تيزر لفلم The Matrix Resurrections والتريلر الكامل وصل !

[Terminator]

الاول عظيم

لكن الثاني اعظم فلم احتوى على مشاهد اكشن في تاريخ السينما بغض النظر عن مشاكله الاخرى

المشكلة ان في وايد ناس يقولك الثاني والثالث فيه انحدار واسوء والخ
الاول لا غبار عليه الافضل
الثاني قدم مشاهد خرافية اكشنية تبقى بالذاكرة ويعتبر فيلم مميز
الثالث اللي اعتبره اقلهم طبعا ولكن النهاية كانت حلوة
الجديد شكله راح يكون شي مميز واتمنى هالشي

 

[Jizasu]

في الماضي كنت راح أخذ الحبه الزرقا اما اليوم أبي الحبه الحمرا

سعيد جداً في الاعلان، يارب يكون هذا الجزء على قد التوقعات.

 

[Black Noir]

كيانو مو ناوي يغير اللوك ذا ؟

اي مشهد صرت اشوفه فيه يروح بالي لجون ويك

 

[Terminator]

 

[Arashi]

مب فان لميتريكس بس شاهدت له 3 مادري 4 أفلام واللي اذكره في اخر فلم ميتريكس جفته ان

محتوى مخفي: ؟

نيو حل المشكله مع الاليين وانقذ البشر وان الاخت ترينيتي ماتت

فليش هالفلم؟ او هل فانتي شي قبله؟

 

[W.W.W]

مب فان لميتريكس بس شاهدت له 3 مادري 4 أفلام واللي اذكره في اخر فلم ميتريكس جفته ان

محتوى مخفي: ؟

نيو حل المشكله مع الاليين وانقذ البشر وان الاخت ترينيتي ماتت

فليش هالفلم؟ او هل فانتي شي قبله؟

لا غبار على كلامكي ونهاية الثلاثيه كانت مغلقه والقصه انتهت

لكن هالجزء عوده للقصه وتكمل حقيقيه لها من الي شفته في التريلر

الامر يشبه انميات الشونين كيف ينتهي ارك بشرير ويأتي ارك أخر بشرير جديد

هذا الي فهمته من التريلر وشكلنا بنشاهد سلسله ثلاثيه اخرى

 

[Sultan/X]

كأني زمان قريت أنهم كانو شغالين عليه سنة ٢٠٠٣ وتكنسل لان القصة والأحداث ماكانت قد المستوى، بيكون مخجل لو فشل الفلم القادم لان هذي السلسلة واحده من أشهر ألأعمال السينمائية بالتاريخ يا يتركوها لحالها بقيمتها الذهيبة أو يضيفو لها تكمله تستحق. والأفلام صعب جدا تحكم من تريلر.

 

[Terminator]

طبعا في وايد ناس تقول ليش مورفيس شخص ثاني بالفيلم وليش نيو موجود والخ
من الثلاثية الاولى وهم قالو ان كان في نيو قبل ونسخ متعددة لأجيال مختلفة او عوالم مختلفة
بالنسبة لمورفيس فالشخصية الرئيسية مات في لعبة Matrix Online لان القصة باللعبة canon للثلاثية

الممثلة الهندية بيانكا بالتريلر شكلها نفسها الهندية الصغيرة من الثلاثية اذا تذكروها كانت مع الاوراكل
وفي امور كثيرة, بس عجبني ان من بداية المقطع نسمع صوت القط بالظبط نفس الجزء الاول De Javu

 

[W.W.W]

طبعا في وايد ناس تقول ليش مورفيس شخص ثاني بالفيلم وليش نيو موجود والخ
من الثلاثية الاولى وهم قالو ان كان في نيو قبل ونسخ متعددة لأجيال مختلفة او عوالم مختلفة
بالنسبة لمورفيس فالشخصية الرئيسية مات في لعبة Matrix Online لان القصة باللعبة canon للثلاثية

الممثلة الهندية بيانكا بالتريلر شكلها نفسها الهندية الصغيرة من الثلاثية اذا تذكروها كانت مع الاوراكل
وفي امور كثيرة, بس عجبني ان من بداية المقطع نسمع صوت القط بالظبط نفس الجزء الاول De Javu

على طاري هالكلام اخخخخ بس لو ماتركس يعملوا لها لعبه اخرى

خصوصا في جيلنا الحالي مناسب لها لعبه مثل ماتركس

٦٠ فريم وعالم مفتوح نفس gta وااااااو

الاحلام ببلاش

 

[Terminator]

على طاري هالكلام اخخخخ بس لو ماتركس يعملوا لها لعبه اخرى

خصوصا في جيلنا الحالي مناسب لها لعبه مثل ماتركس

٦٠ فريم وعالم مفتوح نفس gta وااااااو

الاحلام ببلاش

ياخي لا تخليني اصيح الحين, الالعاب على ايامها كانت روعة وبانتظار اي لعبة يخص ماتريكس مع اني اشك
انهم راح يسوونها ومثل ماقلت الاحلام ببلاش