ASWD
True Gamer
يعني الواحد يوم صار يتكلم بالمنطق صار عايش بعلبة تونة مدري علبة سردين ههههه،،
مدري وش دخل الكالتشيو بولي؟؟ هذيك فضيحة في دوري محلي واشتركت فيها فرق كثيرة و تدخلت فيها الشرطة بناء على أدلة عينية،،، ايه فرضية التلاعب ممكن نتكلم فيها بشرط تكون مبنية على شواهد قوية و متتالية تخص فرق بعينها مع أدلة عينية و تكون البينة على من ادعى،،، اما انك تتهم الاتحاد الاوروبي بالكامل بانه يتعمد تأهيل فرق على حساب فرق و محاباة فرق بالتحكيم بدون أدلة واضحة وتعتمد لي على مباراة واحدة من عشرات المباريات انا اعتبره كلام فالهواء ومحاولة للتنفيس لا اكثر...خصوصا و ان بايرن ((وغير بايرن)) استفاد كثير من التحكيم في مناسبات عديدة وقدام أكبر الفرق الي عادة ما تتهم بان التحكيم يجاملها......
سبحان الله الاتحاد الاوروبي و التحكيم الي قتل مباراة أول امس لبايرن ما عرف يقتل مباراتهم في ٢٠١٢ مع الريال الي انتهت بلنتيات في البرنابيو،،، ركلة جزاء واضحة وضوح الشمس في وقت قاتل و حاسم ما انحسبت للريال:
هههه غريب ذا الاتحاد يمكن قالوا خل نمشيها ذي المرة ودنا نطلع قدام العالم اننا نزيهين؟؟ مع ان ريال مدريد في ذيك الفترة كان وده يعض الارض لين يجيب البطولة من جديد بعد فترة غياب طويلة و كان ادعى انه يتلاعب و يستخدم التحكيم لصالحه لكن يبدو انها لم تزبط معهم ههههه
و الغريب ان الاتحاد الاوروبي و التحكيم ما قدروا يقتلون بايرن في مبارتين قدام برشلونة في حالة كانت ادعى انه يكون في تدخل من التحكيم خصوصا و ان بايرن فايز في الذهاب ٤-٠ و نفس الشي مباراة العام الماضي قدام اليوفي الي انظلم فيها اليوفي و انسرق منه التأهل،،،والاغرب ان بايرن وصل للنهائي في ٢٠١٢ و فاز بالبطولة في ٢٠١٣ ووصل نص النهائي في ٢٠١٤ و ٢٠١٥،،، غريب ما شفنا محاولات واضحة لاسقاطه مثل اول امس...
باختصار اي قضية احاول ابنيها ضد الاتحاد الاوروبي بخصوص التحكيم و التلاعب راح تكون ضعيفة و مليانة ثقوب،،،علشان كذة عزيزي المشجع خلك واقعي و ناضج واترك حكاوي و مؤامرات التحكيم لصغار السن يتسلون فيها،،
لا تتعب نفسك.التلاعب والتواطؤ والمحاباة والمآمرات محكورة فقط على فرق معينة*اذا كان فيه فرق ثانية متهمة لوول*.اي خلل تحكيمي في مباريات هالفرق او هالفريق تعتبر خطة كيدية لا محالة وماينسكت عنها ومدبرة من قبل وهلم جرا من هالدراما.واذا جت على فرقهم الوضع يختلف مجرد اخطاء تحكيمية لا اكثر!!.عيش رجب ترى العجب
¯\_(ツ)_/¯