Kafka
Hardcore Gamer
اولا الحمد لله ..
من كام يوم وصلت الشاشه الي كنت طالبها من امازون بعد طول انتظار .. استلمتها لكن كان عندي مشوار فمعرفتش اجربها .. نزلت و كنت طول الوقت عمال افكر فيها و متحمس لتجربتها .. لما رجعت البيت طلعتها من العلبه و بعد لحظات من تأملها و احساس ممتزج من الفخر و اللهفه .. وصلتها بالكمبيوتر طبعا لما قريت الطريقه في كتيب التعليمات .. شغلتها و اذا بالصدمه .. مش شغاله .. قولت جايز في الاول اصبر عليها لما الويندوز يبدا .. لكن لا ويندوز و لا غيره .. في الاول مبتجبشي شاشه bios و بتجيب شاشه رمادي و بعدين لما الويندوز يشتغل بتبدا الوان تظهر علي الشاشه في شكل خطوط طوليه و بيزداد توهجها .. لما الديسكتوب بيظهر بتبتدي تتقلب و تتعكس الصوره و بعدين بتعلق علي الصوره المقلوبه ده .. لا ماوس و لا قلم بيسجلوا اي حركه .. جربت كل الي كتيب التعليمات قال عليه لكن لا حياه لمن تنادي .. طبعا قولت عليه العوض و منه العوض الشاشه معيوبه .. جربتها اليوم ده كذا مره لكن بلا جدوي .. ثاني يوم الصبح بشغلها من باب الملل و كلي يقين انها مش عتشتغل لكن افاجي بيها اشتغلت .. من تلقاء نفسها و من غير معمل اي حاجه .. نزلت الدريفر و القلم اشتغل و كذلك pressure sensitivity و جربتها في sketchbook pro و في photoshop و كله تمام .. بعد ما استخدتمتها شويه طفتها و نزلت .. رجعت بعد ساعه تقريبا عشان اجربها ثاني لكن لقتها رجعت لسابق عهدها .. و لحد اليوم و هي لسه مش شغاله .. و تقريبا انا جربت كل شئ معاها .. جربت كابل vga ثاني و جربت اغير setting بتاعت الكمبيوتر و جربت اوصلها علي اللاب توب عن طريق مدخل hdmi .. و حاجات ثانيه كثير لحد ما يأست و بعت ايميل للشركه الي ردوا علي يسألوا عن الموديل بتاع الشاشه و نظام الكمبيوتر فرديت عليهم لكن لسه مردوش علي ثاني .. الغريب ان الناس كلها بتشكر فيها علي امازون .. و بعد بحث ملقتشي حد عنده المشكله بتاعتي .. و الي عيجنني اكثر هي ليه اشتغلت مره ؟
دلوقتي انا حاسس بالندم علي تجربه الشراء من الخارج المريره ده .. و حاسس انها عتكون اخر تجربه لي ..
انا عسيب الصور هنا علي امل ان حد عنده خبره او اطلاع يقدر يحددلي المشكله تكمن فين بالظبط و شكرا علي وقتكم ..
من كام يوم وصلت الشاشه الي كنت طالبها من امازون بعد طول انتظار .. استلمتها لكن كان عندي مشوار فمعرفتش اجربها .. نزلت و كنت طول الوقت عمال افكر فيها و متحمس لتجربتها .. لما رجعت البيت طلعتها من العلبه و بعد لحظات من تأملها و احساس ممتزج من الفخر و اللهفه .. وصلتها بالكمبيوتر طبعا لما قريت الطريقه في كتيب التعليمات .. شغلتها و اذا بالصدمه .. مش شغاله .. قولت جايز في الاول اصبر عليها لما الويندوز يبدا .. لكن لا ويندوز و لا غيره .. في الاول مبتجبشي شاشه bios و بتجيب شاشه رمادي و بعدين لما الويندوز يشتغل بتبدا الوان تظهر علي الشاشه في شكل خطوط طوليه و بيزداد توهجها .. لما الديسكتوب بيظهر بتبتدي تتقلب و تتعكس الصوره و بعدين بتعلق علي الصوره المقلوبه ده .. لا ماوس و لا قلم بيسجلوا اي حركه .. جربت كل الي كتيب التعليمات قال عليه لكن لا حياه لمن تنادي .. طبعا قولت عليه العوض و منه العوض الشاشه معيوبه .. جربتها اليوم ده كذا مره لكن بلا جدوي .. ثاني يوم الصبح بشغلها من باب الملل و كلي يقين انها مش عتشتغل لكن افاجي بيها اشتغلت .. من تلقاء نفسها و من غير معمل اي حاجه .. نزلت الدريفر و القلم اشتغل و كذلك pressure sensitivity و جربتها في sketchbook pro و في photoshop و كله تمام .. بعد ما استخدتمتها شويه طفتها و نزلت .. رجعت بعد ساعه تقريبا عشان اجربها ثاني لكن لقتها رجعت لسابق عهدها .. و لحد اليوم و هي لسه مش شغاله .. و تقريبا انا جربت كل شئ معاها .. جربت كابل vga ثاني و جربت اغير setting بتاعت الكمبيوتر و جربت اوصلها علي اللاب توب عن طريق مدخل hdmi .. و حاجات ثانيه كثير لحد ما يأست و بعت ايميل للشركه الي ردوا علي يسألوا عن الموديل بتاع الشاشه و نظام الكمبيوتر فرديت عليهم لكن لسه مردوش علي ثاني .. الغريب ان الناس كلها بتشكر فيها علي امازون .. و بعد بحث ملقتشي حد عنده المشكله بتاعتي .. و الي عيجنني اكثر هي ليه اشتغلت مره ؟
دلوقتي انا حاسس بالندم علي تجربه الشراء من الخارج المريره ده .. و حاسس انها عتكون اخر تجربه لي ..
انا عسيب الصور هنا علي امل ان حد عنده خبره او اطلاع يقدر يحددلي المشكله تكمن فين بالظبط و شكرا علي وقتكم ..