوي بالآرت وورك، شكلياً مالها علاقة في بيكمين..

اوجه الشبه بس الصاروخ، والفضاء، وكل شي عملاق مقارنةً فيهم.
لكن اللي رايحين يركبون الصاروخ (الآرت الاول) مافيهم شبه من البيكمين اطلاقاً!

يمكن يطورون شي فيه نفس الكونسيبت، شخصيات صغيره جداً مقارنة بالعالم اللي هي فيه (او العكس وانا اشوفه العكس) @@

لأ لأ لأ، ما ابي افكر للحظة انهم يطورون بيكمين :crying:

 

[MALDINI]

اتمنى تكون اللعبة بمستوى الجزئين الاول والثاني لها .. لول قاعد اتخيل الحين قدامي صور جيمبلاي من الجزء الثالث .

 

[Mario2]

-_- ليته ما تكلم عنها بالمره عشان ما يكون فيه خبر بهالسوء لو طلعوا هم اللي راح يمسكون المشروع .. اصلا فريق بيكمن شو يسوون -_- .

 

[Mr.3B]

هذا دليل على اهتمام ننتندو بالهاردكورز .. بدال ما يخلوا فريق متخلف زي هذا يمسك وي سبورت ولا شي يخلونه يمسك بيكيمن

 

[CONAN]

الله يستر العاب بوكيمون على الكونسل كانت مزرية :sarcastic:

اذا كانت كذا اجل تيم بيكمن وش بيسوون :whistle: ؟

 

[Nintendo]

لول شباب لحد يعصب .. لسه بدري الين نشوف تاكيد او نفي للموضوع بالقريب العاجل ..

عموما حتى اذا الفريق بيسوي بيكمن اعتقد مافي امل ننتندو تخلي المشروع يخرب وهي عارفه مستوى اول جزائين كيف . للامانه انا مطمن على بيكمن3 بغض النظر على الفريق المنتج وكلنا شفنا سماش الاخيره كيف طلعت وهي من انتاج فريق ماله علاقة بالسلسله ..

 

[Xeno]

دام اللعبة تبقى بإشراف ننتندو أنا مع عمر... مافي خوف عليها.

 

[Mr.3B]

لول شباب لحد يعصب .. لسه بدري الين نشوف تاكيد او نفي للموضوع بالقريب العاجل ..

عموما حتى اذا الفريق بيسوي بيكمن اعتقد مافي امل ننتندو تخلي المشروع يخرب وهي عارفه مستوى اول جزائين كيف . للامانه انا مطمن على بيكمن3 بغض النظر على الفريق المنتج وكلنا شفنا سماش الاخيره كيف طلعت وهي من انتاج فريق ماله علاقة بالسلسله ..

سماش كانت ممتازة .. بس فعلا الجزء الي قبله أفضل وهذا كلام أغلب الشباب بعد لعب فترة طويلة فيه .. تحس انه لسا الفريق المبدع لازم يبان بالنهاية وما تقدر تجاريه بفريق عادي ولو كان باشراف واحد زي ساكوراي

 

[Nintendo]

بس الفرق هنا انه جينيس سونرتي فريق تابع لننتندو مش مثل جيم ارتس عشان كذا ننتندو تقدر تمشي الامور تمام ( اذا تبغى ) .

عموما اتمنى تكون اللعبه شئ جديد ويتركوا بيكمن لفريق بيكمن . ننتندو تحتاج لتنويع الاسماء اللي عندها بشكل اكبر , مابغى العاب مثل كابتن رينبو ابغى مشاريع محترمه للوي ..

 

[Lonely Heart]

الآرت وورك الاول ..
شكلك بتصير تنقذ بشر !

عموما حتى اذا الفريق بيسوي بيكمن اعتقد مافي امل ننتندو تخلي المشروع يخرب وهي عارفه مستوى اول جزائين كيف

QFT الله يستر مايكون فيه استثناء هنا

 

[Mista Koo]

الآرت وورك الأول حلو.. أتمنى تكون شي جديد خصوصا إن ننتندو محتاجة عناوين جديدة (وممكن الفريق الغبي يلاقي شي ثاني يقدر يبدع فيه)
عمر ما في ترجمة للكلام اللي مكتوب؟ يا ريت لو حد يعرف ياباني *كح كح*مرعب*كح كح* يتبرع ويفهمنا ايش مكتوب :nerd:

لااااااااااااااااااا، خل يروحون يقشرون بطاط احسن!!!!!

قاعدين يقشرون بطاط .. طالع الصورة الثانية!

 

[hussien-11]

سماش كانت ممتازة .. بس فعلا الجزء الي قبله أفضل وهذا كلام أغلب الشباب بعد لعب فترة طويلة فيه .. تحس انه لسا الفريق المبدع لازم يبان بالنهاية وما تقدر تجاريه بفريق عادي ولو كان باشراف واحد زي ساكوراي

الي خلا الجزء الماضي أفضل على حسب كلام الأغلبية .. هو "سرعة اللعبة" ، ما هو شي يتعلق بأي نقص بقدرات الفريق أو البرمجة ، بقدر ما هو قرار من ساكوراي و المشرفين على اللعبة انها تكون أبطأ ، بصراحة ما أشوف الفريق قصر مع اللعبة بأي شكل من الإشكال ..

عموما هادا الفريق هو أسوأ فريق عند ننتندو و لكن أتمنى على الأقل انو يلاقي نفسه بلعبة جيدة بعد مهازله مع بوكيمون .

 

[Mr.3B]

...

الي خلا الجزء الماضي أفضل على حسب كلام الأغلبية .. هو "سرعة اللعبة" ، ما هو شي يتعلق بأي نقص بقدرات الفريق أو البرمجة ، بقدر ما هو قرار من ساكوراي و المشرفين على اللعبة انها تكون أبطأ ، بصراحة ما أشوف الفريق قصر مع اللعبة بأي شكل من الإشكال ..

عموما هادا الفريق هو أسوأ فريق عند ننتندو و لكن أتمنى على الأقل انو يلاقي نفسه بلعبة جيدة بعد مهازله مع بوكيمون .

مو صحيح .. مو فقط سرعة اللعبة .. الجرافيتي كانت بميلي أفضل مما هي عليه بسماش بمراحل .. كانت ضربات الهواء من جد دقيقة .. وفيه شخصيات كانت ممتازة الآن ببراول صايرة غير قابلة للعب البتة .. اتزان الشخصيات أقل مما هو عليه أيام ميلي بكثير

 

[Saadawii]

من يدري، يمكن يضخ دماء جديدة للعبة مثل ما حصل مع فريق طوكيو وجالاكسي.

 

[Lone Wolf]

هممممم مالهم داعي مب مستعد اشوف بيكمن تنهار قدامي

بدري على هالشي :sucks: الله المستعان ننتظر ونشوف.

 

[NSider]

"Maybe the best thing for you to understand is that all of the leaders of those teams -- of the Mario team, of the Zelda team and of the Pikmin team -- all sit within 150 feet of my desk. The Galaxy team is the only one that's farther away -- they're in Tokyo. But I do have video conferencing with them."

http://wii.ign.com/articles/890/890276p1.html

كلام مياموتو الشهر الماضي.

 

[cube001]

way too early to judge

ننتظر ونشوف...

 

[Colorization]

ما أعتقد إنه بيكمن لأنه الآرت وورك الأول فيه أطفال (ما شفت بشر في بيكمن). بكل الأحوال..

دام اللعبة تبقى بإشراف ننتندو أنا مع عمر... مافي خوف عليها.

.

 

[Isaac]

كلي ثقة بماياموتو ..

وما عندي أدنى شك بأن بكمن الجاية بتكون الأفضل على الإطلاق...


العوامل اللي ممكن تخليها تحوز على هاللقب:

1- تحكم الريموت والننشك أحسه بيكون بيرفكت للعبة لو وظف بشكل صحيح.
2- وجود الأونلاين .. خصوصا لو استخدمت الـWii Speak ودعمت اللعب التعاوني والتضادي حتى 4 لاعبين. بالإضافة إلى Leaderboards محترمة.

 

[G7Ga7]

http://wii.ign.com/articles/890/890276p1.html

كلام مياموتو الشهر الماضي.

هوووفففف .. شكراً يوسف ..

 

[Gon freeces]

الحين يجي مليون واحد يحسب إن GS من جد حيطوروا يكمن الجديدة -_-

 

[Ash Storm]

ما اتمنى صراحة, الفريق هذا اكثر فريق تابع لنينتندو اكرهه!
و كلام مياموتو الى حد كبير مطمن ..

 

[m7tram]

لعبت بدايه بيكمن الجزء الثاني وكانت ممتازه , فالثالث مانبيه يخبص .

سماش كانت ممتازة .. بس فعلا الجزء الي قبله أفضل وهذا كلام أغلب الشباب بعد لعب فترة طويلة فيه .. تحس انه لسا الفريق المبدع لازم يبان بالنهاية وما تقدر تجاريه بفريق عادي ولو كان باشراف واحد زي ساكوراي

سبحان الله امس قلت ان سماش براول حلو بس مو بجوده ميلي حق صاحبي , كنت معتقد ان بس انا الي شايف هالشي والباقي يعتبره افضل من ميلي .

 

[Silent Dream]

مدري إذا تستاهل الرفع .. بس الآرت وورك راح وبدالها عبارة "Wow for you" :

http://www.geniussonority.jp/

عنوان الموضوع بيطير عقول الناس :xd:

 

[Nintendo]

طالما الموضوع عن فريق ننتندو .. فريق ان دي كيوب جدد رخصته مع ننتندو وحدثوا موقعهم الرسمي !! شخصيا مخاذكر ايش كانت اخر انتاجات الفريق مع ننتندو بعد لعبة تيوب سلايدر ( كانت اف زيرو قبل لاننتندو تعطي اف زيرو لسيجا ) ..