استفسارات بسيطة بخصوص الـK800

[ASWD]

سلام عليكم..شباب

من كم يوم شريت الـK800 واللي يعتبر اول هاتف امتلكه من سوني اريكسون..طبعا الجهاز مايحتاج نتكلم عنه *TGM mini تكفي بالغرض*

للأمانة كانت لي تجربة بسيطة مع الـW800 لما شراه احد قرايبي واخذته منه عشان استخدمه كم يوم بغرض التجربة وصراحا عجبني وفوق هذ كاميرا الـK800 كانت احد تعجيل شرائي للجهاز

وقبل الطلبات..وش هو الفرق بين الـK800/K790؟

ندخل الحين بالطلبات مباشرة

ابي اعرف كم شغلة بخصوص التلفون..بحكم اني ما املك خلفية عن هواتفSE سابقا

-طريقة عمل اعدادات الانتر نت
-كيفية عمل ابديت للجهاز
-شرح اسلوب ومزايا الكاميرا*افضل طرق واعدادات للحصول على افضل اداء*
-والأهم طريقة نقل الملفات*موسيقى ألخ* مابين الهاتف والكمبيوتر من/الى..لاني حاولت انقل ملفات صوتية للتلفون بواسطة وصلةIR عادية لكن مانجحت..لازم على ما اظن تحويل صيغ الملف قبل النقل

وكمان عندي كم استفسار بخصوص كم شغلة واجهتني

-صوت المفاتيح يختفي ولازم تسوي ريستارت عشان يرجع الصوت..ما ادري احد من اللي عندهم الجهاز صادتهم مثل هالسالفة؟..كتوضيح فيه خيار يخليك تختار مابين اظهار صوت للأزرار وقت الاستخدام او بدون صوت..*صامت/نقرة/نغمة*انا مخلنه مفعل..لكن بعد مدة ترجع السالفة مثل اول..بدون صوت وقت استخدام المفاتيح..مع ان الخيار مفعل

-كمان بخصوص كشاف او فلاش الكاميرا..انا اتذكر لما استخدمت الـW800 كان فيه خيار يخليك تشغل الكشاف بشكل دائم للتصوير في الظلام او الاماكن اللي فيها انارة خفيفة..اما الـK800 ما اشوف هذ الخيار..الموجود فقط هو الضبط التلقائي..واللي يخلي لفلاش يشتغل فقط بلحظة ضغط زر التصوير..فماادري هل فيه خيار يتيح لي اني اشغل ضوء الكاميرا بشكل دائم او ان هذ الموديل ما فيه هالميزة

والامر الاخير..ابي بعض المواقع اللي توفر ثيمات وفلاشات ونغمات او موسيقى ام بي3 مخصصة لهذ الموديل

ويعطيكم العافية مقدما

 

[Humam]

وعليكم السلام يوسف..

وقبل الطلبات..وش هو الفرق بين الـK800/K790؟

نفس الجهازين بالضبط, اللهم إن ال K800 من الهواتف الداعمة لشبكات الجيل الثالث أما الK790 ما يدعمها.

-طريقة عمل اعدادات الانتر نت

هذي تطول شوية ويبغالها شرح معقد.. لكن عندنا مع أي هاتف ومع أي مشغل للخدمة فقط ترسلهم رسالة وهم يردوا عليك ب 3 رسائل فيها إعدادات الMMS والWAP والGPRS.. مدري والله كيف عندك

-كيفية عمل ابديت للجهاز

في طريقتين, إما إنك تنزل الfirmware من موقع الشركة على الإنترنت لجهاز الكمبيوتر ومن ثم توصل الهاتف بالكمبيوتر وتقوم بتحديثه ( للأمانة ما قمت بأي تحديث طوال عهدي مع أجهزة SE لكن khalid-s بيفيدك ان شاء الله ) .. وفي طريقة ثانية موفرتها سوني في نفس الجهاز.. اتبع الخطوات التالية:

Menu ------>
Setting ------>
Update Service -------->
Search for Update --------->
طبعا لازم تكون إعدادات الإنترنت موضوعة بطريقة صحيحة حتى تقدر تحمل أي تحديث.. أيضا في Reminder يبحث بعد فترة وفترة عن أي تحديث جديد ( مرة في الشهر - كل مرة تشغل الجهاز )

حاليا ما نزل أي سوفت وير جديد " حسب علمي "

-شرح اسلوب ومزايا الكاميرا*افضل طرق واعدادات للحصول على افضل اداء*

أوكي.. راح أعطيك شرح مبسط للغاية:

1- الوضع Auto: خيار تلقائي بحيث الجهاز يضع الإعدادت تلقائيا.

2- الوضع Twilight Landscape: هذا إذا كنت ترد منظر بزواية رؤية كبيرة لكن في وضع إضاءة منخفض.. مثال: منظر للمدينة في الليل.

3- الوضع Twilight Portrait : لأخذ صورة قريبة في أوضاع إضاءة منخفضة. مثال: وإنت في الديسكو وحاب تاخذ صورة ( مثال سيء ! )

4- الوضع Landscape: لتصور منظر طبيعي بزاوية كبيرة.

5- الوضع Portriat : لتصور الصور الشخصية والمتوسطة البعد.

6- الوضع Beach Snow: للتصوير في أوضاع الإضاءة العالية. مثال: جو مشمس في الشارع أو على الشاطيء.

7- الوضع Document: لتصوير الأشياء الصغيرة للغاية لتأخذ حيز كبير وواضح في الصورة, تتميز بتاين عالي وتضيف حدة للصور. مثال: صورة كتاب ناوي " تبرشمه " وتدخل به الاختبار !

تبرشمه = تاخذ محتوياته وتدخلها معاك الاختبار علشان تغش

في ميزات وخصائص معينة ما تشتغل إلا في اوضاع تصوير معينة, مثلا خاصية الImage Stabilzer الي تساعد في عدم تقديم صورة مهتزة تعمل في أوضاع : Landscape - Twilight Landscape - Beach Snow - Document.

في أيضا إعدادات أخرى للصورة بالأخص توازن اللون الأبيض White Balance, توجد 5 إعدادات هي : Incandescent - Auto - Daylight - Cloudy - Fluorescent .. مثال تستخدم ال Incandescent
إذا كانت هناك إنارة داخلية فقط ( بعض أجزاء البيت مثلا ).

في خاصية الMatering Mode إذا اخترت الوضع Auto, تخيرك إذا كنت تحب تجعل تركيز الإضاءة بشكل كامل على الصورة أو على المنتصف فقط.. إنت و ذوقك وحرفتك التصويرية

والأهم طريقة نقل الملفات*موسيقى ألخ* مابين الهاتف والكمبيوتر من/الى..لاني حاولت انقل ملفات صوتية للتلفون بواسطة وصلةIR عادية لكن مانجحت..لازم على ما اظن تحويل صيغ الملف قبل النقل

قبل كل شي لازم تنزل الPC suite على الكمبيوتر, حتى تنزل جميع التعاريف ويقدر الكمبيوتر يتعرف على الجهاز, ومن ثم وتقدر تنقل البيانات إما عن طريق برنامج الPC Suit أو بمجرد تعرف الكمبيوتر على أجزاء الذاكرة في هاتفك ( الميموري ستيك و الذاكرة الداخلية ).. الPC Suite تلقاه في الCD الي يجي مع الجهاز .. تحميله بسيط وما يحتاج له .. تأكد أول شي إن الهاتف موصل بالPC عن طريقة سلك الUSB.. بعد ما توصله اختر شيك على هاتقك واختار File Transfer, بعد ما تضغط OK راح يقولك الكمبيوتر إنه في هاردوير جديد لم يتم التعرف عليه.. الخطوة التالية أسفل..

الآن جا تنزيل المكونات والتعاريف, الPC قد يعطيك خيار البحث الأوتوماتيكي, إذا أعطاك فقط حدد مكان التعاريف في أي قارئء أقراص موجود في جهازك وهو راح يقوم بالمهمة..بعد ما تنجح في تنزيل المكونات والتعاريف, الكمبيوتر راح يتعرف على الجهاز, في عندك طريقتين لنقل الملفات, عن طريق الPC Suite أو عن طريق فتح المجلد الخاص بالتلفون, عن نفسي فأنا أستخدم الطريقة الثانية, هذي طريقتها:

إذهب ل My Computer على الPC واذهب إلى الDriver الخاص بالK800i ( يختلف من جهاز لآخر.. إما يكون اسمه :I او G: أو D:.. إلخ ).. إذا أردت وضلع ملفات MP3 - WAV - WMA - ACC .. إلخ ضعها في مجلد Music.. إذا تريد وضع صور من الPC للهاتف ضعها في مجلد Pictures.. الفيديو في مجلد Video .. إذا أردت نقل صور من الهاتف للكمبيوتر ادخل لمجلد DCIM ثم 100MSDCF وراح تجد الصور هناك.. ملاحظة: الصور العادية الغير ملتقطة بالجهاز, أو الي لا تحمل الاسم DSC***** لن تظهر إذا وضعتها في هذا المجلد.. لذلك ضعها في مجلد Pictures.

-صوت المفاتيح يختفي ولازم تسوي ريستارت عشان يرجع الصوت..ما ادري احد من اللي عندهم الجهاز صادتهم مثل هالسالفة؟..كتوضيح فيه خيار يخليك تختار مابين اظهار صوت للأزرار وقت الاستخدام او بدون صوت..*صامت/نقرة/نغمة*انا مخلنه مفعل..لكن بعد مدة ترجع السالفة مثل اول..بدون صوت وقت استخدام المفاتيح..مع ان الخيار مفعل

المشكلة منتشرة عند الكثيرين.. ما أدري صراحة هل هو خطأ من نفس الهاردوير أم ممكن تنحل مع أي تحديث للسوفت وير.. ما جربت تراسل SE ؟ تراهم متفهمين ومتعاونين وسريعين في الرد..

-كمان بخصوص كشاف او فلاش الكاميرا..انا اتذكر لما استخدمت الـW800 كان فيه خيار يخليك تشغل الكشاف بشكل دائم للتصوير في الظلام او الاماكن اللي فيها انارة خفيفة..اما الـK800 ما اشوف هذ الخيار..الموجود فقط هو الضبط التلقائي..واللي يخلي لفلاش يشتغل فقط بلحظة ضغط زر التصوير..فماادري هل فيه خيار يتيح لي اني اشغل ضوء الكاميرا بشكل دائم او ان هذ الموديل ما فيه هالميزة

الK800i ما يقدم تشغيل الإضاءة بصفة مستمرة, الK750i والW800i وغيرهم ممكن لأن نفس الضوء هو ضوء عادي LED, أما الضوء في الK800i هو فلاش Xenon حقيقي.

بالنسبة للفلاش.. ممكن تشغله في خيار Auto - Document - Twilight Portrait - Portrait - أيضا.. الباقية غير ممكن.

والامر الاخير..ابي بعض المواقع اللي توفر ثيمات وفلاشات ونغمات او موسيقى ام بي3 مخصصة لهذ الموديل

إذا تبغى منتدى فمنتدى mobile4arab.com قسم السوني إيريكسون يتيح لك كميات هائلة من الثيمات والتطبيقات والألعاب وكلها مجانا.. فقط قم بالتسجيل ( لول محمد لا تخاف مو دعاية.. منتدى جوالات ماراح ينافسنا ).. وإذا تبغى موقع ثاني فهو موقع mobile9.com ( الموقع هذا مرة محجوب مرة لا عندنا )..

والله يعافيك وان شاء الله أكون أفدتك.. واي استفسار ثاني أنا حاضر

 

[King Wario]

هممممم انا بعد عندي استفسار ، يوم احط منبه مستحيل اقوم من النوم من اول مرة p: ... واذا اخترت غفوة يرجع يرن بعد 10 دقايق ، مافي طريقة اخليه يرن بعد 5 دقايق ؟

 

[ASWD]

ياحلات الامثلة*ديسكو/براشيم*

يعطيك العافية همام وما قصرت

بالنسبة للأنتر نت بستفسر من الشركة اللي مشترك معاها ونشوف اخرتها

اما مشكلة الازرار الظاهر من السوفت وير..لان لو كانت من الجهاز ما اظن بمجرد تسوي ريستارت يرجع كل شي تمام..وما استفسرت صراحا من وكالة SE اللي عندنا

كمان فيه خيار focus بأعدادات الكاميرا يحتوي على 3 خيارات auto/macro/infinite هذ حق شنو بالظبط؟

الحين بحاول اثبت الPC Suite عالجهاز ان شاء الله يظبط معي لان فيه مشكلة عندي ما ادري وش سالفتها*متعلقة بذاكرة الجهاز* وكثير تطلع لي وقت ما احاول اثبت برنامج او وقت ما اكون اتصفح ولا مشغل برنامج *باور دي في دي ألخ* بخلي صور لها بالمرفقات ممكن عندك او عند احد غيرك حل لها

لوول سلطان ادفع اول شي ضريبة سؤالك بالموضوع بعدين خذ الجواب

 

[King Wario]

لوول سلطان ادفع اول شي ضريبة سؤالك بالموضوع بعدين خذ الجواب

لول المشكلة ان مثل ما تشوف هي مشكلة "عويصة" فعلا ، واظن 90% ان مالها حل ، بس قلت سؤال عالماشي p:

 

[ASWD]

عندي مشكلتين اولها مع هذ المسج اللي يظهر لي بكل وقت*تصفح/فتح برنامج/ماسنجر/ألخ*من جد لاعت كبدي منه يعني افتح الشي الف مرة بسببه ولا اعرف شنو السالفة هل هي من الرام ولا يقصد ذاكرة ثانية الله اعلم*ماعندي خبرة بأمور الكمبيوترات*
http://www.alswalf.com/up-pic/uploads/50ee5872cf.gif

فما ادري هل فيه حل لها اكان عندك همام ولا عند اي واحد من الاخوان

المشكلة الثانية مع Disc2Phone *برنامج تحويل الملفات الصوتية او الموسيقى* كل ما احاول اسوي ترانسفير لمقطوعة بعد التحويل ما يقبل..ويطلع لي هالمسج

http://www.alswalf.com/up-pic/uploads/57dcda4ddb.gif

مع ان الميموري ستيك داخل التلفون وموصلنه مع الكمبيوتر وفوق هذ الكمبيوتر متعرف عليه واقدر ارسل اله من خلال Sony Ericsson File Manager*الطريقة اللي قلت لي عنها همام*.هل فيه شي انا ماسويته*للعلم ما يظهر لي ان فيه هارد وير جديد مو متعرف عليه الجهاز وقت ما افتحه*

ابي استخدمه انا لتحويل المقطوعات او لتراكات لان الطريقة الاولى ما يكون الصوت صافي وواضح مع ان صيغة الملفات اللي ابي انقلها للتلفون MP3لهذ ابي استخدم هالبرنامج

المشكلة الثانية مو مشكلة عنها ما انحلت بس الاولى هي اللي مأذيتني صراحا

 

[Humam]

هممممم يوسف الصور ما تظهر حاول تحملها ثاني.. بالنسبة لنقل الملفات يارجل سوي copy - paste عادي كأن تنقل ملف من مجلد لمجلد ثاني على الكمبيوتر.. مو لازم برنامج وعوار راس

برنامج Disc2phone أعتقد يحول اسطوانات CD لMP3.. وأعتقد الCD لازم يكون أصلي.. كيف يعرفوا الله أعلم.

 

[ASWD]

هذي هي الصور همام ان شاء الله ما يكون محجوب عندكم بعد..واذا طلع محجوب كمان عطني موقع فاتح عندكم

المشكلة الاولى
http://www3.0zz0.com/2006/09/19/21/338180240.GIF

الثانية*عنها ما انحلت اهم شي الاولى*
http://www2.0zz0.com/2006/09/19/21/496935975.GIF

كمان بغيت برنامج لتحويل ملفات الفيديو لصيغ متوافقة مع الـK800i مثل برنامج اذا كنت تعرف همام احد هالبرامج او الشباب اذا يعرفو

ويكون بسيط بالاستخدام+جودة الفيديو تكون جيدة بعد التحويل*كأني زودتها صح؟*

ويعطيكم العافية

 

[hussien-11]

www.zedge.net

بتقدر هون تلاقي أي ثيم بدك اياها تقريبا ^^

ألف مبروك يوسف
​

 

[ASWD]

يسلمو حسين

والله يبارك في حياتك

في انتظار حلول للمشكلتين -ــ-

 

[BioMario]

شباب عندي استفسار .. اسمحلي اخوي لكن مافي داعلي افتح موضوع المهم :-
كيف اقدر اشغل الكميرا الأمامية على الشاشة كاملة في K800i و جزاكم الله خير ..

بالنسبة لمشكلتك ما اعرفها اخوي و برنامج تحويل الصيغ لكن المشكلة ما اعرف
الصيغة .. هل هي MP4 ؟

 

[ASWD]

شباب عندي استفسار .. اسمحلي اخوي لكن مافي داعلي افتح موضوع المهم :-
كيف اقدر اشغل الكميرا الأمامية على الشاشة كاملة في K800i و جزاكم الله خير ..

بالنسبة لمشكلتك ما اعرفها اخوي و برنامج تحويل الصيغ لكن المشكلة ما اعرف
الصيغة .. هل هي MP4 ؟

راجع كتيب الجهاز وبتعرف شنو هي الصيغ المتوافقة معاه+فيه برامج تحويل صيغ الفيديو للموبايل

 

[Humam]

لول يوسف محجوب الموقع..

بالنسبة لبرنامج تحويل مع الأسف ما عندي.. لأني بصراحة ما قد جربت أنزل ملفات MP4 على الجوال..

كيف اقدر اشغل الكميرا الأمامية على الشاشة كاملة في K800i و جزاكم الله خير ..

مدري صراحة إذا يمديك أو لا .. راح اسألك ان شاء الله.

 

[ASWD]

همممممم

اوكي همام عطني موقع ماهو محجوب عندكم عشان احملها عليه

 

[Humam]

http://www.l22l.com

 

[ASWD]

http://www.l22l.com

This Account Has Been Suspended
Please contact the billing/support department as soon as possible.

 

[Humam]

لول الموقع طاح يوسف.. منت شايف توقيعي ما يظهر

 

[Pichi]

لول الموقع طاح يوسف.. منت شايف توقيعي ما يظهر

http://i1i2.com/

 

[ABUALI]

كمان بغيت برنامج لتحويل ملفات الفيديو لصيغ متوافقة مع الـK800i مثل برنامج اذا كنت تعرف همام احد هالبرامج او الشباب اذا يعرفو

ويكون بسيط بالاستخدام+جودة الفيديو تكون جيدة بعد التحويل*كأني زودتها صح؟*

لا تزودها هالمرة ، انا ما ادري ويش الصيغة اللي تباها لكني اتوقع وحدة من الثنتين يا 3GP يا MP4
والبرنامج هاذا ImTOO MPEG Encoder يسوي الثنتين، بالنسبة للوضوح وحجم الصورة انتا تقدر تتحكم فيه
اول شي تحت في خانه Profile تختار الصيغة اللي بتحول ليها،، شوف على اليمين في خانه Video Size تحط الحجم، وفي خانه Bit rate تقدر تحط وضوح الفيديو.. انا للكمبيوتر اسوي الوضوح 1500 على الاقل واذا خلصت من اعداداتك اعطه Encode
اكي الصورة برزت
http://www.i1i2.com/upload/dacb7cb2bb.gif

بالنسبة للبرنامج اذا ما قدرت تصبر عندك صديق الانسان جوجل... واذا بتنتظر منتفق على موعد ومكان التسليم :moneymouth:

 

[ASWD]

اوكي همام الموقع الظاهر رد فتح وهذي هي الصور

هذي المشكلة اللي مطلعة روحي وموعارف وش هرجتها

الصورة الثانية

http://www.i1i2.com/upload/ddeda2c163.gif

على الله القى حل للمصيبة الاولى..وصراحا لحد يقول لي سو فورمات لاني خلال 3 اسابيع تقريبا مسوي فورمات 3 مرات بسبب المشاكل..والجهاز مايصلح اله كل مرة فورمات -ــ-

 

[Humam]

يوسف الظاهر المشكلة الأولى رقمها يبين إن العلة من أحد الأجهزة الي موصلها بجهازك ( طابعة - سكانر .. إلخ ) .. حاول تفصل اي جهاز موصله واحذفه التعاريف من الجهاز.. ارجع نزل التعاريف من جديد ووصل الأجهزة .. اذا استمرت المشكلة بالظهور حاول تسوي ابديت للسوفت وير لأي جهاز يحتاج تحديث.. وان شاء الله تنحل..

المشكلة الثانية همممممممممممم... بما إنك متأكد إن الجهاز موصل بالكمبيوتر عن طريق USB تمام, فمن خلال الصورة ممكن تكون المشكلة إنك تبغى تنقل ملفات من مجلد على الكمبيوتر للتلفون, وهذا أعتقد غير ممكن, لأن وظيفة الDisc2 Phone إنها يحول من CD Audio إلى التلفون.. حاول تجرب ذا الشي حتى يكون عندك الخبر الأكيد..

 

[ASWD]

يعطيك العافية همام

ما عندي اي اجهزة موصلة معاه غير التلفون لا اكثر

اما المشكلة الثانية فانا احاول احول صيغ المقطوعات وبعدها اسوي ترانس فير للتلفون بس ما يقبل يقول لي ادخل البطاقة ووصل الكبل مع انهم موصلين..عموما ما همتني هذي السالفة*عنه ما ضبط*الاولى بحاول احذف تعاريف التلفون وانزلهم من جديد*مع ان العلة موجودة قبل ما انزل تعاريف الجهاز*

 

[ASWD]

ImTOO MPEG Encoder

للي يبيه *برنامج تحويل صيغ الفيديو+اوديو* للجوالات والـipod+psp وغيره

رهيب صراحا..استخدمته لتحويل امتدادات كم عرض عشان ادخلهم بالتلفون..

رابط تحميل تورنت مع السريال*اتمنى الحذف ان كانت البرامج ممنوعة كمان* حجمه 6.72 ميجا لا غير
http://www.torrentspy.com/torrent/653909/ImTOO_MPEG_Encoder_v2_1_57_build_1228b_Latest

حولت كم فيديو الى MP4 من جد فرق بينها وبين الـ3gp .. وشغلتهم على التلفون والله رهيييب..وضوح ممتاز اكان في الصوت ولا الصورة..من جد شاشته رووعة..ماتوقعتها بهذ المستوى

من ضمن العروض اللي شغلتها عالتلفون

عرضي طوكيو جيم شو لـafrika و White knigh *عروض ثقيلة من ناحية الوضوح وغيره* بالأضافة الى عروض الـ fan boy لديفل ماي كراي3 الخاصة بالـcombo