Futrus
True Gamer
بسم الله الرحمن الرحيم
طوال الإسبوع الماضي وأنا في الكويت وأمس رجعت البحرين وحبيت أكتب هالموضوع لأحكي لأصدقائي الأعضاء عن ما شاهدته هناك ولقائي ببعض الأخوه مثل الأخ Jizasu وباقي شلة الأعضاء الكويتين
طبعاً أول شي بعد زيارة جميع الأقارب رحت لمجمع الرحاب مع إن لي بعض الزيارات لهالمجمع لكن هذي أول مره أتجول فيه بالكامل وأشوفه محل محل ،، راح تلاحظ إن الطابق الثاني كله محلات ألعاب وديفيدي وأنمي وكل شي يهم أعضاء هذا المنتدى واللي عجبني أكثر في هذا المجمع إنه من الطبيعي إن شاب كبير فوق العشرينات يشتري ألعاب وأنمي وحتى كرتون قديم مدبلج بدون الشعور بأي حرج أو أي مضايقات
وطبعاً أحب أشيد بمجمع المارينا روعه روعه روعه هالمجمع من ناحية التصميم والمحلات اللي فيه وفكرة الجسر المعلق رهيبه
أخترت يوم الثلاثاء علشان ألتقي الأخ عيسى (Jizasu) في مبنى يسمى البرج الأبيض فيه محل لألعاب الأركيد وحسب اللي فهمته إنه الوحيد في الكويت تجد فيه آخر وأفضل ألعاب الأركيد في فترة إنتظاري للأخ عيسى في المحل كنت محظوظاً بوجود أفضل لاعبي الكويت في ألعاب الفايتنج مجتمعين ويتنافسون وأنا الوحيد المبتدأ الموجود ووجودي كان كالمتطفل عليهم
في هذه الفتره شفت أفضل لعب في ألعاب الفايتنج ممكن تشوفه أفضل الكومبوات وأسرع لعب ومهاره ممكن تشوفه في حياتك صدقوني لا أبالغ طول الفتره كنت مصدوم من اللي كنت أشوفه
كان فيه شاب إسمه أسامه حسب كلام عيسى والعضو Deep River هو أفضل لاعب فايتنج في الكويت وبالفعل كل لعبه روعه من جد ما في ولا واحد من الموجودين قدر يقرب من مستواه مع إنهم على مستوى عالي جداً من الإحتراف :gasp:
لما وصل عيسى عرفته مباشره من الصوره اللي حطها للدوره في اللغة اليابانية وبعد السلام بدأ مباشره يشرح لي كيفية لعب KOF:XI بعد تعلم عدة حركات أساسيه قال لي عيسى إن الشباب اللي كانوا يلعبون قبل شوي يجون للبرج الأبيض من 10 سنين ويلعبون وكان فيه شباب راحو لليابان وشاركو في منافسات ومسابقات وفازوا فيها ودخلو دورة في اللغة اليابانية أيضاً ،، طبعاً عيسى رغم مهارته العاليه وإحترافه لكنه متواضع ويعترف بعدم مجاراته لشباب البرج الأبيض و Deep River قال لي إنه يستطيع مجاراتهم في بعض الألعاب فقط
بعد البرج الأبيض عرض علي عيسى الحضور لديوانيه الأخ محمد (Deep River) يوم الخميس مساءاً لما حضرت شفت عدة شباب مثل الأخ فيصل Ash و فيصل M7tram و عبدالله Arikado و محمود Final Fantasy و RaTcHeT وبعض الأعضاء اللي ما يشاركون محد منهم كان مثل ما توقعته ماعدى محترم بالظبط تقريباً مثل ما تخليته ،، كانوا الشباب يلعبون على الكيوب وخصوصاً سوبر سماش وأنا وAsh طول الوقت نسأل أنفسنا متى راح يملون الشباب من هاللعبه
،، وطبعاً لازم تحية خاصة لصديق محترم ناصر (بابا عود بابا عود
)
بعد اللعب رحنا كلنا لحديقة عامه والغريب إن كلها ألعاب مخصصه للأطفال من مراجيح ومنزلقلات وجسور خشبية وعواميد لكن هذا لم يردع الشباب المتحمس لإظهار براعتهم الفذه وخصوصاً الأخ عيسى على الأرجوحه حيث أرعب الجميع بتأرجعه العالي جداً والخطير
،، طبعاً كل الشباب كانوا يلعبون والأطفال ركضوا لذويهم خائفين
وللأسف مر الوقت بسرعه وكان لازم أمشي لأن وراي سفر اليوم الثاني لكن جداً إستمتعت بهالجمعه وودي أعيدها إذا جات فرصه ثانيه
طبعاً لازم ما أنسى فضل عيسى لمقابلة الأخوة الكويتيين وفضله في تعريفيهم ببعض حيث لاحظت من قبل لا اقابله إنه شخص إجتماعي ويخلي الواحد يرتاحله بشكل كبير
وأيضاً أشكر الأخ محمد (deep river) على الإستضافه وكل الشباب على الترحيب بي
حاولت اختصر الموضوع بقدر الإمكان علشان لا يملون الأعضاء من القراءه
طوال الإسبوع الماضي وأنا في الكويت وأمس رجعت البحرين وحبيت أكتب هالموضوع لأحكي لأصدقائي الأعضاء عن ما شاهدته هناك ولقائي ببعض الأخوه مثل الأخ Jizasu وباقي شلة الأعضاء الكويتين
طبعاً أول شي بعد زيارة جميع الأقارب رحت لمجمع الرحاب مع إن لي بعض الزيارات لهالمجمع لكن هذي أول مره أتجول فيه بالكامل وأشوفه محل محل ،، راح تلاحظ إن الطابق الثاني كله محلات ألعاب وديفيدي وأنمي وكل شي يهم أعضاء هذا المنتدى واللي عجبني أكثر في هذا المجمع إنه من الطبيعي إن شاب كبير فوق العشرينات يشتري ألعاب وأنمي وحتى كرتون قديم مدبلج بدون الشعور بأي حرج أو أي مضايقات
وطبعاً أحب أشيد بمجمع المارينا روعه روعه روعه هالمجمع من ناحية التصميم والمحلات اللي فيه وفكرة الجسر المعلق رهيبه أخترت يوم الثلاثاء علشان ألتقي الأخ عيسى (Jizasu) في مبنى يسمى البرج الأبيض فيه محل لألعاب الأركيد وحسب اللي فهمته إنه الوحيد في الكويت تجد فيه آخر وأفضل ألعاب الأركيد في فترة إنتظاري للأخ عيسى في المحل كنت محظوظاً بوجود أفضل لاعبي الكويت في ألعاب الفايتنج مجتمعين ويتنافسون وأنا الوحيد المبتدأ الموجود ووجودي كان كالمتطفل عليهم
في هذه الفتره شفت أفضل لعب في ألعاب الفايتنج ممكن تشوفه أفضل الكومبوات وأسرع لعب ومهاره ممكن تشوفه في حياتك صدقوني لا أبالغ طول الفتره كنت مصدوم من اللي كنت أشوفه
كان فيه شاب إسمه أسامه حسب كلام عيسى والعضو Deep River هو أفضل لاعب فايتنج في الكويت وبالفعل كل لعبه روعه من جد ما في ولا واحد من الموجودين قدر يقرب من مستواه مع إنهم على مستوى عالي جداً من الإحتراف :gasp:
لما وصل عيسى عرفته مباشره من الصوره اللي حطها للدوره في اللغة اليابانية وبعد السلام بدأ مباشره يشرح لي كيفية لعب KOF:XI بعد تعلم عدة حركات أساسيه قال لي عيسى إن الشباب اللي كانوا يلعبون قبل شوي يجون للبرج الأبيض من 10 سنين ويلعبون وكان فيه شباب راحو لليابان وشاركو في منافسات ومسابقات وفازوا فيها ودخلو دورة في اللغة اليابانية أيضاً ،، طبعاً عيسى رغم مهارته العاليه وإحترافه لكنه متواضع ويعترف بعدم مجاراته لشباب البرج الأبيض و Deep River قال لي إنه يستطيع مجاراتهم في بعض الألعاب فقط
بعد البرج الأبيض عرض علي عيسى الحضور لديوانيه الأخ محمد (Deep River) يوم الخميس مساءاً لما حضرت شفت عدة شباب مثل الأخ فيصل Ash و فيصل M7tram و عبدالله Arikado و محمود Final Fantasy و RaTcHeT وبعض الأعضاء اللي ما يشاركون محد منهم كان مثل ما توقعته ماعدى محترم بالظبط تقريباً مثل ما تخليته ،، كانوا الشباب يلعبون على الكيوب وخصوصاً سوبر سماش وأنا وAsh طول الوقت نسأل أنفسنا متى راح يملون الشباب من هاللعبه
بعد اللعب رحنا كلنا لحديقة عامه والغريب إن كلها ألعاب مخصصه للأطفال من مراجيح ومنزلقلات وجسور خشبية وعواميد لكن هذا لم يردع الشباب المتحمس لإظهار براعتهم الفذه وخصوصاً الأخ عيسى على الأرجوحه حيث أرعب الجميع بتأرجعه العالي جداً والخطير
طبعاً لازم ما أنسى فضل عيسى لمقابلة الأخوة الكويتيين وفضله في تعريفيهم ببعض حيث لاحظت من قبل لا اقابله إنه شخص إجتماعي ويخلي الواحد يرتاحله بشكل كبير
وأيضاً أشكر الأخ محمد (deep river) على الإستضافه وكل الشباب على الترحيب بي
حاولت اختصر الموضوع بقدر الإمكان علشان لا يملون الأعضاء من القراءه
التعديل الأخير:
: حياك الله يا احمد و اي وقت بغيت تيي فيه الكويت خبرنا و ان شاء الله ما يصير خاطرك الا طيب :cooool: