Van
True Gamer
في البداية:
أخيرا تم فتح الموضوع للمانجا المشردة لول ... FMA اسم غني عن التعريف , مبدأ القصة نفسه بين الأنمي و المانجا. الأخوين أيليريك يبحثون عن حجر الفيلسوف عشان يرجعون مثل أول قبل لا يحاولون احياء أمهم , لكن مجرى القصة يختلف تماما ابتداء من هذا المبدأ! باختصار لو واحد يقدر يستمتع و هو يقرأ مانجا و ما عنده مانع يبدأ متابعة شي رهيب فهذا هو الخيار الأمثل!
معلومات عامة مع بعض الفروقات عن الأنمي:
-كاتبة المانجا هي Hiromu Arakawa
-يعرض في مجلة Shonen Gangan الشهرية التابعة لـ SquareEnix, يعني ما في الا تشابتر واحد بقرابة 40 صفحة كل شهر.
-المانجا تدور في زمن يشبه زمن النهضة الصناعية الأوروبية فقط , ما في عوالم موازية مرتبطة بعالمنا و لا خرابيط فلسفية من هذا النوع p=
-مبدأ الهيومونكولوس و صنعه مختلف اختلاف جذري بين الأنمي و المانجا.
-بعض الهيومونكولاي مختلفين في المانجا عن الأنمي , و ترتيب الأسماء نفسه مختلف.
-ما في شخصية اسمها Dante في المانجا , الشرير الحقيقي أرهب بكثير!
-في شخصيات و مناطق جديدة , و الشخصيات القديمة نفسها أكثر عمقا و بفارق كبير جدا عن الأنمي.
أخيرا:
لو صار لواحد نية يبدأ يقراها و مو عارف من وين يبدأ عشانه شاف الأنمي و يذكره نصيحتي يقراها من البداية لو يبغي يدخل جو صح . أما لو فيه شوي كسل و يبغي يشوف شنو متغير فالحوارات تبدأ تتغير من تشابتر 16 أظن , و لو كان يبغي يطلع على التغير الجذري على طول فهو يبدأ من تشابتر 31 تقريبا ... المانجا موصلة لتشابتر 89 حاليا و عادة ينزل التشابتر بعد عشر أيام من كل شهر , أتمنى قراءة و نقاش ممتعين D=
التعديل الأخير: