Zy-ad
True Gamer
خلصت الموسم الثانى و ده إنطباع بسيط
بصفة عامة الموسم كان فيه تحسن واضح بالنسبة للإنتاج و الآرت بس الحلقات الأخيرة بالذات كانت رهيبة
الحلقات الأخيرة وضحت مدى ذكاء الشخصيات سواء هيجيكاتا أو إنودو أو تسورومى بس تسورومى بالذات أثبت إنه أخطر من المتوقع ، من البداية تسورومى كان واضح إنه ذكى جدا و عنده قدرة عالية على التخطيط بس نشاطه ماطلعش مقتصر على تحكمه فى الفرقة السابعة و طلع إنه بيمتد لأكثر من كده لدرجة تعاونه مع عدد من الأفراد برتب أعلى منه و واضح إن المواجهة ضده مش هاتبقى سهلة بأى شكل
بالنسبة لسوجيموتو فالموسم بدأ بتحالفه مع هيجيكاتا و انتهى بتحالفه مع تسورومى و الإثنين حصلوا بشكل خارج توقعاتى و زى ما قلت قبل كده التحالف مع هيجيكاتا منطقى و هايبقى مؤقت بس ماتوقعتش الطريقة اللى انقلب بيها على سوجيموتو
ده بيأكد إن سوجيموتو طرف مستقل و مايقدرش يدخل فى تحالف حقيقى مع حد ، سوجيموتو عنده إهتمام حقيقى بمصلحة أسيربا و فى نفس الوقت يبقى الشخص الوحيد اللى أسيربا بتثق فيه و الكل عارف إن حتى بالرغم من إنه ماعندوش إهتمام حقيقى بالذهب إلا إن إنحيازه لأسيربا ممكن يتعارض مع مصالحهم و عشان كده أى شخص مهتم بالذهب هيحاول يمنعه من إنه يكمل رحلته معاها
المفاجأة الحقيقية بالنسبة لى كانت فى التطورات الخاصة بكيورانكى و نوبيرابو
موت نوبيرابو بمجرد تقديمه كان آخر شئ أتوقعه بس النقطة المهمة كانت كلامه عن إنه مش هو اللى قتل الآينو ، طبيعى إن الشك يتوجه لكيورانكى خصوصا بعد اللى عمله فى الحلقة بس ده مش مؤكد ، من جهة هو ماكانش عنده مشكلة فى قتل نوبيرابو بالرغم من إنه كان صديقه لأنه على حسب كلامه اتغير و أظن إنه اعتبره إتخلى عن مبادئه بس فى نفس الوقت مواجهته مع إنكرمات تؤكد إنه ماكنش عاوز يقتلها و إنه مش الشخص اللى يقتل من غير سبب قوى و بالنسبة لى استبعد إنه يكون هو اللى قتل الأينو ، على مدار العمل فى شكوك كثيرة تم إثارتها بخصوص كيورانكى بس بالرغم من إننا عرفنا جزء من أهدافه إلا إن شخصيته مازالت غامضة
الشخص اللى ماقدرتش أفهم بالضبط هو عاوز إيه بالضبط يبقى أوجاتا ، أوجاتا طلع شخصية مريضة و بشكل مرعب و السؤال يبقى هل هدفه مجرد الحصول على الذهب فقط و لا فى شئ تانى بيخطط ليه و ليه انضم لكيورانكى، هل فى نقطة ماقدرتش أنتبه ليها ؟
بالنسبة لتانيجاكى فماضيه اتقدم بشكل رائع فعلا و ابتديت أحب الشخصية بعد ما كنت مش مهتم بيها فى بداية الموسم و سعيد بإنضمامه لسوجيموتو (حتى لو كان ده بشكل مؤقت) ، إنكرمات كانت شخصية مثيرة للإهتمام و الموسم وضح خلفيتها بشك جيد ، فى الآخر إنكرمات ماطلعتش شخصية سيئة بس فى نفس الوقت صعب إعتبارها جيدة و واضح إنها من النوع اللى مابيهتمش بالأسلوب طول ما الهدف بيتحقق بس من المشهد فى النهاية أتوقع إنها هاتختفى من القصة لفترة طويلة
فى الآخر حبيت الموسم فعلا و شايف إن الأحداث كانت مثيرة و حماسية و التعامل مع القصة كان جيد و على الأغلب ماظنش إنى هانتظر الإعلان عن موسم جديد و ممكن أتوجه للمانجا قريب
انطباع جميل جدا
بالنسبه لاوغاتا
حتى الفلاش باك حقه كان غير متوقع وسبب قتله لامه واخوه كان غريب جدا
وبرضوا خيانته لتسورومي ماكان لها سبب معين
ولاتستغرب يخون كيورانكي ايضا ههههه
مدري ايش هدفه فعلا لكن واضح انه يهمه مصلحته فقط
ويبغى يوصل لهدفه باي طريقه
وبرضوا خيانته لتسورومي ماكان لها سبب معين
ولاتستغرب يخون كيورانكي ايضا ههههه
مدري ايش هدفه فعلا لكن واضح انه يهمه مصلحته فقط
ويبغى يوصل لهدفه باي طريقه