اذا في لعبة المفروض تنمنع فهي AC2

[Super Shadow]

^الغلط على مسؤول الطفل لأنه المفروض مايلعب هاللعبة .

و أزيد على ذلك في ناس كبار عندنا لين الحين شايفين الألعاب الفيديو للأطفال فقط لا غير و يشترون حق أطفالهم و ما يدرون عن حاجة اسمها ( التصنيف العمري في الألعاب )

 

[Rockman]

لول صار لي سنة باحاول احط رد لكن المنتدى مدري شفيه هاليومين !
عموما

يعني طيب انمنعت اساسن كريد طيب وبعدين
ترى في الاول والاخير احنا مسلمين وما اعتقد في واحد بينا ممكن لعبة او فيلم تأثر فيه
انا العب اللعبة للمتعة وفي الاول والاخير هذه مجرد خرافات تبقى في اللعبة ولا احد رح يصدقها مكبرين الموضوع زيادة عن اللزوم

اوكي خل نقول انت ما شاء الله ولله الحمد إيمانك قوي مع اني معارضك بكلامك جملة وتفصيلا
لكن وش ذنب الباقي ؟ ترى مو كل الناس نفس ايمانك برايك لو واحد مسكين او طفل لعب اللعبة " لا تجيبون سالفة التقييم العمري عندنا بالخليج صفر على الشمال هذة المواضيع "
وتأثير فيها ؟ شنو نقول له مشكلتك انه ايمانك ضعيف ؟
معلش حدث العاقل بما يعقل
وترى مو شرط اطفال ترى فيه ناس اعمارهم فوق ال20 وايمانهم مثل بيت من ورق نفخة يطيح فليش بالاساس نجيب شيئ يأثر عليه بدال ما نحافظ عليه ؟
وانا حصلت لي تجربة شخصيا مع ناس متأثرين بخرابيط الغرب وسوالفهم عشان ما تقعد تقول لي مكبرين الموضوع حبتين !
وبعدين انا برايي هما المغروض يمنعون بايونيتا ودارك سايدرز لأسباب مشابهة حقت اساسن كريد
يعن مهي واقفة على اساسن بالذات
واخ NyX
اللعبة تبقى لعبة ؟
والله ما فهمنا لكم
يوم الناس العاديين يقولون الفيديو جيمز للأطفال
انتوا عصبتوا وقلتوا لأ الفيديو جيمز مش للأطفال وفيه للكبار وتقاييم عمرية ولازم ما نخلي الاطفال يلعبون اللعبة ...الخ
ويوم جات على الدين
صارت اللعبة ...مجرد لعبة ؟
وهما اعيد واكرر
الرقابة الذاتية على الألعاب من الاهل صفر على الشمال
فليش ما نقطع الحبل من اساسه ونمنع اللعبة وكان الله غفورا رحيما !
ما ابي اجزم لكن لو كانت لعبة عادية مالها اسم او صيت كان سويتوا هيصة وبيصة
زي هذة اللي ما تنذكر واللي تسكر الموضوع حقها
بس لأنها لعبة مشهورة وانت تحب اللعبة قمتوا تبرروا لها ولأنفسكم
طبعا ما اقصد احد بعينه عشان ما يحد يكلمني ويقول لي تتوجه بشخصانية او اي حاجة
اخ جوناس
ممكن تتفضل علي وتقول لي شنو الخط الاحمر عندك بالدين ؟
لأن شايف انه ما شاء الله الدائرة الخضراء عندك واااااااااسعة بشكل مرعب جدا

 

[Nintendo]

اممم المفروض هاذي الامور كانت تنقال مع صدور اللعبة مش بعدها بشهور (بعد مالناس اشتهرتها وختمتها والمشكلة ماشفت اي شخص تكلم عن اللعبه بهذا المنظور).

صحيح اننا لو راح ندقق بالالعاب راح نلفى اشياء كثيره غلط, ولكن الاسائه المباشرة لرب العالمين او اي نبي او صحابي هاذي لايمكن التغاضي عنها سواءا بلعبة او غيره, هاذي ثوابت لايمكن المساس بها ونحنا مش مثل الناس اللي باعوا دينهم وخلوه تجاره ويتفاخروا بذا الشئ بالنكت وغيره.

عموما حاليا مانقدر نقول غير جزاك الله خير اخي كاتب الموضوع للتوضيح لكل شخص يفكر باللعبه. فيه اشياء ماتسوى انه الواحد يكسب اثام عليها واعتقد الالعاب من ضمن الاولويات لتفاهتها.

ماودي اتوسع بالموضوع اكثر ولكن حتى سالفة التقييم العمري!! لول اقنعوا الناس حاليا انه حتى لو اللعبه اباحيه خلاص عليها تقييم عمري وطالما انت كبير تقدر تلعبها بدون مشاكل!!

 

[The Legend]

طيب مافيه صورة ولا فيديو؟
لاني كنت ناوي اشتريها اليوم فـ إحتمال ابطّل <_<

 

[Oldsnake]

انت تلعب بالعاب تحمل افكااار ومعتقدات تسيء للاسلام والانبياء وهذا في حد ذاته الحاد وكفر واي واحد يتابع هالشي من باب الهوايه مع علمه بهالشي بيقع في المحظور والشبهات


والرسول صلى الله عليه وسلم قال اجتنبوا الشبهااات

اخوي ما تحس انه كلمة كفر والحاد كبيرة شوية وصعب ترميها على الماشي وتروح بعدها

 

[X-SRI-X]

كان لي نية اشتريها بهالفترة
لكن بعد الي قلته .. انسى

والاخوان الي يدافعون عن اللعبة ويقولون ما تاثر او الاسلام ما يأثر
اسمح لي
لما واحد قدام عيونك يمسك القرآن ويرميها بعيد للمتعة
بتقوله : واو رميتك رهيبة ... برافو
؟؟
ما اعتقد

 

[Emirates]

اخوي ما تحس انه كلمة كفر والحاد كبيرة شوية وصعب ترميها على الماشي وتروح بعدها

ركز زين في كلامي
قلت لعبه تحمل ركز اللعبه اللي تحمل معتقدات تسيء للاسلام وللانبياء تعتبر كفر والحاد

بعدين قلت اي واحد بيلعب هالالعاب بيقع في المحظور اي في الشبهات ...

واسشهدت بقول النبي صلى الله عليه وسلم .. اجتنبوا الشبهات

وصلت ؟

 

[D-black]

لان بعد 3 شهور جيت أخوي مع كل إحترام
ناس ختمهتا و نستها جيت تسوي هدره كل واحد علقه في راسه
أنا من شريت العبه و عارف العبه كلها فكر ماسوني و متعتدها شيطاني
لكن ما أسرثت فيني
واحد يلعب العبه ياخذ شئ زين و يترك شئ بشع
وكل عارف دين الإسلام هو صح
وجة نظهر

 

[Nyx]

أول الشي أنا أعتبرها أكثر لعبة أوفرريتد هالجيل , فلحد يجيقول تدافع عنها .
ثاني شي مو تبغون ألعاب ميتشور وواقعيه ؟ أبشرو بالهخرابيط والخمبقة .
أنا ألعب عشان أتسلى مو أتثقف , بالنسبة لدعم الشركة فماني قاعد أدعم أحد غير نينتندو P:
بالنسبة لرؤية المجتمع للجيمز فهذا آخر همي .

 

[Rockman]

اخ Nyx
انا سألت الرجال عشان انصحه واعلمه خطأه يعني اكيد عنده خط احمر ما يرضى فيه عن دينه وانا ابي اوسع هذا الخط واوضحه له
وانا ما سألته انت تصلي ولا لأ او انت مسلم او لأ عشان تقول لي الشيئ بينه وبين ربه ومالك شغل ؟
اذا الانسان كل ما فكر قال هذا بينه وبين ربه اجل ليه الانسان ينصح ؟ ويذكر ؟ كل يقول يلا هذا بينه وبين ربه احنا مالنا شغل
عموما انا تحفظي بردك على كلمة " مالك شغل " اللي احسها مالها داعي ... عموما حصل خير واذا اخ جوناس حاسس اني غلطت عليه فانا اسف واعتذر منه

 

[Nyx]

كلامك صحيح الصراحه ...
راح أعدل ردي .

 

[Khalid]

خلاص يعني شكلنا بعد كم شهر راح نبطل لعب .. الحين بعد كم يوم يجي واحد يقول انه بايونيتا و GOW3 و لعبه و و ... انهم فيهم اساءه .. اقدر اجيبلك العاب قديمه كل من خلصها و احط موضوع عنها و اقول انها فيها اساءه .. -_-

 

[Painkiller Q8]

بصراحه شي يعور القلب .. الالعاب صارت متروسه بلاوي ضد الاسلام والجميع ساكت ..
god of war مليانه كفر ...
dante's inferno مليانه كفر ...
assassins creed مليانه كفر ...
BioShock فيها سوالف بعد ...
Dark Siders فيها سوالف بعد ...

هذي الالعاب مليانه كفر في كفر .. واستغرب من انسان يهاجم لعبه وحده مثلا Dante's ويسوي نفسه مايدري عن البلاوي الي في الالعاب الثانيه .. ويعيش دور لدرجه انه يحتقر الانسان الي لعب دانتي .. والله قمه السذاجه.

وبالنسبه لالعاب اخرى مثل GTA .. Heave Rain ..MassEffect هذي الالعاب فيها مقاطه خليعه .. وبأختيار الشخص انه يروحلها .. هذي الالعاب تهون .. بس القائمه الي فوق .. مشكله !! وبايونيتا غصبن عليك تشوف المناظر .. :confuse:

القائمه الي فوق انا عن نفسي العبهم بس ما اتعمق في الافكار الي تنقال بخصوص الدين .. او احاول اتخيلها على شي غير دين الاسلام والله سبحانه وتعالى !

 

[Nintendo]

شباب الله يخليكم ركزوا شوي, نحنا مانتكلم عن جميع الالعاب لانه كل الالعاب راح نحصل فيها شئ (تعرفوا كيف الواحد يقدر يدقق ويعمل من الحبه قبه).

ولكن نتكلم عن الالعاب اللي فيها اسائة مباشرة للاسلام وربنا عزوجل, يعني مثل قود اوف وور هاذي لعبة عن الديانه اليونانية وكذا وماعتقد تعرضوا لنا بشئ (احد يصححني اذا كنت غلطان لاني مالعبتها), العاب مثل بايو شوك وغيرها ايضا يمكن فيها اشياء تمس نفس المسألة ولكن ماتعرضوا للدين الاسلامي بشئ وهنا الفرق.

اتمنى الصورة تكون واضحه للجميع..

 

[Zero]

يا عمي الواحد صار يقدم متعته و الترفيه على دينه و معتقداته .. ياما العاب فيها اهانات كبيره بس الناس تطنش و تدعس على معتقداتها و قيمها عشان لعبة تافهه

رد فيصل واضح جدا، ياخي من جد .. خصوصا الأشياء اللي فيها "إساءة مباشرة"، تعرف شيء يسيء مباشرة خلاص اتركه وعلى العموم اللعبة كنسلتها نهائيا لأن فيها هالسوالف.

 

[Kaze]

شكرا ً ... اثرت فضولي :fd3:
غرضي من لعب اللعبة معرفت الاحداث و الاستمتاع بالـ gameplay .
حاليا ً أحس نفسي محتاج اني أقرأ هذه المخطوطات من اجل فائدتي الشخصية و ارضاء فضولي.
ما كنت متوقع أن مثل هذي اللعبة ممكن تحوي مثل هل المواضيع الدقيقة في أحد اتفه الامور الي عملت لها طاف اثناء اللعب وهي المخطوطات.

 

[pacino]

الي مقاطع AC2 و مو مقاطع God of war .عيب عليه يتكمل بمقاطعه AC...عيب عيب عيب..
حتى لو مو لاعب اللعبة بمجرد قرائة اسمها كفيل بمقاطعتها (لاحظ اني ما اتكلم عن مضمون اللعبة لاني ما لعبتها ) "إلاه الحرب".لاننا نؤمن بالوحدانية و لا اله الا الله.
لحد يجي ويقول لي احنا ندري وهذا مجرد اسم!.فمثل الي يدعون بمقاطعة AC2 تجنباً لمبدأ التأثير بالقيم واختلاف شدة التأثير من شخص لآخر ...فمجرد اسم لعبة Gow يندرج تحت هذي الدعوه..

 

[nbnt]

دخلت هنا عشان اكتب رد واحد فقط..

عشان اشرح وجهة نظري خليني امثله بتخيل:

انت في احد الاماكن قاعد تقرا القرآن, جاء "مهرج" اخذ منك القرآن وقطع اوراقه وصار يلعب فيهم امامك ويرميهم يمين ويسار عشان "يسليك"

بعد الاستعراض الحلو هذا انت تدفع له مبلغ وقدره, لأنه كان يسليك فقط وانت مركز على جانب التسليه, ونسيت انه قاعد يهين الكتاب المقدس؟

هل اهانته للقرآن غيرت دينك او مفهومك؟ اكيد لا, هل انت رضيت عن اهانته وتغاضيت عنها لحساب التسليه؟ اكيد نعم, المثال هذا للناس اللي ماتتأثر من قوة الدين عندهم ماشاء الله, لكن اكيد لها أثرها على "الصغار" او حتى اللي عقولهم عقول صغار..

اما الناس اللي تدخل العاب ثانيه, يمكن تكون مبنيه على قصص واساطير تافهه, يعني بمعنى آخر خيال, لكن لما تقول عيسى ابن مريم اكبر مخادع انت هنا قاعد تتكلم عن نبي, ونفس الكلام ينطبق لما تحرف وتغير في حقائق مثل آدم وحواء او صلاح الدين في دانتي فلوب

بس يالله, كلامي وكلامك وكلام كم شخص ماراح يغير من قناعة البعض, لأن التسليه اهم شي.