الموضوع الرسمي للانتقالات الصيفية - موسم 2010

[Mr.Stars]

^

سمعت ان اسبوع بدون اشتراك .. بس مو متأكد

 

[SCREAMING_RAGE]

وانت قصة لاعب انتر ميلان و انتقل رسمياً لماشنستر ستي مقابل 30 مليون يورو بعقد يمتد لمدة خمس سنوات !


لكنه للأسف, لن يلعب غداً امام توتنهام.

 

[النسر الأسود]

شباب بكره الدوري الانجليزي يبدأ, احد اشترك بقناة ابو ظبي؟

أنا ناوي أشترك خلال الأسبوع القادم إن شاء الله
أعتقد هذا الموقع يفيدك عمر http://3ways.admcsport.com/ar/

 

[JIN KAZAMA]

فوز الريال على البايرن بضربات الترجيح

 

[Byakkino]

شباب بكره الدوري الانجليزي يبدأ, احد اشترك بقناة ابو ظبي؟

أنا اشتركت وجالس اناظر مباراة الستيزينز وتوتنهام مشعلله .. ألا مافيه موضوع للبطولات الاوروبيه للموسم الجديد ؟

 

[hussien-11]

ريال مدريد قدم عرض رسمي لبريمن للحصول على خدمات مسعود أوزيل ، طبعا العرض تم رفضه لأنه عرض سخيف و تافه ( 9 مليون يورو ؟! )

عالعموم بريمن طلب 16 مليون يورو ، و بصراحة اللاعب يسوى أكثر ، بس عقده بيخلص السنة الجاية و مو راضي يجدد

عن نفسي أتمنى - بشدة - انتقاله لريال مدريد ، هذا صانع ألعاب حقيقي و فنان ، بتكون له كلمة في المستقبل لو انتقل ، مورينهو رحب بفكرة التعاقد معاه و حكى انه أي مدرب يتمنى لاعب مثل مسعود أوزيل

 

[NESTA]

رسمي .... مسعود اوزيل مدريدي

Mesut Özil, nuevo jugador del Real Madrid



realmadrid.com​

 

[X-SRI-X]

^^^^^^^
تبا لك يا برشلونة
ضيعوا على نفسهم لاعب من ذهب ! :

 

[أوكازو]

و الله غريبة جداً ..

رغم اخفاقات الريال المتواصلة خلال السنوات الأخيرة إلا أنه المفضل للاعبين دوماً و أبداً!!
تنافس معه برشلونة و مانشستر (الأنجح خلال الخمس سنوات الأخيرة) و مع ذلك يفوز فيها الريال!


عاد العجيب تو جالس أطالعه بالترلير حق فيفا لابس لباس فريقه الألماني و أقول بنشوفه بقميص الريال هالموسم و إلا لا :d
يالمحاسن الصُدف

 

[HAL-9000]

صفقة اوزيل هي أحسن صفقة في هذا الموسم ككل. صانع ألعاب حقيقي لطالما تمنيت أشوفه يلعب في الريال
أنا اليوم أسعد إنسان :rockon:

 

[Zulfiqar]

ميـجاطون !!!
شكل مورينهو أعجب بالمنتخب الألماني في المونديال.

عاد وين بيلعبونه, الوسط مكتض ... ك.رونادلو - كاكا - الونسو - دي ماريا (هذا غير خضيرة و الدياراين).

تعديل: نسيت فان دير فارت لول

 

[أوكازو]

^
كاكا out اربع شهور (لنصف الموسم تقريباً)
ديماريا ، ليون أجنحة
ك.رونالدو جناح مهاجم (غالباً مهاجم ثاني)
(فارت، ديارا، جرانيرو) 90% بيطلع منهم اثنين على الأقل!
لاس، خضيرة، ألونسو ارتكازات.. اثنين اساسيين و واحد احتياط.

أوزيل على قول مورينهو انه معجب فيه لتعدد مراكزه فما تدري وش بيلعبه!
سمعت انه ممكن يلعب مهاجم ثاني (ك.رونالدو)، صانع ألعاب (كاكا)، ارتكاز متقدم (مثل مركز تشافي ببرشلونة)
و فيه كلام أن مورينهو يدرس انه يحط رونالدو مهاجم صريح!!

عموماً اتوقع مكان أوزيل الطبيعي احتياط بعد عودة كاكا
و اللاعب توه صغير (21 سنة) و كاكا (28 سنة)
فـ مسألة 4 سنوات و بالتأكيد انه بيضمن أساسي وهو بالخامسة و العشرين.. عمر مثالي لبروز اللاعبين بمركز صناعة الألعاب.


اتوقع خطة الموسم القادم عموماً
كاسياس
مارسيلو - بيبي - كرفاليهو - راموس
لاس (خضيرة) - ألونسو
أوزيل
ديماريا (ليون) - رونالدو
هيجواين (بنزيما)


و الخطة تتشكل مابين 4 - 4 - 2 و 4 - 5 - 1
حسب موقع رونالدو من الخريطة.

و الله أعلم.

 

[Zulfiqar]

^
أكثر مايضر اللاعب في عمر صغير هو الإحتياط.
ماأعتقد الريال دافعين 16 مليون على لاعب مصيره الإحتياط, مورينهو مأمل فيه إنه يكون مكان كاكا والأخير مصيره الإحتياط إذا استمر في أدائه السيء.

ماأقدر أنتظر لبداية الدوري الأسباني :rockon:

 

[J-T]

صفقه من احسن ثلاث صفقات للريال بعد كريستيانو وكرفاليو

لاعب قليل عليه المبلغ الي دفع فيه

 

[Wild Fox]

اوزيل للريال ... خبر متوقع .
برشلونه لو جابوا اللاعب راح يكون مجرد رفاهيه مو محتاجينها .. في مراكز اهم في الوسط و الدفاع .
بس برشلونه كسول جدا جدا ... يا خوفي ما يجيبوا لاعبين و يعتمدوا على اللامسيا . ماسكيرانو ينادي
بصراحه بيب غير موفق ابدا في سوق الانتقالات

 

[Fahad Al-Shareef]

لا والله وانت الصادق الغبي هذا اللي اسمه روسيل ..

مبزره هو ولابورتا طقاق من الصبح .. ويوم جاب لابورتا فيا .. هذاك تصفق وجهه وقال لازم اجيب لاعب سوبر ..

وقام يسوي خرابيط وبدون مايشاور بيب .. وبيب شوي شرهان عليه

المهم الحين اهم شي بس ماسكيرانو .. وبعدها ماتا وكثر الله خيرهم ..

مانبي لا اوزيل ولا فابريجاس

 

[hussien-11]

OMG أوزيل مدريدي ! هذا بجد ميجاتون

رسميا أنا مع الريال ضد برشلونة الموسم القادم

 

[Emirates]

يااااااااااااااااااااااااااااااااااااااااااااااه

اخيييييييييييييييرااااا

مع مدريد دائما وابدااا

اوزيل ذهب

 

[hussien-11]

بواتنغ ( الغاني ) انتقل رسميا لجنوى ! صفقة جيدة للفريق و لاعب قوي .. جنوى نادي ذكي في السوق دايما .

edit : بيروح من جنوى للميلان ! كيف صارت هذي ؟

 

[zeldaway]

سحر

 

[SCREAMING_RAGE]

مين يوافقني: ريال مدريد و مانشستر ستي خربوا سوق الانتقالات ومستقبل افرقه كثيره للموسمين الحالي و الماضي ؟!

 

[Fahad Al-Shareef]

مين يوافقني: ريال مدريد و مانشستر ستي خربوا سوق الانتقالات ومستقبل افرقه كثيره للموسمين الحالي و الماضي ؟!

المشكله ليتهم يطلعون بنتيجه

 

[Fire Blast]

من احلى الاخبار هذا الاسبوع قدوم اوزيل لريال مدريد
بس فان دير فارت ماحتفل بعد تسجيله الهدف في مباراة امس
شكله بيطلع .. اتمنى بقائه على الاقل لحد مايرجع كاكا من اصابته لكن بنشوف شنو بيصير في الاخير

 

[hussien-11]

ميجيل فيلوسو انتقل لجنوى ؟

صفقة ممتازة ، لاعب وسط رائع

 

[Unknown]

شباب رايكم لروبينيو يكون بالبارشا .. الاداره شكلها تبيه بس بيب رافض
وكأني قريت هاليومين انه الظاهر بيوافق على انه يجي للبارشا
عن نفسي كنت اتمناه اكثر من اوزيل قبل مايروح لريال مدريد

 

[BLACK KN1GHT]

مانبي لا اوزيل ولا فابريجاس

حامض على بوزكم فابريجاس :laugh::
شنو هالحركة الخايسة اللي سووها لاعبين برشلونة في فابريجاس
لما فازوا بالمونديال، هاذي حركة تدل على الإنحطااط >.>

مين يوافقني: ريال مدريد و مانشستر ستي خربوا سوق الانتقالات ومستقبل افرقه كثيره للموسمين الحالي و الماضي ؟!

من جد !! المشكلة الريال مع احترامي لجميع عشاقه
صاير مقبرة قبور يعني في لاعبين حرام ترميهم على الدكة
و مان سيتي لو يآخذون لاعبين الدنيا كلهم بعد مابيفوزون بشي

 

[Fahad Al-Shareef]

سبحان الله حركة انحطاط ..

بس يوم فابريجاس لبس الفنيله وضحك .. ماقلتوا شي .. قلتوا هم لبسوه ..

وفابريجاس يصرح ابي اطلع .. وتقولون وفي ولا يبيكم .. لول .. ماتدرون ان فابريجاس يبي برشلونه بس البثر الفرنسي مو مخليه يطلع ..

انا اقول ما ابيه لاننا طفشنا من ثلاث سنوات نلاحق فيه .. عمره ماجا ..

 

[BLACK KN1GHT]

ما شاء الله صار هو اللي لبسها هو بيكيه و بويول ملبسينه
اجل الفيديو يكذب و الصورة تكذب و عيني تكذب
ندري انه يبي يطلع يالحبيب لكن لو سوينا هالحركة في لاعب من لاعبينكم
كان عادي جوارديولا سوالنا فلم هندي هنا و الصراحة اصلا مالهم حق
يلبسونه فانيلة نادي ثاني دام انه يلعب في الأرسنال او اي نادي ثاني
في شي اسمه الواحد يكبر و يترك عنه حركات المبزرة .

 

[Fahad Al-Shareef]

ماشاء الله .. يلبسونه الفنيله .. وهو جالس يضحك ..

يعني لاعبينني مبزرة بس لاعبكم عقله كبير -__-

 

[emtak]

بواتنغ ( الغاني ) انتقل رسميا لجنوى ! صفقة جيدة للفريق و لاعب قوي .. جنوى نادي ذكي في السوق دايما .

edit : بيروح من جنوى للميلان ! كيف صارت هذي ؟

اعارة لميلان مع احقية الشراء