KOTSHY
True Gamer
موضوع يخوف ... بغيت استفسر
المتعارف دولياً ... بأنه يتم تفريش الاسنان مرتين باليوم .... طيب ألي يفرش اسنانه بعد كل شي يمضقه ويبلعه يدخل لفمه !!
يمكن لو اعد المرات ألي افرش فيها باليوم .... يصكون فوق 4 بالراحه .... قبل كنت افرش بالشهر مره ... أما ألحين صار فيني هوس التفريش >_> ... فا ما ادري هل مواد معجون الاسنان ممكن تاكل لي سنوني أو تتلفهم من كثر التفريش ؟
Dr.Phil .... help
بالنسبة للتفريش المفرط وخاصة لو كان بعنف واستخدام فرشة خشنة راح يسبب ببرد الأسنان بعد فترة من الزمن فحاول تستخدم فرشة السوفت
اهم شيء انك تميل الفرشة 45 درجة لجهة الأسنان فلو كان الأسنان العلوية تميلها 45 لفوق
وحاول تخلي طرف الفرشة على خط اللثة انتبه لا تطلع فوقه وتجرح اللثة لأنه ممكن يسبب لك بتراجع اللثة ويتكشف جزء من الجذر
المفروض تفرش مرتين باليوم ترى انا مثل موسوس افرش بعد كل وجبة بيني وبينك احس براحة :laugh:: حتى افتكر مرة لما مشف علي الدكتور عشان يخلع ضرس العقل قال لي انت تبرد سنونك بشيء ؟؟ من كثر التفريش فأنتبه
هذا فيديو توضيحي
[YOUTUBE]1GXQLnTalcg&feature=related[/YOUTUBE]
كيف اعرف اذا سنون العقل تعبانين ؟؟؟ لانه اخر سنين بالطابور الفك العلوي .. مشيصات ومنحرفات ... ووحده منهم تعور الخد من داخل وتحك فيه ومسويه زرف بجدار بطن الخد الداخلي >_<
لازم تصور اشعة بانوراما والدكتور بيحدد لك ويشرح لك الوضع
ايام البزرنه .... رحت لغبي لابس بالطو ابيض ... ويقول بانه دكتور اسنان .... و الـ@#$% حفر احد سنوني السفليه ... وما حط حشوه
وألي صار ...... بانه قمت ما اكل من جهه ألي حفر فيها الاهبل ... ومكان الحفر طلع منه لحم من اللثه واللحمه طفحت لفوق (( ما اقدر اوصف اكثر من جذي )) + مسببه لي طعم ورائحه مو مستحبه .... خاصه اذا اكلت العلكه او الطعام بهذه الجهه ..... احس بطعم مو حلو .... فا علشان جذي مقضي طول عمري افرم الاكل بصوب واحد (&) من الفك ....
لما حفر اسنانك قال لك انه حط مؤقته ولا خلص ولا كيف ؟؟ واللثة نمت فوقها وانت كل ما تعض عليها تلتهب عليك وتسبب لك الرائحة
هذا الي فهمته من كلامك هذه الصورة تشرح قصدي شوف اللثة فوق مستوى السنة ويصير كل ما تأكل شيء تأكله وتعض على اللثة
اذا هذا الي صار لك فهي بسيطة بس يخدرك ويقطع الوصلة الزائدة