الموضوع الرسمي ليوميات رمضان

[Mute City]

بسم الله الرحمن الرحيم

فكرة الموضوع زي ما سار في السنه الماضيه وإستأذنت الإداره في فتح الموضوع

الفكره بسيطه هي عن يوميات الأعضاء الرمضانيه

• شنو سحورك اليوم ؟؟
• شنو فطورك اليوم ؟؟
• شنو روتينك الرمضاني ؟؟
• شنو قاعد تسوي في هذه اللحظه ؟؟
• شنو نشاطاتك الرمضانيه ؟؟
• شنو اكلتك المفضله في رمضان ؟؟
• على شنو تقضي سهراتك في رمضان (دوانيه؟ - قيمز؟ - تلفزيون؟ - في الخارج؟)

 

[SAM]

اول يوم دايم الامور فيها مختبصه :
انا بالنسبه لي حظي ماكان زين بالنوم قمت من 8 الصباح وهالكني العطش والجوع للحين

وبانتظار مهزلة المسلسلات هالسنه :laugh:: بعد الفطور ..

 

[Fahad Al-Shareef]

الحمد لله ماتعبت ولا شي ، طبعا ً نمت تقريبا ً الساعه 7 ونص وقمت 2 وشي ..

باقي تقريبا ً ساعه الا ربع عالاذان .. مشتاق للفيمتو مره .. بعد الفطور والصلاة اشوف لي طاش ويمكن بيني وبينك .. " المسلسل اتوقع يكون افضل من طاش بعد ماشالوا المالكي " ..

وباب الحاره المهزله اللي ما انحلب ابد ..

 

[squall leonhart]

اول يوم دايم الامور فيها مختبصه :
انا بالنسبه لي حظي ماكان زين بالنوم قمت من 8 الصباح وهالكني العطش والجوع للحين

وبانتظار مهزلة المسلسلات هالسنه :laugh:: بعد الفطور ..

الحمد لله مني من النوع الي يتعبه الصوم

على فكرة الي يبغى يشوف المسخره و الاستخفاف بالعقول يشوف عيش صحاري على السعودية الاولى لووول جلسوا نص ساعه يتعازمون على بعض ان واحد ينسحب و اخر شي اخذوا واحد من المتسابقين و خلوه حكم ... احلى شي كانو في الخيمه ثياب و شمغ و انواع الرزانة .. اليومالثاني طلعت الشورتات والتي شيرتات البنكي ... و الله ما قدرت امسك نفسي من الضحك

 

[Wild Fox]

ها !
باقي ساعه و 3 دقائق بتوقيت جده T_T

 

[Boo22]

عيش صحاري

وشو ذا البرنامج ؟؟؟ ومتى يطلع شكله تحفة :laugh::
عيش سفاري:tongue:

 

[Hironobu Sakaguchi]

امس تسحرت على تمر وموية وصليت الفجر ونوم
صحيت اليوم على الظهر وصليت والى الان اتنقل بين تي جي والايميل وتويتر ونسخ باقي حلقات ريبورن وتحميل انمي جديد من وصايا tvrd :tongue:
طبعا التحدي المؤسف انه ورايا مشوار للبلد لمحل يفتح من 9-12 الليل, شكلي بطلع 8 والحق العشاء هناك والله اعلم كيف التراويح الليلة

بالنسبة للمسلسلات الرمضانية, من الاخر اعتزلت القنوات الفضائية من زماااااااااان وما اتابع اي شي عربي
والحمدلله لا اتعب من صوم ولا غيره لانه صحة لنا ^_^
راح يكون جدولي بعد الفطور غالبا بين كم حلقة انمي الى العشا وبعدها اكمل انمي او ابدا العب او اخرج على حسب الاوضاع مع الشباب

 

[Al Pacino]

10 دغائغ !!

 

[X-SRI-X]

^^^^
اي الي بتغوله إإإنت يا زول ؟

 

[Madainee]

الحمد الله تم الانتهاء من عملية الهجوم على السفره
اكلت 3 حبات سمبوسه باللحم واربعه بالجبن وحب بيتزا صغيره
وكاسه تانج والان احس اني شبعان على الاخر والحمد الله

 

[Painkiller Q8]

لااااااااااااااااااااااااااااااااااااااااااااااااااااااااااااااااااا .............. :sadwalk:

كنت محضر موضوع مميز عن رمضان بنفس الفكره بس انت سبقتني عليه !!!

الله يعطيك العافيه !!

موضوع مشابه ولاكن فيه نقاط وكل واحد يقدر يتكلم فيها !

• شنو سحورك اليوم ؟؟
• شنو فطورك اليوم ؟؟
• شنو روتينك الرمضاني ؟؟
• شنو قاعد تسوي في هذه اللحظه ؟؟
• شنو نشاطاتك الرمضانيه ؟؟
• شنو اكلتك المفضله في رمضان ؟؟
• على شنو تقضي سهراتك في رمضان (دوانيه؟ - قيمز؟ - تلفزيون؟ - في الخارج؟)

الخ

اخذ هذي النقاط وحطها في موضوعك ^^

 

[Painkiller Q8]

اليوم تفطرت طبق رمضان المشهور الي كل رمضان اشوفه مقابل وجهي واكله على طول !!

ثريد لحم او تشريب .. مادري اذا له اسم آخر بعد

 

[Hironobu Sakaguchi]

فطوري 7 حبات تمر والى الصلاة
توي رجعت... مستهدف 1-2 حبة سمبوسة وسلطة خضار ورشفة شوربة والحمدلله

 

[Wild Fox]

اليوم اجرمت على الافطار ... الله يخارجني من جده بسرعه بس

 

[Marco Rossi]

● الحمدلله اول يوم ما كان فيه ذاك التعب اللي توقعته خصوصا مع غفوة و ساعة و نص zZzZz
● في ناس نفسيتهم خايسة في رمضان لكن الحمدلله كانت نفسيتي فل الفل ض1 ,
● مائدة الافطار كانت شوربة و لقيمات و سمبوسة و اخواتها و رز و مرق و ثريد و سلطة و المشروب سانكويك المفضل ض1
● اعجبني برنامج الدكتور عمرو خالد اسمه رحلة السعادة كان قمة الروعة و اسلوب الدكتور مشوق , أنصحكم فيه ..
● برنامج الدكتور محمد العوضي "بيني و بينكم" برضو بدايته كانت قوية $=
● خواطر 6 كانت حلقة مقدمة تعريفية , للحين ما بدا الجد مع الشقيري ض1
● الشيخ نبيل العوضي برضو له كم برنامج يستحقون المتابعة بعناية ,
● طقوس الفيديوجيمز الحين | لعب ريد ديد و تحميل ديمو مافيا 80% ..
● كل عام و انتم بخير .. اتمنى لكم اجواء حلوة في رمضان ض1 ,

​

 

[squall leonhart]

[video=youtube;VL1meF1sJJg]http://www.youtube.com/watch?v=VL1meF1sJJg[/video]

ذا تيزر لعيش صحاري عشان الي ما يعرفه

 

[BioMario]

الشيء إلي ما أقدر اقاومة في رمضان

اللقيمات

و

البرياني

بعد شوي بنقض عليهم :rockon:

 

[Mr.Stars]

اليوم ، نمت و قمت تعبان ماادري شنو اسوي ، شغلت البلي ستيشن 3 والعب انتشارتد احسن ليك :nerd:

 

[Averroes]

مين شاف طاش اليوم .. الصراحة الحلقة كانت ممتازة

أما "بيني وبينك" قمة الأنحطاط والتخلف

 

[Brewmaster]

كل رمضان لازم يكون عندي لعبة للسهرة .. لكن رمضان هالسنة مافيه
*يتذكر رمضان العام مع مجس 4*

 

[KOTSHY]

[video=youtube;VL1meF1sJJg]http://www.youtube.com/watch?v=VL1meF1sJJg[/video]

ذا تيزر لعيش صحاري عشان الي ما يعرفه

ابو فارس يووووه هذا الانسان قديم اذكر شفته ببرنامج سيرفايفر النسخة العربية على قناة lbc وفاز باللقب ما شاء الله فنان وبعدها جابوه ببرنامج ديل اور نو ديل وبرضوا فاز بأعلى مبلغ ما شاء الله محظوظ
الحين صاير مقدم برامج

 

[Ghost of sparta K]

ما حسيت اني في رمضان هالسنه الجو كئيب شوي والبرامج العربيه سيئه بشكل مخزي , راح اتابع غذا اول حلقه من برنامج فلم هندي ان شاء الله يطلع زين

 

[EPIC FAHAD]

لا تفوتكم حلقة طاش من جد منتازه

 

[ALONE]

اليوم صحيت اذان العصر

الا الخبر الصاعق اليوم عندنا ضيوف على الفطور + سحور

والله نقسيتي صارت زفت :sadwalk:

ويالله يامحمد نبي ونبي وكلها مقاضي ماخلصت منها الا 5.30 - 6

جلست بعدها شوي على النت الا اذن وافطرت

كنت حاط في بالي مااكل غير تمر وشويه ماء

بس السمبوسه واللقيمات ماقدرت اقاومها :rockon:

بعد الصلاه شوربه بس لأني لو اكلت شئ ثاني ماراح اقدر اصلي التروايح + جلست مع الرجال ويشوفون نيوشنال جرافيك ابو ظبي

عليهم جو :laugh::

الحين توني رجعت من الصلاه

افكر اسحب على الضيوق واروح الممشى لمده ساعه

للأسف وقت الفله بالنسبه لي راح يبدء من الواحده صباحا الى اذان الفجر

xbox live + يمكن بعض البرامج الي فاتتني بشوفها مسجله

 

[Jonas]

اليوم صحيت العصر تفرجت التلفزيون لين الساعه 5 بعدها لعبت هيلو و لاحظت شي غريب , ياخي اللعب في رمضان و في العصر بالذات له طعم غريييييييب , مافي احلى من ذكريات فيبل 1 قبل 5 سنوات , يا سلام كانت اجواء حلوه لعب و لعب و لعب لين الفطور... المهم قفلت الاكس بوكس الساعه 6 و فتحت النت تصفحت لين الفطور , بعد المغرب شفت شوي بيني و بينك ... صراحه ضحكتني الحلقه و لو انه مبالغ فيها... بعد صلاة العشاء لعبت سوبر ستريت فايتر مع II Dark Light II :rockon: و الوعد اليوم الساعه 1 مع هيلو :rockon:

 

[Mute City]

اليوم كان يوم عصيبك الوالد جاي معصب ومافي غير يصرخ علي جيب ودي لدرجة قالي روح سخن المويه لمارحت المطبخ جلس يصرخ يقولي أنا ماقلتلك روح سخن المويه ؟؟؟
وأكره شي بعد تهزيء طويل تجي الوالده وانا منسدح على الكنب من التعب تقولي قوم الصلا لاحول ولا قوة إلا بالله حتى في رمضان ( محاضره طويله ) : ( يوم عصيب جدا زي كل أول يوم رمضان

الفطور كالعاده ( سمبوسه و شربه و قيميه ( لقمة القاضي ) وبيتزا ومعجنات وإنت طالع

طاش ما طاش أخويه قالي تعال شاهده معاي وصلت إلى أول فاصل وأنا :yuck:: سخيف سخف

باب الحاره الحب :inlove:

 

[Naserano]

ما حسيت اني في رمضان هالسنه الجو كئيب شوي والبرامج العربيه سيئه بشكل مخزي

نفس الحالة بالضبط .

 

[xxamerxx]

رمضان هذي السنة مختلف علي نوعا ما اول رمضان لي وانا على رأس العمل دوام من الساعة 9:30 الى الساعة 3:30 وفيه امكانيه انه يستمرللـ 5:30 غير كذا انا مربوط بالجوال اي مكالمه باي وقت راح ارجع للشغل لو وقت الفطور .

تابعت طاش ما طاش من جد حلقه تتكلم عن الواقع وعن معاناة السعودي ..

محتوى مخفي: زبدة الحلقة

اجل ارفع راسك انت سعودي ههههههههههه

الحلقة بالصميم .. ما اعتقد بتابع شيء ثاني ممكن اشوفهم بوقت ثاني او طرق ثاني
الجيمز ناوي ارجع له بشكل قوي وخاصه بعد فترة فتور قويه بيني وبين الجيمز البداية مع ديمو مافيا2 وحاليا ادور لعبة اونلاين مع الربع وسهره رمضانية ممتعه

الفطور ما اتذكر شيء كنت اكل وانا نايم .. الله يتقبل ان شاء الله

 

[Wild Fox]

شباب يا ريت لو تحطولنا البرامج و المسلسلات اللي من جد تستاهل الواحد يتفرجها ... انا الى الان

• 
  بيني و بينكم للشيخ محمد العوضي
  خواطر لاحمد الشقيري
  و طاش
  و احتمال باب الحاره

 

[s3rorh]

- أمس بليل الساعه 9 فطرت ويا صاحبي دجاج شوي ... و الساعه 12 شربت لي كوب ماء وتوجهت للفراش ونمت
- وقبل الامساك ب6 دقائق صحيت وشربت كوب ماء أخر ونمت
- صحيت الساعه 9 وطلعت اخلص لمواعيدي ( الساعه 10 موعد مع الطبيب .. والساعه 1 موعد مع الـLandLord )
- بعد مواعيدي توجهت للبقالية .. واشتريت بعض المستلزمات *دجاج-عدس-شعريه-مكعبات ماجي-كريم كراميل-جلي-حليب-مدري(&)*
- رجعت البيت الساعه5 ورقبتي تعورني من كثر ما انحنيت وطالعت لتحت .. والبركه بملابس البشر ألي يحسبون انفسهم قاعدين بشواطئ ميامي ¬_¬
- بدأت الطبخ الساعه 6 وانتهيت من كل شي الساعه 7 و جلست على النت
- الساعه 9 إلا ربع بدأت بتسخين الفطور و اعداد السلطه و بدأت بصب الفطور وكان *تشريب دجاج - شعريه - شوربه عدس - سلطه - تمر - لبن - عصير برتقال*
- انتهيت من كل شي الساعه 10 ورجعت للنت
- الساعه 11 الأن وها أنا ذا :tongue: