انطباعات ديمو Code Name S.T.E.A.M

[Omni-Doom]

بسم الله الرحمن الرحيم

مستغرب الديمو له يومين نازل و محد فتح الموضوع....عالعموم لعبة كودنيم ستيم هي لعبة فريق انتلجنت سيستم ( مصممي فاير إيمبلم و أدفانس وورز ) الجديدة

أحداثها تدور في لندن إبان اختراع المحركات البخارية ..... طبعآ اللي يميز اللعبة ماهو ستايل الكوميكس و لا حقيقة كون أعدائك فضائيين (أعتقد؟) و لكن كونها تتبع أسلوب

سلسلة فاكليريا كرونيكلز الشهيرة.....بانتظار انطبعاتكم ( ليسه ما لعبت الديمو :::

 

[hussien-11]

لا تستغرب لأن أعضائنا اتكاليين في كل شيء و بس فالحين في المقارنات و الانتقادات @@

أنا رجبت الديمو و تجربتي كانت جداً إيجابية، أكثر مما كنت أتوقع
الرسومات جيدة و نظيفة على أرض الواقع، تعطيك إحساس جيد مختلف عن الفيديوز
اللعب أيضاً نظيف و "ستايلش" أكثر مما توقعت
اللعبة متعوب عليها و تحمل جودة معقولة على الأقل حسب الي شفته في الديمو
لكن للأسف ما أتوقع آخذها بأي وقت قريب.

 

[Ryu]

فالكيريا كرونكلز بدون سلفاريا 0/10

سيتينج ستيم بنك + ستايل كوميك + الوحوش الملونين = :thumbsup: اللعبة من ناحية الستايل حدث ولا حرج
كنت متوقع تجربة من هالنوع بتكون أفضل من كذا عالمحمول بس لا زالت ممتعة وصلت للسيف بوينت وبكمل الديمو بعدين

 

[أرسلان]

الأخ الكريم player One كتب مقال كامل عن ديمو لعبة Code name S.T.E.A.M في مدونة الأعضاء ب true gaming :
http://www.true-gaming.net/home/249157/

 

[Golden_Sun]

راح أنزل الديمو وأجربها، من أكثر الالعاب المتحمس لها على الثري دي أس.
كنت محتاج شي جديد من انتيليجينت سيستم مختلف عن فاير امبلم وادفانس وورز وهذا كان الجواب.

 

[abdulaziz.ek]

جربت الديمو كان ممتع هل بشتريها ماقررت صراحة اكثر ماعجبني ستايل الكوميكس ممكن سلبيتي الوحيدة هجوم الالينز يستغرق وقت طويل

 

[Golden_Sun]

جربت الديمو اليوم.

أكثر شي لفت اإتباهي:
- السيل شيديد طالع وايد حلو باللعبة واسلوب الكوميك معطيها جو خاص.
- الموسيقى اجذبتني حيل.
- أصوات الشخصيات والاصوات عموما (voice over) من أفضل ما سمعت على الـ3DS.
- القتال وطريقه اللعب فيها استراتيجيات، يعني من اول معركتين بالديمو تقدر تموت اذا ما لعبت عدل.
- البيئة تفاعليه، اغلب الاشياء بوسط المرحله قابله للتفجير.

اللي ما عجبني:
- دور العدو ياخذ وقت طوييييييييل، خصوصاً بداية أي معركه لأن كل الاعداء يتحركون (وعددهم كامل)|. أتمنى يشوفون لها حل في انهم يسوون زر skip او تسريع خطواتهم.
- تحريك الكاميرا بالازرار XYAB غبي، اعتقد راح ارتاح أكثر لما العبها على New 3DS مع الانالوج الثاني (C-stick).

 

[The Last Lombax]

- دور العدو ياخذ وقت طوييييييييل، خصوصاً بداية أي معركه لأن كل الاعداء يتحركون (وعددهم كامل)|. أتمنى يشوفون لها حل في انهم يسوون زر skip او تسريع خطواتهم.

مش ذا شي اساسي في الألعاب الاستراتيجية؟

 

[Rare Games]

مش ذا شي اساسي في الألعاب الاستراتيجية؟

فاير امبلم يمديك تسوي سكيب كامل لدور للعدو

 

[Golden_Sun]

مش ذا شي اساسي في الألعاب الاستراتيجية؟

ايي عدل كلامك لكن تسريع دور العدو حتى ما ياخذ وقت اكثر. يعني تخيل انا شخصيه واحده في الديمو (اخلص دوري بسرعه) والاعداء (٤ شخصيات) كل واحد يطول على ما يمشي ويحدد موقعه ويقرر يضرب من بعيد او لا (طويل! يمديك تاكل وتقول سالفه على ما يخلص دورهم).

الافضل تسريعه (بزر معين مثل fast forward) او زر Skip خصوصاً في بداية المعركه اللي اصلا الاعداء ما اقدر اشوفهم بسبب نظام الجيمبلاي والتصوير (اللعب كلها third person فوق الكتف الكاميرا) مافيه over view map نفس فاير امبلم او ادفانس وورز. فالاعداء في بداية المعركة يكونون على الطرف الآخر ما اشوف احد منهم حتى اقرب شوي. فما منه فايدة اني انتظر دور العدو يخلص ثانية بثانية.

 

[Sir Guts]

اخاف ياخذون مني فلوس Nintendo لأني حطيت العرض فالمنتدى...