ظـ..ـاهرة التفحيط بالعـاصمه الريـ..ـاض !!

[DeViL MiNd]

بدام موضوعي ذاك حذف قلت خل احط موضوع من كتابتي يمكن يكون اهم شوي

شباب الكل يعرف ظاهرة التفحيط المنتشره بين اهل الرياض ذا الأيام كثير مو اهل الرياض

كلهم لاتجون الحين تقول ظلمتهم لكن انا اقول المراهقين اول ما يطلبونها أعلمك كيف :

يمه أو يبه :

ابي سياراه : كامري - اكوورد - ماكسيما - سوناتا << الأشهر بالتفحيط

ابيها مستعمله << عشان يلعب فيها لعب بالتفحيط

واواال ماشتريها ابي اظللها .. << عشان مايدرون عنه الشرطه إلخ

......

هاذي صدقوني قسم بالله ماكذب عليكم انه حقيقه .. اما فيه شيء ثاني وطلب آخر :

يمه او يبه :

ابي 200 ريال وإذا قالو له اهله ليش صرفهم بأي كلام
سبب الـ 200 عشان يتقاطون هو واخوياه بسياراه ويستأجرونها ويفحطون بها

.....

شوفو شباب الي بينكرني فهو ينكر نفسه ولاحد يقولي خطأ .. لاتقول شيء الا وانت ساكن

بالرياض وشايف هالأشياء قدام عيونك واتمنى نشوف ارائكم بهالشيء وانا اقول السبب

عدم توفر مسارات تسمح لهوؤلاء المراهقين بإن يمارسو هوايتهم مثل التفحيط
يعني لو مسوين مسارات كبيره ومنظمه ويحطون خوذات ووقايات سلامه وتصير فيها مسابقات
مو ب ازين ؟؟​

 

[Pichi]

سمعت انهم راح يسون حلبات خاصة بالسيارات في الدمام و الرياض.
أعتقد جدة فيها ولا؟

 

[Mario2]

هو انتم بس .. نحن لو تبيها قدام بيتك عادي وعلى مدار 24 عادي ..
المشكله مثل ما قلت هذي تقريبا تعتبر هوايه لو كان فيه اماكن معينه لهم كل واحد يتعرض اللي عنده او يفرغ اللي عنده .. على الاقل راح تخف الظاهر ولو انها اساسا ما راح تختفي .. براس الخيمه اظن وكم اماراه فيه اماكن للتفحيط عادي ومسابقات ووو .. بس مادري عنا نحن هممم ..

 

[Agent47]

طبعا اذا وفرت الحكومة, ولا رعاية الشباب حلبات خاصة للتفحيط والسباقات, راح يكون احسن وأمتع.
بس بصراحة نظرتي للموضوع أن الغلط غلط الأب اللي يشتري لولد عمره 16 ولا 15 ولا حتى 17 سيارة, المفروض لمايوصل عمره 18.
ويكون مراقب اذا مثلا صار عليه شكوك, يطلب فلوس, زي المثال اللي ذكرته ابو 200 ريال, ويصرفه بيوم وليلة من غير سبب مقنع, يعني تبرع فيها مثلا, و اثبت كلامه, ماينعطى مبلغ كبير, يعني المفروض واحد مراهق ماينعطى اكثر من 50 ريال ماكسمم.

 

[persona]

كله من نيد فور سبيد :cryy:

لو حطيتوا حلبات بالعكس راح تزيد هالظاهره ، سوينا حلبات سيارات قبل بالكويت والشباب

صاروا ادمان بره الشارع بدل من الحلبات خخخخخخ

 

[Torpedo]

ياحبيبي جيب كم ألف نشتري سكاي لاين و نفحط لين ما تنفجر المكينة xD
---

بالنسبة لي و بما اني في منطقة اسبوعياً يكون في تفحيط و الامن ما شاء الله عليه يجلس يشاهد -_-" .. اكره اشوف احد يفحط .. إلا لو كانت قومة -مجاكرة- >.>

في جدة في مضمار ، و الرياض اعتقد قريباً .. لكن الدمام لسة ما بدأ المشروع ..

 

[DeViL MiNd]

طبعا اذا وفرت الحكومة, ولا رعاية الشباب حلبات خاصة للتفحيط والسباقات, راح يكون احسن وأمتع.
بس بصراحة نظرتي للموضوع أن الغلط غلط الأب اللي يشتري لولد عمره 16 ولا 15 ولا حتى 17 سيارة, المفروض لمايوصل عمره 18.
ويكون مراقب اذا مثلا صار عليه شكوك, يطلب فلوس, زي المثال اللي ذكرته ابو 200 ريال, ويصرفه بيوم وليلة من غير سبب مقنع, يعني تبرع فيها مثلا, و اثبت كلامه, ماينعطى مبلغ كبير, يعني المفروض واحد مراهق ماينعطى اكثر من 50 ريال ماكسمم.

ياسلامي عليك الحين صدق اخوي ماسك السياراه وهو بـ 3 متوسط

وولد عمي ماسك السياراه بـ 6 إبتدائي .. وبعدين 50 ريال من ابوه واخويائه

اقولك الدعوه يتقاطون بفلوسهم فيها

 

[AMG]

ترى هذى الظاهرة مو بس فى السعودية تقريبا هى منتشرة فى اغلب الدول العربية

هنا فى مصر التفحيط شغال 24 ساعة وخصوصا فى منطقة 6 اكتوبر الان اغلبها طلبة مصريين و مغتريبين

بصراحة هذى مشكلة كبيرة الانها اخطار كبيرة مو بس على السائق او على الناس الى فى السيارة لكن حتى على الناس الى ماشية فى الشارع و صارت مرة فى القاهرة حادث كبير راح فيه ناس كثيرين بسبب سباق كان بين واحد قطرى و واحد مصرى و السيارتين انقلبوا و كل الناس الى كانو على الرصيف راحو فيها (( حوالى 50 ))

 

[Suzuki Yu]

سمعت انهم راح يسون حلبات خاصة بالسيارات في الدمام و الرياض.
أعتقد جدة فيها ولا؟

ايوه فيها :kiss:

 

[Torpedo]

المفروض كل مثلي >.>
لما الشارع زحمة احب اسرع و اتجاوز >.>
لكن على الهاي واي اكون نظامي >.> حدي 140 ..و اذا مستعجل 180-200 ..:

 

[Pichi]

بالنسبة لي و بما اني في منطقة اسبوعياً يكون في تفحيط و الامن ما شاء الله عليه يجلس يشاهد -_-"

لول..مرات يفحطون معاهم.

 

[Death match]

ذكرتني ايام العز اول كل اربعاء وخميس بالجهرا بمنطقة معينة بقطعة معينة الشباب يكبون ديزل وتصير فيها دوريات و ذكريات ولا تشوف هناك (الشريطية) الي يتاجرون بالسيارات بالحراج ترتفع اسهمهم وبلاوي واذكر مرة كبوا ديزل بس جت الشرطة وخربت علينا المهم بعد ما راحت الشرطة جت المطافي على اساس تغسل الشارع من الديزل لان اي سيارة صارت تجي لازم تاخذ لها خمسة على الساهل المهم والمطافي موجودة الشباب صاروا يفحطون جمبها وصار تجمع رهيب والمطافي هوجمت بالحجارة !! وبلاوي الجهرا

اخر شئ بالقطعة هذي صار فيها حظر تجوال الاربعاء والخميس من الساعة 11 الى الساعة 1 لووووووول

اما بخصوص التقحيص (التفحيط بالسعودي) في السعودية فمادري عنه شئ غير البلوتوث الي ينتشر والشباب مبدعين هناك خصوصاً في حركة اسمها ( العقدة ) هذي السعودين يجيبونها صح

 

[Xavi]

المفروض كل مثلي >.>
لما الشارع زحمة احب اسرع و اتجاوز >.>
لكن على الهاي واي اكون نظامي >.> حدي 140 ..و اذا مستعجل 180-200 ..:

لول انا مثلك :yuck:

 

[Pichi]

عندنا بعد نقول " التقحيص " في الشرقية.
عني أكرهه التفحيط , كل خميس ازعاج -_______-..

 

[DeViL MiNd]

ذكرتني ايام العز اول كل اربعاء وخميس بالجهرا بمنطقة معينة بقطعة معينة الشباب يكبون ديزل وتصير فيها دوريات و ذكريات ولا تشوف هناك (الشريطية) الي يتاجرون بالسيارات بالحراج ترتفع اسهمهم وبلاوي واذكر مرة كبوا ديزل بس جت الشرطة وخربت علينا المهم بعد ما راحت الشرطة جت المطافي على اساس تغسل الشارع من الديزل لان اي سيارة صارت تجي لازم تاخذ لها خمسة على الساهل المهم والمطافي موجودة الشباب صاروا يفحطون جمبها وصار تجمع رهيب والمطافي هوجمت بالحجارة !! وبلاوي الجهرا

اخر شئ بالقطعة هذي صار فيها حظر تجوال الاربعاء والخميس من الساعة 11 الى الساعة 1 لووووووول

اما بخصوص التقحيص (التفحيط بالسعودي) في السعودية فمادري عنه شئ غير البلوتوث الي ينتشر والشباب مبدعين هناك خصوصاً في حركة اسمها ( العقدة ) هذي السعودين يجيبونها صح

عندك ( العقده ) و ( العكسيه ) و ( السفتي ) و ( حركة الموت ) و ( المقص ) .. إلخ

كل هذولا اهل الرياض مخترعينها

المفروض كل مثلي >.>
لما الشارع زحمة احب اسرع و اتجاوز >.>
لكن على الهاي واي اكون نظامي >.> حدي 140 ..و اذا مستعجل 180-200 ..:

في الزحمات إذا ماكنت خايف على السياراة ارقي الكفرين الي على اليمين على الرصيف واتجاز\وز

اما على الهاي واي 220 - 200 بس

 

[Torpedo]

و الله مرة واحد من اصحابي عنده موستنج 2006 .. وقفوه بدون سبب .. يقولون تعطيل سير لأنه كان يمشي 60 و الشرطة وراه و ما كان يقدر يوخر عنهم ..
المهم السيارة جير عادي ،، وقفوه و ركبون في سيارتهم .. و الثاني الشرطي ركب سيارته حتى ياخذها مركز الشرطة .. تحمس و صار يسرع فيها و لما يلف لازم يسرع -_-" .... احسن شي في النهاية الشرطي اخذ له تهزيء من قلب D: >.>

 

[King Wario]

همممم مثل توربيدو ... ما احب التفحيط مثل ما تسمونها ... لكن احب القومة ( يعني تسرع بالسيارة وتشوف كم توصل في زمن معين ، اكسلريشن بالعربي :yuck: ) ... خاصة اذا الشارع ما فيه زحمة ، يا سلام ، صك ال 200 وطير :yuck:

 

[Torpedo]

140 على الهاي واي هذه هي حد السرعة المسموحة عليه ..
لما اكون مستعجل يعني ظرف طارئ .. -_-""

اما اني اسرع 200 عليه طول الوقت و اتباهى بهذه السرعة فهذا يسمونه عبط -_-"

 

[DeViL MiNd]

قسم بالله اذكر اني راكب مع واحد من اخويائي على مدخل الرياض يمشي 240 بلومينا SS

يسقط من اليسار وعلى الحفه بين السياراه والصبه يعني تشوف كأنك تنظف التربات الي على

الصبه

 

[DeViL MiNd]

اما اني اسرع 200 عليه طول الوقت و اتباهى بهذه السرعة فهذا يسمونه عبط -_-"

لا مو عبط خالص انا اقولك لنفسي تعودت على :

اني ما اغير النمره الا واخلي ضغط السياره يصير تحت الـ 4 ..

وعلى الطرق السريعه مثل الهاي واي 240 - 220

 

[الــخــــارق]

يا زين ربط حزام الامان -_-

 

[DeViL MiNd]

يا زين ربط حزام الامان -_-

حزام الأمان ويش ؟؟ .. مايلبسون الحزام الا عند التفتيش :yuck:

 

[Futrus]

في البحرين اللي يسوق فوق 120 يعتبر مجنون

 

[Mario2]

:gasp: :gasp: :gasp: :gasp: :gasp: :gasp: :gasp:

 

[DeViL MiNd]

في البحرين اللي يسوق فوق 120 يعتبر مجنون

ماجبت شيء جديد

 

[Torpedo]

سايلنس عامل Cool ما تربط الحزام و دايماً تسرع xD .. تحب تسرع للموت .. المشكلة اني اعرف كثير زيك حاسبين انهم محترفين ..
اوكي حبيبي .. لنفترض انك احسن واحد تسوق سيارة في الدنيا .. الي معك في الشارع مثلك ؟ لو واحد غبي مثلاً عمل حركة غبية و انت تسرع وراه .. مستحيل تقول لي ان في اجزاء الثانية هذه انت تقدر تفكر بحركة تخليك تتفاداه .. و حتى لو بالحظ نجحت مرة الثانية بتاكلها .. و مهما نجحت في الاخير لازم بتجيك اللحظة الي تنهار فيها ..
و ترى الانسان ضعيف.. الحديدة هذه التسوقها و الي يسوقها غيرك توصلك احياناً للقبر .. و الله يعين أهلك بعدين
انتبه بس .. و لا تضيع شبابك حتى تصيرcoOl ..

 

[Phoenix]

السرعه فوق ال 140 تعتبر محاولة انتحار ..

 

[The Sinner]

والله انا فعلا اعاني من مشكلة السرعة وبعد ما اربط حزام الامان مش لاني مسوي فيها محترف بس لاني ما احبه يضيق وبقوة

بس اللي يقهرني اكثر اخوياي يقولون عن متهور بالسواقة وانامسكين عاقل بس اسرع بالطرق السريعة

 

[Humam]

الموضوع هذا رفع ضغطي.. لأنه موضوع مستفز.. أخس شي عندي اني اسمع سيرة المفحطين لأني على طول اتذكر اشكالهم المنحطة.. ثوب قلاب 3 امتار, وتلاقيه حاط شال خايس أو منزل الكفية على قدام ومنزل خصلتين.. أعوذ بالله شي يرفع الضغط بقوة.

 

[Andrew X]

اوكي حبيبي .. لنفترض انك احسن واحد تسوق سيارة في الدنيا .. الي معك في الشارع مثلك ؟ لو واحد غبي مثلاً عمل حركة غبية و انت تسرع وراه .. مستحيل تقول لي ان في اجزاء الثانية هذه انت تقدر تفكر بحركة تخليك تتفاداه .. و حتى لو بالحظ نجحت مرة الثانية بتاكلها .. و مهما نجحت في الاخير لازم بتجيك اللحظة الي تنهار فيها ..
و ترى الانسان ضعيف.. الحديدة هذه التسوقها و الي يسوقها غيرك توصلك احياناً للقبر .. و الله يعين أهلك بعدين
انتبه بس .. و لا تضيع شبابك حتى تصيرcoOl ..

IN OTHER WORDS مب كل مرة تسلم الجرة