Solay
Double Jumper
أها بدينا بتصريفات وش تحتاج وش ماتحتاج
أنا ماتكلم عن إحتياجاتي , أنا أتكلم عن الجانب الإبداعي اللي أفتقده والسلبيات المستمره فيه ...
أنت تتكلم عن شركه من عام 2007 وهي تنزل نفس الجهاز مع نفس السلبيات ومع ذلك تصرون على نجاحها وتفوقها
الآن الناس بدأت تتململ من الوضع الحالي , شركه تنزلك بكل جيل نفس الجهاز مع تغيير طفيف بالقطع الداخليه , حالهم حال أبو جميل اللي ينزل اللاندكروزر " معشوق البدو " مع تغييرات بسيطه ومع ذلك يحصل على نفس الزخم الشرائي في كل سنه , هل في هاذي الحاله نقدر نقول عن السياره هاذي هي الأفضل ؟ طبعاً لا ,,, نجاحها أرتبط بحب وشغف عُشاقها " وهذا اللي بيحصل مع الآيفون5 "
أما بالنسبه لكلامك اللي بالأحمر هذا سبب كافي عشان تعرف أنك تتعامل مع أشخاص الـ IQ تبعهم رايح فيها أو ماعندهم وقت يتعرفون ويستكشفون النظام ويعطونه وقته " نظام يشتري جهاز ومايعرف فيه أكثر من 10% "
خلاصة الكلام حنا مو بحالة تقشف عشان تقول هذا مو لازم وهذا مو لازم !! نتكلم عن جهاز قيمته فوق ال2500 ريال مفروض يكون مدعوم بآخر المميزات والتقنيات المتوفره في باقي الجوالات أو يبدع فيها ويتفوق ليش لا !
هههههههههه وش تصريفاته؟! هاذي قاعدة بالحياة والا كان كل العالم اشتروا جوال واحد وخلاص وشولة شركات ثانيه؟! شركات سيارات وشوله؟! يسوون سيارة وحدة وخلاص كلنا نشتريها!! فيه حاجة اسمها ذوق أولا واحتياجاتك الشخصية ثانيا انت تبي خلفيه تتحرك وحركات وفلة؟! هذا شي انت تحتاجه ما قلنا شي,انا عن نفسي اتنازل عن هالشي وعشرين شي عشان أحصل متجر برامج مثل الآب ستور وسرعة وسهولة بالنظام..
مثال ثاني بسيط بماانك جبت طاري السيارات: أنت تبي سيارة سبورت وتستعرض فيها وتقاوم العالم غيرك موب شرط يحتاج هالشي,أنا مثلا اشوف حاجتي يلبيها الجيب لأنه الأفضل بشوارعنا وانا شخص راعي كشتات كل واحد وحاجته حتى لو بيتنازل عن اشياء عشان اشياء ثانية..
أ
ما بالنسبه لكلامك اللي بالأحمر هذا سبب كافي عشان تعرف أنك تتعامل مع أشخاص الـ IQ تبعهم رايح فيها أو ماعندهم وقت يتعرفون ويستكشفون النظام ويعطونه وقته " نظام يشتري جهاز ومايعرف فيه أكثر من 10% "
ههههههههه وش العنصرية ذي,عموما انت شخص تحب التقنية وتهتم بكل تفاصيل جهازك موب شرط الثانين يكونون زيك,بعضهم يبغى جهاز استخدامه سهل جدا مع كمية برامج وألعاب تعيش جهازه معه ثلاث سنين قدام وموب شرط يكون غبي عشانه ما اهتم باللي انت تهتم فيه..
و سالفة الجانب الإبداعي موب لازم كل سنة يجيبون لك جهاز جديد بالكااامل عشان يصير إبداع خاصة لا كنا نتكلم عن نظام ناضج,عموما انت واضح اللي تبيه تبي الجهاز يصير فيه بلوتوث و و و و هاذي اشياء مالها دخل بالإبداع واذا حطوها فهي كانت اساسيات بأجهزة قديمه وبعض الأجهزة الحالية يعني موب شي ابداعي اصلا..
عموما انا ماأدري ليه عندنا فكرة أني اذا حبيت نظام أو جهاز لازم أهاجم الطرف الآخر بكل مااوتيت من قوة,بكل بساطة الشركات نزلت لك جوالات كثيرة شف وش يناسبك وخلاص بدون ما تتعب نفسك بتتبع خطوات غيرك.