ذكرت قبل كده أكثر من مرة إنى ماحبيتش اتجاه العمل الحالى بس الآرك ده تحديدا كان مزعج بالنسبة لى
كرهت فكرة التايم سكيب و طول الوقت كان عندى تساؤلات بخصوص أسباب تصرفات الشخصيات و عدم منطقيتها (خصوصا إيرين )
قرب نهاية الآرك ابتديت أفهم اللى الكاتب عاوز يقدمه و إن كنت ماقدرتش أحبه بس الشابتر ده أخيرا ابتدى يوضح حقيقة اللى بيحصل
أظن إن السبب فى التايم سكيب و نقل الأحداث من إيرين و مجموعته لجابى و راينر و مجموعتهم هو إن الكاتب كان عاوز يعمل مقارنة بين اللى راينر و مجموعته عملوه و إحساس الناس داخل الأسوار تجاه الهجوم الغير مبرر عليهم خصوصا الشخصيات الرئيسية من جهة و بين اللى إيرين عمله هنا و إحساس الناس اللى تم الهجوم عليهم و فقدوا أحبائهم زى جابى من جهة تانية
الكاتب خلاك تتعرف على الشخصيات الجديدة و تعيش من وجهة نظرها عشان تقدر مشاعرهم لما يتم الهجوم عليهم و فى نفس الوقت عمل مقارنات مستمرة بين إيرين و راينر و الأسباب اللى دفعت كل واحد فيهم عشان يعمل اللى عمله
النقطة هنا هل ده تم تم تقديمه بشكل جيد و لا لأ ؟
الموضوع نسبى ، أظن إن موضوع المقارنات بين الشخصيات و فكرة إن فى النهاية إيرين كرر نفس اللى عمله راينر اتقدم بشكل جيد بس فى نفس الوقت فى حاجات تانية ماحبيتهاش فى الآرك و ماحسيتش إنها مقنعة زى تصرفات عائلة تايبر أو اقتناع جابى بإن اللى بتعمله هايغير تفكير الناس تجاههم و غيرها بس دى مش النقطة المهمة بالنسبة لى حاليا
الشئ المهم فى الشابتر كان إيرين و اتجاه شخصيته ، من بداية العمل إيرين كان مثال لبطل الشونين المزعج بالنسبة لمعظم المتابعين بس الحقيقة إنه كان مختلف عنهم نسبيا و العمل هنا قرر يقدم التطور المنطقى للشخصيات من النوع ده ، إيرين ماكانش عنده مشكلة فى قتل الناس إذا اعتبرهم أعداء حتى لما كان طفل زى ما شفنا لما أنقذ ميكاسا زمان و اللى عمله وقتها مايعتبرش طبيعى و الدافع الأساسى ليه هو الإنتقام و ده صعب تخيل إنه هايوصل لنتيجه جيدة فى الحقيقة
الشابتر بيستعرض الأحداث اللى فاتت و إزاى إن جزيرة باراديس إبتدت تنفتح على العالم ، تعامل أرمين مع شخصيات من بلاد تانية خلاه يبتدى يقتنع إن فى طريق تانى غير الحرب و الفكرة هنا إن على عكس أفكار جابى غير المنطقية أفكار ارمين كانت مقبولة نسبيا ، باقى العالم غالبا مش هايغير نظرته عن الإيلديان بسهولة بس فى نفس الوقت مارلى مكروهة من الكل ، لو الإيلديان قدروا يكونوا تحالفات مع بلاد تانية ضدها فده معناه إن هايبقى ليهم مكان فى العالم و مش هايبقوا مجرد مجموعة يجب إبادتها و ممكن مع الوقت يتم تحسين صورتهم ، طبعا ده موضوع صعب جدا و هيحتاج وقت طويل و مجهود بس فى الآخر ممكن و بالعكس يعتبر خيار أحسن لما تقارنه بالبديل و هو مواجهة العالم كله
ده اللى ارمين كان شايفه بس بالنسبة لإيرين الوضع مختلف ، بالنسبة له العالم كله أعداء و مافيش فرصة للتفاهم إذا الحل هو تدمير كل حاجة
تصرف إيرين كان كارثى و أنانى بكل المقاييس ، إيرين اتحرك لوحده من غير تشاور مع حد و أجبر باقى زملائه على التعاون معاه بهدف تقليل الخسائر اللى هايعملها و النتيجة كانت مقتل مئات الأبرياء بالإضافة لعدد من زملائه زى ساشا و الأهم اتحاد العالم ضد باراديس ، إيرين حاليا مش بطل شونين و إنما مجرد مجرم حرب و الحقيقة إن التطور ده متفق تماما مع شخصيته و ممكن يديك فكرة عن اللى ممكن بعض ابطال الشونين يعملوه فى عالم حقيقى و دى نقطة اثارت إهتمامى فعلا و متحمس أشوف نتيجتها النهائية فى العمل
نقطة أخيرة هى إن الشابتر أكد على وجود علاقة ما بين أرمين و آنى و اللى تم التلميح ليها قبل كده و السؤال هنا إمتى آنى ترجع للقصة ؟
(لكنها تبقى الشخصية الأفضل في القصة)بداية مع إيرين يوم أكل قائد التايبر،اللقطة كانت أسطورية،وطالما إنه أكل واحد من العائلة الملكية هذا ممكن يعطيه قدرة التحكم على قوة العملاق المؤسس! نشوف إيسياما بيتذكر ذا الشي ولا بينساه،العملاق الشاكوش(هذا هو اسمه عندي
) تصميمه أشوفه أعظم تصميم من بين العمالقة كلهم،ذكرني بالexecutioner كيف إنه الhelmet تبعه مغطي الراس كامل ومن جانب العين والفم مخطط،قوته كانت أكبر مما ظننت،فجأة قلب دوفلامنجو يطلع حاجات من الأرض مثل الدبابيس،هيبته يوم رفع المطرقة(أو يوم أخت قائد التايبر رفعت المطرقة) وقصت ايد ايرين وراسه بضربة وحدة وهذا وهو متسلح،كيف لو كان بدون،أتوقع مصيره نفس مصير صوفيا اللي سحقها،السؤال هنا هل إيرين أصبح من الخوارج؟ يعني أصبح عنده جماعة لوحده بدون إنه يكون تحت قيادة ليفاي! يوم قالت له ميكاسا ارجع للوطن توقعت بأنه تركهم وصار يعمل لوحده،الرجل الملتحي اللي طيح البنت العربة وصاحبها يعمل مع ايرين،زيكي مخطط على نقل الحرب أمام قادة العالم كأنه بيقول هذا هو الشئ اللي كل مرة يحصل في جزيرة البارادايس وأنتم هم السبب،فصل يستحق الإحترام والمتابعة.
