حلقة ممتازة وجميلة ، وفعلاً المحقق كونان في حلقاته الرئيسية اللي تمس جوهر القصة يعتبر إنمي أسطوري سواءً في الحوارات أو الأحداث أو الإخراج والرسم ، لكن حالياً ضعت شويتين ..
أم سينشي الحين تشتغل مع منظمة خاصة فيها ؟، وايش هو فريقهم الصغير وكيف أخذت البنت ؟ اعتقد الحين اتضحت معالم بوربون وغالباً هو الولد اللي شعره أشقر ، لأن صاحب النظارات غالباً بيكون آكاي سويشي والفتاة غالباً لها علاقة بالإف بي آي ، يبقى الولد وآكاي سوييشي المزيف ، واحد منهم بوربون .. ممكن البعض يقول إن فيرموث هي آكاي المزيف ، لكن ما نعرف هل فيرموث تنكرت الحين بس بزي آكاي ولا طول الحلقات الماضية لأني أذكر في حلقة كانت هي موجودة وطلعت من المول وبعدها ظهر آكاي المزيف .. القصة تعقدت بزيادة وكل مالها تتعمق أكثر وأكثر ، مدري كيف الكاتب راح ينهي هذا الآرك بالحلقة الجاية ، المفروض تكون حلقة خاصة وتيجيب لنا هالوين ثانية (&)
للتو أنهيت الحلقة 704 ومعها انتهى آرك أسطوري ثاني بعالم الإنمي ، لكن الحلقة كانت مستعجلة كثير وحسيتهم يبون يخلصون الأحداث ، كل شي طلع مثل ما توقع المشاهدين ، الولد هو بوربون وأوكيا هو آكاي ، شي غريب لاحظته وهو شنب توجو موري ، بالحلقات السابقة وببداية الحلقة هاذي لحدة حادثة الدخان يختلف عن شنبه بعد الدخان ! مدري لكن هل هذا تلميح لأن في شخص يشبه توجو موري أو متنكر بشخصيته وهو زعيم المنظمة ؟ لأن في حلقة سابقة فيرموث كانت تتكلم عن زعيم المنظمة ووصفت شخصه و لمن كان يركب السيارة جابوه وشكله ومن ورا كان مطابق لشكل توجو موري ، الشي الأغرب إنه بالحلقة الأولى من هالآرك جابو تعريف في مستطيل أزرق لتوجو موري وتوقعت يكون له شي أو فايدة ، يبقى السؤال .. هل أوكيا سوبارو هو فعلاً آكاي ؟ أو شخص متنكر بشخصية أوكيا ثمن أظهر للمنظمة إن آكاي لا زال حي بينما هو ميت وأوكيا مش آكاي بل شخص ثاني ، الغريب بالموضوع أيضاً هو اش الفايدة من اللي سواه فريق كونان مع كل هالأحداث ؟ يعني كان عندهم فرصة ذهبية كبيرة يقنعون المنظمة إن شيري ماتت نهائياً ويخفون شيري أو يودونها لمدينة ثانية أو يخلونها تعيش مع البروفيسور بشكل سري ، هالشي غريب فعلاً .. والحين كيف بيكون الوضع وهي فيرموث عارفة إن شيري أو هايبرا موجودة وتدرس بالمدرسة وكل يوم تروح وتجي مع كونان ؟ ، ليش فيرموث حاولت ترمي شنطة وهي كانت تحسب إن البنت صاحبة الشعر الأسود داخلها ؟ مين هي هاذي البنت وايش تقرب لآكاي ؟ ما أشوف أي منطقية من كل تصرفات فريق كونان ، المفترض يوهمون فيرموث إنها رمت الشنطة بالبنت وإن هايبرا ماتت وإن آكاي ميت ، اللي صار العكس تماماً ! عدا هذا كله ليه ما قبضوا على فيرموث وبوربون وهم كانو موجودين بعد القطار أو بالقطار نفسه خصوصاً بعد ما آكاي رمى القنبلة ؟ كان أقنعوا المنظمة إن بوربون مات مع شيري والحقيقة إنهم يحتجزون بوربون عندهم ويحققون معاه ويعرفون كل شي عن المنظمة ، بعد ما انتهى القطار طيب ، خوفاً على حياة الناس ممكن ؟ عالأقل يتتبعونهم بطريقة سرية .. في كمية أشياء غير منطقية بهالحلقة وماني عارف هل الكاتب متعمد عشان يمهد لشي ثاني جاي أو انه الأوضاع بتكون كذا ، عموماً كونان طول كثير وأتمنى لو الكاتب ينهيه بآرك كامل من خمسين حلقة ينهي فيه قصة المنظمة ويشرح فيه كل شي .
ﻻ تفتح السبلوير ، ﻻنه باك فﻻش اليمبعد كم شهر بتجي حلقة يهزم ماكوتو فيها كايتو كيد بطريقة يعجز عنها الوصف ، شف اخر 3 فصول من المانجا
مشكور أخوي، ويستمر الملل -_-^^
لا فلر
اصلا من 707 الى 9 كلها فلر و من الحلقة القادمة راح يرجعوا الى المانجا
ما زلت انتظر مئوية المانجا الجديدة عشان احداث العصابة -_-
البوستر الأول لفيلم كونان الجديد العام القادم :winky:
بصراحة البوستر يفتح النفس k_hand:
العرض الأول
[video=youtube;THrozPl9qFc]http://www.youtube.com/watch?v=THrozPl9qFc[/video]
مبين عليه فيلم رهيييييييييييييييب k_hand: