سؤال [طــلــب/إقتراح] تكبير حجم التوقيع في منتدى True Gaming

[Painkiller Q8]

السلام عليكم ورحمة الله

الموضوع مجرد طلب من إدارة TG واستفتاء من الاعضاء ورأيكم في الاقتراح

الإقتراح هو تكبير حجم التوقيع "بكسلات بسيطه فقط"

كلنا عارفين ان إدارة TG تهدف لإظهار المنتدى بشكل إحترافي متقن وبعيد عن اللخبطه والتخبط في استخدام حجم التواقيع واظهار المنتدى بشكل بشع ومزعج !

لكن بما ان المنتدى عن الألعاب وتقريبا 98% من الأعضاء من هواة الالعاب اجد الكثير من الالعضاء يواجه مشاكل في التوقيع لان الكثير منهم يحب ان يضع بطاقتة الخاصه في التوقيع وهي عباره عن بطاقه توفرها كثير من المواقع مثلا Xbox Gamertag - PSN Card - Steam Card... الخ و المشكله ان مافي اي موقع يوفر حجم 100 في 300 كما اجبرنا الموقع على الالتزام في هذا الحجم , والكثير منكم وانا من ايضا واجهت مشكله وتلقيت رساله من الإداره بتغير توقيعي !

انا بحط لكم بعض النماذج لبطاقات الالعاب والاحجام .. وشوف القهر ان الفرق في الحجم مجرد بكسلات قليله :crying:

وهذا من اروع النماذج الي يضم الــ PSN + XBL في نفس الوقت وتقدر تحط Steam اذا حبيت :inlove:



الإقتراح كالتالي:-
بما ان المنتدى تطور ماشاءالله ولاحظنا تغيرات كثيره رائعه مثل تكبير حجز الأفتار إلى 120 في 120 بكسل .. اقترح بأن يتم تكبير التوقيه فقط ليستوعب بطاقات الالعاب لا أكثر .. علشان الاعبين يستخدمون بطاقاتهم في التوقيع وبصراحه هذا الشيء awesome :

الحجم المقترح هو 350 في 130 ... وماراح تحسون في الفرق ولا راح يكون load اكثر ولا شي .. وهذا الحجم المقترح يستوعب اكثر من 40 نوع من بطاقات الالعاب مثل XBL.PSN.Steam

مع خالص الإحترام للإداره وقراراتهم بس أتمنى ان الإداره تشوف الموضوع وتعطيه فرصه وينتهي المطاف والكل مرتاح :

واذا تمت الموافقه راح اعطيكم قائمه بأفضل المواقع الي توفر بطاقات الالعاب على جميع الأجهزه , وافتح موضوع تصميم تواقيع وافتارز لجميع اعضاء TG وانا مستعد اصمم لكل الاعضاء لاي لعبه او فلم او شخصيه... الخ حسب الاحجام الي تتناسب مع القوانين ​

 

[خالد العجمي xXx]

الى الاما سرررر

 

[Marguerite]

أشوف أن الحجم مناسب. ما يحتاج تحط الجيمر تاج في التوقيع الريدي في خانة بالملف الشخصي للـGamer tag/PSN ID الخ.

 

[Painkiller Q8]

أشوف أن الحجم مناسب. ما يحتاج تحط الجيمر تاج في التوقيع الريدي في خانة بالملف الشخصي للـGamer tag/PSN ID الخ.

أي بس اتوقع الكثير غيرك يفضل انها تكون في التوقيع .. افضل من انك تدخل على عضو بس علشان تشوف البطاقه !
الكثر المنتديات تسمح بأحجام مثل هذي .. وحتى منتديات الشركات الرسميه مثل Xbox.com و Sony

يعني زياده بكسلات بسيطه ما عتقد بيكون شيء صعب على الاداره

 

[Painkiller Q8]

اتمنى الي يختار (لا أوافق.) يقرأ الموضوع كامل :sarcastic:

 

[Mute City]

انا لا اوافق , ببساطه شي ماله اي داعي =) وإن وافقت الاداره على زيادة التوقيع يكون فقط للبطاقه الخاصه
خالد مو كل الناس عندها إنترنت ممتاز , وفي ناس تتصفح بالايبود والجوالات =)

 

[Painkiller Q8]

^ TG Mobile
لايدعم التوقيع سواء صوره او بطاقه

البطاقات هذي مسوينها لمنتيات الجيمز ، فليش مايدعمها TG

 

[Revolver]

انا اصلاً ابي التوقيع ينحذف تماماً.

 

[Sea.roOock]

لول بعض الأعضاء هنا فاهمين غلط شوي..

الموضوع مجرد طلب من إدارة TG

مو من الأعضاء.

 

[FALCON-WARS]

بدل كل هذا المفروض يكون تختار جيمر تاج واحد يكون تحت صورتك و شي من هذا القبيل

او انه لما تخلي الماوس على صورهالاكس او السوني تحت اسمك ويطلع الجيم تاج

او انه يبقى على الحال هذا

 

[Painkiller Q8]

لول بعض الأعضاء هنا فاهمين غلط شوي..

مو من الأعضاء.

طلب من الإدراه .. التصويت مجرد آرائ الاعضاء
----

شباب الي مو محتاج التوقيع فكر في غيرك -___- ليش الانانيه ؟

 

[Mute City]

^ TG Mobile
لايدعم التوقيع سواء صوره او بطاقه

البطاقات هذي مسوينها لمنتيات الجيمز ، فليش مايدعمها TG

المفروض تجي يحط حجم للتوقيع وحجم للبطاقه

 

[mhd-sama]

ما اعتقد هناك مشكلة لو كبروه شوي فلذلك أنا موافق حتّى يظهر سبب حقيقي يمنع ذلك

 

[Revolver]

شباب الي مو محتاج التوقيع فكر في غيرك -___- ليش الانانيه ؟

لول طيب ليش حاط تصويت؟ علشان الناس يتجاهلونه :sarcastic:؟ التواقيع اشوفها حاجه المفروض منقرضه من زمان.

 

[Primal]

ليش مش 500x500 زي باقي المنتديات؟
لا حد يجي يتفلسف ويقول تي جي غير :sarcastic:

 

[Painkiller Q8]

^
مادري انت تمزح ولا لا .. بس 500في500 مبالغ فيه بشده وانا اول واحد يقولك TG غير :sarcastic:

 

[Painkiller Q8]

لول طيب ليش حاط تصويت؟ علشان الناس يتجاهلونه :sarcastic:؟ التواقيع اشوفها حاجه المفروض منقرضه من زمان.

التصويت ياحبذا لو الإداره تشوف رأي الاعضاء فقط , لان لو كل اعضاء TG موافقين ممكن الاداره ترفض او العكس ..

بالعكس .. التواقيع منظرها حلو ويعبر عن الشخص و المود الي هو فيه سواء يلعب لعبه معينه او يشوف انمي معين...الخ او من المواضيع الرسميه والتواقيع للهايب وهذي الامور .. شي حلو ينفع ولا يضر

 

[awadnin]

أشوف لو يصير المنتدى مثل ستايل نيوجاف يكون أطلق.

 

[KAIN]

التواقيع حاجه اساسيه انا لم اريد احط صور لشخصيتي المفضله كتوقيع بحط صوره كأنها نمله , محتاجين زياده شويه , ولما ادخل على موقع http://www.xboxgamertag.com مالقى حجم مناسب لمنتدى تي جي

التواقيع مثل id اللاعب تعطي ستايل مناسب لشخصيته و للأشياء المفضله له , + الموضوع ياخذ مشوار اذا تريد تشوف جيم تاغ شخص ما من البروفايل و اذا ما كنت مسجل في موقع اكس بوكس على pc ما تقدر تشوف شي + التواقيع احلى

+ تم تصويت موافق

 

[Silent-Horror]

زيادة بسيطة في حجم التوقيع ما أراها مضرة أساسا حجم تصاميم البطاقات صغير و اللي يهم في التحميل و البطء هو حجم الصورة و ليس أبعادها
موافق على اقتراحك

 

[Nyx]

لو ينلغي يكون أحسن.

 

[Mute City]

ليش مش 500x500 زي باقي المنتديات؟
لا حد يجي يتفلسف ويقول تي جي غير :sarcastic:

من جدك ؟ إنت تبغاني أجلس أنتظر الصفحه تحمل ؟

 

[SAUD~F-16]

انا مؤيد للزيادة..

سبق وانكرشت بسب التوقيع الي قبل:

بس مدري اذا الزيادة هاذي تسبب بطء شديد بالتصفح ,,,كذا نزعل منك يا بين كلير

 

[Painkiller Q8]

^
مادري ليش تعتقدون ان الكاردز تسبب بطىء ؟!؟!؟!

الي يعرف في تصميم الصفحات اكيد بيكون عارف ان هذي الكروت مصممه بأنها ماتاخذ إلا كيلوبايتات بسيطه جدا .. واحيانا تكون الصور العاديه "اثقل" من الكروت :/

صدقوني مافيها أي سلبيه من الي ذكرتوها في الإقتراح

 

[SAUD~F-16]

^
كذا تمام
انشاءالله الأدارة راح توافق بما انه ماله تأثير على التصفح, ما اشوف اي سبب للعدم الموافقه على اقتراحك

 

[Sora Diersly]

افضل من انك تدخل على عضو بس علشان تشوف البطاقه !

خالد مايحتاج تدخل على ملف العضو. شفت علامة 360 و PSN وستيم اللي تحت رمزيتك؟ اضغط عليها وتطلع لك بطاقتك زي اللي ذكرتها انت (حتى افاتارك في اللايف تقدر تشوفه)
مُجرّد شيء قلت يمكن ماانتبهت له

 

[Painkiller Q8]

someone call 911

يالله وين رأي الإداره في الموضوع :

 

[HDNA]

انا اصلاً ابي التوقيع ينحذف تماماً.

+1
مااشوف له أي فائدة

وإذا على سالفة "اشوف القيمر تاج" عمر قال وشلون

خالد مايحتاج تدخل على ملف العضو. شفت علامة 360 و PSN وستيم اللي تحت رمزيتك؟ اضغط عليها وتطلع لك بطاقتك زي اللي ذكرتها انت (حتى افاتارك في اللايف تقدر تشوفه)
مُجرّد شيء قلت يمكن ماانتبهت له

 

[Roy Campbell]

التوقيع ماله لزمه بس اذا مصرين اتمنى يكبر بشكل بسيط

 

[Nintendo]

اوكي للتوضيح فقط

من قوانين المنتدى انه اي اقتراحات او خلافه مع الادارة يكون عبر الرسائل الخاصه لاسباب معينه، بالنسبة للتواقيع فمحمد كان رافض وجودها اصلا وانا طلبت بوجودها بناء على طلبات الاعضاء فقط، هي بالنهاية شكلية فقط ومثل ماذكروا الشباب تقدر تحط اسمك كل البيانات المطلوبة.