loop
Hardcore Gamer
يا الهي ما أسهل وصف الآخرين "بالنصب" عند الناس، يحتاج فعلاً تحسبوا كلامكم قبل ما تقولوه ( مش لوحدك عبد الله )
الآن لما صاحب محل يبيعك لعبة ممنوعة، مش هذا شيء risky يسويه على ضمانته الخاصة ؟ مش بيتبهدل لو انمسكت بضاعته ؟ إما بتتصادر أو يدفع غرامة أو أياً كان ؟
و مش هو يشتري هالألعاب بسعر أعلى من الموزعين بسبب هالمخاطر أيضاً ؟ طيب كيف يبيعك اياها بنفس سعر اللعبة العادية !!
مش أي واحد يبيعك شيء هو "نصاب" تلقائياً، هذي كلمة كبيرة و ثقيلة يحتاج الناس تحسبها قبل ما ترميها بشكل معمم و عشوائي زي هذا
أما بخصوص الخبر، من حق المراقبة تمنع أي مُنتج تشوفه غير مناسب للناس، هذا شيء موجود في كل مكان، عندنا أيضاً فيه كثير ألعاب ممنوعة من هيئة المرئي و المسموع
صحيح احنا للأسف شوية معاييرنا غير واضحة، و في ألعاب تتسائل ليش تنمنع ؟ لكن الفكرة بحد ذاتها مش غلط، في الأخير تراها لعبة، و ما بتخرب الدنيا لو فاتتك
أنا لو كنت مسؤول في هيئة رقابية، أكيد رح أمنع ألعاب مثل ويتشر3 و جراند ثيفت أوتو 5 على سبيل المثال، في الأخير أن أعرف أن معظم من يشتري هالألعاب صغير السن، و في موضع مسؤولية فعلاً، هل أقدر أسمح لأجيال كاملة تكبر بهذي الصورة و مع التعرض لهالمادة ؟ صحيح ما رح أقدر أغير الدنيا و فيه ألف طريقة يوصلوا فيها لمحتويات مثل هذي، لكن أقدر أتصرف بحسب موقع مسؤوليتي و أحد من هالشي بقدر الإمكان
و في الأخير احنا في عصر ما فيه شيء ممنوع فعلاً، كل شيء تقدر توصله في الأخير.
كلامك بخصوص النصب جميل لكن للأسف غير واقعي ، اصحاب المحلات يبحث عن أي سبب لرفع سعر اللعبه او السلعه بشكل عام عندنا لو شرى دفعه ب200 ريال جملتها وكان يبيعها بـ220 ريال ربح 20 ريال لكل لعبه بعدين وصل له خبر ان اللعبه وقفت من عند الجمارك وماصارو يدخلونها هل تتوقع انه بيقول اوه انا مالي علاقه لأني شاريها بـ200 ؟ طبعا لا ... راح تلاقيه طيرها للـ250-300 ريال بحجة انها ممنوعه أو "مو عاجبك رح لغيري منت محصلها" .. نفس الشي عند سوق الجوالات اللون المرغوب يرفعون سعره 50-100 ريال مع انه جملتهم واحده وهالكلام أكده لي صديق صاحب محل جوالات ولما قلت له ليش قال "ياخي بنتكسب"
GTA IV اول ما نزلت كان فيه محل يبيع العاب الـ360 منسوخه ب15-20 ريال لكن اللعبه هذي كان يبيعها بـ100 ريال منسوخه وقدامي يشترونها الناس واتوقع كثير مننا عارفين من هذا المحل لانه مشهور ... ولما باع مئات النسخ نزل مقال بموقعه انه اللعبه فيها اشياء مخله وتنافي عاداتنا وعشان كذا بيوقف بيعها ونفس السالفه تنعاد مع كل لعبه فيها اشياء مخله بيع بيع بيع واذا خف الطلب منعها لانها حرام .. هذا مو نصب ؟