FANTASTIC DREAM
sugar man, colors to my dreams
بس هذا افتراض من عندك، يمكن العب لعبة اونلاين واحدة فعلا طول هالسنة، يمكن دافعي للاشتراك هو اللعبة الواحدة ذي، هنا المعضلة، مسالة انه واحد ينوي يلعب اونلاين مع صاحبه وفجاة يتفاجا او يتذكر انه ما عنده اشتراك بلس هي مسالة شائعة جدا
"بس هذا افتراض من عندك، يمكن ادفع ٧٠ دولار في اللعبة و العبها ساعتين و اطشها، ممكن ما العب اونلاين، ممكن و ممكن."
ااستعمالك الشخصي للخدمة او المنتج و النطاق اللي تستعملها فيه، ما يعني ان السعر غير مبرر. إذا استعمالك فقط الأونلاين، ادفع عشر دولار للاشتراك في الشهور اللي تلعب فيها، او ادفع ال٨٠ دولار.
و على فكرة تقدر تشترك مع حساب اخوك لو هو مشترك و مقتدر و بكذا ما تحتاج تدفع حتى
بشكل عام، ما فيه احد يمشي بهذ المنهج في التفكير حقك لما يشتري و يدفع على اي شيء في الحياة، اذا تشترك في نتفلكس كل شهر و تتابع مسلسل في السنة.. المفترض ما تشترك كل شهر في نتفلكس. القيمة موجودة للي يبغى يحصل عليها، و الشيء اللي مالو قيمة لك لا تأخذه او تشتريه.
سعر اللعبة وسعر السيزون باس ذول حق اللعبة، بس برضو فوقهم ٨٠ اعتباطية -ولسنة وحدة- عشان العب اللعبة ذي اصلا، هذي ١٨٠ اعتباطية كذا راحت، بدل سعر لعبة ونص صار سعر ثلاث العاب
لاحظ، انت ايش تسوي عموما في هذا الموضوع و ايش انا برضو اسوي و ايش نسوي البشر عموما لما نقول هذه الجمل
اللي انت تسويه هنا انك نظرت لعدد من الحقائق، و جاك رد فعل شعوري لما فكرت فيها، هو صحيح انت تدفع ٨٠ دولار لتدخل الأونلاين، لكن انت برضو عندك اشمئزاز من هذه الفكرة او الحقائق. عندك رفض لفكرة انك تشتري باس للأونلاين. تعتبره جشع استغلال.
احنا لازم يكون عندنا قوانين نقدر نحكم فيها اذا الفعل استغلالي و غلط، او فقط بنخلي المشاعر تحكم اذا التسليع لمنتج معين (باس الأونلاين) غلط.... و تركه للمشاعر و الرغبة في الدفع من عدمها يخلي الحكم مستحيل، لان الأشخاص بيختلفوا في كيف يستقبلوا شعوريا سعر معين.
نفس الشيء لما تترك الحكم على التسعير او التسليع (بيع منتج معين) على المقدرة، كثير ناس ممن ما يقدروا يدفعوا عشر دولار في اشتراك الثلاث أشهر حتى، هل هذا يعني ان التسعيرة غلط؟ كثير ناس ما يقدروا يدفعوا ١٨٠ دولار على سيزون باس و لعبة و اشتراك هل هذا يعني التسعيرة غلط؟ كل سعر بتحطه في ناس ما يقدروا عليه، ما تقدر تحكم.
انت ايضا جبت نقطه شراء باكج من الأشياء مع بعض، السيزون باس و اللعبة و الاشتراك السنوي، هذا برضو صعب تحكم منه لان انا ممكن اشتري ثلاث العاب مع بعض او باكجات مختلفة من الأشياء (السوبرماركت) و يطلع المبلغ الكلي عالي، ايش يخلي اي سعر منهم هو الغلط او الاستغلالي؟ ممكن سعر السيزون باس استغلالي، ممكن كون فيه سيزون باس هو استغلالي، ايش بالضبط تقدر تحدد من انك تذكر المبلغ الكلي باكجات معينة؟ و لا شيء، السعر الكلي للباكج ما يقول حكم عن أي وحدة منهم.. عادي تحكم ان كل وحده تسعيرهم غلط.
١. خلافا، الحكم من خلال القيمة مقابل السعر يوفر نظرة موضوعية أكثر لايش الصح و ايش الغلط، ٨٠ دولار هي قريب جدا من سعر لعبة وحدة و تدفعه سنويا، في مقابل مئات الساعات في الأونلاين و عشرات الالعاب المجانية اللي تنزل شهريا.
٢.حتى مع كون الاستعمال الشخصي للخدمة صعب يحدد اذا السعر سيء، لسا لو قلنا انك ما تهتم بالاونلاين، ممكن فقط تشترك في الأشهر اللي تنزل فيها الالعاب المجانية اللي تحبها و هم يرسلونها اخبار شهريا.
٣. لسا لو قلنا إذا كنت تلعب لعبة اونلاين وحدة لسنوات و عندك صديق يلعب نفس اللعبة، واحد منهم فقط كافي يشترك و الثاني يستفيد. و هذا الخيار موفرين لك.
٤. لسا لو قلنا إذا بتلعب اونلاين قليل، اشترك في الاشهر اللي تقدر عليها.
٥. لسا لو قلنا إذا فجأة طلع انك تحتاج اشتراك و انت ما عندك، تقدر تدفع عشر دولار لشهر واحد و من ثم تنتظر يجي عندك فلوس تكفى في آخر الشهر للاشتراك السنوي اذا تبغى.
٦. لسا لو قلنا اذا عندك لعبك مجانية وحدة تبغاها، تقدر تاخذ حساب شخص آخر صديق لك أو اخوك و تلعب اللعبة من حسابهم و لما تخلصها قفل الحساب.
النظام حتى يسوي اللي يقدر عليه حتى يختزل استعمالات شخصية مختلفة للخدمة.
بكمل في رد قادم
التعديل الأخير: