باركوا لي شريت الـPS3 ! لكن في مشكلة عبيطة

[Krat0s]

السلام عليكم
باركوا لي شباب شريت البلاي 3 نظام اوروبي لكن عندي مشكلة عبيطة ومو لاقي لها تفسير @____@
شغلت الجهاز كم مرة والوضع اوكي مافي ولا مشكلة
لول بدون اي سبب قمت وفكيت كيبل الكهرباء والـHDMI واعدت تركيبهم
لكن المفاجأة انه مافي صورة والتلفزيون كاتب لي لا توجد إشارة لكن الجهاز شغال
انا شكيت قلت يا ولد يمكن التلفزيون خرب لكن اشغل الرسيفر الوضع تمام ومافي اية مشاكل
امم شلت الجهاز الثقيل ونقلته غرفة ثانية وجربته على تلفزيون عادي والنتيجة لاشيء
نفس المشكلة الصورة ما تطلع لكن الجهاز شغال اوكي ! جربت على تلفزيون ثالث ونفس المشكلة :roll:

فما ادري ايش الحل :sealed:

 

[Humam]

وعليكم السلام.. الف مبروك والله يعطيك خيره ويكفيك شره.

جرب تضغط على زر الreset لمدة طويلة حتى ترجع اعدادات المصنع الأصلية وان شاء الله كله تمام.

 

[BioMario]

جرب تحط الكيبل في فتحة HDMI 1 ..
وحاول تقلب التلفزيون ..

بخصوص السامسونج عندي حاط ليه كل اجهزتي تقريباً ..
يوم اريد مثلاُ الوي روح عند Component 1 و الأكس بوكس Component 2 و البلاي3 اروح عند HDMI 1
طبعاً ابدل عن طريق الريموت حق التلفزيون ..

لكن كله يعتمد على نوع تلفزيونك و نظامة

والف مبروك

 

[Krat0s]

همام انا سويت الي قلته لكن مافي شي
الي هوه لما اشغل الجهاز على طول اضغط على زر ريست وبعدها بلحظة يطلع مثل الصوت الي لما اشغل الجهاز لكن النغمة تكون اطول شوي لكن مافي اي فائدة :slant:
بيو ماريو انا تلفزيوني R71 وعارف كل الكلام الي قلته
لول والحل :gasp:

 

[Humam]

أخ Ps60.. طفي الجهاز كليا, بعد ما تطفيه, اضغط على زر الباور وعلق عليه,كذة تنعاد الاعدادات, اذا ما نفعت الطريقة, جيب كيبل AV العادي الي يجي مع الجهاز وشغله و غير الاعدادت حقة العرض للHDMI ( خلي الاثنين يكونوا موصلين مع بعض ) و حول بعدين للHDMI وان شاء الله كل شي تمام.

 

[Krat0s]

^
شورك وهداية الله اخ همام راح اجرب واشوف مع اني جربت :yuck:

 

[ASWD]

مبروك عليك الجهاز اولا

اذا جربت كل الطرق وما نفع رده للوكالة وقول لهم الجهاز ما اشتغل..بس اهم شي لا تقول لهم انا سويت كذا وبعدين حصلت المشكلة

هو الظاهر الجهاز صار فيه خلل*لانك تقول فيه صوت غريب*والله اعلم

 

[Krat0s]

أخ Ps60.. طفي الجهاز كليا, بعد ما تطفيه, اضغط على زر الباور وعلق عليه,كذة تنعاد الاعدادات, اذا ما نفعت الطريقة, جيب كيبل AV العادي الي يجي مع الجهاز وشغله و غير الاعدادت حقة العرض للHDMI ( خلي الاثنين يكونوا موصلين مع بعض ) و حول بعدين للHDMI وان شاء الله كل شي تمام.

سويت الطريقة الثانية همام وظهرت الصورة لكن المشكلة الحين لما احول للـــــHDMI
اروح لاعدادت الشاشة واختار الـHDMI لكن مافي اية فايدة ترجع للوضوح العادي وانا متاكد 100% انه الكيبل موصل عدل

 

[Khalid-S]

هذي مشكله ال PS3 المعوقه (كتبت عنها موضوع اول)

سوي طريقه همام .. لكن اول ركب ال AV (الثلاث الوان) وبعدها سوي طريقه همام ... لمن الجهاز يرجع لك اعدادات المصنع يرجع لك الصوره على اساس انه مركب على AV .. لو كنت مركب HDMI ما يحول لك اياها او يظهرلك اياها شكل سئ .. يطلع لك شاشه سوداء.

فركب AV ... عيد اعدادات المصنع من طريقه همام .. وجرب.

 

[Krat0s]

^
الحين الجهاز شغال على الــAV والكيبلين الـAV والـHDMI موصلين جميعهم
لما اروح للسكرين سيتنج واغير من الـAV للـHDMI ما يتغير شي الشاشة يصير لونها اسود
وبعد ثلاثين ثانية ترجع للـAV :evil:
انا زهقان من قلب
EDIT:
ممكن يا خالد تعطيني وصلة الموضوع :roll: يمكن استفيد منه شي.

 

[Final Fantasy]

من أول ما حطيت الموضوع كنت أبي أبارك لك بس قلت أأجل الى أن تنحل المشكلة و لكن شكلها راح تنحل بعد أطول مما توقعت لذلك من الحين .. مبروووووووك و تتهنى فيه بالعافية ;D

 

[Krat0s]

الله يبارك فيكم شباب
بس الحد الحين مانحلت ايش هالقرف

 

[s3rorh]

Ps60
شرايك نصير ربع ( أصحاب )
وتييب الـPS3 عندي للبيت علشان نستانس فيه مع بعض

J/k

ومبروك عليك الجهاز

 

[Humam]

اوكي اخ PS60 جرب دي الطريقة.. انت تلفزيونك HD صحيح ؟ روح لتلفزيون ثاني في بيتكم يكون SD ( عادي يعني ).. افصل سلك الHDMI وركب الAV وشغل الجهاز.. اذا اشتغل معاك عيد الاعدادات حقة الجهاز كانك ماخذه جديد و ارجع شبكه في تلفزيونك بالHDMI وان شاء الله يصير تمام.

 

[TenZen]

^
الحين الجهاز شغال على الــAV والكيبلين الـAV والـHDMI موصلين جميعهم
لما اروح للسكرين سيتنج واغير من الـAV للـHDMI ما يتغير شي الشاشة يصير لونها اسود
وبعد ثلاثين ثانية ترجع للـAV :evil:
انا زهقان من قلب
EDIT:
ممكن يا خالد تعطيني وصلة الموضوع :roll: يمكن استفيد منه شي.

الحل الامثل انك تستعمل الAV ثم تقوم بعمل ابديت للجهاز ..

بعد الابديت الجهاز تلقائيا راح يتعرف على الاعدادات .

هذا اذا ما كانت المشكلة في وصلة ال HDMI

ومبروك على الجهاز

 

[Krat0s]

اوكي اخ همام راح اجرب هالطريقة
والكيبل جديد ما اتوقع يكون منه :normal:

 

[Krat0s]

ههههههههههههههههههههههههه<<<<<< استخف

سويت اخر طريقة قلت لي بها همام واشتغل على التلفزيون العادي
بعدها على طول رحت شبكته على الـHD ولكن مثل ما يقول المثل:
تي تي تي رحتي مثل ما جيتي

خلاص انا استسلم البلاي3 امتلكني :cryy:

 

[Humam]

أخ PS60 هل طبقت الخطوات تمام ؟ رجع اعدادات المصنع, كانك ماخذ الجهاز دوبك.. ارجع اشبكه على تلفزيونك و ان شاء الله يصير.. غير كدة والله ما اعرف ايش المشكلة مع الأسف.

 

[Krat0s]

اي نعم اخ همام سوي الريستور !
لول والله مادري شقول :slant:
لكن من الغباء اني ابغى احول للـHDMI وما يصير شي ليش يعني !!!

 

[Humam]

طيب أخ PS60 جرب بعد ما تسوي الي قلت لك عليه تشغل الجهاز بالAV على الHDTV وشوف ايش يصير معاك..

 

[Krat0s]

جربته بالـAV على الـHDTV الصورة تطلع لكن الوضوح ماش وبقوة
وحاولت اني اني احوله للـHDMI لكن الشاشة تصير سوداء :roll:
ويرجع على الوضوح العادي 576i على ما اعتقد :roll:

 

[MALDINI]

يافرحة ماتمت ..
انشالله مشكلتك تحلها بأسرع وقت

***

 

[The Doctor]

بس حبيت اتأكد... بعد ما حولت إلى hdmi من الps3 الشاشة اتوماتيك تحول العرض من الhdmi و لا لازم تغير إلى الhdmi من الريموت؟

 

[Krat0s]

^
لازم تحول بالريموت الى وضع HDMI

 

[Solay]

مبروووك عليك الجهاز وبكم أخذته؟! وان شاءالله تنحل مشكلتك بأقرب وقت

 

[The Shark]

مبرووووووووووووووووووووووووووووووووووووك ...
و إن شاء الله تنحل مشكلتك بأقرب وقت ...

 

[Aoks]

مبروك

انا اقولك رجعه للوكاله ,, وقلهم شوفوا ما يشتغل ,, وخلهم يجربونه عندهم ويشوفون بنفسهم
​

 

[M 7 L]

مبروك عليك الجهاز وإن شاء الله هذا شي على الطاير وينحلّ وتروّق على الجهاز . . .

.. .. .. ..

كأني شفت اليوم خبر جديد في بلاي ستيشن ستور , بلاي ستيشن 3 60 جيج مع لعبتين + يدتين بسعر 600 دولار !!

هذا العرض المفروض يكون موجود بتاريخ 1 / 8 / 2007 ؟؟

أحد عنده خبر عن هذا العرض أنا بنتظر هذا العرض !!

 

[The Doctor]

مبروك عليك الجهاز وإن شاء الله هذا شي على الطاير وينحلّ وتروّق على الجهاز . . .

.. .. .. ..

كأني شفت اليوم خبر جديد في بلاي ستيشن ستور , بلاي ستيشن 3 60 جيج مع لعبتين + يدتين بسعر 600 دولار !!

هذا العرض المفروض يكون موجود بتاريخ 1 / 8 / 2007 ؟؟

أحد عنده خبر عن هذا العرض أنا بنتظر هذا العرض !!

http://www.true-gaming.net/boards/showthread.php?t=10499

 

[Krat0s]

اوكي شباب المشكلة انحلت طلع البلا كله من كيبل الـHDMI نفسه
والوضع لحد الحين اوكي :cooool:

ومشكورين اخواني على المساعدة واخص بالذكر الاخ همام ما عدمناك والله ::

والله يباركم فيكم يا شباب

والجهاز اخذته بــــ2330 ريال 60 قيقا نظامه اوروبي من الوكالة طبعا