سؤال اسبـاب شـراء Xbox360

[Xeon-Q8]

السـلام عليكم

كيف الحال شباب وشياب ؟؟

انا افكــر جــديا بـشراء جهاز كونسول جـديد مع المعاش الـقادم (10 أيام )
وبما اني امتلك الـسوني3 الريدي .. فـ الإختيار كان بين الـ wii and Xbox360

لكني متــرددا جدا .. يعني اغلب الألعاب موجوده ع السوني .. لكن احس اللعب على
xbox يختلف بعدين اقول ماتسوى .. يعني واقع في دوامه حيـره

فـ قلت ماخـاب من استـشار .. وهذا الشي قادني لمنتدانا العزيز :inlove:
أبي شي يخليني افضل Xbox360 على الويي .. واشتريه اليوم قبل باجر
مميزات اللعب على xbox و حصرياته .. الأونلاين وعالمه :fd3:

الكره في ملعبكم شباب :razz::

 

[Zoda]

تبي العاب كلاسكيه بالفيتشر كنسول خذ وي هذا نقطه قوته تبي جهاز عصري وتحس انه من هذا الجيل خذ اكس بوكس الجهاز يغطي احتياجات اللاعب وزياده العاب اركيد ممتازه وايضا اونلاين قوي وانت تعرف العاب الجهازين على ما اعتقد الوي العبه الزينه تنعد باصابع اليد الوحده بس ممتازه

 

[N2N2]

عندي الجهازين والفروق الواضحه الي اشوفها

تقدر تثبت اللعبه كامله على الهارد ديسك وتقدر تخلي الجهاز يحمل بعد ما يطفى وتقدر تشتري من الموقع و اول ما تشغل الجهاز يبدي التحميل

اونلاين احسن في الشات والبارتي 8 اشخاص في نفس الوقت وما تفرق اذا كنت مشغل لعبه او لا و ما تشيل هم شحن السماعه وتجي مع الجهاز

الانفايت سهل وواضح ونفسه في كل الالعاب بضغطة زر وحده ترسل الانفايت

نظام تحميل العاب الاركد او الستور اسهل و اوضح تنزل اللعبه معها الديمو جاهز اذا بغيت تشتريها كامله تحمل ملف بسيط زياده بس

كنترولر افضل في العاب التصويب و السيارات وسيء في العاب الفايت و كرة القدم

من العيوب بعد اونلاين برسوم سنويه ولازم تكون مشترك عشان تستفيد باكثر المزايا مثل ما تقدر ترسل رساله من موقع XBOX.com اذا كنت مشترك فضي ولا تقدر تدخل بارتي شات

 

[Zoda]

حتى ما اكون مجحف بحق الوي فيه العاب جماعية ممتازه اذا كان عندك اخوان او اصدقاء يلعبون عندك بالبيت العاب مثل سوبر سماش وواريو وير وماريو كارت وبارتي الخ ممكن تقدملك متعه جديده وادمانيه او ما تناسبك يعتمد

 

[Yaz3D]

 

[AS-HI]

مافي فرق سوى الحصريات فشوف الالعاب اللي تعجبك اكثر وخذ جهازها

 

[Xeon-Q8]

تبي العاب كلاسكيه بالفيتشر كنسول خذ وي هذا نقطه قوته تبي جهاز عصري وتحس انه من هذا الجيل خذ اكس بوكس الجهاز يغطي احتياجات اللاعب وزياده العاب اركيد ممتازه وايضا اونلاين قوي وانت تعرف العاب الجهازين على ما اعتقد الوي العبه الزينه تنعد باصابع اليد الوحده بس ممتازه

اذا باخذ جهاز فـ أكيد ابي اشياء جديده .. عصر الكلاسيك بالنسبه لي انتهى
كيف يغطي احتياجاته ؟ مجتمع الأأونلاين كيف ؟ العرب اخلاق مهارات وو ؟

حتى ما اكون مجحف بحق الوي فيه العاب جماعية ممتازه اذا كان عندك اخوان او اصدقاء يلعبون عندك بالبيت العاب مثل سوبر سماش وواريو وير وماريو كارت وبارتي الخ ممكن تقدملك متعه جديده وادمانيه او ما تناسبك يعتمد

حلــوو وممتاز .. ^_^

عندي الجهازين والفروق الواضحه الي اشوفها

تقدر تثبت اللعبه كامله على الهارد ديسك وتقدر تخلي الجهاز يحمل بعد ما يطفى وتقدر تشتري من الموقع و اول ما تشغل الجهاز يبدي التحميل

اونلاين احسن في الشات والبارتي 8 اشخاص في نفس الوقت وما تفرق اذا كنت مشغل لعبه او لا و ما تشيل هم شحن السماعه وتجي مع الجهاز

الانفايت سهل وواضح ونفسه في كل الالعاب بضغطة زر وحده ترسل الانفايت

نظام تحميل العاب الاركد او الستور اسهل و اوضح تنزل اللعبه معها الديمو جاهز اذا بغيت تشتريها كامله تحمل ملف بسيط زياده بس

كنترولر افضل في العاب التصويب و السيارات وسيء في العاب الفايت و كرة القدم

من العيوب بعد اونلاين برسوم سنويه ولازم تكون مشترك عشان تستفيد باكثر المزايا مثل ما تقدر ترسل رساله من موقع XBOX.com اذا كنت مشترك فضي ولا تقدر تدخل بارتي شات

جمــيل جـدا .. متشكرين ^___^

DarkSayno

اذا بلعب هيلو .. لازم ابتدي بالسلسله كـامله ؟ 1و2و3و اودست و اخيرا ريتش ؟

مافي فرق سوى الحصريات فشوف الالعاب اللي تعجبك اكثر وخذ جهازها

شكل الكنترول ؟ شكل الكونسول ؟ الأونلاين ؟؟ كل هذا مو اختلاف وفرق :razz:::razz::

ياليت احد يفيدنا بقائمه حصريات الـصندوق 360

 

[SAUD~F-16]

شوف يا عزيزي انا ابضرب لك مثال بتفسي انا مثلك ماعندي غير البي اس3 وجهاز ال ووي ما افكرفيه (نو اوفنس)):sealed: اما الأكس بوكس ما افكر فيه الا عشان الحصريات وبس مثلا هيلو وفابيل وحجات زي كذا

ويبدولي انك ما رح تشتريه عشان هيلو لاأنك ما قد لعبتها. اقترح انك تشتري العاب واشياء جديدة بدل الجهازين((مجرد اقتراح)) واتمنى اني افدتك

ملاحظة(( ترى حتى حنا عندنا حصريات)):rockon:

 

[Xeon-Q8]

معاك حق .. لكن الألعاب الحاليه على السوني كلها شريتها .. ومابقا بنفسي إلا فانكويش .. ابيها ترخص شوي ناوي اخذها
مستعمل .. واما باقي الألعاب عندي .. الكولكشن الألعاب اكثر من 20 لعبه .. وكان العدد اكبر .. لكن صرفتها

تعرف الواحد اذا نوى على شيء .. يعني انا الفكره براسي لها فتره .. تروح وترد .. قلت ماكو إلا اشتري الصندوق360 هاليومين

حصريات السوني جميله ورائعه مثل(MGS) و (GT) .. وللصندوق حصرياته اللي تشدني مثل (GoW) و (Fable) و (Forza)
وللويي مثل سوبر ماريو .. ولعب التنس بالعصا ^_^ ..

 

[Mazinxci]

هذا الرد يكفي والله :rockon: ,

 

[صامد]

اذا مافي مانع يمنعك من اخذ الجهازين لا تتردد.

 

[Painkiller Q8]

منصجك Wii ??? ياعمي اخذ XBOX وعيش حياتك .. هذا اذا ماخليت الPS3 تغبر بعد :laugh::

 

[G7Ga7]

شف قائمة الألعاب الحصرية ونوعها على كل جهاز. اختر الي تعجبك العابه اكثر. سالفة اسلوب التحكم ومدري ايه ما تفرق واجد. الألعاب ألعاب في نهاية اليوم, بعضها ممتع بعضها لا, سواءاً كانت موشن كونترولز أو HD أو مهما كان.

 

[Assassino]

منصجك Wii ??? ياعمي اخذ XBOX وعيش حياتك .. هذا اذا ماخليت الPS3 تغبر بعد :laugh::

الوي مافيه مشاكل، ومبيعات الجهاز جبارة جداً + جهاز عصري ونافس الاكس و البلاي لمدة طويلة وأغلب العابه وعلى راسهم ماريو ماخذه ريتنق عالي من نقاد الالعاب ! مدري ليه حسستني إن الوي جهاز ضغيف بكلامك " منصجك "

المهم - ولا يهونوا الشباب عجبني رد الاخ N2N2 لما ذكر عيوب ومميزات 360 وبحكم إنك مالك للبلايستيشن فماراح يكون فيه ذاك الفرق الشاسع من ناحيه الالعاب بحكم قولك إن اكثر الالعاب ختمتها وماباقي الا فانكويش، المهم اللي ابي أقوله توكل على الله وخذ Wii بس نصيحه إذا إنك ما تلعب جماعي مع اخوانك وأونلاين بتمل، زيد على هذا إذا إنك من النوع اللي يقدر الرسومات فما أنصحك فيه لإن رسومه تقدر تقول مثل PS2 !!

ومازيد على هذا الاقتباس شيء

حتى ما اكون مجحف بحق الوي فيه العاب جماعية ممتازه اذا كان عندك اخوان او اصدقاء يلعبون عندك بالبيت العاب مثل سوبر سماش وواريو وير وماريو كارت وبارتي الخ ممكن تقدملك متعه جديده وادمانيه او ما تناسبك يعتمد

 

[G7Ga7]

الوي مافيه مشاكل، ومبيعات الجهاز جبارة جداً + جهاز عصري ونافس الاكس و البلاي لمدة طويلة وأغلب العابه وعلى راسهم ماريو ماخذه ريتنق عالي من نقاد الالعاب ! مدري ليه حسستني إن الوي جهاز ضغيف بكلامك " منصجك "

ما فيه اتشيفمنتس ولا ألعاب شوترز جينيريك كثيرة

بس نصيحه إذا إنك ما تلعب جماعي مع اخوانك وأونلاين بتمل

أفضل العاب الوي هي العاب السينجل بلاير.

 

[Assassino]

ما فيه اتشيفمنتس ولا ألعاب شوترز جينيريك كثيرة

من ناحية الشوترز أتوقع نسبه 99% كلها ملتي بس اذا بيشتري الجهاز عشان هيلو فهذا شيء ثاني! المهم اللي ابي اوصله إن نسبه %90 من العاب الاكس والبلاي زي بعض والحصريات تنعد على الاصابع !

أفضل العاب الوي هي العاب السينجل بلاير

أتفق معك إن الكفه ترجح لألعاب السينجل بلاير، بس فيه العاب جماعيه روعه على الوي وعلى رأسهم ماريو كارت + ماريو بارتي + سوبر سماش .. إلخ زيد على هذا إن بعض الالعاب مثل نيو سوبر ماريو بروز تلعب 2 + كاريبي + العاب كثير قابله للعد ~

 

[Painkiller Q8]

الي اقصده .. ان الاكس بوكس راح يكون اختيار افضل من الوي بكثير

يعني كافي انه الجهاز الاول في الاونلاين ومستقبله افضل خصوصا مع الكينكت الي ماقام احد يلعب وي من بعده .. يعني جهاز قوي بــ جرافكس - اونلاين - موشن(كينكت) - العاب بعدد هائل - خدمات لانهائيه في الاونلاين - نظام فعال كميديا سنتر - سعر ... الخ

يعني ماتقولي شنو السبب الي يخليك تاخذ Wii على الــXbox ?

 

[G7Ga7]

يعني ماتقولي شنو السبب الي يخليك تاخذ Wii على الــXbox ?

الألعاب.
ما فيه شيء اسمه الجهاز الفلاني ألعابه أفضل. المسألة مسألة ذوق شخصي وترجع لتفضيل الشخص. صاحب الموضوع ممكن مكتفي بأنواع الالعاب الموجودة على الاكس بوكس, لأن عنده بي اس 3, ويبي نوع العاب مختلف.

ولول @ محد يلعب وي للحين. الجهاز له أربع سنوات (خمس؟) والاسبوع الماضي بايع حول النص مليون وحدة. لكن بصراحة أتفق معاك بخصوص الأونلاين والخدمات الثانية. الوي جهاز ألعاب ممتاز, لكن الخدمات الثانية الي يقدمها كلها زبالة.

 

[M.D.L]

 

[G7Ga7]

^ وين المشكلة ذي انحلت من سنتين الحين.

 

[Painkiller Q8]

جحجاح الظاهر بندش بنقاش حامي لول

لا خلاص مو ناقصين . خل الرجال ياخذ الي يبيه .. الله ماكثر المواقع يقرأ براحته احسن

وابو الشباب ابو ردلايت ... وين عايش ان المشكله انحلة من 2009 -__-

 

[M.D.L]

^
لووول أثري انحليت و انا مدري :laugh::

 

[G7Ga7]

جحجاح الظاهر بندش بنقاش حامي لول

لا خلاص مو ناقصين . خل الرجال ياخذ الي يبيه .. الله ماكثر المواقع يقرأ براحته احسن

وابو الشباب ابو ردلايت ... وين عايش ان المشكله انحلة من 2009 -__-

أي نقاش عن إختلاف آراء شخصية = مضيعة وقت.
في نهاية الموضوع, لا أنا ولا انت ولا أي احد بيعرف الخيار الأفضل لصاحب الموضوع. هو يشوف ألعاب الجهازين ويختار الي يناسبه.

 

[Painkiller Q8]

^
اي انحلت .. اجهزه الجاسبر ماتعرف شيء اسمه RROD .. والاجهزه الجديده السلم خلاص مافيها اي مشاكل

يالله توكل على الله واخذ اكس بوكس :smug:

 

[AS-HI]

اذا على الكنترول اجل اشترلك موف ولا تتخسر تشتري الوي بس تبقى الالعاب هي الاهم ولا عشر يدات تحكم مختلفة بتغير متعه اللعب اصلا
بس انت ارس لك على بر اول شي لو تحب الدم والقتل والذبح والشوتر والاف بي اس اخذلك اكس بوكس لو تحب العاب مرحة ومسلية وترفه عن النفس خذلك وي

الفرق اللي بينهم أن الوي العابه زي الطفلوية مع هذا هي ليست موجهه للاطفال فقط بل لكل الفئات العمرية وهي مسلية كثير مشاء الله
اما الاكس بوكس فماراح ياخذك بعيد عن البلايستيشن العابه متشابه بس باسماء مختلفة ماراح تحصلها على البلايستيشن

اذا تبي العاب الوي عندك القائمة التالية
سوبر سماش
ماد ورلد
رسدنت افل دارك سايدرز كرونكلز
ماريو جالاكسي وعدة العاب ثانية له
سونك كلرز ( متعه خاصة )
ريميكات رسدنت افل
وبالطبع ملكة الفانز زيلدا

اما عن حصريات الاكس بوكس فهي متشابهه مثل ماقلت لك

لفت فور ديد 1-2
جيرز اوف وار 1-2-3
هيلو 3-اودست-ريتش-وارز
فيبل 2-3
ماس افكت 1-2 حتى سنة 2011
كراك داون
فورزا 3 ( يقلون ماهي بمستوى GT5 لكن اللي اعرفه انها منافسة لها زي ماسمعت )
والعاب نسيتها والله بس هذي تعتبر افضلها

ومهما صار لاتراجع المواقع الاجنبية في المراجعات افتح اليوتيوب واحكم بنفسك

 

[Youssef90]

رأي أن الأكس بوكس والبلاستيشن نفس النوعية من الألعاب مهب فارقه كثير معك اذا شريت اكس بوكس نفس الشيء اللهم الحصريات مثل HALO

عشان كذا اقولك اشتر Wii وعيش نوع ثاني من الالعاب، ماريو والعاب البلاتفورم الخووووووووووووووووووووووورااااااااااااااااااااااافيييييييييييييييه منت بلاقيها على البلاستيشن والاكس بوكس

يعني بلاستيشن 3 وWii تحس جهازين يختلفون عن بعض كلياً بنوعية الألعاب اما الأكس بوكس والبلاستيشن، ما شوف فرق في نوعية الألعاب

وهذا الي انا سويته شريت Wii وPS3 واعيش مع كل جهاز تجربة لعب مختلفة عن الثانية

 

[SAUD~F-16]

تعرف الواحد اذا نوى على شيء .. يعني انا الفكره براسي لها فتره .. تروح وترد .. قلت ماكو إلا اشتري الصندوق360 هاليومين

^
^
اجل سو الي براسك يرجال ولا يهمك شي لان الواحد اذا دخلت فكرة براسه ما يرتاح الا اذا سواه

بالتوفيق انشاءلله

 

[NES]

الأمر وما فيه ميولك الشخصي والحصريات وفي نظري العاب الـ 3 متشابهه مع الـ 360 في أسلوبها ما فيه فرق كبير فـ خذ لك Wii , وفي النهاية أنصحك تجرب الجهازين قبل لا تشتري.

 

[Jonas]

الاكس بوكس ما عليه حصريات تسوى غير هيلو

 

[slifer dragon]

دام عندك PS3 من قبل فأنصحك بالWii .. الXbox 360 لو أخذته وعندك PS3 أو العكس بيقدمون لك تجربة قريبة من بعض وأكثر الألعاب متشابهة وتقريباً بس كم من خدمة وكم من لعبة طرف أول الفرق ..
فلو تبي حاجة ثانية غير عن الي عندك خذ Wii ( هذا لو ما همك الأون لاين والخدمات )
لأنه الألعاب على الWii من نوع ثاني , لو مشتاق للبلاتفورمر , فالWii جنة هالنوع !
هالسنة لحالها سوبر ماريو جالاكسي 2 ودونكي كونج وكيربي وسونيك وميكي والعام نزلت سوبر ماريو بروس وي وعندك كثير غيرها .. وألعاب مثل زيلدا وميترويد ما تتفوت لو متحمس للألغاز والأتموسفير المختلف .. وغيرها سماش الرهيبة وماريو كارت الي بكل أمانة من أكثر الألعاب الي إستمتعت فيها هالجيل !
( سوبر سماش لا تشتريها إلا لو عندك أخو تلعب معه ) ..
+ عندك الفيرتشوال كونسول تجرب فيه ألعاب قديمة فاتتك للأجهزة القديمة ( أقسم بالله إن الخدمة كنز ! )

بس لو تبي نفس تجربة الPS3 بخدمات شوي مختلفة وأون لاين وهالحاجات فالWii ما يصلح لك وخذ Xbox 360 ..

عني كافي انه الجهاز الاول في الاونلاين ومستقبله افضل خصوصا مع الكينكت الي ماقام احد يلعب وي من بعده

لما أشوف ألعاب تدعم الكنيكت تقرب من مستوى ريد ستيل 2 أو نو مور هيروز بس ( لاحظ جبت ألعاب مستواها وسط على الWii ) , ذاك الوقت بأصدق جملتك هذه :laugh::
أنا معك الإكس بشكل عام يحتوي ألعاب أكثر , بس لو أنا عندي PS3 بس وبأشتري حاجة ثانية , وش هو له أشتري الXbox 360 ؟
كلها كم من لعبة تنعد على الأصابع الي مو ممكن أشوف مثلها على الPS3 .. والعكس أيضاً ..