hits counter

شاركنا ذكريات جميلة للالعاب من طفولتك

Invader Zim

Invader Zim

TG’s Discord owner
j3nbiqcdfjdz.jpg


من العنوان شاركنا ذكرى جميلة من طفولتك
 
NOBLE

NOBLE

Hardcore Gamer
اخواني و عيال خالتي يلعبون كراش باش واخوي مسلك لي و حاط سلك يدّة أتاري تحت البلايستيشن ١، كنت مقتنع و مستانس 🙏
 
MH MD

MH MD

Administrator
Administrator
خشبة قال:
SLES-03191-F-I.jpg


هذي اللي مالعبها وهو صغير طفولته لك عليها، كانت افضل العاب ديزني على وقتها واتذكر كان فيها ميني قيم قولف ادمنتها 🥱 ⛳️
أنقر للتوسيع...
يوووووووووووووه..... لندن والباص الاحمر، صوت جمع العظام اللذيذ، الدحرجة كأنه سونيك، محل الالعاب :sob: المينيجيمز اللي فيها.....

التويست اني توي بهاللحظة أشوف مطوره مين..........
 
*RA!N*

*RA!N*

Hardcore Gamer
في الاجازه الصيفيه الليل كانوا اخواني نايمين وسهرت على ببسي مان لين ختمتها وكنت طاير من الفرحه بس مافي احد اقول له
ولما جاء اليوم الثاني وقلت لأخواني محد صدق فشغلت اللعبه وانهيتها مره ثانيه قدامهم واحتفلنا. ماادري ليش بس كنا فرحانين مره .
-------------------------------
وذكرى اخرى حلوه ماانساها. بسبب عمل الوالد كنا في مدينه بعيده عن اقاربي فكنا مانشوفهم الا كل اجازه صيفيه ولما نرجع لمدينتنا نكون حزينين جدا
لأننا ماراح نشوفهم الا بعد سنه فلما ركبنا السياره بنرجع ووجيهنا كلها حزن لقينا سوبر نتندو مع كم شريط الحزن صار فرح وطوال الوقت من مدينة جده الى نجران
وانا ماسك كرتون الجهاز واطالع في مقتطفات الالعاب اللي ورا الكرتون وافكر ايش العب ونتناقش انا واخواني ايش بنلعب وكيف نقسم ساعات اللعب بيننا .
 
Bill Cober

Bill Cober

True Gamer
- كنت اروح عند ولد خالتي عشان العب لعبة wcw/nwo revenge على الننتندو ٦٤

- أولاد عمتي كانوا يحبون DOA لدرجة اني كنت أتهاوش معاهم واقولهم تيكن أفضل منها :tearsofjoy:
 
Terminator

Terminator

True Gamer
هاذي الموضوع تييب لي ذكريات جميلية تخليني ابكي واحن عليها , ياليت لو الزمان يعود يوما
ياريت لو عندي Time Machine وارجع لل golden age بالنسبة لي ببداية التسعينات او نقول التسعينات
كامل بسبب كمية التطور والاجهزة والمختلفة والالعاب ووو..

ذكرياات كثيرة اشوفها متشاركة بيني وبينكم من ناحية اللعب مع الربع والاهل والتجمع والخ..

لكن من افضل الذكريات هو لما صديقي جاني بالمدرسة (99 /98) بالفصحة (break) مستانس ويقولي "تعال تعال شوف
لايفوتك عندي لعبة Resident Evil واحد ونص!!" ومن الحماس والفرحة كان جايب معاه السيدي..شفته وبعدها
مباشرة اخذت اللعبة من محل الالعاب اذكر ان اسمه (عالم البوكيمون)..وصورة اللعبة مستحيل انساها
لأنها اللعبة نمبر ون بالنسبة لي على PS1 ومن اعظم الالعاب على الاطلاق..

Silent_Hill_video_game_cover.png


اذكر اني كنت اشوف السيدي واحاول اعرف شلون هاذي لعبة رزدنت ايفل ..(سايلنت هيل كانت لعبة جديدة بالساحة فريش)
يعني لا زومبي ولا رقم 1 على ال cover.. للآن عاجز اعرف النص (واحد ونص) من وين جت مادري

m5zkkjigjeva1.gif


طبعا هاذي من احلى الذكريات ولكن اعظمها كلعبة غيرت حياتي هي لعبة ماتخطر على البال ابدا وهي
لعبة Tony Hawk Pro Skater الديمو اللي كان مع ال Dreamcast والحديث طويل اذكره عقب ان شاءالله.
 
التعديل الأخير:
يجب تسجيل الدخول أو التسجيل كي تتمكن من الرد هنا.
أعلى