جون سيلفر
True Gamer
بسم الله الرحمن الرحيم
بودي اناقشكم عن موضوع زيادة الواقعية بالألعاب .. كثير شركات تتسابق على نقل تجربة الحياة الواقعية بألعابها بشكل خلاها بلا روح ولا طعم .الواقعية حلوة بقدر لكن المطور اذا ماتدخل واضاف شي يعطي قيمة فنية صار المنتج النهائي ممل ..الالعاب عمرها ماكانت محاكاة طبق الاصل وكثير من الأسماء اللي بذاكرتنا ماكانت واقعية بقدر ماكانت ممتعة .. لكن مع التطور التقني صرنا نشوف العاب ضخمة وواضحة لكن غير ممتعة.
بجهاز ps1 مازلت اذكر الأثر الكبير للعبة winning eleven 3 .. وتفوقها على منافستها Fifa بسبب انها ابتعدت قليلا عن الواقعية المفرطة وكان اللعب فيها سريع بينما الوضوح من صالح فيفا لكنها اثقل واشبه بلعبة محاكاة.
الفترة الاخيرة pes ضلت الطريق وتفوقت فيفا لكن انا برضو ماقدرت اتقبل فيفا وصارت من شدة الوضوح والواقعية كأنها مباراة حقيقية .. وشعور المباراة الحقيقة ممل جداً ومو ممتع .اخر لعبة كرة قدم اعجبتني Fifa street 3..اما الاجزاء الاصلية صارت مملة جدا حتى للمتابع .
وكنت اتمنى عالاقل فنياً ينوعون بتصحيح الالوان .. ودي بطور او لعبة كرة قدم تعطي شعور التصوير القديم vintage..او اضافة فريق نجوم العالم ابطال العالم اي شي يعطي قيمة حلوة للعبة
تذكرون اجزاء سماك داون كيف كانت مميزة .. اللعبة ماركزت على الواقعية بقدر تجربة اللاعب ..
كثير كانت فيه العاب مصارعة وملاكمة غيرها فيها ثقل قاتل ..وواقعية تخليك تزهق كأنك انت اللي بالحلبة عكس اجزاء سماك .
ميتل جير أبداً ماكانت لعبة واقعية ..حركة الروبوت الين الجزء الرابع كانت ممتازة وافضل من ركضته بالجزء الاخير والشاشة ترج.
كوجيما حب يزيد الواقعية بالجزء الاخير وهجت معه..صارت اللعبة مالها طعم او بنفس الروح
لعبة درايفر ١ لها قيمة فنية عندي اكثر من اجزاء GTA ..ممكن اللي يقرا يقول درايفر اكثر لعبة ركزت عالواقعية وانا العكس ..شعور الحماس فيها كان عالي واعتبرها لعبة اركيد مثل crazy taxi.
درجة الالوان واسلوب القيادة والاصوات كان من أعلى مايكون .لو ثبتو عليها وزادو الوضوح برأيي كان نجحت نجاح كبير
الوان البيئة والاصوات وتحكم القيادة كان خيالي وبالعكس اشوف ان اجزاء GTA مافيها نفس الروح وميته.
وشكرا لكم