بشاره لأهل الامارات: du تكشف عن نظام "تسعير" فريد من نوعه في الامارات!

[Tomb raider]

السلام عليكم ورحمة الله وبركاته !!

مثل ما قرأتوا في العنوان...اليوم كاتبين في الجريده هذا الكلام ..,والتكمله كالتالي :
لماذا تدفه ثمن دقيقه وأنت لم تتحدث الا ثوان فقط؟
مع نظام"الدفع بالثانيه" الذي ستطلقه du لن تدفع اليوم أكثر مما تستهلك...
انها طريقه جديده لأحتساب ثمن "جميع المكالمات"تسدد معها كل ثانيه بثانيتها...
ومن دون احتساب الدقيقه كامله او الثلاثين ثانيه التاليه...
وهكذا يمكنك التحدث اكثرو براحه بال وتحكم أفضل!
هذه سياستنا في الانصاف والشفافيه.
-----------------
بعد هالاعلان ..ما اقول غير لازم اطلع لي رقم من du!!
للتوضيح:du اول حرفين من dubai.​

 

[Hardcore Gamer]

حن عندنا الاتصالات السعوديه تعتمد على نظام الثواني .. كل ثانيه بححقها
وليس الدقيقه

 

[Naif]

هههههههه .. الله يالله نشوف شو بيكون رد اتصالات .. مواهاهاها

بس ان شاء الله ما يكون نظام الحساب بالثانية المجموع في الدقيقة > من نظام حساب كل دقيقة ..

 

[Tomb raider]

هههههههه .. الله يالله نشوف شو بيكون رد اتصالات .. مواهاهاها

بس ان شاء الله ما يكون نظام الحساب بالثانية المجموع في الدقيقة > من نظام حساب كل دقيقة ..

لول من متى يالس اتريا ردك انته خصوصا
بس دام الاعلان بالطريقه هذي اكيد ارخص من سالفة الدقيقه ؟؟؟؟

 

[King Wario]

اكره دو ... يمكن لاني احب اتصالات ؟

 

[BioMario]

ممتازة لكن الصراحة موب داخلة بالي لأنها مارح تكون بقوة إتصالات إلى بعد 5 سنوات على الأقل
الأتصالات الحالية صار لها من زمان مفتوهة من قبل لا نولد و عندها خبرة كبيرة عموماً
رح يكون تنافس ممتاز نوعاً ما

 

[Bounty]

لول هالتسعيره من زمان بالكويت .. من زمان زمااان .. يعني يمكن من 3 سنين او سنتين ..


حتى اول 3 ثواني ببلاش لووووول

 

[Zero]

في السعودية هذا النظام موجود ، مع شركة الإتصالات السعودية وشركة موبايلي ، وأنا مشترك مع موبايلي ولكن في شيء آخر وهو الأسعار المخفضة بعد الدقيقة الثالثة إلى جانب العد بالثواني
.. ترى النصب عندنا يا جماعة بس في خدمة الإنترنت خخخخ احمدوا ربكم ..

 

[Tomb raider]

لول هالتسعيره من زمان بالكويت .. من زمان زمااان .. يعني يمكن من 3 سنين او سنتين ..

يمكن لأن انتوا عندكم اكثر من شركة ..نحنا اتصالات محتكره كل شي ..وخدماتها ممتازه ...بس الحين du جابت خدمة الثواني علشان المنافسه !! في اتصالا اول ما نتصل ونكمل فقط مثلا 30 ثانيه ..يحسبونها سعر دقيقه(وبعدها يصير سعر الدقيقه اقل) ...فdu هنا ارخص ..يعني تقدر تقول عادي شركة اتصالات تسوي بعد نفس الحركه لأن الحين ما بيصير احتكار على اتصالات دام du موجوده !!.............اللي ابغي اوصلكم اياه ان اتصالاتكانت محتكره كل شي وdu بتحل بعض سوالف الاسعار