استشارة عن بي سي

[Solay]

أولا أعتذر على بطئ الردود، مسافر والنت أبو كلب فآخذ وقت عشان اتعمق بردودكم وابحث عن تفاصيلها.

وان شاء الله تتوفق بخياراتك وما تتردد مثلي انا صدقا بدون مبالغة جلست سنة كاملة ادرس كل قطعة على حدى علشان اقرر اي القطع انسب لي حتى ان صدر الجيل السابع 7700k خلاني اغير كل قراراتي واعيد الكره +_+

ههههههههههههه ايه اتذكرك من زمان تسولف عن تجميعك لبي سي، توقعت أنك مجمع خالص على كل ذا المدة.

ولكن لو يهمك إن الكمبيوتر يكون هادئ بدون صوت عالي للمراوح فما رح يعجبك هذا الخيار... Noctua u12s مبرد ممتاز وهادئ دون أي صوت يذكر، لكن مشكلته إنه غالي السعر مقارنةً بالآخرين.

تم، واضح أنه صدق جدا ممتاز وهادي وما عندي مشكلة أدفع الفرق.

نظراً لطريقة إستخدامك للكمبيوتر فخيار الماذبورد اللي حطيته غير مناسب لك، وكثير جداً عليك، إدخل موقع www.msi.com وشوف الخيار اللي يناسبك من الماذربوردات، بالنسبة لدعم الVR والأمور هذي كلها إضافات موجوده في كل اللوحات تقريباً، تقدر تقول مثل مقولة أن "ماء كوكاكولا يروي العطشان" صارت الآن "المذربورد تشغل VR"... أقدر أساعدك في هذا الشيء، حدد إحتياجاتك المواصفات اللي تريدها من الماذبورد، عدد مداخل usb مثلا وعدد الهاردسكات اللي تبي تشبكها عليه، وهل تريد وايفاي أم مجرد واير إنترنت، وراح أعطيك خيار مناسب.

حلو حلو، طيب وش رايك باللي أقل منه؟ M3؟

عموما بالنسبة لخياراتي ما فيه شي محدد محدد، أهم شي USB 2.0 أربع مداخل على الأقل، مداخل USB.3 لو واحد او اثنين بيكفون، ويفضل لو فيه تايب C. الواي فاي أحتاجه جدا جدا جدا.

الهاردسكات للأمانه للحين ما قررت شي بخصوصها بس بتكون شي معقول جدا وأتوقع زي الأغلبية.


بالنسبة للرامات فبعد وصية سيزر ونقاشكم وشوية بحث أعتقد خلاص صملت على الـ 3000 وسعرها عموما حلو.

 

[Solay]

كرت الشاشة أخذت لفة على كروت MSI وأغلبها غير متوفر أبدا أو أسعاره عالية بزيادة لدرجة أني ممكن اشتري فيها 1080Ti.

فأخذت لي لفة على مصادر كثير وتقريبا فيه شبه اجماع على أن الـ:

EVGA GeForce GTX 1080 FTW

واحد من أفضل الكروت والكثير يقولون أنه أفضل كرت 1080. ومتوفر وسعره ممتاز مقارنة بالباقي.

وش رايكم فيه؟ أحد عنده أي معلومة عنه؟

 

[Solay]

الافصل انك تنتظر الشاشات القادمه بتنزل نهاية السنه راح تدعم hdr مع 200 hz و 4k

اذا انت مو مهتم في ال 4k ولا ال 200 hz ..عالاقل اعطي اعتبار لل hdr لانه فعلا تفرق في الجرافكس والالوان.. حرام تضيع مثل هالتقنيه

شخصيا غير مهتم بالــ 4k والمشكلة أنه أي شاشة تنزل بتقنية جديدة سعرها يصير مبالغ فيه بشكل خيالي.

أنا للأمانة حتى بديت شوي أراجع قرار الــ 144Hz.

السؤال هو هل لو أخذت شاشة 60hz ابلاحظ فيها الفريم ريت لو وصل مثلا 120؟ أو من بعد الــ 60 ما يفرق؟

 

[ABUALI]

كرت الشاشة أخذت لفة على كروت MSI وأغلبها غير متوفر أبدا أو أسعاره عالية بزيادة لدرجة أني ممكن اشتري فيها 1080Ti.

فأخذت لي لفة على مصادر كثير وتقريبا فيه شبه اجماع على أن الـ:

EVGA GeForce GTX 1080 FTW

واحد من أفضل الكروت والكثير يقولون أنه أفضل كرت 1080. ومتوفر وسعره ممتاز مقارنة بالباقي.

وش رايكم فيه؟ أحد عنده أي معلومة عنه؟

Ftw من أفضل فئات الكروت تصنيعياً، توكل على الله واشتره

بالنسبه للماذربورد، نظراً لأنك طلبت usb 3.1 type-c وبإعتبارها تكنولوجيا جديده وغير متوفره في أغلب الماذربوردات، فخيار الماذربوردات الرخيصة الثمن أزيح من الطاوله... MSI Z270 SLI PLUS خيار ممتاز لك...
لكن راح تواجه مشكله وحده... الماذبورد ما تجي مجهزه مسبقاً بكارت وايفاي، بتحتاج تشتري كرت منفصل وتركبه في أحد مخارج pcie الموجوده في أسفل المذربورد.

 

[Cizer Shnider]

أولا أعتذر على بطئ الردود، مسافر والنت أبو كلب فآخذ وقت عشان اتعمق بردودكم وابحث عن تفاصيلها.



ههههههههههههه ايه اتذكرك من زمان تسولف عن تجميعك لبي سي، توقعت أنك مجمع خالص على كل ذا المدة.

ههههههههه فعلا عذاب , لكن الحمد لله باقي قليل والقطع وصل منها البعض والباقي في الطريق ( حسبي الله على امازون والشحن الرخيص ) لكن هانت باذن الله

عموما بالنسبة لخياراتي ما فيه شي محدد محدد، أهم شي USB 2.0 أربع مداخل على الأقل، مداخل USB.3 لو واحد او اثنين بيكفون، ويفضل لو فيه تايب C. الواي فاي أحتاجه جدا جدا جدا.

بالنسبة لخياراتك فاشوف انسب شيئ لك هو نفس لوحتي الام اللي حطيتها لك وريح راسك
بس بالنسبة للواي فاي فبيكون خيارك اما لوحة ام غالية جدا للاسف او انك تشتري كرت PCIE منفصل
وانصحك بهذا :
TP-Link Wireless Dual Band PCI Express Adapter (TL-WDN4800)

best seller على امازون
وعموما بتلاقي خيارات كثير ارخص او اغلى حسب احتياجاتك واذا كنت عايز كمان يكون فيه بلوتوث

 

[zeaad-123]

شخصيا غير مهتم بالــ 4k والمشكلة أنه أي شاشة تنزل بتقنية جديدة سعرها يصير مبالغ فيه بشكل خيالي.

أنا للأمانة حتى بديت شوي أراجع قرار الــ 144Hz.

السؤال هو هل لو أخذت شاشة 60hz ابلاحظ فيها الفريم ريت لو وصل مثلا 120؟ أو من بعد الــ 60 ما يفرق؟

انا كنت من الاشخاص المشككين بال 4k, بعد تجربتي له ماقدرت ارجع لل 1080p ابدا.
مقاطع اليوتيوب تقلل الجودة فيقل الفرق بينه وبين 1080p , انت بتدفع ل EVGA GeForce GTX 1080 FTW فبتقتل الكرت اذا بتلعب 1080p.
زي ماذكرو الشباب ال HDR جدا مهم , وكمان مهم ال Response time اذا بتلعب FPS.

 

[Solay]

الحين تقريبا بس معلق عند الموذربورد وللحين محتار بين الخيارات اللي حطيتوها والـ M3 معهم.

بالنسبة للستورج فاباخذ:

Seagate 2TB BarraCuda SATA 6Gb/s 64MB Cache 3.5-Inch Internal Hard Drive (ST2000DM006)

بس ابسأل هل لو اباخذ بعدين واحد زيادة يمديني أركب الاثنين مع بعض بخيارات الماذربورد اللي فوق؟

وسؤال بسيط، وش الفرق بين Samsung Evo 850 و 960 ووش تنصحوني فيه؟ قريت أنه يفرق بالأداء بس هل يسوى؟

بس بالنسبة للواي فاي فبيكون خيارك اما لوحة ام غالية جدا للاسف او انك تشتري كرت PCIE منفصل
وانصحك بهذا :
TP-Link Wireless Dual Band PCI Express Adapter (TL-WDN4800)

تم. خيار ممتاز، وصدقا ما عندي استعداد ادفع سعر زيادة على شي يمديني اركبه بدقيقتين وبنفس الأداء.

 

[ABUALI]

الحين تقريبا بس معلق عند الموذربورد وللحين محتار بين الخيارات اللي حطيتوها والـ M3 معهم.

بالنسبة للستورج فاباخذ:

Seagate 2TB BarraCuda SATA 6Gb/s 64MB Cache 3.5-Inch Internal Hard Drive (ST2000DM006)

بس ابسأل هل لو اباخذ بعدين واحد زيادة يمديني أركب الاثنين مع بعض بخيارات الماذربورد اللي فوق؟

وسؤال بسيط، وش الفرق بين Samsung Evo 850 و 960 ووش تنصحوني فيه؟ قريت أنه يفرق بالأداء بس هل يسوى؟



تم. خيار ممتاز، وصدقا ما عندي استعداد ادفع سعر زيادة على شي يمديني اركبه بدقيقتين وبنفس الأداء.

الماذربورد اللي نصحتك فيها، فيها ٦ مداخل sata، معناته يمكنك تشبك فيها ٦ أجهزة sata، اللي هي الهاردسكات وال ssd والdvd drive.
الstorage أفضّل أنا ماركة wd على Seagate...

بالنسبة للفرق بين evo 850 و 960
850 يتركب في مدخل sata
960 يتركب في مدخل m.2

ال960 أسرع بفضل تقنية m.2 اللي تستوعب سرعة أكبر من sata... ولكن عادةً سعر ssd m.2 أغلى من sata.
يبا لك تتطلع على المراجعات لتفاصيل أدق، انا ماعندي المعلومات الكافيه في الوقت الحالي عن هذا الموضوع.

 

[Ahmad-001]

وسؤال بسيط، وش الفرق بين Samsung Evo 850 و 960 ووش تنصحوني فيه؟ قريت أنه يفرق بالأداء بس هل يسوى؟

في الجيمنج؟ ابدا مايسوى وراح تضحي بالحجم مقابل ثانيه او اثنين من الفايدة وكذلك اسعار ال m.2 لازالت مرتفعة نسبيا، الأفضل تاخذلك 850 حجم كبير مثل تيرا او غيره

 

[ABUALI]

أيضاً، الألعاب ما بتثبتها في الssd نظراً لقلة حجمه... بتثبتها في الstorage

 

[Cizer Shnider]

وسؤال بسيط، وش الفرق بين Samsung Evo 850 و 960 ووش تنصحوني فيه؟ قريت أنه يفرق بالأداء بس هل يسوى؟

في الجيمنج مفيش فرق
الفرق فقط في سرعة فتح النظام (فرق كبير على فكره ) ونقل البيانات سرعة كبيرة لصالح ال 960 والكودنج وتصدير فيديوهات من برامج التصميم
انا اشتريته علشان كده بس لكن ال SSD بمدخل sata كافي للجيمنج

اقرا المراجعات علشان تفهم الفروقات واحتياجاتك ايه بالضبط

 

[Solay]

من كلامكم وشوية بحث أعتقد ما راح يفرق معي كثير وما راح استفيد منه باستعمالي. فقررت آخذ الــ 850.

الأوبتيكال درايف ألغيته واباخذ خارجي، لأنه صراحة ما فيه كيس زي العالم والناس فيه فتحة اوبتيكال وبنفس الوقت راح أحتاج واحد بالبيت بما أنه بيتنا كله مستعملي ماك اير.

السؤال هو وش أفضل طريقة للشراء والشحن؟ اللي ناويه هو أني آخذ كل شي من امازون وأخليهم يشحنونه لعنوان WS1 بأمريكا.

وبالنسبة لويندوز وتثبيته و البرامج وش الوضع؟

الأفضل تاخذلك 850 حجم كبير مثل تيرا او غيره

ليه آخذ شي كبير اذا تخزيني كله بيصير على الــ HDD؟

 

[Solay]

بالنسبة للماذربورد احترت كثييييير وخليت قلبي دليل وشكلي اباخذ:

Z270 GAMING M3

هل هو خيار ممتاز بغض النظر عن اي بديل ثاني؟ وسؤال لأبوي علي خصيصا(أدري والله أني تعبتك معي) بس هل كل الأشياء اللي سولفنا عنها فوق أنها تركب على الـ SLI هي تركب هنا؟


وفيه سؤال صغير وهو أشوف بعض المنتجات بأمازون عليها خصم بس مكتوب Rebate وش سالفتها هاذي؟

 

[ABUALI]

بالنسبة للماذربورد احترت كثييييير وخليت قلبي دليل وشكلي اباخذ:

Z270 GAMING M3

هل هو خيار ممتاز بغض النظر عن اي بديل ثاني؟ وسؤال لأبوي علي خصيصا(أدري والله أني تعبتك معي) بس هل كل الأشياء اللي سولفنا عنها فوق أنها تركب على الـ SLI هي تركب هنا؟


وفيه سؤال صغير وهو أشوف بعض المنتجات بأمازون عليها خصم بس مكتوب Rebate وش سالفتها هاذي؟

خيار جيد بالنسبه لك، حاله حال الsli plus
وكل الخيارات اللي تكلمنا عنها قبل راح تكون متوافقه مع هذي الماذربورد دام قلبك مايل لها لول.

وأسأل اللي بتسأله، بالعكس أنا أستمتع بالرد على استفساراتك...
بالنسبه للrebate... حسب ما عرفت من @Clock Ender مسبقاً إنه حوسه وما يسوى تراكض عشانه... أو أنه حبر على ورق

 

[Solay]

خيار جيد بالنسبه لك، حاله حال الsli plus

جيد والا ممتاز؟ اذا فيه أفضل حتى لو أغلى بشويتين ما عندي مشكلة لو بيفيديني سواء على المدى القريب أو البعيد.

وابو علي ناوي آخذ هذا الكيس هل فيه حاجه ناقصه أو شي من هنا وهناك ما اعرفهم عن الكيسز وتوافقاتهم؟ هو ميد تاور و ATX ومتوافق معي بـ PC PART PICKER.

http://www.ebay.com/itm/NZXT-S340-E...662204&hash=item43f80d81ea:g:yvkAAOSwB09YEdRV

 

[Ahmad-001]

ليه آخذ شي كبير اذا تخزيني كله بيصير على الــ HDD

شكلك ماجربت اللعب على الssd?

التحميل طلقة!، شوف الفيديو هذا مثالا:

 

[ABUALI]

جيد والا ممتاز؟ اذا فيه أفضل حتى لو أغلى بشويتين ما عندي مشكلة لو بيفيديني سواء على المدى القريب أو البعيد.

وابو علي ناوي آخذ هذا الكيس هل فيه حاجه ناقصه أو شي من هنا وهناك ما اعرفهم عن الكيسز وتوافقاتهم؟ هو ميد تاور و ATX ومتوافق معي بـ PC PART PICKER.

http://www.ebay.com/itm/NZXT-S340-E...662204&hash=item43f80d81ea:g:yvkAAOSwB09YEdRV

خيار جيد معناته ملائم لك ولإحتياجاتك وحتى الاحتياجات المستقبليه... في الحقيقه الماذربورد مو قاصره غير دعم الsli أما كل شي آخر ممتاز.
بالنسبة للكيس دام pc parts picker طلع إنه متوافق فمعناته أنه متوافق... مع أني أفضّل تروح مع corsair عندهم خيارات كثيره وأسعار مناسبه.

 

[Solay]

شكلك ماجربت اللعب على الssd?

التحميل طلقة!، شوف الفيديو هذا مثالا:

هين الفرق واضح ومعروف، بس ياخي أحجام الألعاب الحين صارت خيالية وصعب احطها بالـ SDD الا لو ابشتري أحجام كبيرة واللي بيكون سعرها صاروخي.

فصراحة ما عندي مشكلة استغني عن الكم ثانية لعيون راحة البال بالمساحة الكبيرة وللفلوس.

خيار جيد معناته ملائم لك ولإحتياجاتك وحتى الاحتياجات المستقبليه... في الحقيقه الماذربورد مو قاصره غير دعم الsli أما كل شي آخر ممتاز.

تصدق شكلي ابرجع للـ Sli Plus. مع أني ممكن ما احتاج الـ sli أبدا بس على الأقل فائدة واضحه وموجودة أكثر من مجرد شوية أرقام ما راح تفرق معي.

وهل الوضوح له علاقة بالماذربورد والا ابقدر اشغل الوضوح اللي أبي؟ سواء 2k أو أعلى.

 

[Ahmad-001]

^
@Solay

بالنسبة للكيس الي سألت فيه اخونا ابو علي، انا املكه من ثلاث شهور تقريبا والحقيقه هو شكلا يعتبر جدا متميز والتنظيم فيه بسيط وسهل لكن يعيبه التهويه لأن المنطقة السفلى معزولة، فكرت الشاشه راح يتعب شوي لتوفير التبريد الممتاز ويمكن المراوح توصل لأقصى درجة وبالتالي تسبب ازعاج لك، الا في حالة تثبيت الألعاب على 60 fps بإذن الله ماراح تواجه مشكله

 

[ABUALI]

هين الفرق واضح ومعروف، بس ياخي أحجام الألعاب الحين صارت خيالية وصعب احطها بالـ SDD الا لو ابشتري أحجام كبيرة واللي بيكون سعرها صاروخي.

فصراحة ما عندي مشكلة استغني عن الكم ثانية لعيون راحة البال بالمساحة الكبيرة وللفلوس.



تصدق شكلي ابرجع للـ Sli Plus. مع أني ممكن ما احتاج الـ sli أبدا بس على الأقل فائدة واضحه وموجودة أكثر من مجرد شوية أرقام ما راح تفرق معي.

وهل الوضوح له علاقة بالماذربورد والا ابقدر اشغل الوضوح اللي أبي؟ سواء 2k أو أعلى.

الوضوح يعتمد على الجرافيكس كارد

 

[polo422]

السؤال هو وش أفضل طريقة للشراء والشحن؟ اللي ناويه هو أني آخذ كل شي من امازون وأخليهم يشحنونه لعنوان WS1 بأمريكا.

ليه ما تشحن مباشر

اخذت من امازون كرت الشاشه و الرامات و المعالج و المراوح وبسعر شحن ٢٦$ ووصل في خمس ايام
الcase اخذته من موقع computeruniverse نفس الموديل nzxt s430 elite مع اربع قطع ( SSD , HDD , MB, AIO COOLER ) كلها بسعر شحن اقل من ٥٠ يورو، الشحن عن طريق dhl و الباكج جدا ممتاز كلها سليمه ، لكن تجربتي مع الموقع نفسه سيئه

محتوى مخفي: تجربتي مع الموقع

تاريخ الطلب ٩ june وكل القطع كانت in stock ، بعد اكثر من عشر ايام جاني ايميل ان بعض القطع مو متوفر ولا فيه موعد محدد لتوفرها ، بعد شهر بالضبط جاني ايميل بموعد الشحن ورابط تتبع لكن بدون موعد محدد للتسليم ، استلمتها قبل امس
خدمة العملاء مايتجاوبون نهائيا معك

عموما الcase هو اكثر قطعه مرهقه بسالفة الشحن ، وللمقارنه سعرها بالرياض ٦٥٠ ريال ، شف اذا يسوى تشتريها من برا او لا

 

[Solay]

ليه ما تشحن مباشر

اخذت من امازون كرت الشاشه و الرامات و المعالج و المراوح وبسعر شحن ٢٦$ ووصل في خمس ايام
الcase اخذته من موقع computeruniverse نفس الموديل nzxt s430 elite مع اربع قطع ( SSD , HDD , MB, AIO COOLER ) كلها بسعر شحن اقل من ٥٠ يورو، الشحن عن طريق dhl و الباكج جدا ممتاز كلها سليمه ، لكن تجربتي مع الموقع نفسه سيئه

محتوى مخفي: تجربتي مع الموقع

تاريخ الطلب ٩ june وكل القطع كانت in stock ، بعد اكثر من عشر ايام جاني ايميل ان بعض القطع مو متوفر ولا فيه موعد محدد لتوفرها ، بعد شهر بالضبط جاني ايميل بموعد الشحن ورابط تتبع لكن بدون موعد محدد للتسليم ، استلمتها قبل امس
خدمة العملاء مايتجاوبون نهائيا معك

عموما الcase هو اكثر قطعه مرهقه بسالفة الشحن ، وللمقارنه سعرها بالرياض ٦٥٠ ريال ، شف اذا يسوى تشتريها من برا او لا

ما يطلع عندي خيار الشحن المباشر لأغلب القطع حقتي اذا موب كلها، وصراحة ما قد جربته فما ادري وش وضعه بالضبط.

وبالنسبة للكيسيز بالرياض هل فيه محل معين يبيع كيسز معروفة غير الـ S Elite؟ اذا ايه ياليت تدلني ولو يكون فيه رقم أفضل وأفضل.

 

[polo422]

ما يطلع عندي خيار الشحن المباشر لأغلب القطع حقتي اذا موب كلها، وصراحة ما قد جربته فما ادري وش وضعه بالضبط.

وبالنسبة للكيسيز بالرياض هل فيه محل معين يبيع كيسز معروفة غير الـ S Elite؟ اذا ايه ياليت تدلني ولو يكون فيه رقم أفضل وأفضل.

تو جربت واغلب القطع المتوفره تشحن مباشر باسعار رخيصه جدا

على العموم هذا رقم غازي 0534595499 هم الموزع لمنتجات nzxt على كلامه ، والمحل نفسه في شركات كثيره لكن اشكالها خشنه مرا
مكانه سوق الكمبيوتر بشارع العليا

 

[ASWD]

ما يطلع عندي خيار الشحن المباشر لأغلب القطع حقتي اذا موب كلها، وصراحة ما قد جربته فما ادري وش وضعه بالضبط.

وبالنسبة للكيسيز بالرياض هل فيه محل معين يبيع كيسز معروفة غير الـ S Elite؟ اذا ايه ياليت تدلني ولو يكون فيه رقم أفضل وأفضل.

خل عنوان الشحن الرئيسي حقك مال السعودية عشان تعرف السلع المؤهلة للشحن المباشر.بيفك لك ازمااات

 

[إبراهيم 906]

جرب new egg ترى صار يشحن للسعودية أو b&h

 

[Solay]

تو جربت واغلب القطع المتوفره تشحن مباشر باسعار رخيصه جدا

على العموم هذا رقم غازي 0534595499 هم الموزع لمنتجات nzxt على كلامه ، والمحل نفسه في شركات كثيره لكن اشكالها خشنه مرا
مكانه سوق الكمبيوتر بشارع العليا

صح طلع اني ما حطيت عنواني السعودي هو الرئيسي. شكرا يوسف عالتنبيه.

بس أسعار الشحن لبعض القطع خيالية، أعتقد أفضل طريقة أجمع كل القطع بشحنه وحدة من امازون انفسهم والا؟ هل يمديني اسوي هالحركة على جميع المنتجات اللي تدعم الانترناشونال شيبينج؟ وهل فيه أمل أعرف كم السعر الكلي للشحن اللي بيطلع لي؟ أخاف يطلع السعر دبل سعر شحن وورلد شيب لأني انا برايم فالشحن لـورلد شيب أصلا مجاني.

 

[Solay]

بالنسبة للكيس شكرا جزيلا يا @Ahmad-001

مهتم جدا بهدوء الصوت والحرارة فأعتقد أني ابكنسل خيار الإليت، اللي طحت عليه حاليا هو:

Fractal Design Define C

أحد عنده أي معلومة عنه؟

 

[إبراهيم 906]

بالنسبة للكيس شكرا جزيلا يا @Ahmad-001

مهتم جدا بهدوء الصوت والحرارة فأعتقد أني ابكنسل خيار الإليت، اللي طحت عليه حاليا هو:

Fractal Design Define C

أحد عنده أي معلومة عنه؟

فراكتل لا يعلى عليه ابدا في الهدوء من واقع تجربة لكن الأشكال فيه أنه ثقيل في الغالب هم يستخدمون حديد للبدي ويلبس من جوا عشان يعزل الصوت
انا جربت fractal design define xl
بس انا انصحك nzxt أسهل لك في التركيب وإدارة الأسلاك وأنيق أكثر لو تهتم

 

[ASWD]

صح طلع اني ما حطيت عنواني السعودي هو الرئيسي. شكرا يوسف عالتنبيه.

بس أسعار الشحن لبعض القطع خيالية، أعتقد أفضل طريقة أجمع كل القطع بشحنه وحدة من امازون انفسهم والا؟ هل يمديني اسوي هالحركة على جميع المنتجات اللي تدعم الانترناشونال شيبينج؟ وهل فيه أمل أعرف كم السعر الكلي للشحن اللي بيطلع لي؟ أخاف يطلع السعر دبل سعر شحن وورلد شيب لأني انا برايم فالشحن لـورلد شيب أصلا مجاني.

نعم تقدر تشوف تكلفة الشحن والتكلفة الكلية قبل ما تعتمد الاوردر

جمع الاغراض اللي تبغاها في السلة بعد ماتخلص تغط التشيك أوت كالمعتاد وتختار سرعة الشحن الخ وتضرب كونتينيو وبيطلع لك كم التكلفة بالتفصيل وشوف هل يناسبك اولا.اذا ناسبك اضغط بليس اوردر اذا لا أغلق الصفحة وخلاص

 

[Solay]

نعم تقدر تشوف تكلفة الشحن والتكلفة الكلية قبل ما تعتمد الاوردر

جمع الاغراض اللي تبغاها في السلة بعد ماتخلص تغط التشيك أوت كالمعتاد وتختار سرعة الشحن الخ وتضرب كونتينيو وبيطلع لك كم التكلفة بالتفصيل وشوف هل يناسبك اولا.اذا ناسبك اضغط بليس اوردر اذا لا أغلق الصفحة وخلاص

حلو حلو. الشحن طلع والله ممتاز جدا وهو مجمع.

للي جرب الشحن المباشر @polo422 بتاصلني للبيت؟ واي شركة بتستلم شحنتي؟ لا تقولون سئ الذكر البريد السعودي.