تمت الإجابة بخصوص الاكس بوكس كنيكت

[areej]

مرحبا جميعا.. كيف الحال..؟؟

بصراحه ماسجلت هنــا الا بسبب موضوع الاكس بوكس كنيكت..

واشتريته يوم الخميس ..

ومرررررررررررررره حلوووووو..

لكن عندي استفسار ..

.. لعبه الادفانتشر قريت انه الصور تنرسل للمايكروسفت..

انا احذفها على طول بعد اللعبه .. وماشغلت الاكس بوكس لايف..

وبس واللي يبي لعبه السبورت اتوقع وصلت جرير.. لانه قالي ثلاث ايام وتجينا..

ومشكوورين عللى كل شي

 

[JIN KAZAMA]

اخت اريج , ممنوع الكلام عن الكوبي في المنتدى (الالعاب المنسوخه )
ارجو منك قراءه القوانين احسن

 

[AS-HI]

المنتدى يمنع تتكلمين عن الالعاب المنسوخة
بعدين الباند بالحاله سبب يمنع الكوبي :/

والصور لو انرسلت ماراح تهتم مايكروسوفت لكن مو متأكد بهذا الخصوص ..... خليكي اوفلاين ولاتشيلين هم وارتاحي باللعب

اللي يحير شلون تنرسل الصور ونتي اوفلاين من الاساس XD

 

[Mute City]

بسيطه لاتدخلين لايف وانتي تلعبين سبورت وبعدين مين بيهتم بصورك من بين كل العالم في النهايه كنيكت باعت 3مليون وحده يعني كينكت سبورت تقربا مليون واحد ما اعتقد من بين هالملايين احد بيطلعك منهم

 

[areej]

الله يعطيكم العافيه..

انا عشان كذا ماشغلت اللايف بالاكس بوكس..

لكن اللي عرفته بس بثلاث العاب الجهاز يصور ومنهم الادفانتشر .. الكنيكت سبورت لا عادي..

وسوري بخصوص المنسوخ .. ماقريت الشروط والله

 

[Mute City]

^
يا اختي غالبا وافضل تمسحينها كل ما تخلصين من اللعبه او لو تبحثين عن خيار يمنع التصوير افضل
ومدري يمكن تضحكين علي العبي وانتي حاطه غطى على راسك زي حق الصلا سوا بمسفع او طرحه او كما تسمونها

 

[AS-HI]

^
او انها تلعب بالعباية مرة وحدة ، لاني سمعت ان الكنكت يرسل عن طريق الوايرلس بدون اي علاقة بالاكس بوكس p:

 

[areej]

ههههههههههههههههههه ... والله كثير قالولي كذا..

بس وين متعه اللعب ... حتى بالبيت بعبايه ومسفع ..

والله ماقصرتووووا..

عالعموم للمعلوميه... اللي مايعرف يمسح الصور..

يروح للخيار الاول من اليسار اللي هو شو اوف اند شير..

وتلاقي الصور مخزنه فيه وتقدر تحذفها مره وحده .. او تحذف صوره صوره..

 

[areej]

طيب كمان سؤال بخصوص السيديات للكنيكت..

رحت جرير ومالقيت عندهم الا كنيمل واخذته لبنتي.. عشان توسع صدرها معاااااااااي هههههه

وفيه جوي رايد اعتقد ... بس شكله مو حلوووو..

وين ممكن القى السيدي غير جرير ... مثلا ابغى السبورت.. وابغى الدانس سنترال ..

وين القاها بالشرقيه.. اذا تعرفوا

 

[AS-HI]

^
فيه شي غريب انا اول مرة اشوف بنت تلعب اكس بوكس
ال360 يستخدم ال dvd.مش cd
عندك النورس و عندك العثيم و اكسترا و جيم نيشن بالدمام مدري الخبر، انتي كم شريتي الجهاز طيب

 

[king zell]

طيب كمان سؤال بخصوص السيديات للكنيكت..

رحت جرير ومالقيت عندهم الا كنيمل واخذته لبنتي.. عشان توسع صدرها معاااااااااي هههههه

وفيه جوي رايد اعتقد ... بس شكله مو حلوووو..

وين ممكن القى السيدي غير جرير ... مثلا ابغى السبورت.. وابغى الدانس سنترال ..

وين القاها بالشرقيه.. اذا تعرفوا

دانس سنترال مايكروسوفت قالوا لنا انه انمنعت في السعودية

اذا لقيتها ممكن نسخة مهربة أو أمريكية

 

[areej]

^
فيه شي غريب انا اول مرة اشوف بنت تلعب اكس بوكس
ال360 يستخدم ال dvd.مش cd
عندك النورس و عندك العثيم و اكسترا و جيم نيشن بالدمام مدري الخبر، انتي كم شريتي الجهاز طيب

احم احم..

يااخي ماغريب الا الشيطان.. عادي الالعاب للبنات والشباب..

وانا من محبي الالعاب الالكترونيه من صغري هههههههه

الموووووهم... انا شريته من جرير ب1399 ريال

طبعا الاكس بوكس مع الكنيكت وسيدي الادفانتشر والكنترولر.. الذاكره 4 قيقا

عنهم ب1999 ريال بس الذاكره 250 قيقا.. والعرض نفسه اللي اخذته موجود باكسترا ..

وصانكيوووووووو عـ المعلومه انه يشغل ديفيدي مو سيدي..

يعني كمان يشغل افلام ... من جد وناسه....

بعدين اللي عنده كنيكت سبورت بكم سعره بالريال.. اصدمووووني بالسعر ..

 

[areej]

دانس سنترال مايكروسوفت قالوا لنا انه انمنعت في السعودية

اذا لقيتها ممكن نسخة مهربة أو أمريكية

مشكور عـ الرد ..

بس ممكن القاها بالبحرين او الاردن..

اللي يعرف يقولي المحل ووصفه بالضبط .. عشان مااوهق العالم معاي خخخخخ

وفعلا هـ المنتدى من جد ممتاززززززززززز.. تلاقي ردود تبرد القلب وباسرع وووووقت..

الله يعطيكم العافيه .. ولايحرمكم مني..

 

[Mute City]

^
تقدرين تطلبينها من برا من امازن سواء UK او USA
+
ترى المسفع مو لازم العبايه كامله -___- على الراس

 

[areej]

من برا سهل اطلبها لكن بتتاخر..

بس بالنسبه للبحرين جنبي .. سهل اجيب منها

 

[iCrow]

كنكت سبورت موجوده في جرير الكرنيش مع كم لعبه 4 او 6

 

[areej]

طيب بليززززززززززز كم سعرها.. 199 ريال مااتوقع

اكيدددددد 299 ريال ... وان شاء الله مو اكثررررر..

ردولي عشان اشتريها

 

[iCrow]

ما شفت سعر السبورت بس في كم لعبه كونكت سعرها 259 وحولها
غالباً ما راح يزيد عن 200 دامها من مايكروسوفت والله اعلم

 

[areej]

شكرا لكـ i crow

 

[areej]

ياجماعه .. لقيت موقع يبيع كنيكت سبورت ب180 ريال

اللي حطه i crow بالموضوع الرسمي الاكس بوكس

وهو بالدمام بيوصلها على طول ..

تنصحوني اشتريها منه ..

 

[عاشق الألعاب]

لاوالله أختي ما أنصحكي هذا رأي بس

 

[JIN KAZAMA]

^
ممنوع حط وصلات تحميل يابو الشباب
وايضا ممنوع الكلام عن الكوبي (اقرا القوانين احسن )

 

[AS-HI]

^
هذي العاب مقرصنة تحتاج جهاز مقرصن تنتهي بتبنيد جهاز الالعاب + الادارة منعت القرصنة شيل الرابط قبل ما تتوقف :

 

[عاشق الألعاب]

وين الاقي الشروط

 

[areej]

افااااا قرصنه مره وحده...

انا ضد .. اعترض واستنكر واشجب القرصنه ...