W.W.W
True Gamer
هذا افضل رد في الموضوع كامل ، يوضح لك ليش هاللعبه ماهي اسطوريه زي ما يعتقد البعضجل ردك عن الموسيقى بس ما تتكلم عن الذوق، شي عجيب والله ترا حتى الألعاب فيها جانب ذوقي لو نتكلم عن اللعبة من حيث كونها لعبة، ازدواجية المعايير لما تقولها بدون أنك تثبت هذا ما تخدم دعواك.
عن نفسي قلت كذا مرة الأول منفوخ، أنا ما لعبت الثاني ولا بلعبه بس هذيلا بعض السلبيات الي أشوفها بالأول:
-الزومبيز أنواعهم قليلة وحتى ذيلا الأنواع ما لهناك، يمكن الوحيد الزين الكلكرز
-الألغاز باللعبة عبارة عن شيل الدرج، أو أدفر الزبالة هناك وخلاص
-قتال الأعداء العاديين زين بس بعد فترة يصير ممل، على اخر عمر اللعبة خلاص مليت بإفراط.
-جزئيات المشي
-الإضافة قصتها خايسة حتى لو تشيل البوسة
طبعا اللعبة فيها إيجابيات مثل العلاقة بين البطلين، الأجواء مال ما بعد الكارثة مع التوجه الفني المميز، بالبداية الجيمبلي يكون زين، النهاية ممتازة بس اللعبة بنظري جيدة لا أكثر.
مجرد لعبة جيده جدا فيها قصه مثيره للاهتمام ، وبسبب القصه تم النفخ فيها بشكل مبالغ فيه
طبعا ما قول لها جيده جدا من فراغ ، اللعبه فيها اجابيات تستحق الذكر وساهمة في تطور هالجنرا
-اقحام التسلل في لعبة رعب
-الانميشن وتنوع ردات فعل الاعداء جبار جدا
-اللعبه صحيح سينمائيه وفيها كثير لحظات مشي وملل لكنها اكثر لعبه جريئه في تاريخ نوتي دوج
الجيم بلى ، فيها ليفيل ديزاين جيد وفيها شح ذخيره وتطوير اسلحه يذكرني برزدنت ايفل4
-القصه ما عليها خلاف
غير ذلك صاحب الرد الي فوق ما قصر