الـWii U أحسن من Xbox One في الشي الوحيد اللي هو زين فيه

[Lunar Poet]

الشي الجديد الوحيد اللي يقدمه Xbox One هو إنه يسهل على أبوك إنه يوقف لعبك عشان يتفرج على الجزيرة أو العربية. الـWii U على الأقل يخليك تكمل لعب على الجيم باد إذا صار هالشي.

فيه شي جديد ثاني يقدمه الإكس بوكس؟

تلميح: ترى مقارنتي للإكس بوكس مع الوي يو تريقة على الإكس بوكس. إقروا الرد رقم #12.

 

[X-SRI-X]

قاعد تتريق على الوي يو؟
على العموم .. الوي يو ما يقارن بالجهازين ... بغض النظر عن الجانب التقني ودعم الالعاب والخدمات ... هالمرة صعب انها تنافس بالمبيعات ... التابلت ما اثبت نفسه مثل الموشن

 

[Lunar Poet]

لول بالعكس أتريق على الإكس بوكس، اللي الشي الجديد الوحيد فيه هو إنك تقدر تغير فيه بين التلفزيون و الألعاب.

 

[X-SRI-X]

الجهاز كان ممتاز .. مافيه شي تتريق عليه
هم يحاولون يخلون الاوامر الصوتية اساس في حياتك ...
الطريقة الي قدموها سهلة وحلوة وبدون تعقيد والاهم من هذا انها سريعة .. .ما راح تتعب وانت تشغل الجهاز

 

[Lunar Poet]

الأوامر الصوتية بتكون مثل Siri، حلو إنك تجربها لكنك ما بتستخدمها. بعد كم يوم من إستخدامك للجهاز بيتحول إلى مجرد Xbox 360 ثاني بدون أي شي جديد.

 

[X-SRI-X]

سيري تاخذ وقت ... الخدمة الصوتية هذي سريعة ومرنة ... نجربها ونشوف

 

[Nasser]

^

تبي تفهمني انك بتقعد كل يوم تزاعق اكس بوكس جيم .. اكس بوكس تي في (&) ؟

 

[M00]

وش هذا؟ اوه نسيت! احنا بداية جيل جديد من الكونسلز و لازم نبدأ التعصب و الحش بالاجهزة، انا اقول الجهازين مخيسين و البس 4 احسن لانه من سوني.

 

[awadnin]

أحس الموضوع راح يقلب مقارانات لول! إحنا ناقصين :laugh::

على العموم أشوف خدمات الاكس بوكس ون مش بطاله، والواضح أن شبكة الاونلاين راح تكون الأفضل كالمعتاد.

بالنسبة للألعاب أعتقد مايكروسوفت قالت أن E3 راح يكون التركيز فيه على الألعاب، بينما هذا المؤتمر كان التركيز فيه على الخدمات.

 

[khaled 13]

الشي الجديد الوحيد اللي يقدمه Xbox One هو إنه يسهل على أبوك إنه يوقف لعبك عشان يتفرج على الجزيرة أو العربية. الـWii U على الأقل يخليك تكمل لعب على الجيم باد إذا صار هالشي.

فيه شي جديد ثاني يقدمه الإكس بوكس؟

على الأقل يقدر يشغل ألعاب الطرف الثالث

 

[EWAtron]

الصراحة الإنتر فيس حق الإكس بوكس كان جميل ومنظم بس ما اتوقع اني استخدم الأوامر الصوتية كل يوم زي ما قلت يمك اول ما اشتريه اجربها ، بس يمكن التجربة الواقعية تختلف .

 

[Lunar Poet]

لول أحس كثيرين ما فهموا قصدي من الموضوع. قصدي الإكس بوكس ون حرفياً ما يقدم أي شي جديد للفيديو جيمز. الـPS4 على الأقل يقدم جيميكس الشيرنق و هالخرابيط بينما الإكس بوكس يطور تجربة مشاهدة التلفزيون فقط، بينما الألعاب ما يقدم لها أي شي جديد أبداً.

الشي الوحيد اللي بيتغير في اللعب على الإكس بوكس هو إنك تقدر تقول له "XBOX TV" و بيحولك على التلفزيون. حتى الوي يو أفضل في هالشي لأنه على الأقل يقدم شي جديد اللي هو اللعب على شاشة بديلة. اللي يسويه الإكس بوكس هو إنه يختصر الوقت فقط.

 

[FANTASTIC DREAM]

:laugh::

انت قاعد تقارن رسيفر بجهاز العاب , يعني لازم تراعي شوي :fd3:

 

[14/08]

الإستخدام للأوامر الصوتية شيء خياري أعجبك ولا عندك الكنترولر
أما سالفة اللعب على الجيم باد فهذا اللي يميز الوي يو بالنهاية وهذي هي الفكرة اللي تبيع فيه .. مع انه ما تدعمها بعض الألعاب .

رجاءًا ماله داعي نفتح مقارنة بين جهازين بجيلين مختلفين لأنه بوقتها راح يكون المنتدى أسوء مما هو عليه .

 

[JIN KAZAMA]

صدقني ماتوفقت في اختيار الجهاز اللي قاعد تقارن فيه الاكس بوكس الجديد :laugh::

 

[Raheem]

ياعمي انت من جدك تقارن الاكس بوكس بالمواصفات الجبارة بجهاز مواصفاته مثل مواصفات اجهزة الجيل هذا
عجبي...!

 

[Classic Player]

اش الي قاعد يصير بالمنتدى +_+

 

[Lunar Poet]

شكله الموضوع فشل P: شكلي عبقري بزيادة و الناس ما فهمت النكتة في الموضوع و علبالها إن الموضوع مقارنة. بكتبها بخط عريض: الإكس بوكس ما يجيب شي جديد، و حتى الشي الجديد اللي يجيبه فيه أحسن منه.

 

[Super Shadow]

ياعمي انت من جدك تقارن الاكس بوكس بالمواصفات الجبارة بجهاز مواصفاته مثل مواصفات اجهزة الجيل هذا
عجبي...!

للمرة الترليون

من متى التقنية صارت الأهم في عالم الألعاب؟

عموما الزبدة الي يقصدها يوسف أن الجهاز ما قدم شيء جديد و في أشياء جابت أحسن منه

هذي السالفة باختصار

 

[gears of war]

الأخ ما زال يلعب بصالة بالبيت ؟؟؟