سؤال مسجون بخاطري من مده .. وقررت اطلق سراحه !!

[C RONALDO]

بسم الله الرحمن الرحيم

اول شي مالكم شغل بالعنوان لوول كان ودي اغريكم عشان تدخلون الموضوع

المهم .. في سؤال باط جبدي .. واهيا اكثر شغله تقهرني بالفيديو جيمز .. خصوصا الالعاب اليابانيه المفضله عندي طبعا ..

السؤال هو : ليش الالعاب اليابانيه تسبق الامريكيه بأشهر !! ليش ليش ليش ! ماكو اي سبب مقنع .. مليون مره افكر فيها واحط اسباب ومااشوف هالاسباب مقنعه ...

يعني اذا قلنا ان يسوون هالشغله عشان النسخ اليابانيه يمشي سوقها قبل لاتنزل الامريكيه .. فأشوف ان النسخه الامريكيه اذا نزلت ماراح تأثر عاليابانيه لان كل وحده لغه غير فماراح تأثر عليها غير عن النسخه الاوربيه اللي فيها الانجليزي .

او اذا قلنا ان الترجمه تطول وتحتاج لبعض الوقت .. شالمانع ان يعطون اللي يترجمون اللعبه قبل لاتنزل اليابانيه بفتره عشان يمديهم يترجمون !..

هالسؤال من زمان اسئله لنفسي ولاخوي ولربعي المقربين لانه جد يقهرني لوول بس الي خلاني اسألكم اليوم اني كنت قاعد اشوف بمواقعي .. وفجأه !! بوكيمون هيرت قولد نازله نسخه (كوريه ) !! الحين ينزلون الكوريه قبل الامريكيه بشهر لييييييييش !

وماانكر ان في حالات (شاذه) لالعاب يابانيه تنزل الامريكيه قبل اليابانيه بفتره بس ارجع واقول هذي حالات قليله ونادره ..


واخلي المايك لكم :​

 

[Nyx]

عشان تنقهر .

 

[s3rorh]

مايك ايش !!؟ (&)

على العموم .. اعتقد لأنه السوق الياباني منفصل عن السوق الأوروبي والامريكي ... وكل ناشر أو شركه و على حسب ظروفها إذا كان مضغوطه بالاستديو ولا لأ

 

[Vorg Zangief]

على شان الشعب الياباني يضحك على العالم

 

[squall leonhart]

لو سمحت ابغى المايك عشان اشارك لووول

السبب بسيط و مقنع .. الالعاب المطوره من شركات يابانية تنزل اول باليابان زي ما الالعاب الامريكية تنزل اول بامريكا .. و هذا كله يتبع السوق المستهدف .. الالعاب اليابانية غالبا اكثر ارباحها تجي من اليابان فمنطقي انها تنزل هناك اول ..

الي مو منطقي و الي انا اوافقك فيه هو ان بعض الالعاب اليابانية تتأخر فترة طويلة قد تصل لسنة او اكثر في بعض الالعاب و هذا كله راجع للمطور الكسول .. الوقت المنطقي بين صدور اللعبة في اليابان و حول العالم هو اقل من 3 شهور و طبعا يكون افضل لو الفرق اقل ... عندنا امثلة في الجيل الجديد مثل ميتل جير 4 و رزدنت ايفل 5 و ماريو جلاكسي نزلوا تقريبا بنفس الوقت بين اليابان و امريكا و هذا الشي الي المفروض يصير

تحرير : ردين من 3 من الي فوقي بدل ما يفيدوا الاخ جالسين يستأهزؤن فيه بردود ما ادري ايش تبي .. للاسف :what: ..

 

[s3rorh]

شباب رجاء ألي يبي يستهبل ولا يستهزء ... يشيل قشه و يروح يشوف له منتدى غير منتدى ترو-جيمنج ... ترا منتديات الفرفشه والصرقعه كثيره :sarcastic:
أحنا هنا علشان نفيد و نستفيد و نتعلم و نتبادل الخبرات <tgman>

 

[C RONALDO]

انا معاك .. وماكو مشكله ان تنزل باليابان قبل .. بالعكس اصلا هذا المفروض .. بس المشكله بـ"الفتره" .. بوكيمون تقعد 6 شهور على ماتنزل امريكيه !

وبعد توني قبل جم يوم شفت ان لعبة مونستر رانجر عالدي اس بتنزل شهر3 بامريكا .. ونازله باليابان من شهر 7 - 2007 !! تكفى شتسمي هذا ؟!

اما الباقي .. مشكورين عالردود

 

[Zero]

أنت قاعد تتكلم عن أكسل مطور على وجه الكرة الأرضية، هو وليفل 5 ال%#%$# يقعدوا للأبد على ما ينزلوا ألعابهم أمريكية.

 

[Nintendo]

السؤال هو : ليش الالعاب اليابانيه تسبق الامريكيه بأشهر !! ليش ليش ليش ! ماكو اي سبب مقنع .. مليون مره افكر فيها واحط اسباب ومااشوف هالاسباب مقنعه ...

اممم ليش الالعاب الغربية تصدر باليابان بعد موعد الاصدار العالمي لها بشهور!! نفس الفكرة اخوي.

الالعاب اليابانيه تنتج باللغه اليابانية ونادارا مانشوف العاب يتم انتاجها وترجمتها بنفس الوقت للاصدار العالمي, فيه شركات مثل ننتندو تحاول توزع العابها على مدار العام فعشان كذا نشوف توزيع للالعاب بحسب مواسم البيع لكل فئة من الناس مثلا.

فيه شركات العابها تكون موجهة للجماهير اليابانية بالمقام الاول وعشان كذا نشوف الجهد يقل عند ترجمتها, فيه العاب يكون الفريق المطور لها ماله ناشر خارج اليابان (ليفل فايف كمثال) فالترجمه تتاخر كثير, واسباب كثيرة مثل التكلفة ومحاولة تسويق اللعبة لناشر غربي مثلا (بحيث هو يتولى الترجمه ومصاريف الدعاية والنشر) والخ الخ.

 

[Photon]

وفجأه !! بوكيمون هيرت قولد نازله نسخه (كوريه ) !! الحين ينزلون الكوريه قبل الامريكيه بشهر لييييييييش !
:​

إيش بهم الكوريين ؟!! .. أحلى ناس و يستاهلوا كل خير :inlove:

عموماً مثل ما قالوا الشباب و أضيف كمان إنه الجدولة لدى الشركات تختلف .. عوامل النجاح بالسوق الياباني مختلفة عن الأمريكي مختلفة عن الأوروبي و حتى مواعيد الإصدار مدروسة عند الشركات الكبيرة ..

هو فيه أسباب كثيرة يطول شرحها لكن الزبدة الوضع يختلف حسب تخطيط كل شركة .

 

[C RONALDO]

فعلا فكرتكم ان الشركه تكون عندها خطه معينه مرت علي من قبل لوول .. بس شالمانع لما يغيرون الخطه .. انا ماقلت ينزلون بنفس الوقت .. بس يقللون الفتره اللي بين النسختين .. ماكو شي يمنعهم صدقوني ..
وحسبوها ان النسخ اليابانيه تنباع باليابان فقط بالنسبه للغه يعني اما الامريكيه فموجوده بكل العالم

يعني انتو برايكم ان لما يسوون هالحركه يكون معاهم حق ومافي شي غلط بالموضوع ؟

 

[Nintendo]

هو مايعتبر غلط لو فكرت فيها من منظور تجاري, يمكن كفان للعبة معينه تتأثر بالموضوع فعلا ولكن على سبيل المثال لعبة مثل ميترويد برايم او هيلو او قود اوف وور مش مناسبة للسوق الياباني فالشركات بتحاول تخليها لموسم مبيعات او شئ يمكن تبيع كم الف نسخه وقتها بدل ماتخرج من المولد بلا حمص..

الفترة اجمالا اعتقد قلت بشكل كبير عن الاجيال الماضية, يعني كوننا نشوف فاينل فانتسي بعد ثلاث شهور من النسخه اليابانية شئ يشجع وايضا العاب مثل ميتل جير صارت تصدر بالغرب اول وحتى العاب ننتندو (اذا صدرت خارج اليابان ) تحسن وضعها يمكن ماعدا البويكمون.

 

[C RONALDO]

انزين خنتكلم عن المنظور التجاري .. يعني امانه الحين لما تنزل الامريكيه بعد اليابانيه بشهر بتتأثر مبيعات النسخه اليابانيه ؟؟
انا اشوف لأ .. يعني الياباني بياخذ يابانيه مااختلفنا .. بس العالم كله بياخذ الامريكيه سواءا نزلت النسخه الامريكيه بعد شهر او بعد سنه

انا محد باط جبدي الا بوكيمون والله لوول .. انا من الحين قاعد افكر الجيل الجاي شبيصير فيني انا ! اقعد انطر 6 او 7 شهور على ماألعبها ! بموت لوول

يااخي شهرين راضيين .. 3 اشهر بالكثير .. مو 6 اشهر !

 

[Nintendo]

انزين خنتكلم عن المنظور التجاري .. يعني امانه الحين لما تنزل الامريكيه بعد اليابانيه بشهر بتتأثر مبيعات النسخه اليابانيه ؟؟
انا اشوف لأ .. يعني الياباني بياخذ يابانيه مااختلفنا .. بس العالم كله بياخذ الامريكيه سواءا نزلت النسخه الامريكيه بعد شهر او بعد سنه

مش سالفة يتأثر, مواسم المبيعات تختلف بين الأسواق, مثلا اليابان معروفه انه افضل اوقات البيع فيها بشهر ابريل (نهايته) اللي هي اجازة الاسبوع الذهبي وبأخر اسبوعين من شهر ديسمبر واول اسبوعين من شهر يناير.

باقي العالم (امريكا واوربا) معروفه انه موسم المبيعات الاقوى عندهم بين شهر نوفمبر وديسمبر, الشركات الكبيرة تحاول توزع العابها بين الفترات بحسب السوق خصوصا الاصدارات القوية. شركة مثل ننتندو صعب جدا انها مثلا تصدر العاب البوكيمون للدي اس بشهر نوفمبر مثلا وعندها لعبة زيلدا بشهر ديسمبر لنفس الجهاز, عشان كذا دائما غالبا مانشوف بوكيمون بشهر مارس بعيدا عن الزحمة ومع نهاية السنه المالية للشركة.

 

[Rockman]

ببساطة المعادلة هذة تشرح الوضع

لعبة ار بي جي + لغة يابانية = وقت !

خصوصا لعبة مثل بوكيمون او كما يطلقون عليها hobby games فيها مليون وحش وتحت كل وحش مليون خاصية وتعال يا مترجم ترجم

انا اتوقع مراحل الترجمة كالأتي

1- الترجمة بحد ذاتها اتوقع خل نقول تاخذ شهر " على اسرع تقدير "
2- الحين بتروح تلصق الترجمة على اللعبة طبعا لازم تراعي مساحة الكلام اللي كانت اصلا موجودة من النسخة اليابانية نفسها ... يعني يا انك تترجم على المساحة المعطاة اللي عندك " اللي اتوقع هو الغالب اللي يصير " او انك ترجع النسخة مرة ثانية للمطور وتقول له لو سمحت زيد لنا المساحة حق الكتابة " وقت اكثر ! "
3- الحين تم بحمد الله نسخ الترجمة نفسها الحين روح راجع هل كل شيئ اوكي ؟ لازم تسوي testing للنسخة عشان سوالف الbugs وهالخرابيط ولعبة مثل حجم بوكيمون تحتاج وقت عشان تراجع كل شيئ ! " مو بس تختم الستوري وخلاص حط ختم الجودة ! " هذة يمكن فيها شهرين على الأقل ...
4- الدعاية والإعلان مو معقول انك تنزل اللعبة فجأة للسوق بدون اعلان وكمان مش منطقي انك تعلن عن منتج وتنزلها بنفس اليوم " بإستثناء ابل طبعا :razz:: "
طبعا هني اللعبة تخرج من يد المطورين والمهندسين وتدخل عند محللين الشركة الماليين والإقتصاديين يشوفون وين احسن وقت للعبة عشان تطلع احسن الأرباح + ما تخرب على العاب ثانية تكون تبع الشركة بحد ذاتها

طبعا هذا انا ما خذيت بعين الإعتبار انه ممكن النسخة الامريكية تكون مطورة عن اليابانية " تصليحات او زيادة مراحل ...الخ " هذا يخلي الوقت اكثر واكثر

لو على كلامك تبي الامريكية مع اليابانية كانوا لموا الموضوع كلها وبدال ما تنزل اللعبة شهر 9 يابانية فقط تنزل 3 الاثنين الامريكية واليابانية مع بعض " بوتيتو .... بوتاتو" البطاط يبقى بطاط :laugh::

وبخصوص النسخة الكورية السبب واضح وضوح الشمس عشان يحاربون القرصنة بدال ما يجيك الكوري المسكين اللي العادة اصلا حظه حلو اذا اللعبة نزلت بسوقه وينزل اللعبة يروح يشتري النسخة الكورية اللي بلغته الام !
وعموما الكوريين حالة خاصة عادي يترجم لعبة كاملة بيوم :sarcastic: اللي يختم لعبة ما نزلت ويحط فيديوها باليوتويب قبل الدنيا عادي جدا خخخ استقبل


خلاصة القول وزبدة الحجي

انت ما راح ترتاح الا لما تكون اول واحد يلعب اللعبة :laugh:: حتى لو تنزل باجر تروح تتحلطم ليش تأخرت ما نزلت بالسوق عندنا شمعنى اهم مبجر وصلت واحنا لأ

وخل نكون صريحين انا اتوقع " توقعات مو معلومات صحيحة " ان سوق البوكيمون باليابان اهو الاقوى يعني نزول لعبة بوكيمون بالسوق يهزه بعكس الامريكي اللي ممكن فيه العاب تنافسه


عموما 6 اشهر جيدة
لعبة دايموند خذت 7 اشهر على ما تنزل

 

[C RONALDO]

نينتدو

اخخخخ هذي ماطرت على بالي بصراحه لوول
بس هم بعد موعذر لوول شالمشكله ينزلون لعبتين قويتين بنفس الوقت .. صارت من قبل

روكمان

موضوع الترجمه انا معطيهم الحل من قبل لوول .. شالمشكله انهم يعطون المترجمين اللعبه قبل لاتنزل باليابان .. مولازم ينطرونها لما تنزل بعدين يعطونهم

اما عن التطوير والزيادات مانبي تطوير ولا زيادات نبيها نفس مااهيا

انزين محمد امانه الحين اذا اللعبه اقوى ابلد معين لازم تنزل بهالبلد اول بعدين نوزعها عالعالم ! موصحيح هالكلام

واصلا كل بني ادم يبي يلعب اللعبه اول واحد لووول وانت اولنا

تذكر ايام دياموند لما رايحين المسيد وانا ماخذ الدي اس مالتك معاي وقاعد العب بالطريج لوول


المهم .. مالهم عذررررررررر

 

[Rockman]

انزين انت برايك يعني اهم ما يدزونها قبل لا تنزل اليابانية ؟
اكيد طبعا يرسلونها تلقى شغالين عليها من قبل خصوصا حق لعبة مضمونة او تم الإعلان عن النسخة الامريكية منها اثناء التطوير بس هما بنفس الوقت لازم تكتمل مو معقولة انك تدز bulid اولي حق فريق الترجمة والمنتج الاخير يطلع bulid ثاني لول جذي الامريكان قاعدين يلعبون البيتا حق اللعبة :laugh:: واتوقع جيم فريك ما عنده قسم ترجمة ؟ فيمكن يستعملون فريق ثاني للترجمة فتلقى صعب انه الاثنين يشتغلون بنفس الوقت وهما قلت لك
لو دزوها قبل لا تنزل السوق باليابان للأمريكان راح يصير نفس الازاحة اللهم انه بدال ما تنزل اليابانية ابكر راح تنزل مع الامريكية

وبعدين هما ترى هذة لعبة RPG يعني كمية الكلام اللي فيها يساوي رواية على الاقل :razz::

عموما اكيد فيه اسباب تخلي جيم فريك ينزل اللعبة يابانية قبل هل هو وفائه مثلا لليابان ؟ انه شعبي اولى بلعبتي او اسباب تجارية بحتة ؟

وبعدين انا ما ابي العب بوكيمون اول واحد خلاص انا زهقت من اللعبة من بعد دايموند :sadwalk:
" ويقولون ميجامان فيه تكرار خخخخ "

عموما هذا الامر طبيعي مع الشركات اليابانية ومو شيئ يديد او خاص بلعبة بويكمون على الاقل احمد ربك لعبتك تنزل بعد 6 اشهر غيرك ينطر سنة او ممكن تنزل ابدا


وبالأخير صدقني الشركات هذة مو بطيخ تلقى عندها مهندسين ومحللين اقتصاديين يعرفون شنو قاعدين يسوون فتلقى هذا التأجيل اللي انت تتحلطم منه له اهداف ممكن ما تتحقق الا بهذة الطريقة ....

ملاحظة : الصبر زين :laugh::

 

[C RONALDO]

لا انا حاس ان مترجم جيم فريك واحد .. كله نفس الخط ونفس المصطلحات وكل شي صدقني واحد

مافي له ولا هدف .. انت اصلا من كلامك كله ماقلت ولا هدف من التأخير لوول

ملاحظه : الصبر زين بكل الامور الا بهالامر هذا