عرض جديد للعبة Lost In Shadow

[X-SRI-X]

عرض للعبة لوست ان شادو ( فيها قصة )
[YOUTUBE]CtTYLDsdXf8&feature=player_embedded[/YOUTUBE]

وهذا عرض ثاني ( جيم بلاي فقط )
[YOUTUBE]ppDi0CapOuI[/YOUTUBE]

عرض حماسي بصراحة
اللعبة على wii ware للي ما يعرف
ومن شركة هودسن

وفي العرض الاول مطلعين اسم اللعبة
A Shadow's Tale
فهل هذا يعني غيروا اسم اللعبة مثلا ؟ ولا انهم يقصدون عنوان الفيديو فيها

 

[DONY]

روعة والله .. انشاء الله شاريها أول ما تنزل .​

 

[Zoda]

هدسون :"( نينتندو لازم تشوف حل لشركات الطرف الثاني ياتشتري شركات جديده او تفتح اقسام تطوير اكثر ايوتا اذا ما تصرف قبل نزول الوي2 بيكرهني بنينتندو هو نظاراته الفله

 

[Akilla]

هدسون لسى عايشه ؟

 

[G7Ga7]

هدسون :"( نينتندو لازم تشوف حل لشركات الطرف الثاني ياتشتري شركات جديده او تفتح اقسام تطوير اكثر ايوتا اذا ما تصرف قبل نزول الوي2 بيكرهني بنينتندو هو نظاراته الفله

uh وش قاعد تقول؟ ننتندو عندها 11 استوديو لتطوير السوفتوير حول العالم. و 6 استوديوات تطوير داخلية (العمود الفقري للشركة). هذا غير الشراكات الي تسويها كل فترة والثانية مع مطورين طرف ثالث.

ننتندو ما تحتاج تفتح ولا تشتري استوديوات جديدة. كل الي تحتاجة تحسسنا انه الـ17 استوديو حقينها كلها قاعدة تشتغل على العاب. وإلى حد ما هالكلام احنا شايفينه اليوم.

 

[mario0o]

^
^
بخصوص هدسون..... وين بارتي 9 -____-"

وايد ننتندو تأخرت! غريبة شو السالفة! هل استوت مشاكل بينهم !؟

مع انه اكثر جزء باع !!

 

[Nintendo]

على فكره ننتندو تملك 2% من اسهم هيدسون, للاسف الشركة ذي رغم انها تحاول ولكن للاسف ماشفت منتج منهم جيد (بعيدا عن سلسلة ماريو بارتي)..

اخر لعبة منهم calling يعطي عنوان للكارثة.

 

[Zoda]

uh وش قاعد تقول؟ ننتندو عندها 11 استوديو لتطوير السوفتوير حول العالم. و 6 استوديوات تطوير داخلية (العمود الفقري للشركة). هذا غير الشراكات الي تسويها كل فترة والثانية مع مطورين طرف ثالث.

ننتندو ما تحتاج تفتح ولا تشتري استوديوات جديدة. كل الي تحتاجة تحسسنا انه الـ17 استوديو حقينها كلها قاعدة تشتغل على العاب. وإلى حد ما هالكلام احنا شايفينه اليوم.

مو كل ستدويوات نينتنيدو تقدر انها تسوي العاب للوي!! نصهم للتطوير للمحمول ومعضمهم مايعرفون يسون العاب 3D! وبعدين اكثر من شركة طرف ثاني ما قامت تطور للنيتندو فيه العاب حلوه مسحوب عليها الجيل هذا وتطوير سلسله بمساعدت طرف ثالث مو حل لان اف زيرو كانت سيجا تطورها وطلعتها اللعبة بشكل رائع بس مشفنا شي لحد الان وما اتصور اللعبه تحت التطوير لان الفريق الي كان شغال على اف زيرو نزل لعبة لسيجا من فتره قصيره احسن حل نيتندو تشتري ستوديدو يتفرغ للسلاسل المسحوب عليها غير كذا مراح تنحل المشكلة

 

[Akilla]

على فكره ننتندو تملك 2% من اسهم هيدسون, للاسف الشركة ذي رغم انها تحاول ولكن للاسف ماشفت منتج منهم جيد (بعيدا عن سلسلة ماريو بارتي)..

اخر لعبة منهم calling يعطي عنوان للكارثة.

eww

اللعبة طلعت منهم ؟

انا اتذكر لعبة لهم (بلودي رور) اعتقد اسمها كذا . لعبة قتاليه جيييده . اللي مو متخيله مستواها السيىء هذا . بس مدري من يملك حقوق اللعبة . هي ولا ناشر ثاني

 

[Nintendo]

بلود رور من انتاج فريق ايثنق وللاسف توقفت السلسلة (كانت مسلية), فريق اثينق ركز على سلسلة العاب نارتوا لقتالية بعد كذا.

بالنسبة لننتندو وفرقها فايواتا قالها مؤخرا انها بتركز على الاوت سورسنق بالفترة القادمه وماراح تشتري الشركة فرق جديده او شركات, شفنا لاست ستوري كمثال وكذلك ميترويد اوذر ام ويمكن اشياء ثانية بالطريق.

 

[G7Ga7]

مو كل ستدويوات نينتنيدو تقدر انها تسوي العاب للوي!! نصهم للتطوير للمحمول ومعضمهم مايعرفون يسون العاب 3D! وبعدين اكثر من شركة طرف ثاني ما قامت تطور للنيتندو فيه العاب حلوه مسحوب عليها الجيل هذا وتطوير سلسله بمساعدت طرف ثالث مو حل لان اف زيرو كانت سيجا تطورها وطلعتها اللعبة بشكل رائع بس مشفنا شي لحد الان وما اتصور اللعبه تحت التطوير لان الفريق الي كان شغال على اف زيرو نزل لعبة لسيجا من فتره قصيره احسن حل نيتندو تشتري ستوديدو يتفرغ للسلاسل المسحوب عليها غير كذا مراح تنحل المشكلة

ردك مليان افتراضات. من وين عرفت ان نص استوديوات ننتندو ما تعرف تسوي العاب 3D؟ ومن قال انهم مهب شغالين على ألعاب وي؟

بالنسبة للألعاب المسحوب عليها, هذا مو لأنه ما فيه احد يطورها. فيه أسباب ثانية مثل هل راح تكون مشروع ناجح لو استثمرنا فيه؟ هل هذا هو الوقت المثالي الي نبدأ فيه؟ هل التكنلوجيا الي عندنا تساعد نوصل للـvision حقتنا للجزء الجديد؟ ....الخ. مرة ثانية انت قاعد تفترض انه عشاننا ما شفنا ستار فوكس أو اف زيرو, أكيد لأنه ما فيه احد يطوّرها.

آخر نقطة. ننتندو ما تحتاج انها تشتري استوديو كامل عشان يسلتم جزء جدبد من سلسلة او ثنتين. مثل ما قال عمر, اذا كان فيه لعبة مشكوك في نجاحها, او ننتندو نفسها -لأي سبب كان- تبغى تقلل من تكلفة تطويرها, راح تسوي outsourcing لأي مطوّر طرف ثالث. وراح تخلي استوديو داخلي أو اكثر يشرف على تطويرها.

طبعاً كلامي ما يعني انه ننتندو ما راح تتوسع أبداً في حياتها!! الشركة قاعدة تكبر بالدقيقة, والتضخم الي صار لها خلال الخمس سنوات الماضية يفرض انها تتكيّف معاه. لكن هذا ما يعني "استوديوات أكثر" بالضرورة. بل بالاحرى يعني "زيادة حجم الاستوديوات الموجودة". "وضع خطة ادارية أكبر وأفضل", "نضيف قسم ماركيتينج جديد"...الخ

 

[Nintendo]

اضافة لكلام جحجاح ننتندو اليابانيه خلال العام 2009 وظفوا 300 شخص جديد بالشركة!! الرقم جدا كبير وخصوصا في ظل انه معظم الشركات قاعده تشوت الموظفين مش العكس.

 

[Zoda]

ردك مليان افتراضات. من وين عرفت ان نص استوديوات ننتندو ما تعرف تسوي العاب 3D؟ ومن قال انهم مهب شغالين على ألعاب وي؟

صحيح ان الي اقوله افتراضات بس اقرب الى الواقع بالنسبه لنصف مطورين مايعرفون يسون 3D اقصد الي يشتغلون على الـ DS لو دققت بكلامي وهل شي ملاحظه بالعاب الDS معضم الالعاب اذا احتاجة 3d او اي نوع من المؤثرات يا يستعنون بمساعدة مطورين اخرين من نفس الشركة او شركة اخرى واكبر مثال جيم فريكس لعبتهم الجديده خلتهم يضمون عدد من الموظفين مختصين للـ 3D

بالنسبة للألعاب المسحوب عليها, هذا مو لأنه ما فيه احد يطورها. فيه أسباب ثانية مثل هل راح تكون مشروع ناجح لو استثمرنا فيه؟ هل هذا هو الوقت المثالي الي نبدأ فيه؟ هل التكنلوجيا الي عندنا تساعد نوصل للـvision حقتنا للجزء الجديد؟ ....الخ. مرة ثانية انت قاعد تفترض انه عشاننا ما شفنا ستار فوكس أو اف زيرو, أكيد لأنه ما فيه احد يطوّرها.

بالنسبة للتوقيت الوي عنده ازمة العاب وتقول توقيت! ومافي لعبة من السلاسل المشهوره لينيتندو ما تبيع الى مترويد وبعدين فيه العاب كثيره غير اف زيرو وستار فوكس!

آخر نقطة. ننتندو ما تحتاج انها تشتري استوديو كامل عشان يسلتم جزء جدبد من سلسلة او ثنتين. مثل ما قال عمر, اذا كان فيه لعبة مشكوك في نجاحها, او ننتندو نفسها -لأي سبب كان- تبغى تقلل من تكلفة تطويرها, راح تسوي outsourcing لأي مطوّر طرف ثالث. وراح تخلي استوديو داخلي أو اكثر يشرف على تطويرها.

انا ما اعترض ان الشركة تستعين بشركات طرف ثالث بس هذا مب حل لان له مشاكله كثيره اذا تغير المطور للعبة = تغير طريقة جيم بلاي الخ


Nintendo

اضافة لكلام جحجاح ننتندو اليابانيه خلال العام 2009 وظفوا 300 شخص جديد بالشركة!! الرقم جدا كبير وخصوصا في ظل انه معظم الشركات قاعده تشوت الموظفين مش العكس.

شكل العاب مكجوله كثيره جايه بالطريق اشك ان ايواتا موظفهم لتطوير للسلاسل الاساسية

 

[Nintendo]

بالنسبة للتوقيت الوي عنده ازمة العاب وتقول توقيت! ومافي لعبة من السلاسل المشهوره لينيتندو ما تبيع الى مترويد وبعدين فيه العاب كثيره غير اف زيرو وستار فوكس!

ستار فوكس واف زيرو بالاضافة الى ميترويد ماتبيع, وش هي الالعاب الكثيره؟

انا ما اعترض ان الشركة تستعين بشركات طرف ثالث بس هذا مب حل لان له مشاكله كثيره اذا تغير المطور للعبة = تغير طريقة جيم بلاي الخ

مو شرط وانت ايضا قاعد (تفترض), فيه شركات وظيفتها الكود البرمجي فقط للالعاب (مثل سلسلة دراجون كويست اللي طورتها عدة فرق ولكن العمود الفقري هو اللي يتحكم بكل الخيارات).

شكل العاب مكجوله كثيره جايه بالطريق اشك ان ايواتا موظفهم لتطوير للسلاسل الاساسية

وايضا انت هنا قاعد (تفترض), ننتندو سلمت ماريو الرئيسية لفريق ايد طوكيو, سلمت ميترويد لتيم ننجا ومن قبلها لريترو, هاذي السنة بنشوف العاب هاردكورية كثيرة من الشركة فليش نفترض انهم توظفوا فقط للالعاب المكجولة في ظل وجود جهاز جديد بالكامل من الشركة محتاج كل موظف!

 

[G7Ga7]

بالنسبة للتوقيت الوي عنده ازمة العاب وتقول توقيت! ومافي لعبة من السلاسل المشهوره لينيتندو ما تبيع الى مترويد وبعدين فيه العاب كثيره غير اف زيرو وستار فوكس!

أزمة ألعاب؟ :laugh::
ننتندو السنة هذي والسنة الي قبلها موزعة العاب الطرف الأول بشكل استراتيجي ورهيب. ما فيه لا أزمة ولا يحزنون.

انت وش تبي من ننتندو؟ ماريو بلاتفورمر؟ فيه وحدة قبل سنتين ووحدة العام الماضي ووحدة هالسنة. تبي زيلدا؟ فيه وحدة قبل ثلاث سنوات, ووحدة متوسطة قبل سنتين, ووحدة ممتازة قبل سنة, والسنة هذي فيه اصدار جديد للعبة زيلدا كونسول. تبي ميترويد؟ برايم 3 قبل كم سنة, وهالسنة عندك أوذر أم. تبي بيكمن 3؟ ان شاء الله هالسنة أو السنة الجاية
هذا غير الألعاب الي ما أعتبرها شخصياً من سلاسة ننتندو المهمة (بنتش أوت, سين اند بنشمنت 2, بوكيمون وغيرها).
هذا غير العاب الطرف الثالث الي تنشرها.

التقصير الوحيد الي اشوفه في ننتندو هو بدونكي كونج وستار فوكس وإف زيرو. وزي ما قلت. المسألة أكيد ان العاب جديدة من هالسلاسل ممكن ما راح تسوى كمية الميزانية المدفوعه لها.

انا ما اعترض ان الشركة تستعين بشركات طرف ثالث بس هذا مب حل لان له مشاكله كثيره اذا تغير المطور للعبة = تغير طريقة جيم بلاي الخ

هالشيء مو سيء بالضرورة. ريترو غيرت ميترويد الى الافضل. Q Games (؟) نزلت ستار فوكس جيدة لما الناس فقدت الأمل. رير استوديو اعاد تعريف دونكي كونج...الخ.
انت لا تحسب ان الأوتسورسنج = قط فلوس على المطور وخله يحوس على راحته. لا يبوي. زي ماهو مكتوب في ردي, السالفة فيها اشراف من استوديوات ننتندو الداخلية, وممكن يكون الاشراف من الناس الي اخترعت هذي السلسلة من الاساس.

شكل العاب مكجوله كثيره جايه بالطريق اشك ان ايواتا موظفهم لتطوير للسلاسل الاساسية

الافتراضات عندك زي السلام عليكم :laugh::
انت شكلك تكره أيواتا. ما ادري ليه صراحة. لكن اياواتا من دون منازع أفضل CEO شفته في حياتي (ممكن ستيف جوبز ينافسه؟). قدر يحوّل شركة من اسوأ أحوالها على الاطلاق, الى الشركة الرائدة في صناعة الفيديو جيمز من دون حتى اي منافسة تذكر. أياواتا عرف يحوّل ننتندو الى شركة تهتم بشريحة جديدة, وبنفس الوقت تحافظ على الفانز حقينها. أياواتا قدر يرجع أكبر المطوّرين اليابانيين له عشان يسوون أكبر العناوين اليابانية على اجهزة ننتندو وبشكل حصري.
كل هذا في 5 سنوات تقريباً.

في النهاية أرجع اقولها. انت قاعد تفترض الأسوأ. الي بالغصب تبي تطلع ننتندو على انها الشركة الي ما تعرف وش تسوي وقاعدة تخبص يمين ويسار. كل هذا بناءاً على انه فيه سلسلة أو ثنتين من سلاسة الشركة ما طلعوا على الوي او الدي اس.

 

[Rare Games]

بالنسبة لافرقته نينتدو وتعاونها مع الطرف الثالث في تقصير واضح

الطرف الثالث فعلا وين ماريو بارتي 9 مع هادسون وين بعد ماريو تنس وماريو جولف مع كاميلوت

بالنسبة لافرقتها اشوف كسل او تقصير كبير انجلت سيستم له 3 سنوات ما اشتغل على ولا لعبة على الكونسول

هال لابز ما اشتغل على ولا لعبة على الوي ( بما ان كان مطور ثانوي في براول واعتقد جيم ارتس كان الاساسي ) بعكس ما كان الفريق ينتج العاب بوكيمون ستاديوم 1 و2 ايام النينتدو 64 ومع كيربي وسماش

والكيوب كمان انتج كيربي وسماش بس الان على الوي مالها شي ملموس الا كيربي الي سمعنا عنها من سنوات و ماندري شنو صار عليها يمكن السبب يعود لترك سورا للفريق الله اعلم

كمان جيينيس سونوريتي مالها ولا لعبة من اربع سنوات لما اصدر بوكيمون باتل مع اصدار الوي باليابان


شخصيا اشوف الوي ناقصه اشياء كثيرة من العاب نينتدو وهذا الشي واضح وخاصة من افرقتها الي ما ندري وش قاعدة تسوي

يمكن يالمقابل في تعويض نوعا ما كباتش اوت مع نيكس ليفل وماريو جالاكسي 2 وكذلك عودة ماريو بروس للكونسول

لكن برضوا هذه الافرقة لازم نعرف شنو قاعدة تسوي مش معقوله كلها تطور للمحمول

 

[G7Ga7]

^ ما اختلف معاك. أنا قلت في ردي الأول:

ننتندو ما تحتاج تفتح ولا تشتري استوديوات جديدة. كل الي تحتاجة تحسسنا انه الـ17 استوديو حقينها كلها قاعدة تشتغل على العاب. وإلى حد ما هالكلام احنا شايفينه اليوم.

صحيح اننا قاعدين نشوف العاب ممتازة على مدار السنة من ننتندو. الا انه لو تدقق, راح تشوف بعض الاستديوات ماهي قاعدة تطلع العاب.

بس للأمانة, ترى مو شرط كل الاستوديوات تكون شغاله على ألعاب عشان تصدرها. مرات كثيرة يتم الاستعانة ببعض الاستوديوات عشان يطورون تكنلوجيا معينة يحتاجونها في جهاز أو لعبة معينة. مرات الاستوديو يكون شغال فقط لمساعدة استوديو ثاني بانه يمدهم بالـtools والـAssets الي يحتاجونها. مرات الاستوديو يكون شغال على مشروع فعلي, لكن لسبب أو لآخر يتكنسل هالمشروع خلف الستار, أو ممكن يُطلب من الاستوديو انه يغيير تغيير كبير في مشروعة, وهالشيء راح يكلفهم وقت أكثر.

فيه عشرات الأسباب الي ممكن تفسر غياب استوديوات التطوير هذي. وكل هالاسباب تكون خلف الكواليس ما يعرف عنها أحد. طبعاً انا ماني احاول ادافع عن ننتندو وأبرر شيء. ننتندو فيها تقصير وتقصير كبير حالها حال اي شركة ثانية. بحسب كلام اياواتا فيه مشاكل بين ادارة الاستوديوات المختلفة حول العالم, وهالشيء انا متأكد انه أثّر في غياب بعض الاستوديوات.

لكن في النهاية أنا لاعب, انا ابغى العاب توصلني العب فيها. وننتندو قاعدة تلبي احتياجاتي بألعاب ممتازة طول السنة. ما راح انتقد واقول "لأ أبغى هذي اللعبة, ولا ننتندو في نظري شركة متكاسلة وحقت كاجوالز". صحيح أتمنى اشوف ستار فوكس جديد, لكن طالما انه عندي زيلدا وماريو وميترويد وغيرها هالسنة, انا سعيد.

 

[Rare Games]

بالنسبة لتعويض فهو مرضي بشكل كبير مثلا لاول مرة لعتبين ماريو 3 دي على جهاز واحد ولاول مرة العب ماريو بلات فورم 2دي مع كو - اب ولاول مرة اتحمس لمتيرويد كونها ثيرد بيرسن وسريعة ..الخ

بس من حقي اتسائل وين الالعاب الي اعتدت عليها

مثلا انا تعودت العب ماريو تنس كل جيل وماريو بارتي باستمرار وابي العاب انجلت سيستم واتحمس لمشاريعه

في تعويض وفيه بدائل ممتازة والعاب على مدار العام .. الخ

بس لما تضل فترة طويلة ما لعبت ماريو بارتي وماريو تنس وفاير امبلم ارد اشتاق لهم واتمنى صدورهم


ليش للحين الناس قاعدة تطالب بعودة دونكي كونغ من ايام الكيوب مع ان الكيوب عليه مكتبة العاب كبيرة

لانهم يحبون هالسلسلة وودهم تستمر ويلعبونها باستمرار حتى مع وجود هالبدائل هم يحبوا السلسلة وراح يضلون يطالبون فيها للأبد

 

[G7Ga7]

المشكلة رير جيمز العالم ما يمشي على الي تبغاه .
مو بس مع ننتندو.

ليش رير ما تسوي بيرفيكت دارك 2؟ ليش ما تسوي كونكر 2؟
ليش كونامي ما تسوي زوي3؟
ليش نوتي دوج ما يسوون جاك 4؟ ليش سكر بنتش ما يسوون سلاي 4؟
ليش كابكوم ما تسوي ريزيدنت ايفل كلاسيكية؟
..الخ

فكر فيها للحظة وتعرف ان صناعة الألعاب صناعة تمشي وراء الفلوس. مهما كان المطور وفي للفانز ويبغى يسوي جزء جديد من سلسلتهم المفضلة, اذا كان عمل مشروع آخر أفضل مادياً, راح يتوجهون له بشكل نهائي. نفس الشيء مع ننتندو.

صحيح ما شفنا ماريو بارتي ولا دونكي كونج ولا اف زيرو من فترة. وكلنا نتساءل ليش؟ والجواب على هالسؤال زي ما قلت: يمكن هذا مهو الوقت المناسب لهالنوع من الالعاب. يمكن التكنلوجيا الي نبغاها ما توفرت عشان توفي vision المطور للجزء الجديد حقها. وغيره.

لكن للأمانة, مقارنة بكل الفانز لكل الشركات حول العالم, أنا اقول وبكل ثقة ان الننتندو فانز هم من أكثر الفانز المحظوظين هذا الجيل (ثاني اكثر فانز محظوظين هم حقين بنجي لعبة هيلو كواليتي كل سنة لول).
صحيح افتقدوا كم لعبة, وصحيح شافوا الشركة تتوجه لتوجه ما يناسبهم. لكن في النهاية ننتندو قدمت عناوين هاردكورية ممتازة جدا جدا جدا للفانز سواءاً على الوي, أو على الدي اس, أو حتى على خدمة الداونلودبل.

 

[Zoda]

الموضوع بيجيب لي صداع ._."

الوي الين اب حقه مضروب واكبر دليل العاب الـDS الي نزلة على الوي اخذت حيز بعض الالعاب الي بالعاده تكون اساسيه وجودها كان مجرد تغطية النقص الالعاب كانت جيده بس مو تاخذ اماكن العاب الناس متعوده انها تنزل على اجهزة نينتندو غير هذا فجوة رير بدت تتوسع فكتور فايف وسيلكون نايت وشركات اخرى ما قامت تطور لنينتدو واي بيز كنى متعودين انها تنزل على نيتندو صارت تنزل على اجهزه ثانية او ماتت وريتروي ممكن تلاقي مصير الشركات هذي لاحد الان اصر على رائيي ان نيتندو لازم تشتري شركة طرف ثاني خصوصا ان نينتندو عندها بعض السياسات الغبيه انها متطور نوع من الالعاب كطرف اول

 

[Nintendo]

اخ زيلدا راح اسألك سؤال, وش صار للفرق الذي ذكرت اسمائها بردك! يمكن لمن تعرف الاجابة بتعرف قد ايش ننتندو لمن تدخل بأي فريق وتساعده تطلع ابداعاته ولمن تتركه لول نضحك عليه.

تطور لنينتدو واي بيز كنى متعودين انها تنزل على نيتندو صارت تنزل على اجهزه ثانية

معليش بس مافهمت ايش معنى بيز كنى!

 

[G7Ga7]

شكراً اخ زيلدا على تضييع وقتي في كتابة الردود الطويلة هذي عشان اوضح بالضبط الي مكتوب في ردك, وفي الأخير ترجع لنقطة الصفر, ومُصر على رأيك.

ان شاء الله ما نتناقش مرة ثانية لأني الان اعرف انك من النوع الي يتمسك برأيه مهما كان, حتى لو كان لازم انه يفترض افتراضات من عنده عشان كل شيء يصير متوافق مع رأيه.

 

[Zoda]

^
كل ما قريت لك رد جديد يكون متناقض نوعا ما عن السابق غير هذا تلف وتدور حول الموضوع

 

[G7Ga7]

لول أوكي.

 

[X-SRI-X]

^
كل ما قريت لك رد جديد يكون متناقض نوعا ما عن السابق غير هذا تلف وتدور حول الموضوع

اتمنى تذكر لي تناقض الاخوان:what:

 

[Zoda]

اخ زيلدا راح اسألك سؤال, وش صار للفرق الذي ذكرت اسمائها بردك! يمكن لمن تعرف الاجابة بتعرف قد ايش ننتندو لمن تدخل بأي فريق وتساعده تطلع ابداعاته ولمن تتركه لول نضحك عليه.



معليش بس مافهمت ايش معنى بيز كنى!

ما انتبهة لردك خصوصا مع ردود جحجاح الي تنزل بثواني ما يمديك تعلق الى ونزل وحد جديد كنت اقصد ip = اي بيز بالجمع يمكن كتابتي لـ كنى = كنا خلتك تقرها غلط ههههههه ._." بالنسبة لمصير الفرق عارفينه بس ما يمنع نيتيندو تستعين بفرق جديده خصوصا نشوف فرق تطلع ومافي فرق جديده تعوض النقص