الPS3 ما يشغل الالعاب !!

[Tomb raider]

السلام عليكم ورحمة الله وبركاته !
من شوي قاعد العب متل جير 4 وواصل الACt 4 ومستانس مع اللعبه
فجأه اللعبه وقفت وطلعت لي علامة Disc من فوق على اليسار في الزاويه !
سويت quiet Game ورجعت اشغلها ، ما اشتغلت ! سكرت الجهاز ورجعت شغلته ونفس الشي !
قلت يمكن MGS4 فيها مشكله ، حطيت Uncharted ونفس الشي ، رحت اصلي ورجععت شغلتها
اشتغلت عادي قلت اوكي كل شي تمام ، رجعت مره ثانيه بحط لعبه غيرها ما يقرأ الDisc !

HELP !

 

[Srw4ever]

اشرايك تعطيها راحة يوم كامل ؟

 

[Tomb raider]

لول هو اكثر جهاز مرتاح !
ابغي العب مجس 4 -_-

 

[Srw4ever]

لوول نفس الحالة بس جرب أو اقولك شي جرب اتحط ps1 ps2 dvd disc وو شوف شيصير.

 

[m7tram]

هالشي من ميتل جير 4 ترى لول , قريت مشاكل مشابهه سببها ميتل 4 .

 

[Tomb raider]

شو الحل! اسوي فورمات للجهاز؟ وتخزين الالعاب اقدر اخزنهم في فلاش وبعدين يشتغلون عادي؟

 

[Krat0s]

ماتوقع من ميتل قير !

لول هاذي بتكون ثالث مرة اقول هالشي

ولد عمي صارت له هالمشكلة وصار جهازه مايقرى ولا لعبة وداه الوكالة وبدلوا له اياه

اذا استمرت معاك المشكلة وماطاع يشغل شي مايردك الا الوكالة.

 

[Magnificent]

وش آخر نسخة تحديث عندك ؟؟

جربت تشغل عليه أفلام DVD ؟؟

كم جيجا ؟؟ يشغل PS2 ؟؟ جربت ؟؟

 

[SALAH]

اوووه الله يكون بعونك صراحة ! لول أوسخ مافيها انه خرب على الآكت 4 :yuck:: !!
بصراحة ما اشوف امامك اي حل الا انك تحتفظ بملفات الالعاب على هاردسك خارجي وتسوي فورمات للجهاز , اذا ما نجحت مالك الا توديه الوكالة ..

 

[Tomb raider]

اوكي توني حطيت توووم ريدر انيفيرسري PS2 اشتغلت !!

 

[Magnificent]

جرب تسوي تحديث لـ 2.41 و اذا كنت أولريدي محدث فجرب تفرمت و تحدث من جديد

ان شاء الله تضبط معاك

(و اذا عندك ضمان سو باكأب للسيف جيم و ود جهازك الوكالة أحسن لك)

 

[Tomb raider]

يالس اسوي له فورمات .. نشوف كيف ...

 

[Humam]

عزوز اذا جهازك على الضمان روح الوكالة يعطوك جهاز جديد.. مشكلة غريبة عجيبة.

 

[Tomb raider]

عزوز اذا جهازك على الضمان روح الوكالة يعطوك جهاز جديد.. مشكلة غريبة عجيبة.

على طول بيعطوني جهاز يديد ؟

 

[Humam]

يس عزوز.. رحيمي ( زوج أختي ) نفس الشيء جهازه فجأة أثناء اللعبة بطل يقرأ ألعاب.. جرب أكثر من لعبة ما يطلع له شيء, راح الوكالة و أعطوه جهاز جديد.

 

[Tomb raider]

بعد ما يخلص الفورمات بشوف كيف الوضع ، وان شاء الله بروح للوكيل بكره اذا ما في فايده !

 

[Tomb raider]

خلاص مافي فايده خلصت الفرمات وشغلت اللعبه ونفس المشكله .. مافي الا اوديه الوكيل !
اوديه الجهاز فقط صح ؟ بدون الوايرات وهالسوالف ؟

 

[G7Ga7]

أهم شي الفاتورة

 

[Tomb raider]

^ اكيد ...

 

[The Doctor]

نفس الشي صار لي من حوالي 10 أيام...
أتوقع 2.41 هو اللي خرب جهازي >.>
للأسف إلى الآن ما مداني أروح قسم الصيانة

يس عزوز.. رحيمي ( زوج أختي ) نفس الشيء جهازه فجأة أثناء اللعبة بطل يقرأ ألعاب.. جرب أكثر من لعبة ما يطلع له شيء, راح الوكالة و أعطوه جهاز جديد.

و اللي عنده 60GB؟
حالياً في أوروبا مافي إلا ال40.. يعني لو أودي لهم ال60 يعطوني 40؟ لأن داونجريد أليم لو ذا اللي بيسووه

 

[Tomb raider]

حالياً في أوروبا مافي إلا ال40.. يعني لو أودي لهم ال60 يعطوني 40؟ لأن داونجريد أليم لو ذا اللي بيسووه

ههههههههه حلوه هذي ، لو يعطوني ال40 ما بطلع من الوكاله الا وانا عندي صرفه وياهم ، ال40 مستحيل آخذه

 

[Oreo]

و اللي عنده 60GB؟
حالياً في أوروبا مافي إلا ال40.. يعني لو أودي لهم ال60 يعطوني 40؟ لأن داونجريد أليم لو ذا اللي بيسووه

أتوقع يا يعطونك 40 جيجا مع فارق السعر (صعبة شوي !)
أو أنه يعطونك 80 جيجا و تدفع الفرق (هم صعبة !) :what: لأن موقفين ال60 جيجا ,,,

 

[The Doctor]

أتوقع يا يعطونك 40 جيجا مع فارق السعر (صعبة شوي !)
أو أنه يعطونك 80 جيجا و تدفع الفرق (هم صعبة !) :what: لأن موقفين ال60 جيجا ,,,

مافي 80 في أوروبا

 

[Strife]

يعطونك 60 جيجا.. لكن يأخرونك.. انا اخروني شهر..

 

[Oreo]

يعطونك 60 جيجا.. لكن يأخرونك.. انا اخروني شهر..

هل ال60 جيجا الي تتكلم عنها ايها ال60 نفسها الي انسحبت من محلات سوني يوم نزلوا ال40 و ال80 جيجا !؟ :what: معقوله انهم مخزنينها حق هالحالات :whistle: ؟

 

[The Doctor]

لا مو مخزنينهم... يصلحوه

يعطونك 60 جيجا.. لكن يأخرونك.. انا اخروني شهر..

شهر؟ برفكت التوقيت، في إجازة الصيف >.<

 

[Lone Wolf]

وعليكم السلام ورحمة الله وبركاته

يالله!! والله انا الـPs3 مالي ارتاح من اللنش

الى مانزلت متل جير والله P: بس والله مشكلة غريبة

سو مثل ماقالك همام وده الوكالة اذا الضمان ليحين ماصار له Expired

والله يعينك والله, وجرب انك تلعب بألعاب غير متل جير لفترة وبعدين

ارجع العب متل جير و اذا مانفع وده الوكالة لكن يفضل من الحين توديه.

 

[Strife]

لا مو مخزنينهم... يصلحوه

شهر؟ برفكت التوقيت، في إجازة الصيف >.<

مب تصليح.. جهاز جديد كلياً.

هل ال60 جيجا الي تتكلم عنها ايها ال60 نفسها الي انسحبت من محلات سوني يوم نزلوا ال40 و ال80 جيجا !؟ :what: معقوله انهم مخزنينها حق هالحالات :whistle: ؟

ايه جهاز ال60 مثل الجهاز الاوروبي عند اللنش.. سوفتوير BC.. و ال GS موجود.

 

[The Doctor]

متى اخترب جهازك سترايف؟

 

[M 7 L]

على فكرة شباب , أنا جهازي " قبل شهر " ( قبل ما ينتهي الضمان ) كان بعض الأحيان يعطيني إيرور !

ولا يرضى يشغّل الألعاب ! . . . ( بعض الأحيان )

وبعد فترة صرت لمّا أطلع من اللعبة ( أطلّع السيدي ) ما أخلّيه داخل الجهاز أبداً !

ولليوم ما طلعت لي الإيرور مرة ثانية ! ( إن شاء الله ما تجي أبد )