جانرا الموود

[Eye]

السلام عليكم

مع كثرة الخيارات والجانرات الواحد يتوه في تحديد المنتج اللي يشغله ويبعد عنه الملل ، لكن المشكلة اللي اعتقد الكثير يواجهها ان مو كل الالعاب تصلح لكل الحالات!

وفي كثير من الاحيان اللي يحدد هو موود الشخص [ رايق ، مكسل ، تعبان ، متحمس ، ..الخ]

فانا اقترح الان - ولاحقا بسوي داتا بيس - تصنيف جديد في الالعاب ، وهو { التصنيف بالموود}

ف السؤال للاعب : ايش هي الالعاب اللي تشوفها تنفع لمودات معينة؟

امثلة :
-سكايرم لعبة عميقة ، تنفع لموود الرغبة بالاستكشاف والتعمق

- سبايدرمان لعبة متوسطة ، تنفع لموود التنفيس وتغيير الجو

- سوليتير لعبة سطحية ، تنفع لموود طقطقة ابو ١٠ دقايق

 

[Good Hunter]

داخل بس أقول ان سوليتير أعمق من سكايرم...&

بس اتفق معاك. احيانا المشاكل ما هي في اللعبة بل في المود.
يعني مثلا ريد ديد جلست فترة طويلة حتى اكون في مود مناسب اني العبها وانغمس بعالمها. وهو انه ما يكون عندي التزامات معينة ولا ضغوطات ولا دراسة ولا دوام طويل. لأن العاب الاوبن وولرد التزااااام.

احيانا اكود في مود الالعاب المتوسطة والخفيفة السريعة اللي ما تتطلب تركيز ولا فيها أنظمة معقدة وقصص وحوارات عميقة. هذي من الالعاب اللي بس تمسك اليد وتشغل وتلعب وترفه عن نفسك كذا وسط الاسبوع بعد صلاة العشاء على كوب شاي حبق ووسط ازعاج الصالة والبزران. يعني حاجة قصصية زي مايلس موراليس ومثيلاتها من الالعاب الخفيفة.


وفيه مود للألعاب اللي بس نفسك تخش تجلد ناس في ماريو كارت ولا اوفر واتش. ما تبغا تعليقة بأي شكل من الاشكال. لو تدخل تلعب متش ابو دقيقتين كذا انت انبسطت.

الحين مع الخدمات اخترعت مود جديد. خش قلب في كتالوج الالعاب لين تطفش وخلاص بعدين اطلع بدون ما تلعب هههههههههههه

 

[صـلاح]

يا رجل لخمتني أحسبك تقصد التعديلات في الألعاب " التهكير "

آثاريك تقصد ( المزاجية ) مزاج الشخص


والله شوف هي حسب نوعية الألعاب ,, إذا اللعبة مثلا فرائحية أكيد تكون بمزاج سعيد ومرح

إذا اللعبة مثلا فيها ألغاز وتركيز أو تخطي عقبات أو تخطيط أكيد لابد تكون في مزاج جدي وحذر

 

[شيطون]

بما اني لعبت دمك 5 هالسنة قرب ال 200 ساعة ولازلت العبها ساعتين ثلاث كل اسبوع
فباقول تصلح لمود انعدام الحياه

 

[Primal]

ايش سوت لك اللغة العربية عشان تختار كلمة انجليزية بدال عربية للتعبير عن الموضوع بالعنوان ؟ حتى لما قرات العنوان احتجت دقيقتين لين فهمت ايش تقصد

 

[Eye]

ايش سوت لك اللغة العربية عشان تختار كلمة انجليزية بدال عربية للتعبير عن الموضوع بالعنوان ؟ حتى لما قرات العنوان احتجت دقيقتين لين فهمت ايش تقصد

محد سوا لي شي ، بس طلعت كذا

 

[YAHiA]

موود الروقان: الفيجوال نوفلز والسباق والpuzzle
موود التختيم: المنصات
موود المنافسة والتنفيس : القتال
موود اني فاشل بالحياة: البط أم أب والشوط أم أب

 

[retha]

الروقان = visual novel
البقية = فف14

 

[Bill Cober]

مود التحدي كنت ألعب Tekken مع أخويا بس الحين ما صرنا زي أول

مود التسلية واستغلال الوقت ماريو كارت ٨

مود الإدمان وعدم التوقف عن اللعب أتذكر أن MGSV جلبت لي هذا الشعور

 

[بوسيف39]

عندي مودين، الأول الأساسي: مود عشوائي وهو الأصل، يعني أريد ألعب اللعبة الفلانية أو من زمان ما لعبت شي من النوع الفلاني، والثاني: العلاجي.

ببساطة بشكل عشوائي اختار لعبة معينة وألعبها، سواء تذكرت أنها دايما كنت أريد ألعبها وما لعبتها، أو شفت فيديو عنها وحمسني ألعبها، أو لقيتها بشكل عشوائي على النت أو الجيمباس، أو أي كان، والشكل الاخر للعشوائية نفس هذا بس أوسع ما يخص لعبة بعينها بل تصنيف معين، مرات أقول من دهر ما لعبت لعبة ألغاز وأفتش عن وحدة ما لعبتها بمكتبة ألعابي وألعبها.


المود العلاجي دايما يحتاج لعبة فيها عنف/أكشن، سواء بدماء أو بدونها والحين هوتلاين ميامي 2 هي اللعبة الأساسية لهذا المود.

 

[used2Bcat]

عندي مودين، الأول الأساسي: مود عشوائي وهو الأصل، يعني أريد ألعب اللعبة الفلانية أو من زمان ما لعبت شي من النوع الفلاني، والثاني: العلاجي.

ببساطة بشكل عشوائي اختار لعبة معينة وألعبها، سواء تذكرت أنها دايما كنت أريد ألعبها وما لعبتها، أو شفت فيديو عنها وحمسني ألعبها، أو لقيتها بشكل عشوائي على النت أو الجيمباس، أو أي كان، والشكل الاخر للعشوائية نفس هذا بس أوسع ما يخص لعبة بعينها بل تصنيف معين، مرات أقول من دهر ما لعبت لعبة ألغاز وأفتش عن وحدة ما لعبتها بمكتبة ألعابي وألعبها.


المود العلاجي دايما يحتاج لعبة فيها عنف/أكشن، سواء بدماء أو بدونها والحين هوتلاين ميامي 2 هي اللعبة الأساسية لهذا المود.

الولد هذا يفهم حياة القيمر صح وهو النظام اللي اتبعه، لكن المود العلاجي بالنسبة لي هو العاب الملتي ادخلها لعب كجوال، يعني العب كويك اوفرواتش او العب باتلفيلد ويصير تركيزي شي معين مثلًا اغث السنايبرز اركز عليهم او الدبابات او الطيارات يصير استقعد لهم او مثلًا اركز بتصليح الدبابات لفريقي او اصير ما يهمني القتل كثير و اركز على revive للي جنبي.

 

[abdullah-kh]

سولز لايك: اذا حسيت ان مودي تبنيد وتقفيل مواضيع.

 

[Zhuge Liang]

سولز لايك: اذا حسيت ان مودي تبنيد وتقفيل مواضيع.

ما اعرف لكن اشعر براحة نفسية لم اشوفك تقفل مواضيع و يكون ردك اخر رد

 

[FANTASTIC DREAM]

محد سوا لي شي ، بس طلعت كذا

ذحين بتحس بشعوري يا وغد

 

[Lazy-A]

ولهذا السبب العب اكثر من لعبة في الفترة ذاتها