بكرة عرض جديد لThe Order: 1886 (إستعراضات المواقع بدت توصل. فيديو بالداخل!)

[The Doctor]

مظهر و اتموسفير اللعبة جبار!! لكن مو كأن السينمائية طاغية على الجيمبلاي؟ :/
بيكون شيء محبط لو هذا توجه اللعبة..

على كلامهم من البداية هذا توجههم

 

[Sage]

أوكي الجرافيكس جبارة و السيتنج رهيب و مبتكر..

بس الجيمبلاي اللي شفته ثيرد بيرسون كفر شووتر مجنركة عالأخير. و سالفة انها تخلط ما بين السينمائية و الجيمبلاي شي مو جديد (انتشارتد الخ), و حتى لو كانت افضل بهالشي من الالعاب الثانية, ما راح يبرر جيمبلاي مجنرك..

أدري انه كل اللي شفناه دقيقة او دقيقتين, لكن هذا أنطباعي من اللي شفته. مادري على شنو قاعدين يفكرون على الأقل 5 سنين (من 2006).. مو معقولة كل هالسنين بس على ما يفكرون انهم يخلون اللعبة بهالسيتنج هذا.. اللي أعترف انه فعلا مبتكر. steampunk مع العصر الفكتوري.

 

[PS]

جميل العرض الي شقته ولكن كنت اتمنى أكثر من القيم بلي
ياريت لو يكون فيها أشياء جديدة تميزها عن غيرها عشان تكون لها بصمة قوية، المهم هذي البداية وتخلي الشخص متفائل، بانتظار المزيد.

 

[I-NERO-I]

واااااااااو بالراحة أفضل لعبة شفتها من الناحية التقنية شيء خورافي ولا فزيكس الملابس :scream: ، بدأ الجيل الجديد فعلاً .

من ناحية الجيمبلاي نوعا ما محبط أنهم ما عرضوا شي كثير بس اللي شفته كان رهيييب و واضح أن ميكانيكية الشوتينق بتكون ممتازة .

الويرولفز في نهاية عرض القصة حماس ! أتمنى بس أنها تكون في نهاية السنة .

 

[TIDUS_FFX]

واو :scream:

ماقدر اعبر بغير هالكلمه ، لدرجه اني مستغرب اني اقرا كلمات مثل ( محبط ، مو عاجبني ) في هالموضوع <<< لحد يفهم غلط لول
انا الوحيد اللي قاعد يشوف شي من اعلى المستويات ؟
حماسي لها اكثر من MGS حتى pen_mouth:

 

[W.W.W]

وااااااااو هذا هي القفزه الي كنت اتكلم عنها , هذا الي اسميه جيل جديد @@

اللعبه تقنيا زي ما كنت اريدها تماما , يب , التركيز على الانميشن الواقعي

اتمنى الجيم بلى ما يكون شوتري بحت , اريد فيها تنوع وعناصر تجعلها لعبه تنلعب بأكثر من طريقه , ما ابيها كلها كوفر وشوت كانها جيرز

الفيديو ما يدل على شي , شي طبيعي راح يأخذوا اكثر مرحله فيها اكشن وأثاره كأستعراض للعبه , انتظر تريلر وفيديوهات اكثر على شان افهم توجه اللعبه كويس , بس اللعبه عاجبتني على اي حال @@

 

[Sir Guts]

عرض جديد ثاني

http://youtu.be/Vzklg4dhfBA

 

[Emirates]

سينمائية و qte

لاتكون مثل رايز ؟

 

[AMG]

الجرافيك جبار ، اعتقد ان هدف المطور هو عرض الجانب التقني

في الاي 3 اتوقع اننا نشوف أشياء كثيرة تخص الجيم بلاي مثل الأسلحة و تطويرها و عددها ، قدرات الشخصيات المختلفة و لو في عناصر لعب أخرى مثل البازلز

لكن لو المطور معتمد فقط على السينمائية فهو ساذج بهذي الحالة

 

[hussien-11]

لكن لو المطور معتمد فقط على السينمائية فهو ساذج بهذي الحالة

ليش ساذج يا عبد السلام ؟ طول الجيل الي راح و سوني تجرّب أنواع مختلفة من الألعاب و بميزانيات مختلفة لحد ما توصلوا للخلطة الحالية الي "نفعت" معهم تجارياً: إنتاج ألعاب الـ AAA محصور فقط و فقططططط على الألعاب السينمائية لأنها تتشابه مع الأفلام و مفهومة بالنسبة للمستهلك البسيط و سهل توصل لقاعدة عريضة من الناس، باقي الألعاب الي يجربوا فيها أفكار مختلفة هي ألعاب بميزانيات محدودة مثل تيرآواي و جرافتي رش و باباتير.

 

[Sir Guts]

الجرافيك جبار ، اعتقد ان هدف المطور هو عرض الجانب التقني

في الاي 3 اتوقع اننا نشوف أشياء كثيرة تخص الجيم بلاي مثل الأسلحة و تطويرها و عددها ، قدرات الشخصيات المختلفة و لو في عناصر لعب أخرى مثل البازلز

لكن لو المطور معتمد فقط على السينمائية فهو ساذج بهذي الحالة

تعليقي على آخر سطر. بالعكس ياخوي ليش ساذج؟ احنى محتاجين تنويع في الألعاب + اذا التركيز على الجانب التقني من اللعبة مو معناها ان اللعبة بتطلع ابو كلب و هذا لا يعني ان اللعبة مو ممكن تكون مجنركة. انا شخصيا بعد آخر عرض رغم الحماس الا اني حسيت ان اللعبة بتطلع مجنركة. شوف ياخوي، انا اشوف ان الحكم عليها الآن جدا مبكّر و الوعد ان شاء الله في E3.

 

[AMG]

حسين و مشاري

انا قلت اذا هو اعتمد " فقط " على العامل السينمائي , طبعا العامل السينمائي لما يجتمع مع جيم بلي ممتع و ريبلاي فاليو للعبة يساهم بشكل كبير في خلق لعبة ممتازة مثل جود اوف وار و انتشارتد و TLoU

الي اقصده لو اللعبة معتمدة بشكل اساسي على العامل السينمائي لكن الجيم بلاي سطحي بتكون لعبة سيئة خصوصا انها اي بي جديد و بحاجة انه يبني قاعدة فانز له

على اي حال انا متفائل من اللعبة حتى طريقة الكشف و العروض الاولى يبان فيها تاثير سانتا مونيكا و فلسفتهم في التسويق الي تعتمد على طرح اللعبة بشكل سينمائي في البداية و بعدها الكشف على نظام اللعب شوي بشوي

 

[Nostalgic]

تقنياً مبهرة، اجواء واعدة، تقديم رهيب، تصاميم شخصيات خارقة! (شنبات النكست-جن)

من الجانب الاخر، أول ما شفت مواجهة الاسلحة النارية حسيت بإحباط كبير لانه ذكرني بلعبة ما استسغتها نهائياً وهي Uncharted، بعدين الـQTE زاد الطين بلة. عندي علم مسبق عن توجه اللعبة التفاعلي/السينمائي الكبير بس... لازلت محبط من اللي شفته :/

 

[Nasser]

ليش ساذج يا عبد السلام ؟ طول الجيل الي راح و سوني تجرّب أنواع مختلفة من الألعاب و بميزانيات مختلفة لحد ما توصلوا للخلطة الحالية الي "نفعت" معهم تجارياً: إنتاج ألعاب الـ AAA محصور فقط و فقططططط على الألعاب السينمائية لأنها تتشابه مع الأفلام و مفهومة بالنسبة للمستهلك البسيط و سهل توصل لقاعدة عريضة من الناس، باقي الألعاب الي يجربوا فيها أفكار مختلفة هي ألعاب بميزانيات محدودة مثل تيرآواي و جرافتي رش و باباتير.

انت ملاحظ الرجال قال "فقط" صح ولا ؟

الجيل اللي راح سوني قدمت ألعاب كثيرة "تحتوي" على سينمائية نعم. لكن ما أهملت الجوانب الأخرى مثل الجيم بلاي ( شوتينج ميكانيكس ، ميلي .. الخ) وتوظيفها بشكل يخدم حتى الجوانب السينمائية. لدرجة قدمت اقضل لعبة فيها ميليز.

فـ مقصد الرجال انهم ما يكون توجههم سينمائي بحت بدون التركيز على عوامل الجيم بلاي والتنويع فيه.

EDIT: تو اشوف رد عبدالسلام.

 

[DEMON]

هيه شباب...العبة من وقت الأعلان معروف انها third person shooter.

ليش الكل يرد وكأنه عرف هالشيء لأول مرة؟
علشان القيمبلاي محبط؟ من الكم ثانية اللي شفناها؟

 

[I-NERO-I]

هيه شباب...العبة من وقت الأعلان معروف انها third person shooter.

ليش الكل يرد وكأنه عرف هالشيء لأول مرة؟
علشان القيمبلاي محبط؟ من الكم ثانية اللي شفناها؟

لول من جد وبعدين كل اللي إنعرض هو لقطتين ثلاثة وناس حكمت منها على أنها لعبة شوتر مجنركة مع حفلة QTE ::

 

[Sir Guts]

هيه شباب...العبة من وقت الأعلان معروف انها third person shooter.

ليش الكل يرد وكأنه عرف هالشيء لأول مرة؟
علشان القيمبلاي محبط؟ من الكم ثانية اللي شفناها؟

انا ماشفت اي شي محبط للأمانة لكن الظاهر الشباب كانوا متوقعين شي ثوري

او متوقعين شي خيالي و ما تحقق الشي هذا. هذا شي طبيعي الإحباط اشوفه

ياما تمنينا العاب تظهر بالمظهر الي في مخيلتنا و ماتطلع بالمظهر الي نبيه و مع ذلك تطلع قطعة فنية

نصبر الين نعرف/نشوف اشياء اعمق في اللعبة عشان نعطيها حكم قبل التجربة

 

[FARES_]

بصراحه ما اقدر اعلق لأنه الجيم بلاي ابدا ما حسيت عطا شي يستحق الذكر من شفته ! :no_mouth:
مبدئيا اشوفها تشبه لعبة gears of war شوي وهالشي جيد طبعا وحبيت تدخل المقاطع في نمط اللعب.. يعطي جو سينمائي

في انتظار اللعبه ^^"

 

[crazy_apple]

جرافك, سيتنج, اتموسفير .. اللعبة هنا قمة @_@ !!!! أنا كنت داري اللعبة بتطلع على جيرز وكنت مبسوط بس لان الجو يذكرني بالجزء الأول منها. لكن الأن بعدما شفت لمحة للجن بلاي .. صرت قلق وأتذكر أنه الفريق هذا أول مشروع كبير لهم. طبعاً مو مبين شي للأن بس من اللقطات الصغيرة .. أتمنى أشوف شي احسن ( اللي يخوف أنه كل ردودهم وتعليقاتهم على الجرافك .. و و و و السنمااااااااااااااائية *_* )

 

[KEID]

شباب لاخوف علي مستوي لعبة هدا الاستديو الي طور دكستير وجو البي اسي بي مستحيل يوقع في فخ التكرار وفي مشروع الحلام بنسبة لهم مشروعهم الشخصي الاول
فاكبد حطين خلطة جميلة في جيم بلاي وتدكر ان سانت مونيك بكبره مشرفة علي مستوي اللعبة ويريت لا تحكم قبل مشاهدة علي اقل خمس دقايق

 

[ZIBIT]

فعلاً لا خوف من الاستوديو هذا.
في النهاية فريق سانتا مونيكا كانوا ناس اشتغلوا على تويستيد ميتال و شوف بعدين ايش صنعوا!
سلسلة جود اوف وور المختفلة تماماً عن ماضيهم و بسكيل كان يعتبر الاضخم.
فمو مستغرب النقلة الي صايرة لريدي ات دون من العاب بورتات و العاب محمول الى لعبة بهذا السكيل الضخم.
اهم شي هو اقتناص الفرص و المواهب و هذولا الجانبين من تخصص سوني في العقد الماضي بكل صراحة.
فريق ميديا موليكيول يأتي على البال
لانه في نهاية المطاف الي يهمني اكثر شي هو اثرآء مكتبة الجيمنج بالمزيد من التجارب المختلفة ولو انه ذا اوردر حتى الان لا تبدو "مختلفة" كفاية بس اتوقع الsetting حقها حيشفع لها اذا ظبطوه.

 

[Sir Guts]

^

على اي اساس لا خوف من الإستوديو هذا؟ ترى ذي اللعبة اول لعبة هم يسووها

سانتا مونيكا مجرد مشرفين على المشروع مو هم مطورينه

 

[Hero Zero]

صعب تحكم على الجيمبلاي من مجرد عرض او عرضين , لأنك ما تعرف اللعبه ايش يتضيف او تطور من هالناحيه في مراحل متقدمه.
شوتنج عادي.. والشيء ذا بان من العرض.. صح انا اوافقك.. لكن ما زلنا ما نعرف قد ايش الأسلحه متنوعه..قد ايش الأعداء متنوعين..كيف توزيع الكوفر وصعوبة اللعبه.. هذي كلها تفرق في مستوى اي لعبة شوتر بصراحه.

 

[The Praiseworthy]

^

على اي اساس لا خوف من الإستوديو هذا؟ ترى ذي اللعبة اول لعبة هم يسووها

نعم؟

http://en.wikipedia.org/wiki/Ready_at_Dawn

راجع تاريخ الاستيديو عدل.

 

[used2Bcat]

^
أتوقع قصد مشاري إنها أول لعبة كونسولية جديدة من تطويرهم, تاريخ الإستديو على ما يبدو لي إنه إشتغل على أجزاء GOW للـPSP, و بورت Okami للـWii, وكوليكشن بورتات أجزاء GOW الـPSP.

 

[ZIBIT]

^

على اي اساس لا خوف من الإستوديو هذا؟ ترى ذي اللعبة اول لعبة هم يسووها

سانتا مونيكا مجرد مشرفين على المشروع مو هم مطورينه

مافي اي معلومة جديدة اضفتها لي اذاً انت فهمتني غلط.

Edit

انا بس خايف اللعبة تطلع رايز سن اوف روم اخرى بعد ما شفت الQTE.
الله يستر.

 

[crazy_apple]

أوكي الجرافيكس جبارة و السيتنج رهيب و مبتكر..

بس الجيمبلاي اللي شفته ثيرد بيرسون كفر شووتر مجنركة عالأخير. و سالفة انها تخلط ما بين السينمائية و الجيمبلاي شي مو جديد (انتشارتد الخ), و حتى لو كانت افضل بهالشي من الالعاب الثانية, ما راح يبرر جيمبلاي مجنرك..

أدري انه كل اللي شفناه دقيقة او دقيقتين, لكن هذا أنطباعي من اللي شفته. مادري على شنو قاعدين يفكرون على الأقل 5 سنين (من 2006).. مو معقولة كل هالسنين بس على ما يفكرون انهم يخلون اللعبة بهالسيتنج هذا.. اللي أعترف انه فعلا مبتكر. steampunk مع العصر الفكتوري.

اللي على البولد. مدري اذا أنتبهتو أو لا .. لكن اللعبة فيها ترانيشن خورافي بين المقطع السينمائي والجيم بلاي .. روعة جابتلي الجنان@_@ (هذا أول شي بصراحة أنتبهت عليه) انتظر نهاية المقطع السنمائي لتندهش أنك مو بمقطع ولسا جو اللعبة.. لاتزال بالجيم بلاي ( الكاميرا ترجع لك.. الشخصية الريئسية ) و ماأعطاك الشاشة السوداء. غير MGS4 ماتذكر العاب عملت هالحركة (يعني بهاروعة.. ماكس بين 3 برضو كان فيها شي طيب) المقطع والجرافك الرهيب طلعو In game تماماً!

أنشارتد ماعملت كيذا .. هي ولاست أوف اس المقاطع السينمائية بري رندرد .. والإنتقال بين الأثنين مش بروعة اللي بذا أوردر ( كح كح ترى ماقاعد اشتكي ) وبرضو كان يستعلموها ليغطو الLoading للمراحل. الحين مع الPS4 .. يووه قاعد أتخيل أنشارتد 4

مافي اي معلومة جديدة اضفتها لي اذاً انت فهمتني غلط.

Edit

انا بس خايف اللعبة تطلع رايز سن اوف روم اخرى بعد ما شفت الQTE.
الله يستر.

لول فيه حاجة فيهم تخليني أربطهم ببعض .. خايف أنهم يطلعو فلوب سوااا p:
بس الQTE يقولو طالع أكثر على بيواند تو سولز. مالعبت رايز لكن أقدر أشوف أنه تكرار الQTE, مشكلة كبيرة .. واتمنى ذا أوردر ماتغلط بهاشكل ( وهذي اتوقع اللعبة سلمت منها ). أنا بصراحة ياليتهم لو صلحو لعبة بكومبات يدين, سيوف .. لأنه هذا شي أقدر أشوفهم سهل يبدعو فيه. الشوتر .. ماكس بين3 هذي أخر واحدة أرضتني تماماً من ناحية الجن بلاي k_hand: (منظور ثالث )