اخيرا ال ps4 سولد اوت في بعض متاجر التجزئه

[lighting]

اخيرا الps4 سولد اوت في بعض المتاجر الرئيسيه حسب موقع dualshockers
المصدر http://www.dualshockers.com/2014/02...lers-second-shipment-already-coming-tomorrow/

 

[hussien-11]

توقعت له 300 ألف جهاز في اليابان، همممم ... شكله ما رح يجيبهم ؟ ننتظر تقرير ميديا كريت و نشوف
لكن أكيد و بكل الأحوال الانطلاقة بتكون أفضل من انطلاقة البلاي3 المُخزية.

 

[lighting]

توقعت له 300 ألف جهاز في اليابان، همممم ... شكله ما رح يجيبهم ؟ ننتظر تقرير ميديا كريت و نشوف
لكن أكيد و بكل الأحوال الانطلاقة بتكون أفضل من انطلاقة البلاي3 المُخزية.

بعض التقارير تقول ما نرفع توقعاتنا

 

[Nasser]

سوق الكونسولز ميت في اليابان كما لم يكن من قبل. لو جاب الـ 300 ألف فتعتبر انجاز كبير.

 

[Veeto]

500k - HOLY F**K
 400k - outstanding
 350k - good
 300k - average
 250k - mediocre
 200k - bad
 150k - extremely worrying
 <150k - RIP

اعتقد هالتوصيف مناسب لوضعية اللانش .. انا كنت حاط رقم اكثر من 400 الف .. شكلي كنت متفائل بزيادة :::sweat_smile:

اللي بالازرق .. الجهاز متوفر الباقي كلهم سولد اوت - ما يعني شي بس مجرد زيادة للتكهنات -

ويمكن سوني اغرقت السوق بالشحنات - واحد يفرح روحه :satisfied: -

 

[Sir Guts]

اليابانيين مو وجه كونسول. عطوهم اجهزة محمولة.

 

[Suzuki Yu]

اليابانيين مو وجه كونسول. عطوهم اجهزة محمولة.

سحقا لهم.

 

[Veeto]

اليابانيين مو وجه كونسول. عطوهم اجهزة محمولة.

حتى المحمول يعاني الصناعة هناك متوجهة بشكل سريع نحو التلفونات الذكية.. زمن عجيب.. ايام البلاي 1 كانت اليابان متفوقة وباشواط عن البقية لدرجة ان المنافسة تكاد تكون شبه معدومة.. الحين صار العكس !

 

[Nema]

هو الجهاز مافيه عليه شي يستاهل عشان يبيع لو كانت المبيعات سيئه ماراح تكون مفاجئه
اعتقد الاجهزه الذكيه مو بس تاثر على المحمول حتى على الكونسول في المدى البعيد مو بس في اليابان
اشوف الاطفال يمسكوا الايباد ويلعبوا العاب مجانيه ماتصور انهم بيتحولوا لاعبين كونسول في المستقبل
حتى لو الجهاز ماباع ارقام كبيره لو مبيعات الالعاب ارقام جيده بتشوف المطورين يطوروا وماعندهم مشكله لانه مبيعات الهاردوير تهم سوني اكثر من الطرف الثالث
هدف سوني تقريبا بيكون انهم يحولوا لاعبين ps3 الى ps4 وهالشي ما راح يتحقق بالعاب مثل ناك و كيلزون

 

[king zell]

ما في جهاز تعدى 400 ألف في أسبوع الإصدار الا PS2

1998.11.27 [Sega Dreamcast] (¥29.800) - 101.490 (3 days)
2000.03.04 [Sony PlayStation 2] (¥39.800) - 630.552 (2 days)
2001.09.14 [Nintendo GameCube] (¥25.000) - 133.719 (3 days)
2002.02.22 [Microsoft XBox] (¥34.800) - 123.929 (3 days)
2005.12.10 [Microsoft XBox 360] (¥29.000 / ¥39.795) - 62.135 (2 days)
2006.11.11 [Sony PlayStation 3] (¥49.980 / ¥59.980) - 88.443 (2 days)
2006.12.02 [Nintendo Wii] (¥25.000) - 371.936 (2 days)
2012.12.08 [Nintendo Wii U] (¥26.250 / ¥31.500) - 308.570 (2 days)

أعتقد حتى لو PS4 جاب 200 ألف أو حولها بتكون منطقية بحكم إننا مش بموسم أعياد

 

[Sir Guts]

سحقا لهم.

امممم ساركازم؟

حتى المحمول يعاني الصناعة هناك متوجهة بشكل سريع نحو التلفونات الذكية.. زمن عجيب.. ايام البلاي 1 كانت اليابان متفوقة وباشواط عن البقية لدرجة ان المنافسة تكاد تكون شبه معدومة.. الحين صار العكس !

من جد ياخي شي غريب! اول كان عندهم الكونسول مقدّس اما الحين، الجوالات.....

 

[The Doctor]

بأخذ بالاعتبار ضعف اللاين أب... حتى Hot Shots Golf/Tennis مو نازلة معاه... و ضعف سوق الكونسولز بشكل عام في اليابان، فبيكون شي ممتاز جداً لو يجيب أو يعدي 200 ألف
شخصياً أتوقع شي ما بين 150 إلى 180 ألف.

المشكلة إن بكل الأحوال، المطورين اليابانيين بيظلوا خايفين ينتقلوا للجيل الجديد، مع إن التطوير على المعمارية أسهل و أرخص و يقدروا يسووا ألعاب ديجتال بميزانيات متوسطة، لأن اليابانيين أنفسهم ما شروا الجهاز بدال ما يشوفوا نجاحه حول العالم
يعني مقبلين على جيل آخر من خيبة المطور الياباني.

 

[X I I I]

اليابانين ناس صاروا يحبوا التنقل و خصوصاً إنهم شعب محب للآربيجي و ألعاب الـDating
عشان كذا بعد ما عرفوا الـDS و PSP و الجوالات إلخ .. أنتقلوا إليها و صاروا يلعبوا ألعاب سهل الواحد يدمن عليها
مثل مونستر هنتر و بوكيمون و فف إلخ .. تلقاهم هناك رايحين و راجعين من الدوام قاعدين يلعبوا
عشان كذا الكونسول ما صار موضع اهتمامهم

على عكس الغرب .. إلي نادراً ما تشوف أحد بالشارع يلعب بالمحمول
تلقاهم ما يلعبوا إلا بالكونسول بالبيت

 

[Nema]

اليابانين ناس صاروا يحبوا التنقل و خصوصاً إنهم شعب محب للآربيجي و ألعاب الـDating
عشان كذا بعد ما عرفوا الـDS و PSP و الجوالات إلخ .. أنتقلوا إليها و صاروا يلعبوا ألعاب سهل الواحد يدمن عليها
مثل مونستر هنتر و بوكيمون و فف إلخ .. تلقاهم هناك رايحين و راجعين من الدوام قاعدين يلعبوا
عشان كذا الكونسول ما صار موضع اهتمامهم

على عكس الغرب .. إلي نادراً ما تشوف أحد بالشارع يلعب بالمحمول
تلقاهم ما يلعبوا إلا بالكونسول بالبيت

المحمول موجود قبل ps1 كيف ماعرفوا المحمول الا مع ds و psp
والمحمول يبيع بشكل جيد في الغرب عندك ارقام المبيعات روح شوفهم بس طبعا اثر عليه سوق الاجهزه لذكيه
اكثر 100 لعبه من 2001 ل 2013 مافيها ولا لعبة Dating بس في فئات تحب هالنوع وكثير العاب موجوده على pc بس ما اعتقد مبيعاتهم ارقام كبيره
فيه لوف بلس جديده جايه بس اللي قبلها اظن كان فيها مشاكل ممكن تاثر عليها بس اشوف مبيعاتها حاله خاصه

 

[The Doctor]

المحمول موجود قبل ps1 كيف ماعرفوا المحمول الا مع ds و psp

إنتقال السوق الياباني بشكل شبه كامل للمحمول و تركهم للكونسولز صار مع الDS و الPSP...

 

[Nema]

إنتقال السوق الياباني بشكل شبه كامل للمحمول و تركهم للكونسولز صار مع الDS و الPSP...

المقصد من كلامي انه كان المحمول موجود ولا قتل الكونسول اللي معاه
بس مشاكل جيل hd و ps3 هي اللي قتلت سوق الكونسول وكان مافي حل قدام المطورين الصغار الا المحمول تطوير غالي ومبيعات ضعيفه على الكونسول
حتى الناشرين الكبار قل new ip اللي يسووه ولو نجح يحلبوه اما مشاكل كونسول نينتندو فهي ممتده من اجيال ضعف الطرف الثالث وغيره

 

[DaRcK]

500k - HOLY F**K
 400k - outstanding
 350k - good
 300k - average
 250k - mediocre
 200k - bad
 150k - extremely worrying
 <150k - RIP

اعتقد هالتوصيف مناسب لوضعية اللانش .. انا كنت حاط رقم اكثر من 400 الف .. شكلي كنت متفائل بزيادة :::sweat_smile:

اللي بالازرق .. الجهاز متوفر الباقي كلهم سولد اوت - ما يعني شي بس مجرد زيادة للتكهنات -

ويمكن سوني اغرقت السوق بالشحنات - واحد يفرح روحه :satisfied: -

المشكلة انه رقم الشحنات مصدرها شخص من جاف... مافي اي تصريح حقيقي من سوني في الموضوع هذا..... عشان كذا خلي شوية امال و لول قليله

 

[Suzuki Yu]

امممم ساركازم؟..

لا من جد...
تبا لهم!

هم اللي وصلوا السوق لشكله الحالي.
حتى الاركيد جيمنج ما سلم وصار فيه توجهات غبية ترضي موجة التخلف اللي هناك.

 

[ZIBIT]

الظاهر ماحد ناجح في اليابان الا شركة ابل بسبب الاجهزة الذكية و هي ليها كم سنة المركز الاول هناك و بالراحة (و هذا في حد ذاته درس لمايكروسوفت "الامريكية" الي ليها عقدين مو عارفة تخترق السوق الياباني).

قد يكون تأجيل اطلاقه في بلده الام سبب في عدم اقبال اليابانيين عليه بالشكل الي تصورناه وبالتالي تكدس في المحال و قد يكون اللاين اب وقد يكون فعلاً سوق الكونسول لن يتعافى هناك مرة اخرى زي ماصار في بقية الدول الي اُطلق فيها الPS4 و لكن حتى الآن سوني ما صرحت بشي رسمي فننتظر و نشوف...

 

[D1rk-Knight]

~322 ألف جهاز بلايستيشن4 تم بيعها في اليابان بالأسبوع الأول~

وأخيرا نحصل على أرقام مبيعات جهاز سوني المنزلي الجديد البلايستيشن4 مع صدوره بالأسواق اليابانية، 322 ألف وحدة من الجهاز تم بيعها خلال أول يومين من صدور الجهاز وهي أرقام مبيعات الأسبوع الأول كما جرت العادة مع الإصدارات الجديدة.
للمقارنة فقط فجهاز الـWii U تمكن من بيع 308 ألف وحدة خلال أول يومين بوقت صدوره بشهر ديسمبر الماضي مع الأخذ بالحسبان أن الـWii U صدر بموسم أعياد وليس بشهر فبراير، للمقارنة مع أجهزة سوني الماضية فالبلايستيشن2 تمكن من بيع 630 ألف وحدة خلال أول يومين و البلايستيشن3 تمكن من بيع 88 ألف وحدة خلال نفس الفترة.

من الموقع.

نقول رقم ممتاز لجهاز ما عليه ألعاب كثيرة تناسب السوق المطروح فيه ونتعشم تعافي ولو بسيط لسوق الكونسولز الياباني؟

 

[Nasser]

واو. رقم ممتاز جداً نظراً لسوق الكونسول في اليابان حالياً !

 

[SAUD~F-16]

واو والله رقم غير متوقع. متأكدين. اليابان هذا ولا أيش؟ الجهاز ماعليه عناوين كبيرة! إن شاء الله يتحمس المطورين ويبدأ تحركهم نحو الجهاز.
--
كيف الحال مصطفى؟ 150 الف&

 

[Unknown]

شكلي كنت الوحيد الي متوقع مثل هالرقم .. سوني ما اقول الا برافو :v:
جهاز مو بالـholydays ولا العاب ملائمه جاب رقم اعتبره ممتاز بالوضع الحالي