طلعت لك لمبات الدسكو ؟ تبي تصلحها ببلاش وبسهولة ادخل هني

[Rockman]

السلام عليكم :

اذا الموضوع مكرر " ما اعتقد " يا ليت احد يسكره

طبعا اغلب اللي شروا 360 عانوا من مشكلة الانوار الحمراء

واللي صلحها بمبالغ خيالية وارتاح " انا " واللي شرى جهاز واللي من الحقد شرى جهاز ps3

لكن الامن والسلام لم يستمر

لمبات الدسكو رجعت وانا متحبط حيل خصوصا اني دفعت 40 دينار على تصليحها

وفجاة الحل يطيح علي من السماء لول من شخص ليجيند وكان معروف هني <tgman>


المتطلبات :

عدد 2 منشفة " لول ادري ادري بس جيبهم وخلاص "
جهاز اكس بوكس 360
موصل كهربي


الخطوات :

وصل الاكس بوكس بالكهرباء وشغلها " خل تطلع لمبات الدسكو
الحين لف الجهاز يالمنشفة الاولى وفوق المنشفة منشفة ثانية
خل الجهاز شغال وخله مع المنشفتين عليه لمدة 15 -20 دقيقة
بعدين افصل الجهاز عن الكهربا " راح تلاحظ انك لو تحط بيضة راح تنسلق على الجهاز " اذا صار جذي يعني الخطوات مشت اوكي
الحين روح ارميها بمكان بارد وخلها ترتاح لمدة 15-20 دقيقة

الحين وصل الكهربا و التلفزيون وشغل الجهاز

تااااااااداااااااااااااااااااااااا الجهاز اشتغل !!!

الحركة انا مجربها ونجحت نجاح باهر 120%

اتوقع الحكمة انك تسوي overheat للجهاز وبطريقة ما هذا يخليه يشتغل

 

[Snake-87]

اعتقد الحركة موجودة بـYoutube وراح ترجع لك بعد فترة على كلام المجربين >.>
الله يعينك ^^" وإن شاء الله ما تحوشك

 

[m7tram]

مابي احطمك بس بعد فتره راح تخرب خراب نهائي .

 

[Strife]

استبدل جهازك بالفالكون..

 

[Rockman]

لااااا تقولون :embarrassed:

عموما باستمر معاه لو اخترب مرة ثانية ماكو الا نشتري جهاز يديد

 

[Da S.O.S]

النسخ الجديدة من البريميوم ما يجيها رد لايت صح ؟ .. طيب كيف أعرف أن الجهاز اللي رح أشتريه من النسخ الجديدة ؟ .. و من يعرف أفضل عرض للبريميوم الجديد بالشرقية ؟
و آسف لأني طلعت عن الموضوع, بس ما أبي أشتري جهاز و أنصدم من الخرابات :embarrassed: .

جهاز بضمان مايكروسوفت مهما كان .. وريح بالك!<tgman>

 

[Anime Gate]

النسخ الجديدة من البريميوم ما يجيها رد لايت صح ؟ .. طيب كيف أعرف أن الجهاز اللي رح أشتريه من النسخ الجديدة ؟ .. و من يعرف أفضل عرض للبريميوم الجديد بالشرقية ؟
و آسف لأني طلعت عن الموضوع, بس ما أبي أشتري جهاز و أنصدم من الخرابات :embarrassed: .

اخذ الاجهزة اللي فيها فتحة HDMI .
بعدين احنا ما ملينا من هالمواضيع .

لمبات الدسكو رجعت وانا متحبط حيل خصوصا اني دفعت 40 دينار على تصليحها

حرام عليك يا اخي 40 دينار وهم ردلك الخراب.
اصلا لو انا منك لما يقولي تصليحه 40 دينار انسى اني اصلحه واروح اشتريلي احلى 360 اركيد ب 90 دينار مع الارميكس وفيها الفالكون وفتحة HDMI وبلاش عوار الراس