الحيوانات الأليفة - الموضوع الرسمي -

[إحساس]

أوكي .. أنا اليوم وصلت لمرحلة أني ماعاد أبغى أشوف وجه القطوة أبداً أبداً .. وصلت لأبعد مرحلة من الطفش ..

كنت متأني في مسألة بيعها وكنت مأجل هالأمر الى وقت آخر .. لكن اليوم خلاص .. الأمر أنتهى .. طفشت وضاق صدري لدرجة جنونية .. أبغى أبيعها بأي شكل .. وديتها لأقرب محل عندنا وبعتها " أشوا أن السعر مقارب للسعر الأصلي للقطوة لأن مهما كان السعر المعروض علي راح أبيعها " .. خلاص ماعاد صرت أفكر في الفلوس .. بس أبغى أبيعها .. والحمدلله أنتهى الأمر ..

 

[Sea.roOock]

اخوي فهد اشكرك من اعماق قلبي :laugh::

بعد تجاربنا الناجحة مع البسس , وبعد قرايتي لموضوعك , وبعد ما واحد من الحارة قاهرني ومطفشني ببستة الجديدة قفلت معي >.<

سحبت أختي معي " عارف أنها تحب البسس " ووديتها واحة الحيوان وأخذنا جولة على البسس والحمد لله خطتي الشريرة نجحت -ضحكة شيطانية-

دفعنا وحجزنا بسة كيوت :inlove: , بعض المعلومات : اللون أسود على فضي , العمر 3 شهور , النوع للحين ما سألت دخلت مزاجي وبس :sarcastic:

عموما أنواع الحماس :rockon: برجّع الأيام الخوالي وأخيرا بتصير حركة في البيت , واحة الحيوان في الملز شارع الببسي أظن , عروضهم روعه جدا اللي يبي أي ملحقات خاصة بالحيونات أعتقد أنه المحل الرائد في مجالة

 

[إحساس]

^

واو .. طلعت فوائد من شرائي للقطوة .. أول شي فتح موضوع رسمي .. ثاني شي خليتك تشتري قطوة مثلي :laugh::

يمكن أنت تحب البيت لما يكون فيه حركة .. ويمكن ماشاء الله بيتكم مليان وماعندكم مشكلة من هالناحية .. لكن أنا ساكن لحالي مع أمي و أبوي " اللي يكرهون القطوة ويذبونها علي دايماً " .. فـ لذلك أنزعجت كثير من هالشي خصوصاً أني قاعد أهتم بالقطوة لحالي بشكل ممل جداً ويطفش .. بعتها بخسارة بس عاد إيش أسوي الراحة تنشرى بفلوس صراحة *_*

مبروك وإن شاء الله تستمتع معاها ..

 

[Darkness Key]

رغم إني ما سبق و إقتنيت هاميتسر
لكن عندي نصيحة للي عندهم في حال هرب من القفص أو إنت تلعب معه
+
الخطة هذي علشان تنجح .. لازم تتأكد أن الهاميستر موجود في البيت و يكون البيت مغلق بحيث إنه ما يقدر يطلع
أول شيء لا تتعب نفسك وتكسر ظهرك بالنزول تحت السرير .. رغم إنه هنالك إحتمالية كبيرة أن يكون مختبئ تحت السرير لكن من الصعب أن تخرجه

الفكرة سهلة و بسيطة جداً
كل يوم في وقت محدد خذ قفس الهاميستر و حطه في غرفة معينة + لا تنسى تنقل القفص بكل ما فيه أهمها قطارة الماء
و حط كمية من آكل هاميسترك المفضل
في حال ما لم يظهر لك الهاميستر غير مكان القفص لغرفة أخرى وهكذا ..

1. غالباً سيظهر الهاميستر بالليل.
2. في حال لم يأتي الهاميستر لا تنسى بأن تزيل الطعام القديم وتغير لأن رائحة بقايا الطعام المتعفنة غالباً ما تكون سبب في وفاة الهاميستر.
3. حاول بأن تتأكد بأن هاميسترك ليس في الحمام أو المطبخ أو الشارع .. ولا تترك أبواب هذه الأماكن مفتوحة.

 

[Saadawii]

رغم إني ما سبق و إقتنيت هاميتسر
لكن عندي نصيحة للي عندهم في حال هرب من القفص أو إنت تلعب معه
+
الخطة هذي علشان تنجح .. لازم تتأكد أن الهاميستر موجود في البيت و يكون البيت مغلق بحيث إنه ما يقدر يطلع
أول شيء لا تتعب نفسك وتكسر ظهرك بالنزول تحت السرير .. رغم إنه هنالك إحتمالية كبيرة أن يكون مختبئ تحت السرير لكن من الصعب أن تخرجه

الفكرة سهلة و بسيطة جداً
كل يوم في وقت محدد خذ قفس الهاميستر و حطه في غرفة معينة + لا تنسى تنقل القفص بكل ما فيه أهمها قطارة الماء
و حط كمية من آكل هاميسترك المفضل
في حال ما لم يظهر لك الهاميستر غير مكان القفص لغرفة أخرى وهكذا ..

1. غالباً سيظهر الهاميستر بالليل.
2. في حال لم يأتي الهاميستر لا تنسى بأن تزيل الطعام القديم وتغير لأن رائحة بقايا الطعام المتعفنة غالباً ما تكون سبب في وفاة الهاميستر.
3. حاول بأن تتأكد بأن هاميسترك ليس في الحمام أو المطبخ أو الشارع .. ولا تترك أبواب هذه الأماكن مفتوحة.

تجيب سطل، تبطنه بحاجة تخفف السقوط، اسفنج والا قطن والا وسادة، وتحط في الاكل اللي يحبه بالعادة بكمية جيدة، بعدين تحط ممر من الأرض لقمة السطل، زي لوح مثلاً، وتخلي الفخ في المكان اللي هرب فيه الهامستر او في مكان مفتوح في البيت ومركزي (الصالة) في الليل (لأنه حيوان ينشط بالليل). وتطفي الأنوار. غالباً راح تلقاه في الصباح طاب في السطل.

ياخي هذا القارض كيوت بشكل...

 

[Sea.roOock]

القطوة وصلت !!!!!!!

انا مستغرب جدا , من أول يوم تعرفت على البيت وتطلع وتروح وتنقز , أتعودت علينا سريع بشكل ماتوقعته ابد , الله يكرمكم حتى مكان القذارة عرفته من أول مره

انا جدا سعيد !!!! " قريبا الصور "

 

[Sora Diersly]

^
انا غيران T_T ماشاء الله, تتربى بعزّك P:

 

[Unknown]

كم قيمة الببغاء الأمازوني ؟

يوصل 13 - 13 الف

 

[ESRB]

يوصل 13 - 13 الف

هذا قيمته وهو يتكلم ؟ الفرخ ماتعرف قيمته ؟


[video=youtube;uoAHAaa6r6s]http://www.youtube.com/watch?v=uoAHAaa6r6s[/video]
وهذا النوع ماتعرف وش اسمه وقيمته ؟

 

[Burdegation]

^
هذا اسمه كاسكو
من ارخص انواع الببغاوات الكبيره و احسنها نطقا, اخذلك واحد صغير عمره اقل من سنه, بتعرف ان صغير لم اتشوف عيونه لونها اسود كلها او حوالين البؤبؤه رمادي, اذا كانت بيضه هذا واحد كبير مايصلح للتدريب

محتوى مخفي: صور مقارنه

صغير

كبير

مبروك سي روك على القطوه :rockon:

 

[Sea.roOock]

طيب سؤال شاطح شوي , ايش تبي البسة يوم تقرب من وجهي بشكل مبالغ فيه ؟ يعني لو فتحت فمي ممكن راح ابلعها :laugh::

 

[Burdegation]

بالنسبه لي فأنا قبل مابقى حيوان بسوق الحمام ماربيته , شغلات ماتتخيلونها كانت عندي طيور حيوانات زواحف حشرات سمك قشريات..الخ P:

بس لم دشيت الجامعه تقلصت هالهوايه عندي ليمه صفالي بس حوضين سمك

سمك نهري, عندي كم نوع و اغلبهم من فصيلة الcichlids
المخططه الصغيره بنت الكبيره, و الكبيره (ماشاء الله) كانت عندي من كانت بحجم الصغيره, بالنسبه للحوض الثاني السمك منخش بالصخر فماقدرت اصوره صور واضحه (صوره من النت)

اللي يميز هالفصيله عن معظم انواع السمك الثاني ان يربي عياله و يحميهم ليمه يكبرون, بعضهم يبيض و يحمي البيض و اخرين نفس المخطط يحط البيض داخل فمه ليمه يفقس و يكبرون الفروخ

و هذه صوره لسمكه من نفس العايله (السيكلد) تحمي فروخها داخل فمها

اللي يبي سمك قريب من سمك البحر بالتصرفات و الالوان بس مايبي يتعب و يخسر وايد بالعده, سمك الـcichlids اهو احسن خيار بس مشكلته ان مو سهل ان يتوافق مع اي سمكه و ممكن اتصير مذابح بينهم حتى من نفس النوع

صور للعايله للي يحب يشوفها
http://www.flickr.com/search/?q=african+cichlids&s=int&z=e

 

[Darkness Key]

^
إنت تفرخ البيض بنفسك ولا تتركهم يشتغلون طبيعي

 

[Burdegation]

كله طبيعي اكيد

 

[Sea.roOock]

شباب يوم جبت البسة معي شريت من المحل مجموعة أكل معلب لها , قاعد اشوف ان القطوة بدت تطفش منه أو تاكل شي بسيط بس

يوم نجتمع ونتغدا أو نتعشى مهما كان الأكل دجاج لحم تاكلة بشراهة , ماني عارف هل أبطل اجيب لها الأكل المعلب وأخليها تاكل من أكلنا عايدي ؟

مبروك سي روك على القطوه

الله يبارك فيك حبيبي

 

[Saadawii]

اللي يبي سمك قريب من سمك البحر بالتصرفات و الالوان بس مايبي يتعب و يخسر وايد بالعده, سمك الـcichlids اهو احسن خيار بس مشكلته ان مو سهل ان يتوافق مع اي سمكه و ممكن اتصير مذابح بينهم حتى من نفس النوع

لفت انتباهي تمميزك لتصرفات سمك البحر عن سمك الماء الحلو. وش الفرق؟

 

[H2O]

sea.roOock@

وين الصور ؟ :spy:

 

[Burdegation]

لفت انتباهي تمميزك لتصرفات سمك البحر عن سمك الماء الحلو. وش الفرق؟

امم مادري شلون اشرحلك بس هالشيء بتحلاظه اذا كانت عندك فكره عن تصرفاتهم
يعني مثلا السمك العادي اتشوفه بس يتحرك يمين يسار مايسوي شي مميز

اما السكلد اتشوفه يدور بيت له و اذا حصل صخره او حفرله حفره بالارضيه تلقاه يدافع عنها مايخلي احد يقرب صوبها, اسلوب حركتهم بأنهم يكونون ثابتين بمكانهم يروحون لي الامام شوي و يرجعون لي ورا بهدوء, اسلوب تعاملهم مع بعض و حركات راقصه يعملونها بعض المرات اما للتغزل او ترهيب الذكور الثانيين, و ايضا احجامهم متنوعه في منهم صغار كبر صبعك الصغير و في منهم 30 سم و اكبر بأشكال مختلفه

هذه مثلا سمكة فرنتوزا تدافع عن منطقتها (مافي ضرر للسمك لم يسوي هالحركه الا اذا اجتمعوا على سمكه وحده)
[video=youtube;r90LlF15mVg]http://www.youtube.com/watch?v=r90LlF15mVg&feature=related[/video]

و هذوا حوض فرنتوزا (السمك الاخر كله سكلد ايضا)

[video=youtube;dvi8SsdUFtk]http://www.youtube.com/watch?v=dvi8SsdUFtk&feature=related[/video]

تعديل:
نسيت اقول انهم من اقوى السمك النهري مو بسرعه يموت و يعيشون لسنوات طويله فالفرنتوزا اللي عندي مثلا كتجربه شخصيه صارلها (ماشاء الله) 4 سنين

 

[Saadawii]

امم مادري شلون اشرحلك بس هالشيء بتحلاظه اذا كانت عندك فكره عن تصرفاتهم
يعني مثلا السمك العادي اتشوفه بس يتحرك يمين يسار مايسوي شي مميز

اما السكلد اتشوفه يدور بيت له و اذا حصل صخره او حفرله حفره بالارضيه تلقاه يدافع عنها مايخلي احد يقرب صوبها, اسلوب حركتهم بأنهم يكونون ثابتين بمكانهم يروحون لي الامام شوي و يرجعون لي ورا بهدوء, اسلوب تعاملهم مع بعض و حركات راقصه يعملونها بعض المرات اما للتغزل او ترهيب الذكور الثانيين, و ايضا احجامهم متنوعه في منهم صغار كبر صبعك الصغير و في منهم 30 سم و اكبر بأشكال مختلفه

هذه مثلا سمكة فرنتوزا تدافع عن منطقتها (مافي ضرر للسمك لم يسوي هالحركه الا اذا اجتمعوا على سمكه وحده)
[video=youtube;r90LlF15mVg]http://www.youtube.com/watch?v=r90LlF15mVg&feature=related[/video]

و هذوا حوض فرنتوزا (السمك الاخر كله سكلد ايضا)

[video=youtube;dvi8SsdUFtk]http://www.youtube.com/watch?v=dvi8SsdUFtk&feature=related[/video]

تعديل:
نسيت اقول انهم من اقوى السمك النهري مو بسرعه يموت و يعيشون لسنوات طويله فالفرنتوزا اللي عندي مثلا كتجربه شخصيه صارلها (ماشاء الله) 4 سنين

ما شفت سمك في حوض يتصرف بهذي الحيوية ما شاء الله.
مشكلة السمك حساس باعتقادي ويحتاج عناية خاصة، جبت من زمان سمك بس ما عرفت أعتني به زين رغم حرصي، وعيال اخواني صبوا عليه ببسي ومات.

ما شاء الله، عنايتك فيها جيدة أكيد. أفكر أجيب سمك، يمكن بعد الإجازة لاني احتمال أسافر لفترة، وأستفيد من خبرتك.

 

[Burdegation]

متى مابغيت اتحطلك حوض انا راح اضبطك ان شاء الله

و الحوض العنايه فيه سهله جدا ماتاخذ منك الا دقيقه باليوم تعطيهم اكل و تمشي اذا كنت مختار السمك الصح و حوض و اجهزه مناسبه لهم
بس اول ماتركبه و تحط السمج بياخذ من وقتك عشان تتأكد ان كل الاجهزه تشتغل صح

 

[Darkness Key]

^
أقسم بالله خليتني أكره الجولدين فيش و الجوبي و سمك الزينة الصغير بشكل عام
أسبوعين و تموت .. و فترة حياتها كلها عبط × عبط
+
السمك النهري كيف أسعاره ؟

 

[Burdegation]

هذولي سمك يخدعك, صغار و سعرهم رخيص فتحسب ان تربيتهم سهله بس بالحقيقيه اي تغير بتركيبة الماء او حرارته بتأثر عليهم بسرعه و يموتون عليك

و بالنسبه للأسعار فيختلف, انا بقولك عن اسعارنا, في اللي 10 حبات بدينار مثل القولد فيش, و فيه الحبه ب+500 دينار مثل golden arowana اللي ايي معاها شهادة معتمده

بس نصيحتي لكم عموما الي حاب يربي سمك من عايلة السكلد يبتدي بسمكه اسمها Oscar cichlid, سمكه جدا قويه و لها طباع مثيره بالحوض بس عيبها انها تتحرش بكل السمك اللي اصغر منها اذا كان الحوض صغير عليها فهي تقدر توصل حجم 25 سم فجوز واحد بحوض متر كافي

محتوى مخفي: صور للاوسكار

http://www.flickr.com/photos/pieceoflace/3334078376/sizes/l/in/photostream/
في منها لونين

تقدر اتوكلها بيدك اذا تعودت عليك و ايضا لو لقيد حشرات بالحديقه مثل الجراد بستمتع فيهم

تقدر اتخوف فيها اليهال P:

الحجم الصغير منها 7 سم و رخيصه 5 دنانير اذا كثر و يمكن 3

بعض المرات مايكون عندها تقدير ان السمكه اللي امامها اكبر من فمها

هذه تفكر صح

 

[Sea.roOock]

اخذت كم صورة من واحة الحيوان يوم رحت للبيطري -البسة مزكمة- :crying:

محتوى مخفي: واحة الحيوان

أكبر بسة شفتها في حياتي ذكرتني بـ garfield

غالية تصك الـ 3000 بالراحة !!

بعد ماصورتة المره الأولة قام يصارخ واقترب من الكاميرا علشان اصورة < كيف التفسير

أموت عالرومانسية :yuck::

 

[NOBLE]

غريبه .. ماحد عنده هامستر هنا :sarcastic:

 

["Shadow"]

عندي اثنين وشكلي راح اعطيهم البسه اللي عندي من اوصخ الحيونات اللي ربيتها -____-

 

[AL3TTR-M]

غريبه .. ماحد عنده هامستر هنا :sarcastic:

كان عندنا زوج هامستر اسبوع وماتوا وافتكينا منهم ريحتهم :yuck::

 

[Burdegation]

تحطولهم نشارة خشب ؟

النشاره تمص الريحه

 

[MAX9009]

بالنسبة للهامستر كان عندي اثنين وماتوا فجأه =( بس فعلا ريحتهم خايسه جداً حتى مع نشارة الخشب لازم كل يومين بالكثير اغير النشاره بحط صورهم برد ثاني

 

[NOBLE]

تحطيمات و الله :sadwalk:

انا ناوي على هامسترز

بس بعد سالفة الروايح .. :sarcastic:

 

[عاشق 360]

ربيت قطوه قبل ، ماخلصت الشهرين والوالده عطتها ناس

حاليا شريت حوضين سمك " واحد كبير والثاني صغير " طلعت تربية السمك اصعب من القطاوه بمليون مره، الحوض الكبير طلع لي روحي ، يتم يومين الى ثلاث ايام ويبتدي يضبب بلون رصاصي وبعده لون اخضر ويصير منظره كرييه .

اما الحوض الصغير ماتحصل فيه الاشياء هاذي فنقلت السمج كلهم فيه . بحط الصور بعد شوي .