رسالة من عضو....

[hussien-11]

همام ، محمد على العين و الراس و هو من أكثر الأشخاص اللي اقدرهم بصراحة بصمة محمد لا تنسى في تاريخ المنتديات العربية سواء المنتدى أو جيم ماستر أو TG الان

طيب على فكرة انا أيضا مصاب بارتفاع الضغط الدم و الله ، الأسباب ، خلها مستورة >< ، لكن مع ذلك حلو الواحد يتعامل بأسلوب سلس مع الجميع ، لاحظ انا هنا ما أتكلم عن موقفنا هنا و لكن بشكل عام ، بعطيك مثال ، أول موضوع لي في TG على طول تحول لغلط من الأخ فهد علي لمجرد اني قلت شي ما عجبه عن الـ360 *_* ، صحيح الان فهد من أعز الأصدقاء لكني وقتها أخذت على بالي صراحة لأني كنت جديد على المنتدى و متحمس له بحكم اني أخيرا راح أشارك مع أشخاص كنت أتمنى أشارك معهم من سنين و الله و بالأخير مشكلة من اولها ! صراحة شي يحبط وسببه التعامل الجاف و الحاد من الكثيرين بالمنتدى الله يصلحنا و اياهم ، و انا متأكد انه الموقف اللي صار مع العضو مشابه لكن ردة الفعل و التصرف تختلف من شخص لاخر ..
​

 

[Nintendo]

شباب معليش بحط رد عن محمد لانه مش اونلاين ( لول حتى كلام الرد بحطه بصيغني لانه عن طريق الجوال ) :

شباب محمد جته الكثثثثثثثثير من الرسائل على الخاص تنتقد القوانين وتنتقد اشياء كثيره بالمنتدى ومحمد ماعمره نشرها .. السبب انها رسائل في القمام الاول هادفه واصاحبها يبحث عن مصلحة المنتدى ولكن رسالة الاخ للاسف ماكانت مقبوله على الاطلاق والاسلوب المستخدم فيها جدا سئ واعتقد محمد ماكان يستحق هاذي العبارات لانه نفذ قانون بالمنتدى الكل يعرفه !!!

حسين الاخ له اكثر من 100 مشاركه بالمنتدى واعتقد يعرف القوانين ولكن رده صراحة جدا سئ لانه محمد ما اخطأ باي شئ ودائما ننبه الشباب يوم يخالفون باي موضوع عبر الموضوع نفسه عشان الكل يتذكر قوانين المنتدى .. حتى اذا الاخ حس نفسه انظلم او شئ المفروض الاسلوب يكون افضل من كذا بكثير ...

 

[ASWD]

للأمانة وين التهزئ اللي تقصدونه..احد اجا وتهزئ على الاخ احد اجا ووجه كلام مهين اله؟

لاطبعا فشلون تم اخذ المسألة على انها تهزئ؟

انا مو مقتنع بسالفة نشر الرسالة طبعا لكن بنفس الوقت ما اعلم شنو المغزى من ورا هالشي يمكن محمد كان عنده هدف او شغلة حاب يوصلها للكل وهالشي مايعلمه اللا الله سبحانه وتعالى فكيف اجي واعتبر السالفة على انها تهزئ وانا ما عندي علم..على ما اعتقد هني اكو ن دخلت في مفهوم الظن ومثل ما احنا عارفين *إن بعض الظن إثم* وعلى هالأساس انا لازم اخذ الامور بحسن نية حتى اتبين الوضع من صاحبه

ومافي فرق او استثناء بين عضو قديم وعضو جديد الكل سواسية اذا كان الامر يتعلق بالقوانين خاصة انها واضحة لكل من يدخل المنتدى لأنها موجودة فوق وبلون يميزها عن غيرها

مشكلتنا احنا اذا دخلنا موقع او منتدى ما نقرا القوانين ولا غيره على طول تسجيل والسلام وبعدين اذا صار شي نقول هذول يعاملوني كذا وماخبروني ان هالشي ممنوع وألخ ماقول ان انا ماقريت القوانين عشان اعرف الامور المسموح بها واللي مومسموح بها

ومسالة اني منفعل وغيره هذ مايعطيني الحق صراحا اني اتهجم او انزل جام غضبي على ناس مالها ذمب ولنا عبرة في سير الأنبياء والرسل ألخ

يعني واحد يكون منفعل او يمر بظروف صعبة شوي يروح يذبح اي واحد يشوفه بطريقه وماعليه اي شي كونه معذور بظروفه او حالته؟

فيه مليون طريقة وطريقة اقدر استخدمها وقت ما اكون منفعل اولها التغاضي عن الشي وقت الانفعال حتى اهدئ وبعدها ارجع اسوي الامورألخ

عموما الاخ ماتوقف ولا شي عنده الاستطاعة انه يشارك من جديد بشكل عادي

 

[hussien-11]

شباب معليش بحط رد عن محمد لانه مش اونلاين ( لول حتى كلام الرد بحطه بصيغني لانه عن طريق الجوال ) :



حسين الاخ له اكثر من 100 مشاركه بالمنتدى واعتقد يعرف القوانين ولكن رده صراحة جدا سئ لانه محمد ما اخطأ باي شئ ودائما ننبه الشباب يوم يخالفون باي موضوع عبر الموضوع نفسه عشان الكل يتذكر قوانين المنتدى .. حتى اذا الاخ حس نفسه انظلم او شئ المفروض الاسلوب يكون افضل من كذا بكثير ...

ما اختلفنا عمر ، انا موافقك انه الرسالة 100% غلط

 

[Ash]

يا عضو سالفة انه الموضوع تقفل هذي مافيها أي شيئ أبدا , حتى المراقبين و المشرفين تتقفل مواضيعهم , يعني هذي مافيها لا سلطة و لا تحكم مثل ما أنت شايفها و اسمحلي أقولك هذي نظرة سطحية جدا منك و ما انعمل هالفعل الا للحفاظ على المنتدى على القوانين تبعه , و رسالتك صراحه كان فيها قلة ذوق و غلطت على محمد بشكل كبير مدري يعني هل هذا أسلوبك أنت بالتعامل مع الناس بالحقيقه ؟ الله يهديك .

 

[Nintendo]

عموما شباب الاخ ماتوقف لانه الموضوع بالاصل على الخاص

وشخصيا ماراح اسوي اي شئ لانه الموضوع متعلق بالاخ محمد قبل كل شئ . بس عندي امنيه من اغلب الشباب .. فكرة انه ( لانك مشرف تسوي اللي تبيه ) ولله الحمد مش موجوده عندنا .. شباب وللامانه فقط اسالوا الاخوان المراقبين والله ثم والله انه اي شخص يغلط بالمنتدى سواءا مشرف او مراقب او عضو بياخذ نفس النصيب .. اعتقد وضحنا القوانين للجميع والحمدلله 99% من الاعضاء مايشتكون منها لانهم فهموا ليش حطيناها من الاصل ...

اتمنى فقط من كل الاخوان انهم يوم يشاركوا معنا او يسجلوا عندنا انهم يدركوا تماما اننا بقدر الامكان نحاول المساواه بين الجميع بغض النظر عن عدد المشاركات او وش مكتوب تحت اسمك او حتى لونك .. الله يهدي الجميع

 

[hussien-11]

أساسا وين الواحد يلاقي منتدى يقدر يتكلم فيه بكل حرية مع أي شخص بغض النظر عن لونه و اسمه إلا TG ؟ ووين الواحد يلاقي أحسن الجيمرز العرب على النت غير بـTG ؟ ووين الواحد يلاقي إدارة توضح كل خطوة بتسويها للأعضاء ؟ إلا في TG ؟

الله يخليكم لنا
​

 

[Pichi]

اتمنى فقط من كل الاخوان انهم يوم يشاركوا معنا او يسجلوا عندنا انهم يدركوا تماما اننا بقدر الامكان نحاول المساواه بين الجميع بغض النظر عن عدد المشاركات او وش مكتوب تحت اسمك او حتى لونك .. الله يهدي الجميع

وهذا الي يخليني اكون عضو في TG ..
الله يخليكم لنا

 

[Humam]

ثم شباب رجاء يعني, انسان قبل ما يسجل أعتقد في شي اسمه " قوانين و شروط التسجيل " .. يعني المفروض قبل ما يشارك تسجيله هذا بمثابة توقيع وموافقة رسمية منه على إنه اطلع على كافة القوانين والشروط و هو موافق عليها .. أي أشياء ثانية تترتب على مخالفته للقوانين هو يتحمل مسؤوليتها لوحده ..

ان شاء الله الموضوع هذا يكون درس للجميع و يكون وضع الكل في الصورة.. والله يصلح الحميع

 

[mario0o]

الصراحة هو كببر المسألة !!

يعني معروف عند الجميع موضوع وصلات التورنت وسالفة القرصنة ومكتوب في القوانين

وهو غلط و ولا حتى اعتقد تأكد من سالفة اذا كان قانون ضد القرصنة موجود اصلا ولا لا

وعلى طول طللع كل اللي في خاطره !!

يا عضو . انت غلطت وتقفل موضوعك .. ما فيها شي .. ليش تكببر السالفة ومب انت الوحيد اللي تقففل موضوعه.

كلنا اخوان هنيه .. يا اخ

 

[Tomb raider]

السالفه ما تسوى كل هذا
القانون قانون ومعاه حق محمد لأن مواضيع الاغاني كلها ذنوب اما اغاني
الحلقه والله انت مب تنزل الحلقه علشان تسمع الاغنيه ....

اخوي انت كبرت السالفه لأنها ما تسوى
راجع نفسك وبتعرف ان اسلوبك كان فيه تسرع
وشكرا

 

[Futrus]

فعلاً هذا الموضوع درس لنا جميعاً ^^ .. الله يخليكم لنا *_^

 

[Final Fantasy]

مادري ليش أحس أن البعض ياخذ مسألة ( افقال المواضيع ) كمسألة اهانة !!

اقفال المواضيع ما تمشي على مجموعة فقط أو فئة معينة عن الأخرى أو الأعضاء العاديين فقط دون أعضاء الادارة و الأصدقاء .

القوانين واضحه و تمشي على الكل الكبير قبل الصغير .. على الأقل اعتبروها كاحترام رغبة الشخص الي فتح و كون لكم هالبيت الآخر لكم و جمعكم تحت سقفه .

 

[DeaDMaN]

÷__÷ طيب شباب اللي يشوف ان تقفيل موضوع وتحذير من تكرار المخالفة إهانة وذل واستغلال وتسلط..مايعتبر هذا الكلام إهانة ؟!

عموماً ما تنلام لأن هذا منتداك وفرحان بالسلطه الي بيدك ومستغلها بأنك تذل وتنفخ على الي يعجبك من البزران بذل الأعضاء

بعدين ترا عندك حركات اطفال تفطس من الضحك تدل على صغر عقلك

صدقني انك عايش في هم
بس الأنكار مانعك من انك تسوي الي يرضي ربك
يالله تشاو والله يوفق الجميع
ونصيحه خلك متواضع !

امممم والله أكثر منتدى احس فيه براحة من اعضاء وإدارة..مثل مايقول حسين^^..

أساسا وين الواحد يلاقي منتدى يقدر يتكلم فيه بكل حرية مع أي شخص بغض النظر عن لونه و اسمه إلا TG ؟ ووين الواحد يلاقي أحسن الجيمرز العرب على النت غير بـTG ؟ ووين الواحد يلاقي إدارة توضح كل خطوة بتسويها للأعضاء ؟ إلا في TG ؟

..الله يخليكم لنا..

 

[king zell]

أتوقع إن الموضوع أدى غرضه.. العضو اللي يعتقد انه انتقدني (سبني) أنا بشيل اسمه من كل الردود في هذا الموضوع.. و حقي الخاص أنا متنازل عنه و هو لا راح يطرد و لا شي

بالنسبة للموضوع يوضح للجميع إن منتدى ترو جيمنج ما قفلنا فيه التسجيل لسبب معين.. احنا ندري ان اسلوبنا مختلف عن اي مكان آخر و احنا نعامل بعض كأخوان.. لذلك الشخص اللي يتعب و يبذل جهد عشان يسجل في الموقع مفروض يكون فاهم ان في شروط و قوانين معينة احنا نسير عليها و يتوقع العقاب لما يخالفها

أما ان الشخص يبقى في مكان هو مش مقتنع فيه كان من باب أولى انه ما يسجل من البداية.. مش يسجل و يوم يشوف شي ما يعجبه يبدأ بتوجيه الإتهامات و الصراخ بدون عقلانية

الموضوع ينقل للأرشيف للعبرة

أشكر جميع من رد في هذا الموضوع و أبدى رأيه..

 

[Ginko]

what the...?

 

[Khalid-S]

لووول الحين عرفت محمد ليش نشر الرسالة .. فعلاَ تستحق كل احترام محمد.

شباب في شي يمكن محد لاحظته ,, انا انطردت من الفتره في فتره من الفترات لكن مع انشغال الاعضاء بكتابة المواضيع محد حس ,, او يمكن الطرده ما كملت يوم ... السبب هو

اني خالفت في قوانين التواقيع ,, الحادثه صارت قبل ما ننزل قانون التواقيع الجديد ,, كان توقيعي مخالف وواحد من اعز اصحابي بالمنتدى (اذا ما كان في حياتي) طردني ,, ما رجعني الا لمن تفاهمنى وشلت التوقيع .. هذا يبين ان هذا منتدى وفيه نظام للمحافطة عليه ..

دليل على سالفة طردتي

مع اني كنت ارى ان التوقيع كان عادي جداَ لكن واحد من المشرفين الاثنين كان يشوفه انه مخالف ,, انا رسلت له رساله او كلمته على الجوال سبيته ؟؟ لا والله ,, كان نقاش بينا " صحيح كان شوي حامي " لكن بالاخير احنا كلنا اخوان وسالفه توقيع و منتدى ما تفرق بينا ..

 

[sehro]

يعني ها ...انا قدامك ماشاء الله كم موضوع تقفل لي وماسويت مثلك eeved: ...

 

[The Last Fantasy]

إغلاق المواضيع إهانة ؟
ما عمرهـا صارت .. ولا راح تصير .. كبّرت المسأله وهي صغيرة .
يا أخي كل شخص أُغلِق له موضوع ، وأنـا منهم .. فـ إيش المشكلة ؟
مو ذنب المشرف أو المراقب إذا ما قريت القوانين الله يهديك .

ولا أظن TG يتعامل بأي نوع من التهكم أو العدوانية أبداً ، بالعكس .. منتدى أهداك كامل الحرية للتعبير والنقاش تحت شروط بسيطة . وهذا اللي رفع منتدى TG للقمة . وهو سبب تسجيلي فيه بكل صراحة .

الله يهديك بس .

 

[ABUALI]

السلطة للشعب والتنفيذ عند محمد...
مافي قانون ما وافق عليه الجميع...

 

[dragonwarrior]

أهم شىء أنها النسخة الأوروبية هههههههههههههه مسكين ما يدري أنها اليابانية eeved:

في ناس يحليلهم والله مشاعر و أحاسيس

 

[Ginko]

أهم شىء أنها النسخة الأوروبية هههههههههههههه مسكين ما يدري أنها اليابانية eeved:

في ناس يحليلهم والله مشاعر و أحاسيس

هههههههههههههههههههههههههههههههههههههههههههههههههههههههههههههههههه

 

[Mada Mada Dane]

جالس اقرا الي صاير, شوي شفت @_@, قسم بالله على طول شكيت بنفسي وجلست اقرى الايميل مره مرتين ثلاث ><

لاني انا دايم استعمل الـ @_@, طلع في واحد ثاني مثلي . . . شكله خطير

ويا اتقفلت لنا مواضيع, ماهو شئ جديد -_-" وش الي مزعله الاخ؟ والحين اسمه " العضو " ولا مغيرين اسمه تفاديا للاحراج ><

 

[Evolution]

والحين اسمه " العضو " ولا مغيرين اسمه تفاديا للاحراج ><

لا يزال باسم العضو