الكشف عن حقيقة أيثيا كان مفاجأة ، المشهد اتقدم بطريقة رائعة و كان مؤثر فعلا و رفع من شخصية أيثيا فى نظرى بشكل كبير بس فى نفس الوقت كان فى مشكلة بسيطة بالنسبة لى
لما أيثيا سألت كتولى إذا إذا كانت عاوزة تعرف اسمها الأصلى كتولى قالت إنها عارفة فعلا و إنها صديقتها أيثيا و بالرغم من إن المعنى هنا يبقى إن كتولى لسه بتعتبر إن أيثيا صديقتها حتى بعد ماعرفت الحقيقة إلا إنه بالنسبة لى كان بمعنى معاكس ، طول الوقت إيثيا كانت بتخبى حقيقتها و بتدعى إنها شخصية تانية و لو كانت كتولى عاوزة تقبل أيثيا فعلا يبقى كان المفترض إنها تعرف اسمها و شخصيتها الأصليين و تقبلهم لأن دول يبقوا حقيقتها فى الوقت الحالى مش تكتفى بالشخصية اللى أيثيا عملتها
حقيقة مشاعر نيجلاتو تجاه ويلم كانت مفاجأة تانية ، حبيت المشهد فعلا و ماقدرش أنكر إنى ابتديت أحب شخصيتها بعد ماكنت مش قادر اتقبلها فى البداية بس فى نفس الوقت رد ويلم عليها كان مستفز
، كنت اتمنى يبقى فى توضيح أكثر بخصوص ال Trolls و قدراتهم و الإختلاف بينهم و بين البشر بس دى مش من النقط اللى العمل بيركز عليها
الحلقة العاشرة كانت ممتازة فى معظمها (باستثناء مشهد واحد مالوش داعى
) ، نتيجة التشابه فى لون الشعر كنت متوقع إن فى علاقة بين ليليا و إلك بس آخر حاجة كنت اتوقعها حدوث مواجهة بين الإثنين فى الماضى ، واضح جدا إن إلك مش بنت عادية و الملاحظة هنا إن مجرد كلامها العادى مع ليليا كان ليه تأثير مدمر عليها
مشهد حوار ويلم مع كتولى فى نهاية الحلقة كان جميل جدا
