استفسار لو سمحتم بالنسبة للأشمغة والغترة ..

[DONY]

مرحبا شباب .. في الفترة الحالية عندي مقابلات شخصية لعدة شركات , وبعض المقابلات الشخصية تحتاج مني لبس الـTraditional السعودي اللي هو الثوب مع الشماغ أو الغترة مع العقال, بس صراحة صارتلي فترة ما لبستها فياريت لذوي الخبرة:

تذكرولي ايش هي أفضل الماركات من الاشمغة والغتر

.. من ناحية الجودة .. لأنني صراحة استغرب

أشوف ناس لابسين الغتر طول اليوم وتلاقية ينطنط ويجري طول اليوم ولا يطيح عقاله ولا غترته

أما أنا كل 5 دقائق لازم أعدل فيه وأظبط عند المرايا

.. هل السر في الحركة اللي مظبطها ؟ أو في نوعية العقال ؟ أو خامة الغترة أو الشماغ (كل ما كان خفيف كان أفضل ولا كيف ؟؟ )؟

​

 

[Super Mario]

شماغ البسام نوعية راقية جدا

لأنني صراحة استغرب

أشوف ناس لابسين الغتر طول اليوم وتلاقية ينطنط ويجري طول اليوم ولا يطيح عقاله ولا غترته

هل السر في الحركة اللي مظبطها ؟ أو في نوعية العقال ؟ أو خامة الغترة أو الشماغ (كل ما كان خفيف كان أفضل ولا كيف ؟؟ )؟

أولا لازم تأخذ نوعية جيدة
ثانيا العقال لازم يكون على مقاس راسك بالضبط , وأعتقد تقدر تجرب في المحل وهو يختار لك مقاسك
ثالثا تعطي الشماغ للمغسلة أو(المصبغة) وتخليه يضبطها لك و يحط فيها نشا , النشا مهم مهم مهم
وبالتوفيق

 

[Justice]

اعتقد انسايدر خبير في هذا الشئ مامرة شفته بدون غترة وعقال^_^

 

[Humam]

لول أحمد كل الغتر نفس الشيء.. أنا أعرف واحد فتح محل أشمغة ولوازم رجالية, الرجال طلع الصين يجيب بضاعة, يقول هناك تلقى مصانع تسوي كل شيء, غتر - أشمغة - عقل - ثياب جاهزة, تعطيهم مبلغ معين و يعملوا لك الي تبغاه باسم الماركة الي تختاره اذا تبغى تسوي لنفسك اسم تجاري..

المهم.. انت ريح نفسك وخذ شماغ البسام البصمة عشرطعش ( لول مدري كم وصلوا ).. والعقال اهم شي تاخذ شيء على مقاس راسك بحيث يكون ماسك الشماغ مسك بدون ما تضغط عليه.. ومع التعود راح تنط وتجري من دون ما يطيح عليك لول.

الكوفية ( الطاقية ) تلعب دور مهم في التثبيت على فكرة.. برضه حاول تاخذ شيء يمسك راسك تمام.

 

[Khalid-S]

المسئلة مسئلة توازن + تعود ... يعني في ناس يمشون وظهرهم معوج.. تعدوا كذا. في ناس يمشون وهم رافعين ظهرهم ايضاَ. خلاص صار يمشي وظهره مرفوع. نفس الشي الناس تمشي وفوق راسها شي وما يطيح بسهوله.

هو اكيد العقال والطاقيه لهم اثر لكن مو مره كبير.

انواع الاشمغة كثيرة جداَ. اهم شي اشتري شي اصلي.

 

[Lunar Poet]

انواع الاشمغة كثيرة جداَ. اهم شي اشتري شي اصلي.

لول .. دوّرت دعاية شماغ دسار اللي فيها عرضة انجليزية بس ما حصّلتها .. أجل "عمرك سمعت عن شماغ انجليزي، و أصلي بعد؟" لول.

 

[sir KoRn]

أذا ماتبي العقال يزعجك كل شوي طايح...خذلك عقال صوف.

 

[ZiZ]

use your spirit power to hold it...

 

[Id]

use your spirit power to hold it...

لوووول ...

انا استخدم شماغ جيفينشي ممتاز جداً .. صح غالي بس من اجمل مالبست .. والطاقية خذ مشخلة (( مخرمة أو كويتي )) << هذي اسمائها ممتاز وماتحسب الهوا عن راسك ولا تسبب لك الصلع ...

العقل كل الانواع كويس ... بس زي ما ذكر sir خذ لك صوف ممتاز وثقيل ...

 

[Double T]

لوووول ...

انا استخدم شماغ جيفينشي ممتاز جداً .. صح غالي بس من اجمل مالبست .. والطاقية خذ مشخلة (( مخرمة أو كويتي )) << هذي اسمائها ممتاز وماتحسب الهوا عن راسك ولا تسبب لك الصلع ...

العقل كل الانواع كويس ... بس زي ما ذكر sir خذ لك صوف ممتاز وثقيل ...

كنت راح اكتب نفس الكلام .. اول ما كنت احب الطاقية المشخلة الحين ما اقدر البس غيرها و لو يغيروا العقل راح اضل البس الصوف الى الأبد خخخخخ .. رغم اني ما احب البس الشماغ كثير

 

[Saadawii]

بروجية ولابلين وبرسل والعطار كلها كويسه.

الطاقية أنصح تكون كبيرة شوي، بمعنى طويلة عشان تضف شعرك اذا كثيف وطويل، إذا قصير خذ وسط.
بالنسبة للجاذبية، عموماً إذا بشرتك تميل للبياض أكثر خذ غترة أفضل حسب رأيي.

شخصياً ما ألبس إلا غتر فقط، لأنها مريحة أكثر بكثير من الشماغ من حاية الخفة ودخول الهواء غير الشكل الجميل. ما ألبس شماغ إطلاقاً.

 

[q8 spy]

شماغ البســام


ولا تغيره

أخذ بصــمه 8 أو 6

 

[Xeno]

الشماغ اللي يسوي دعايته سامي الجبار.

 

[Captain Jack Sparrow]

شماغ البســام


ولا تغيره

أخذ بصــمه 8 أو 6

كفو والله <tgman><tgman><tgman>

 

[pacino]

شماغ البسام+طاقية مشخله+عقال على مقاسك ضبط

 

[DoGnA]

ايش شماغ البسام الله يصلحكم ياشباب !!! هذا شماغ بس اشتهر على الفاضي

نصيحتي ابتعد عن الغترة تماما ﻷنه مالك خبرة مع الاشمغة والغتر( الغترة على طول تتعفط أو تتعطف )

واذا تبغى شماغ أحمر مميز خذلك pierre cardin من أجمل ماشفت من الأشمغة الحمرا

لون وجودة وكل شي تقريبا وسعره على ماأظن 250 أو 280 ريال تقريبا

واذا تبغى لون أبيض خذلك شماغ ابيض بيكون أحسلك من الغترة من اي ماركة حتى لو البسام ...

والباقي زي ماقالولك الشباب .... وموفق في مقابلاتك الشخصية

 

[DONY]

شكرا شباب على الاقتراحات .. بالنسبة لي أنا عندي شماغ أبيض اشتريته من سنتين ولا لبسته الا مرتين .. بس شكلي راح أجيب واحد جديد , وسبب اختياري الشماغ الأبيض لاني أحسه متماسك أكثر من الغترة (أخاف يتعبني في تظبيطه كل شوي ) .. ومناسب للون بشرتي أكثر من الأحمر , بالنسبة للكوفية أنا ما جربت الطاقية المخرمة بس طالما تمدحو فيها راح أجربها خاصة أن شعري بالفترة هذه مش بذاك الطول , العقال راح أجيب الصوفي .


شكرا على المساعدة شباب مرة ثانية وبالتوفيق للجميع ..


​

 

[Mada Mada Dane]

نوعيه العقال اهم شئ, الصوف يمسك عدل, احسن من السلك بكثير .. وطبعا على المقاس
و طايقه مشخله وخلاص ان شاء الله ما يطيح من راسك ..

 

[MALDINI]

الاشمغه فيه كثير ولا اعرف الافضل .
لكن الغتر البيضا المعروف ان غتر العطار افضل الغتر هذا شي معروف جدا وعلى مستوى الخليج يمكن .
بالنسبه اذا كنت تقدر تدفع زياده عندك غترة فالانتينو لونها يجيك موب ابيض .. اصفر فاتح وتنفع مع ثوب قطن لونه اصفر . اذا تبي شماغك او خصوصا غترتك ماتطيح وكل شوي تعدلها خذلك عقال من الصوف بعض المحلات اذا اخترت عقال معين تلقى عليه شعر .. هذا الصوف طبعا هو بيقولك تبيني احرقه لك ؟ قله لان هذا الشعر الخشن يخلي غترتك ثابته وماتطيح .. والطاقيه ايضا لها دور .

 

[G7Ga7]

واذا تبغى شماغ أحمر مميز خذلك pierre cardin من أجمل ماشفت من الأشمغة الحمرا

-_-" لا يا شيخ تكفى ..
شريته وقلب لونه عنابي غبي


السر في ثبات الشماغ تراه بسيط ..
- طاقية تغطي شعرك, وتكون ماكسة في راسك وما تتزحزح بسهولة!
- عقال "يثبت" على راسك وما يتحرك كثير !!
- واحد يضبط لك التشخيصة

ومناسب للون بشرتي أكثر من الأحمر ,

................................ عشان كذا انت ما راح تلبس شماغ أبداَ

 

[DoGnA]

-_-" لا يا شيخ تكفى ..
شريته وقلب لونه عنابي غبي

لووووووول كيف قلب عنابي ؟؟؟!!!

أنا واخوي كلنا معانا نفس الشماغ وحق أخوي له تقريبا سنة ولسا محافظ على اللون حقه كنه جديد

 

[G7Ga7]

^
:O لول ما ادري وش اقولك ..
لونه مررة غريب , يعني مختلف عن باقي الاشمغة , اذكر اول يوم العيد يوم دخلت المجلس , ولا اخواني ينارون فيني ويضحكون على لون شماغي xD
لول تعقدت خلاص p:

 

[Conqueror]

شباب ممكن أحد يشرحلي شوي عن الفرق في الماركات ؟

يعني أنا بشوف كثير دعايات في التلفزيون بحسها نفس التصميم ، فهل الفرق في القماش مثلا ؟ و كيف يعني شماغ اصلي و مو أصلي ؟ شو الفرق:roll:::confused

 

[G7Ga7]

^
كمبدأ عام .. الأشمغة كلها لها نفس الشكل تقريباً ! .. بس اذا كنت من الي يداومون على لبس الأشمغة راح تعرف اشكال الاشمغة المختلفة , وتقدر تعرف نوع أي شماغ من شكله حتى !
لما نتكلم عن "شكل" الشماغ . ما اقصد الديزاين العام حقه , بل النقشة الي تكون على اطرافه في الغالب !!

أما عن الفروق المهمة .. فعندك أول شي نوع القماش يفرق كثير .. لما تشتري شماغ تدور عن القماش الي ترتاح معه .. اذا تبي تريح راسك خذ لك شي خفيف , اذا تبي تشخص 24/7 خذلك نوع "يابس" p: ..!

أيضاً فيه فرق ما راح يلاحظه الا المحنك في صناعة الاشمغة .. وهو فرق اللون , بس ما علينا لأن الغالبية العظى ألوانهم أحمر حقيقي .

آخر فرق بين أنواع الاشمغة الي تشوفها في الاعلانات .. هو ماركة الشماغ , مثلاً "البسام" معروف انه رخيص وعملي - بمعنى لو تلبسه طول اليوم ما راح تعاني منه ! , ويعيش معك فترة طويلة ! - .. أيضاً عندك مثلاً جيفينتشي .. شماغ قماشه ثقيل وشكله مميز وفخم , وماركة p: .. عشان كذا تقريباً هو من أغلى الاشمغة الموجودة في السوق !

أخيراً الفرق بين الشماغ الاصلي والتقليد .. وااضح جدا - على الاقل للي يعرفون للاشمغة :/ - .. أولا لون التقليد يجي غبي .. مرات احمر غامق , ومرات بنفسجي P: .. لكن الأهم انه ما يعيش معك لفترة طويلة .. تبدا خيوطه تطلع من مكانها ومع الغسيل يخرب :/
لول تحس انواع الفلسفة الي مالها داعي P:

 

[Id]

^

أما عن الفروق المهمة .. فعندك أول شي نوع القماش يفرق كثير .. لما تشتري شماغ تدور عن القماش الي ترتاح معه .. اذا تبي تريح راسك خذ لك شي خفيف , اذا تبي تشخص 24/7 خذلك نوع "يابس" p: ..!

يااابس ان ضعت هنا ... :slant:

^


أيضاً فيه فرق ما راح يلاحظه الا المحنك في صناعة الاشمغة .. وهو فرق اللون , بس ما علينا لأن الغالبية العظى ألوانهم أحمر حقيقي .

ياعيني عاللون البنفسجي :yuck:

 

[Conqueror]

لول تحس انواع الفلسفة الي مالها داعي P:

لا بالعكس صراحة أفدتني ، شكرا :laugh:

 

[s3rorh]

لا يكون وصلت متأخر ..!!؟

على العموم اذا توك مبتدأ باللبس .. أنصحك بالغتره ويكون عليها نشا خفيف ومكويه مربعه وليس كوي مثلث ... لأنها افضل حل للمبتدئين ... لأنها خفيفه وما بتعذب صاحبها من أول مره (( مثل الشماغ )) وبالنسبه للنسفه ( التشخيصه على قولة جحجاح ) ...
قطها ورا .... يعني لا تسوي حركات فيها ... بل ثبت الغتره على راسك ... والطرفين ألي تحت ويصيرون على صدرك قطهم ورا كتفك بحيث تتغطى أذنك ... أنا اسمي هالنسفه .. نسفه البورصة لأنها عملية اكثر .. وتعطيك مطلق الحرية أثناء الركض بين الحشود علشان تلحق على السهم وتشتريه قبل لا يرتفع من غير ما تطيح الغتره وتتعرض للإحراج ... وأغلب رجال البورصه يسوونها P:
وبالنسبه للعقال ... أنتبه اكو سر ورا العقال وأغلب الشباب ما يعرفونه وهو طريقه عمله ... يعني عندك العقال لما تحاول تثبته على الراس لازم تنتبه لنقطه وهي بأنه لما تضبط العقال وعند الخيط الرفيع منه .... الخيط هذا حاول أنك تخليه لبره مو لداخل الدائرة ..لأنك اذا خليته لداخل راح تحصل العقال لا شعورياً افترق ... ويصبح مظهره غبي و يعني كأنه العقال امبطل حلجه (( فاتح حلقه )) وما يكون امسك عدل ... واذا ما فهمت الصورة بوضوح بلغني وانا اصورها لك
والقحفية ... ييبها امشخله .. وتكون كبر الراس وتكون شاده راسك بشكل متوسط .. يعني تشد بس شعر راسك وما تضايق راسك
وموفق إن شاء الله بالوظيفة