E3 رسمياً FFVII للـPS3

[Dmck]

حاليا لاعب ساعتين ( احد عانى من اللعب في d- pad بدل الانلوج :sadwalk: )

فف 7 + 10 الاجزاء الوحيدة الي لم الالعبها بوقت صدورها او لعبتها متاخر

فف 7 لعبتها سنة 2000 بعد ما انهيت فف 8 -9
وبوقتها بصعوبة بلعت الجرافيك :whistle: واقل جزء استمتعت فية وكان احد الاسباب الجرافيك + القصة شوي كان ملخبطة علية

لكن الان بعد ما لعبت كريسيس كور الي حمستني جددااا اكمل فف7 واعرف قصة افضل بما انة سابقا كان مستوى لغتنا اكيد ليس بمستوى الان :xd:
لعبت 7 ومن البداية فاهم الاحداث perfectly :rockon::rockon:

والجرافيك متقبلة جدا ومستانس علية :lebb: ( لول في جيل صدورها ما عجبني ..عجبني بعد وقت صدورها بجيلين =شي ما يشبة شي كيف لاحد يسئلني :wow::xd

احتمال احد الاسباب انة الالعبها على psp واقدر اتقبل اي شي على شاشة صغيرة ...

 

[Nemesis Zone]

ياأخوان سؤال الان اللعبة تنلعب على كيبل الـHDMI ؟

ولا لازم نحول تلفزيون الـLCD للكيبل العادي SD ؟

 

[Magnificent]

^ عادي تقدر تلعبها بكلا الصيغتين HD او SD

الـHD افضل بسبب خيار نعومة الصور اللي يقلل حدة البكسلز نوعاً ما ... حسيت ان اللعبة هذي بالتحديد تفرق معها الخاصية ذي

 

[The Doctor]

عارف متأخر:

أول مرة أبلعبها كاملة

 

[Double T]

امس وصلت للرئيس الأخير ( بالغلط لووول و علق عليه في نص الفايت ) كنت ابغى اسوي السايد كويست قبل لا اروح هناك .. بس شكلي راح اختصر فيها ( راح اسوي الكويستات لي الثلاثة الي العب فيهم فقط ) لأن الوقت ما يساعد ابدا .. في شياء يبغالها قعده محترمه

صراجة ما ودي اخلص اللعبة من كثر ما استعمت فيها .. اشكر صديقي العزيز Sinner على الحاحه عليه اني العب اللعبة و صبره الصراحة لووول ( كنت من المنتظرين للريميك بس خلاص فقدت الأمل لوووول )

نرجع للمذاكرة

 

[G7Ga7]

خلصتها أخيراً .

اللعبة بشكل عام جيّدة جداً. أنا داخل عليها بتوقعات متوسطة, ولكن فاقت توقعاتي في بعض نواحيها.



الباتل سيستيم: أفضل شي في اللعبة. لسببٍ ما, القتال في ف ف 7 ممتاز وممتع, على عكس ألعاب الـRPGs الثانية الي لعبتها. ما ادري, يمكن خلاص, الحين صرت اتقبل نظام قتال الآر بي جي أكثر. لكن مهما كان, القتال دائماً سريع, والموسيقى رهيبة, ونظام الماتيريا عاجني مرة. فكرة اني اخذ الماتيريا وأحتفظ فيها وأسويلها ليفيلينج أب عاجبتني. خاصة انه عشان تقوي الماتيريا لازم تاخذ وقت طويييييل. اللعبة هي أول لعبة آر بي جي حسيتها شوي سهلة :| (أنا نووب آر بي جيز بالمناسبة!!). كل الزعماء أفوز عليهم من أول مرة, ما عدا الزعيم الأول :laugh::. لكن هذا ما مَنع اني اتحمس واندمج مع قتالهم. وكالعادة, شعور الـ"YESSSSS &%^$%" لما تفوز على زعيم موجود هنا . لكن هالشيء في قاموسي أعتبره نقطة ايجابية. لما لعبت فف4, وفف9 حسيت الصعوبة ماهي موزونة أبداً. بمعنى, اني اقاتل أعداء في دنجن معينة, وأفوز عليهم بالراحة.. بعدين أدخل على زعيم الدنجن يلعب فيني لعب. في ف ف 7 ما شفت هالشيء أبد. والدليل اني ولا مرة قلت "أوكي, الحين ابضيّع خمس ساعات في قتالات عشوائية عشان أزيد اللفل حقي". المشكلة الكبيرة في الباتل في فف7, هو السمونز. كل مرة تسدعي وحش, لازم تقعد تشوف أنميشن الدخلة كااامل قبل ما يسوي ضربته. ممكن يكون مُبهر أول مرة ولا اول مرتين. لكن بعد كذا خلاص, زهق. خاصة اني راح استدعي حوالي 5 وحوش استدعاء كل مرة اقاتل فيها زعيم. التفسير لهذي المشكلة أتوقع هو انه سكوير كانت فرحانة بقوة البي اس 1 والحركات الرهيبة الي ممكن يسووها بالـ3D. فتوقعوا انك ما راح تنزعج من هالحركة. وأتوقع قبل 10 سنوات أو مهما كان وقت صدور اللعبة كان هالكلام صحيح p: .

القصة/العالم: في بداية اللعبة كنت مرة منزعج من مدينة ميدقار أو مهما كان اسمها. كانت مرة غامقة وكئيبة, وتوقعت ان أجواء اللعبة راح تكون كلها كذا. لكن انبهرت بمدا التنويع الموجود في بيئات اللعبة. مرة تكون في مدينة, ومرة في غابة, ومرة في جبل ثلجي..الخ. طبعاً لا شك خلفيات البري-رينرد لها دور في رسم البيئة. أما عن القصة, فكانت بداية القصة شي رهيب. أول مرة تشوف كلاود وتشوف سيفروث و آيرث تحس انه فيه قصة ممتازة, وخلفية معقدة للشخصيات. وهذا الي حصل في النصف الأول من اللعبة, لما كانت اللعبة تحاول تشرح لك خلفيات الشخصيات, ووش علاقة الشخصيات ببعضها, وبعض التويستات الي تصير فيها. كل هالأشياء كانت رهيبة. لكن للأسف, راح توصل لنُقطة, يصير هدفك الوحيد في اللعبة هو "الحق سيفروث وين ما يروح". أول ما تعرف خلفية كل الشخصيات الرئيسية, وكيف كل شخصية تتداخل مع مع ماضي الثانية يروح حس الشوق والحماس في القصة.

محتوى مخفي

بعد ما تموت آيرث, وسيفروث يحوس العالم ويطلع الـWeapons

تحس كل الي بعد هذا عبارة عن filler الين تقاتل سيفروث. باختصار, النص الأول من اللعبة كان فيه الـStory telling مرة شيّق وجميل, ويعطيك دافع انك تستمر (وهذا من أهم الامور في لعبة RPG يابانية). لكن بعد كذا كل الأمور تتداعى.

الشخصيات: باستثناء الشخصيات الثلاث أو الأربع الرئيسية, ف ف 7 تحتوي على اسوأ بارتي في لعبة فف. على الرغم من اني قعدت معهم 40 ساعة, الا اني ما كونت أي روابط مع أي منهم. كلهم في نظري زيادة عدد. أجل قطو راكب فوق بتاعة بيضا, ولا ذاك الأسود العنصري :laugh::. بالمناسبة فينسنت و ريد 13 هم الشذوذ الي يثبت القاعدة, هم الي احس انهم جايين معك لهم هدف يبون يحققونه. أما عن كلاود. فما ادري, بصراحة عجزت أفهم شخصيته بالضبط. هل هو انسان شجاع, ولا خواف, ولا bad ass. ما أدري, مقارنة بأبطال الأجزاء الثانين كلاود هو أقل واحد حبيته.

الموسيقى: ممتازة . حبيت ثيم القتال, والورلد ماب (ثيم اللعبة الرئيسي؟), و ثيم آيرث. وفيه مقطوعة حلوة هنا وهناك لا شك.

تقنياً: أسوأ لعبة مظهراً شفتها في حياتي :laugh::. اوكي انا عارف انها اول عنوان من سكوير سوفت 3D بميزانية ضخمة, لكن يا إلهي :laugh::. أول مرة انزعج من مظهر لعبة قديمة في حياتي. وهاللعبة اثبتت لي انه الـ3D يعمر بشكل أسوأ بكثير من الـ2D. بس للأمانة كانت اللعبة مثيرة جداً للاهتمام, حلو انك تشوف قدامك كيف سكوير كانت تختبر وتحوس مع هاردوير البلايستيشن. تصميم البيئة البريريندرد زي ما قلت قبل ممتاز طبعاً.

الـProgression : في تصوّري, أصعب شي ممكن تسويه هو انك تصمم لعبة تخليك متحمس و engaged لمدة 40-60 ساعة كاملة, أو معظمها. فف7 للأسف تفشل في هذا الإختبار. فبعد نص اللعبة

محتوى مخفي

(لما تموت آيرث, وسيفروث يحصل الماتيريا ويكسر العالم, ويطلع وحوش الـWeapons, ويصير سيفروث مُقعد)

فقدت الإهتمام فيها. حسيتهم الا بالقوة راح يحطون 15 ساعة اضافية عشان تقاتل سيفروث. أنا وقفت في وسط الـCD الثاني لمدة شهرين تقريباً لهالسبب. لكن لما رجعت, قلت خلني اتغصّب, لازم أنهيها. ولما وصلت للدنجن الأخيرة كنت رجعت متحمس ومندمج مع اللعبة.

الزعيم الأخير: قصة واقعية:

محتوى مخفي

المنطقة الأخيرة كلها حسيتها سهلة بزيااااااادة. هذا وانا ما سويت جرايندنج ولا يحزنون. ذبحت جينوفا, و التحول الأول لسيفروث زي السلام عليكم. بعدين لما اسودّت الشاشة, واشتغلت موسيقى One Winged Angle ويطلع سيفروث اشتعل الحماس على الآخر. وأول حركة سواها سيفروث كانت ماجيك Wall, الي يعطيك بارريير ضد الهجمات الجسدية والماجيك. أنا ارتبكت, لأن حتى اقوى ضرباتي ماهي قاعدة تأثر عليه أبداً. بعدين هو يسوي الحركة الرهيبة حقته (نسيت اسمها) الي يجي نيزك ويهدّم مجرتنا الشمسية كلها وتضربك :laugh::. بعدين ما ادري الا و اثنين من البارتي حقيني صايرين ضفادع : (. وقعدت انا وياه فوق الـ30 دقيقة قتال حماسي, الين ذبحني. ذيك الليلة قفلت معي وكرهت اللعبة والي سوى اللعبة. عاد سبحان الله, اليوم الثاني أول ما قمت قلت لا إرادياً "استخدم "DeBarrier" وألبس درع يحميني من الـFrog" فجأة عرفت وشلون أفوز عليه. :laugh::. طبعاً بعد كذا دخلت قاتلته مرة ثانية وفزت عليه والـHP/MP حقي كان full .

باختصار: فف7 لعبة جيدة جداً, ولكن ليست بأي حال من الأحوال أفضل جزء. اللعبة تفشل في جذب اهتمامك على مدارها, وتعطيك كولليكشن من الشخصيات الي مالها فايدة وقصتها غير مقنعة. لكن من الناحية الأخرى نظام القتال بالنسبة لي هو الأفضل ببساطته وسهولته وسرعته. للأمانة أقدر اتفهم ليه البعض ممكن يعتبرها أفضل لعبة فف لعبها. والسبب أتوقع هو لأنه كانت اللعبة على وقتها مبهرة جدا جدا جدا. وأنا متأكد انو كثيرين كانت هي أول لعبة ار بي جي ثلاثية أبعاد لعبها, بل ممكن اول ار بي جي لعبها على الاطلاق, فأكيد له ذكريات حلوة معاها. لكن أتوقع لو ننظر لها الآن بنظرة محايدة, نقدر نشوف انها -باستثناء الناحية التقنية- ما قدمت أي شي ثوري صراحة. قصة وشخصيات واحداث ممتازة في النصف الأول من اللعبة, بعد كذا المستوى ينزل بشكل ملحوظ. لكن عشان أنهي بفكرة إيجابية, زي ما اللعبة فيها أشياء ما اعجبتني, تظل لعبة ار بي جي جيدة, ولازم كل فان لهالألعاب يلعبها في يوم من الأيام.

B

edit:اتمنى محد ياخذ رأيي بشكل شخصي زي ما صار في موضوع ICO

 

[Id]

هاردلك جحجاح ..

 

[Aleix]

^^^
انطباعات كبيرة يا جحجاح وتفصيل ممتاز للريفيو ،،
بصراحة أنا لعبت FF 7 على أيامها على ال PS1
وعشان كذا أحمل لها ذكريات طيبة جيدا وأيام ممتعة للغاية ،،

وزي ما قلت اللي يلعب اللعبة في وقتها بيعتبرها شي خرافي

ولكن مع الوقت وانقضاء حوالي 10 سنوات على اللعبة أكيد لازم الستاندرد عند أي شخص
محب للأربيجي بيرتفع ،

لو انعرض عليك فرصة عمل في طاقم تحرير 1up مثلا بتوافق

 

[squall leonhart]

اممم فف7 جيده جدت فقط .. و ما قدمت شي ثوري غير الناحية التقنيه .. !!

طيب حجاح قبل ما ادخل معاك بنقاش عميق عن رأيك الي احترمه هل قاتلت الويبين و السايد كويست ؟؟ جربت تربي الشكوبو مثلا .. طلعت knight of the round .. بس بس اعطيك امثله على اشياء لو سويتها انا متأكد انك رح تقدر التجربه اكثر و بتقتنع باللعبة كافضل اربي جي ..

عموما تقيمك ابدا مو عادل برأيي .. الجيد جدا هذي قدمت اشياء ما وصلت لها 99% من العاب الار بي جي الي بعدها .. جيد جدا هذي ممكن تمشيها على لعبة زي لوست اوديسي اما اسطورة زي فف 7 مستحيل تكون فقط جيده جدا .. على فكرة فف 7 مو اول ار بي جي لعبتها و انا لاعب كل اجزاء فف الي قبلها و بعدها و مخلص اغلبهم ..

 

[Id]

اممم فف7 جيده جدت فقط .. و ما قدمت شي ثوري غير الناحية التقنيه .. !!

طيب حجاح قبل ما ادخل معاك بنقاش عميق عن رأيك الي احترمه هل قاتلت الويبين و السايد كويست ؟؟ جربت تربي الشكوبو مثلا .. طلعت knight of the round .. بس بس اعطيك امثله على اشياء لو سويتها انا متأكد انك رح تقدر التجربه اكثر و بتقتنع باللعبة كافضل اربي جي ..

لوول بدون ما تنتظر الإجابه فيصل ..

لا

 

[Zero]

ولكن مع الوقت وانقضاء حوالي 10 سنوات على اللعبة أكيد لازم الستاندرد عند أي شخص
محب للأربيجي بيرتفع ،

الستاندرد وضعته فف7 وما في شيء تخطاه أصلا :laugh:: ، والشيء الوحيد اللي قرب منه هو أجزاء فف الأخرى.

 

[m7tram]

أدري داش عرض بس ثامر متى ناويه سكوير تنزل زينوجيرز للستور الامريكي ؟ P:

 

[Gon freeces]

كلاود. فما ادري, بصراحة عجزت أفهم شخصيته بالضبط. هل هو انسان شجاع, ولا خواف, ولا bad ass. ما أدري, مقارنة بأبطال الأجزاء الثانين كلاود هو أقل واحد حبيته.

كلاود ولا شي من هذي الصفات وبنفس الوقت كلها , شكلك لمن لعبت اللعبة ماكنت مستسيغها صح ؟

لما لعبت فف4, وفف9 حسيت الصعوبة ماهي موزونة أبداً. بمعنى, اني اقاتل أعداء في دنجن معينة, وأفوز عليهم بالراحة.. بعدين أدخل على زعيم الدنجن يلعب فيني لعب

أوكي برد هنا على هذي النقطة , ترى الوحوش اللي بفف4 ماتفوز عليهم بس بAAAAAAAAAA , لازم فيه شوية تكتكة وتعرف pattern حركاته .

على فكرة من بعد ما قريت كلامك أقلك رح العب 10 , أظن حتحبها أكثر بكثيييييييييير.

وإذا ما عجبتك خلاص سلسلة فف مو لك

 

[Id]

أدري داش عرض بس ثامر متى ناويه سكوير تنزل زينوجيرز للستور الامريكي ؟ P:

فيصل تبيني أغتالك :

منزلينها في الستور الياباني من سنه و أكثر و شكلها بتكمل سنتين و لا شفناها

 

[Nyx]

الستاندرد وضعته فف7 وما في شيء تخطاه أصلا :laugh:: ، والشيء الوحيد اللي قرب منه هو أجزاء فف الأخرى.

راح ألعب السلسه كلها بسبب الرد هاظ , وياويلك مني لو طلعت تبالغ ...
في أحد غيري مهتم بالأمر , نسوي موضوع ونحمس بعض لأني من زمان أبي ألعبها بس أتكاسل أدبر الأجهزه إلخ .

 

[Photon]

راح ألعب السلسه كلها بسبب الرد هاظ , وياويلك مني لو طلعت تبالغ ...
في أحد غيري مهتم بالأمر , نسوي موضوع ونحمس بعض لأني من زمان أبي ألعبها بس أتكاسل أدبر الأجهزه إلخ .

 

[Zero]

راح ألعب السلسه كلها بسبب الرد هاظ , وياويلك مني لو طلعت تبالغ ...
في أحد غيري مهتم بالأمر , نسوي موضوع ونحمس بعض لأني من زمان أبي ألعبها بس أتكاسل أدبر الأجهزه إلخ .

محمد أنا ما أبالغ ، روح إسأل حسين عن مدى صحة هذه العبارة :crying:

كلاود أفضل شخصية فيديو جيمز بالنسبة لي .. شخصيته وتصميمه وصفاته وكل شيء تخليه البطل البيرفكت بالنسبة لي :

 

[G7Ga7]

حاليا لاعب ساعتين ( احد عانى من اللعب في d- pad بدل الانلوج :sadwalk: )

المشكلة الـD-Pad حق الـPSP حقس مخيس (أول اصدار).

هاردلك جحجاح ..

والله خوفي زينوجيرز تكون من نفس الطقة

^^^
انطباعات كبيرة يا جحجاح وتفصيل ممتاز للريفيو ،،
بصراحة أنا لعبت FF 7 على أيامها على ال PS1
وعشان كذا أحمل لها ذكريات طيبة جيدا وأيام ممتعة للغاية ،،

وزي ما قلت اللي يلعب اللعبة في وقتها بيعتبرها شي خرافي

ولكن مع الوقت وانقضاء حوالي 10 سنوات على اللعبة أكيد لازم الستاندرد عند أي شخص
محب للأربيجي بيرتفع ،

لو انعرض عليك فرصة عمل في طاقم تحرير 1up مثلا بتوافق

شكراً. لكن سلم لي اذا هالكتابة كتابة راقية :laugh::.

اممم فف7 جيده جدت فقط .. و ما قدمت شي ثوري غير الناحية التقنيه .. !!

طيب حجاح قبل ما ادخل معاك بنقاش عميق عن رأيك الي احترمه هل قاتلت الويبين و السايد كويست ؟؟ جربت تربي الشكوبو مثلا .. طلعت knight of the round .. بس بس اعطيك امثله على اشياء لو سويتها انا متأكد انك رح تقدر التجربه اكثر و بتقتنع باللعبة كافضل اربي جي ..

أوكي فيصل, واضح جداً انو فيه اختلاف بيني وبينك في مبدأ "عيش تجربة RPG يابانية". بالنسبة لي لما ألعب ار بي جي أبي اعيش جو القصة والشخصيات والمهمات الرئيسية الي تعطيني إياها اللعبة. المهمات الفرعية والأشياء هذي (بالنسبة لي) ما أحسبها لما ألعب هالنوع من الألعاب. والي قدمته لي ف ف 7 من هالناحية كان جيد جداً بالنسبة لي. طبعاً انا ما اقول انو انا نظرتي للألعاب صح أو نظرتك انت خطأ. لأن كل واحد ونظرته وكل واحد ومفهومه الشخصي في خوض تجربة لعبة معينة. أتمنى تكون فهمت علي.

عموما تقيمك ابدا مو عادل برأيي .. الجيد جدا هذي قدمت اشياء ما وصلت لها 99% من العاب الار بي جي الي بعدها .. جيد جدا هذي ممكن تمشيها على لعبة زي لوست اوديسي اما اسطورة زي فف 7 مستحيل تكون فقط جيده جدا .. على فكرة فف 7 مو اول ار بي جي لعبتها و انا لاعب كل اجزاء فف الي قبلها و بعدها و مخلص اغلبهم ..

طيب قولي كيف أعادت اللعبة اختراع العجلة؟ باستثناء الأمور التقنية وكيف نقلوا الجانرا للـ3D.

لوول بدون ما تنتظر الإجابه فيصل ..

لا

عارفني :laugh::

الستاندرد وضعته فف7 وما في شيء تخطاه أصلا :laugh:: ، والشيء الوحيد اللي قرب منه هو أجزاء فف الأخرى.

مرة أخرى, وش الستاندرد الي شفته في فف7, وما شفناه قبل؟ mini games تسابق بتشوكوبو؟

زي ما قلت, ممكن أتفهم الواحد يقول هذي احسن فف بالنسبة له. لكن حطت ستاندرد جديد؟ كيف؟ أنا لعبت هاللعبة بعد ما انهيت ف ف 6 بكم شهر. الفرق الوحيد الموجود في سبعة هو نقل اللعبة الى وسط الـ3D. ممكن أكون ناسي شي ثاني سوته؟

كلاود ولا شي من هذي الصفات وبنفس الوقت كلها , شكلك لمن لعبت اللعبة ماكنت مستسيغها صح ؟

لا أبداً, في وقت من الأوقات كنت مستمتع جداً في اللعبة, شيّك ردودي في الصفحات الاولى والثانية. مثال:

@جون: جدددداً مستمتع بس لو آخذ هالغرض وأكمل القصة يكون زين :laugh::

للأسف ان اللعبة ما استمرت في ذاك المستوى الى النهاية

أوكي برد هنا على هذي النقطة , ترى الوحوش اللي بفف4 ماتفوز عليهم بس بAAAAAAAAAA , لازم فيه شوية تكتكة وتعرف pattern حركاته .

صحيح اني نووب, لكن مو لهالدرجة :laugh::. ف ف 4 سجّلت فيها فوق الـ10 أو 15 ساعة. صحيح الوحوش يبيلهم تكتكة, لكن خلنا واقعيين. يبيلهم جرايندنج عنييييف برضو. ف ف 4 نسخة الدي اس اسوأ ف ف من ناحية توازن الصعوبة بالنسبة لي. كل شي تمام, فجأة زعيم يذبحك بضربة :|.

على فكرة من بعد ما قريت كلامك أقلك رح العب 10 , أظن حتحبها أكثر بكثيييييييييير.

لعبتها من زمان, واذكر اني حبيتها

وإذا ما عجبتك خلاص سلسلة فف مو لك

هنا مشكلتك جون. انت تشوف رأيي يا ابيض يا اسود. يا اني احب اللعبة واعتبرها خرافية, يا اني اكرهها. وفي حالة ف ف 7 كمثال, لاحظ اني قلت انها جيدة جدا, مستواها B, يعني استمتعت فيها. كيف تجي تقولي ف ف مهي لي ؟

 

[JOKER MASK]

بعد ما انهيت كريس كور وتعلقت با زاك وبعد ما شفت مشهد

محتوى مخفي

النهايه يوم كان كلاود فوق القطار ويقول انه الجندي رقم واحد وقتال سيفروث وكلاود

ودي اعرف اكثر عن كلاود وانا للاسف لعبت فاينل 8 على ايامها بس للاسف ما لعبت فاينل7 ( رغم انه كان ممكن العبه بعد ما انهيت 8 ) بس الان انا متحمس العب فاينل7

ودي اعرف وش الفرق بين النسخه القديمه الي نزلت في 97 وبين النسخه الي نزلت في الستور في هذي السنه

ودي بمساعده تراني كنت بلعب فاينل7 نسخه البي سي بس تعقدت من التحكم بس الان بلعب با PSP

 

[G7Ga7]

...

لاااااا فتحت السبويلر على بالي لفف7 . كنت ناوي ألعاب كرايسيس كور في يوم من الأيام.

 

[Gon freeces]

صحيح اني نووب, لكن مو لهالدرجة :laugh::. ف ف 4 سجّلت فيها فوق الـ10 أو 15 ساعة. صحيح الوحوش يبيلهم تكتكة, لكن خلنا واقعيين. يبيلهم جرايندنج عنييييف برضو. ف ف 4 نسخة الدي اس اسوأ ف ف من ناحية توازن الصعوبة بالنسبة لي. كل شي تمام, فجأة زعيم يذبحك بضربة :|.

أنا الحين بالريميك خلصت تقريبًا ثلث اللعبة

محتوى مخفي

(الحين أنا بحول سيسل إلى بالادن) أ

شوف إن اللعبة مو صعبة مرة =\, فين وصلت على فكرة.

هنا مشكلتك جون. انت تشوف رأيي يا ابيض يا اسود. يا اني احب اللعبة واعتبرها خرافية, يا اني اكرهها. وفي حالة ف ف 7 كمثال, لاحظ اني قلت انها جيدة جدا, مستواها B, يعني استمتعت فيها. كيف تجي تقولي ف ف مهي لي ؟

كنت أمزح مانتبهت للسمايلي ?
العب فف تاكتكس الحين أو فف12 >_>

 

[Gon freeces]

لاااااا فتحت السبويلر على بالي لفف7 . كنت ناوي ألعاب كرايسيس كور في يوم من الأيام.

يوم من الأيام ؟ لازم تلعبها , كنت بقلك الحين بس أحسن تلعبها بعدين ممكن تنبسط فيها أكثر (يصير عندك nostalgia لخرابيط فف7 XD )

 

[hussien-11]

مرة أخرى, وش الستاندرد الي شفته في فف7, وما شفناه قبل؟ mini games تسابق بتشوكوبو؟

زي ما قلت, ممكن أتفهم الواحد يقول هذي احسن فف بالنسبة له. لكن حطت ستاندرد جديد؟ كيف؟ أنا لعبت هاللعبة بعد ما انهيت ف ف 6 بكم شهر. الفرق الوحيد الموجود في سبعة هو نقل اللعبة الى وسط الـ3D. ممكن أكون ناسي شي ثاني سوته؟

ما هذا الكلام يا صديقي : (

- فف7 وضعت نظام الـ Limit Break ، إضافة عظيمة للسلسلة
- نظام الماتيريا ارتقى بالـ باتل سستم في السلسلة ككل و صار أكثر عمقا من ( 4 - 5 - 6 ) ، لحد ما الجزء العاشر حد ستاندارد جديد مرة ثانية مع الـ sphere grid
- فف7 حطت ستاندارد جديد للسلسلة بالـstorytelling و العمق الموجود فيه مقارنة بالأجزاء السابقة ، فف7 أضخم بكثير و السبب طبعا هو المساحة الأكبر للأقراص الليزرية مقارنة بالكارتردج
- الإضافات التقنية ما تقدر تتجاهلها ، فف7 أول لعبة اربيجي ثلاثية الأبعاد في التاريخ ، و عروض الـCG الي كانوا في اللعبة كانوا الأضخم أيضا على مستوى الإندستري : )
- اللعبة أضخم بكثير من الأجزاء السابقة في الحجم و عمر اللعبة و كل شي ثاني .
​

 

[JOKER MASK]

شباب ممكن احد يرد على استفساري ( تحسه واحد طرار يبي ريال ) لوووووووووول

عبد الرحمن مو ذنبي اذا كنت تفتح قبل ما تقر الي قبل الصندوق

 

[G7Ga7]

^ العجلة

أنا الحين بالريميك خلصت تقريبًا ثلث اللعبة

محتوى مخفي

(الحين أنا بحول سيسل إلى بالادن) أ

شوف إن اللعبة مو صعبة مرة =\, فين وصلت على فكرة.

أنا عديتك بشوي أتوقع. المشكلة لاعب اللعبة أول ما نزلت (سنة؟). وذاكرتي سيئة. اذا ما كنت غلطان

محتوى مخفي

أنا دخلت كهف فيه مغناطيس أو شي من هالقبيل, وما اقدر استخدم أسلحة ولا دروع

الزعيم حق هذاك الدنجن ذبحني زي السلام عليكم, وطفيت اللعبة ولا رجعت لها الى الان. :laugh::

- فف7 وضعت نظام الـ Limit Break ، إضافة عظيمة للسلسلة
​

همممم. صحيح.

- نظام الماتيريا ارتقى بالـ باتل سستم في السلسلة ككل و صار أكثر عمقا من ( 4 - 5 - 6 ) ، لحد ما الجزء العاشر حد ستاندارد جديد مرة ثانية مع الـ sphere grid

المتايريا ما اشوفه شي ثوري لهالدرجة. مو هو عبارة عن أخذ مبدأ الـmagacite الموجود في فف6 وتطويره؟ يعني الماجاسايت في فف6 كانوا يعطونك امكانية استخدام الماجيك, والسومونز. الماتيريا عبارة عن أخذ هذا المفهوم, وتوسيعه بشكل أكبر, بحيث يشمل خيارات هجوم/دفاع جديدة, حركات جديد..الخ. طبعاً زي ما قلت, فكرة الماتيريا حبيتها مرة, واعطت القتال في فف7 طعم غير.

- فف7 حطت ستاندارد جديد للسلسلة بالـstorytelling و العمق الموجود فيه مقارنة بالأجزاء السابقة ، فف7 أضخم بكثير و السبب طبعا هو المساحة الأكبر للأقراص الليزرية مقارنة بالكارتردج

ولو ان هذا يثبت كلامي (غير الاستعانة بتقنية الهاردوير, اللعبة ما اعادت اختراع العجلة). الا اني لازم أوقفك لحظة. فف6 على سبيل المثال ما ضرها كونها على كارتريدج, والستوري تيللينج فيها كان خرااااافي على الرغم من اللميتيشنز. الي موجود في 7 وماهو في 6 من ناحية الستوري تيللينج هو عروض السي جي فقط.
والجزء الرابع نفس الشيء تقريباً, ولو انه اقل عمقاً.

- الإضافات التقنية ما تقدر تتجاهلها ، فف7 أول لعبة اربيجي ثلاثية الأبعاد في التاريخ ، و عروض الـCG الي كانوا في اللعبة كانوا الأضخم أيضا على مستوى الإندستري : )

كلام سليم ولا يختلف عليه اثنان. ورأيي انه هذي النقطة هي أكبر ثورة سوتها فف7.

- اللعبة أضخم بكثير من الأجزاء السابقة في الحجم و عمر اللعبة و كل شي ثاني .

والله مو متأكد. لكن ممكن.

 

[JOKER MASK]

ودي اعرف وش الفرق بين النسخه القديمه الي نزلت في 97 وبين النسخه الي نزلت في الستور في هذي السنه

ودي بمساعده تراني كنت بلعب فاينل7 نسخه البي سي بس تعقدت من التحكم بس الان بلعب با PSP

اخر مره اطلب فيها شي في ترو جمينج ردو علي لا تطفون حماسي

 

[G7Ga7]

اخر مره اطلب فيها شي في ترو جمينج ردو علي لا تطفون حماسي

ما انتبهت آسف. ما فيه فرق بينهم. اللهم نسخة الستور تقدر تحصلها بـ10 دولار وتشتغل تمام على الـPS3/PSP

 

[Zero]

جحجاح إذا أنت شايف باتل سيستم فف6 رهيب لهذه الدرجة روح إلعب فف5 لأن الباتل سيستم حقها يسدح فف6 وبالريوس بعد ، أقدر أناقشك من نفس المنطلق هذا : \.

أجزاء فف اللي القتال فيهم وصل ذورته من ناحية المستوى هم فف5 و7 و10 ، وفف5 أحسن جزء ثنائي أبعاد من ناحية الباتل سيستم وأحسن باتل ثيم في السلسلة برأيي ( هذه لتحميسك P: ).

 

[hussien-11]

اخر مره اطلب فيها شي في ترو جمينج ردو علي لا تطفون حماسي

لو كنت أعرف كان جاوبتك من زمان P:

حسن كلامك بخصوص الباتل سستم صحيح تماما ، على فكرة سكوير سوفت لحد الجزء العاشر و هم يعتبروا الجزء الخامس أفضل باتل سستم في تاريخ السلسلة من وجهة نظرهم ، هذا كان كلامهم بلقاء مع فريق عمل اللعبة قبل ما يصدر الجزء العاشر .

 

[G7Ga7]

جحجاح إذا أنت شايف باتل سيستم فف6 رهيب لهذه الدرجة روح إلعب فف5 لأن الباتل سيستم حقها يسدح فف6 وبالريوس بعد ، أقدر أناقشك من نفس المنطلق هذا : \.

أجزاء فف اللي القتال فيهم وصل ذورته من ناحية المستوى هم فف5 و7 و10 ، وفف5 أحسن جزء ثنائي أبعاد من ناحية الباتل سيستم وأحسن باتل ثيم في السلسلة برأيي ( هذه لتحميسك P: ).

الساعة 2 الصباح وانا دايخ, فما ادري وش المنطق الي انت تقصده. أو اذا كان ردك اصلا ساركازم :laugh::.

عموماً انا ما عمري قلت فف6 > فف7 في القتال. بس انا اشهد ان 5 هو أفضل باتل ثيم في السلسلة. ابداع. وفف7 علمتني ان الباتل سيستم هو مو كل شي أنا احتاجه عشان استمتع في لعبة ار بي جي.